Connect with us

More

മദ്യനയം: സര്‍ക്കാറിന് ജനകീയ വിചാരണ നേരിടേണ്ടിവരുമെന്ന് ടി.എ അഹമ്മദ് കബീര്‍

Published

on

തിരുവനന്തപുരം: മദ്യലഭ്യത വര്‍ധിപ്പിക്കുന്ന പുതിയ മദ്യനയം നടപ്പാക്കിയതിന് ഇടതുമുന്നണി സര്‍ക്കാര്‍ വലിയവില നല്‍കേണ്ടിവരുമെന്ന് ടി.എ അഹമ്മദ് കബീര്‍ നിയമസഭയില്‍ പറഞ്ഞു. മദ്യശാലകള്‍ക്ക് മേല്‍ തദ്ദേശസ്വയംഭരണ സ്ഥാപനങ്ങള്‍ക്കുള്ള അധികാരം എടുത്തുകളയാന്‍ വ്യവസ്ഥ ചെയ്യുന്ന കേരള മുന്‍സിപ്പിലാറ്റി ഭേദഗതി ബില്ലിനെ എതിര്‍ത്ത് സംസാരിക്കുകയായിരുന്നു അദ്ദേഹം. ഇടതുസര്‍ക്കാറിന്റെ നീക്കം നിര്‍ഭാഗ്യകരവും ജനങ്ങളോടും സ്ത്രീകളോടുമുള്ള വെല്ലുവിളിയുമാണ്. യുവാക്കള്‍ മദ്യത്തിന് അടിമപ്പെട്ട് ജീവിച്ചാലും തങ്ങള്‍ക്ക് പ്രശ്‌നമില്ലെന്നാണ് സര്‍ക്കാര്‍ കരുതുന്നത്. മലയാളികള്‍ സര്‍ക്കാറിന്റെ ഈ ഭേദഗതി നീക്കത്തെ തള്ളിക്കളയും. ജനകീയ കോടതി സര്‍ക്കാറിനെ വിചാരണ ചെയ്യുന്ന സ്ഥിതിവരും. വരുന്ന ലോക്‌സഭാ തെരഞ്ഞെടുപ്പില്‍ ഈ വിഷയം യു.ഡി.എഫ് ജനങ്ങള്‍ക്ക് മുന്നില്‍ ഉയര്‍ത്തിപ്പിടിക്കും. ജനകീയ പ്രക്ഷോഭമായി ഇക്കാര്യം യു.ഡി.എഫ് ഏറ്റെടുക്കുമെന്നും അഹമ്മദ് കബീര്‍ പറഞ്ഞു.
മദ്യമൊഴുക്കാന്‍വേണ്ടി പ്രാദേശിക ഭരണകൂടങ്ങളുടെ അധികാരം കവരുന്ന സര്‍ക്കാറിന്റെ നടപടി നിര്‍ഭാഗ്യകരമാണ്. നിയമസഭയില്‍ തങ്ങള്‍ക്ക് ഭൂരിപക്ഷമുണ്ടെന്നും അതുകൊണ്ട് എന്തും ചെയ്യാമെന്നുമുള്ള വെല്ലുവിളിയാണ് സര്‍ക്കാര്‍ നടത്തുന്നത് – കബീര്‍ കുറ്റപ്പെടുത്തി.

Continue Reading
Advertisement
Click to comment

Leave a Reply

Your email address will not be published. Required fields are marked *

crime

പതിനൊന്നുകാരിയുടെ ദൃശ്യം മൊബൈല്‍ പകര്‍ത്താന്‍ ശ്രമിച്ചയാള്‍ പിടിയില്‍

പെണ്‍കുട്ടി കുളിക്കുന്ന ദൃശ്യം മൊബൈല്‍ ഫോണില്‍ എടുക്കുന്നതിനിടെ, ഇത് കണ്ട കുട്ടി ബഹളം വെക്കുകയും തുടര്‍ന്ന് നാട്ടുകാര്‍ ഇയാളുടെ ഫോണ്‍ സഹിതം പിടികൂടി പൊലീസില്‍ ഏല്‍പ്പിക്കുകയുമായിരുന്നു

Published

on

പതിനൊന്നുകാരിയുടെ സ്വകാര്യ ദൃശ്യം പകര്‍ത്താന്‍ ശ്രമിച്ചയാള്‍ പിടിയില്‍. കാര്‍ത്തികപ്പള്ളി സ്വദേശി അനിലിനെയാണ്(34) തൃക്കുന്നപ്പുഴ പൊലീസ് അറസ്റ്റ് ചെയ്തത്. പെണ്‍കുട്ടി കുളിക്കുന്ന ദൃശ്യം മൊബൈല്‍ ഫോണില്‍ എടുക്കുന്നതിനിടെ, ഇത് കണ്ട കുട്ടി ബഹളം വെക്കുകയും തുടര്‍ന്ന് നാട്ടുകാര്‍ ഇയാളുടെ ഫോണ്‍ സഹിതം പിടികൂടി പൊലീസില്‍ ഏല്‍പ്പിക്കുകയുമായിരുന്നു.
.

Continue Reading

Health

തുര്‍ക്കി സിറിയ ഭൂകമ്പം; മരണസംഖ്യ 500 കടന്നു

നിയും നിരവധിപേര്‍ പല തകര്‍ന്ന കെട്ടിടങ്ങളിലുമായി അകപ്പെട്ട് കിടക്കുന്നുണ്ടെന്നാണ് വിവരം

Published

on

തുര്‍ക്കി ഭൂചലനത്തില്‍ മരണപ്പെട്ടവരുടെ എണ്ണം 500 കടന്നതായി പുതിയ റിപ്പോര്‍ട്ട്. ഇനിയും നിരവധിപേര്‍ പല തകര്‍ന്ന കെട്ടിടങ്ങളിലുമായി അകപ്പെട്ട് കിടക്കുന്നുണ്ടെന്നാണ് വിവരം. മരണസംഖ്യ ഇനിയും ഉയര്‍ന്നേക്കും. റിക്ടര്‍ സ്‌കെയിലില്‍ 7.8 തീവ്രത രേഖപ്പെടുത്തിയ ഭൂചലനമാണ് തെക്ക് കിഴക്കന്‍ തുര്‍ക്കിയില്‍ അനുഭവപ്പെട്ടത്. 15 മിനിറ്റിനുശേഷം റിക്ടര്‍ സ്‌കെയിലില്‍ 6.7 രേഖപ്പെടുത്തിയ തുടര്‍ചലനവും അനുഭവപ്പെട്ടു. തുര്‍ക്കിയില്‍ 284 പേരും സിറിയയില്‍ 237 പേരും മരിച്ചതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

Continue Reading

crime

അസ്സമില്‍ 91 കോടി രൂപ വിലവരുന്ന തിമിംഗല വിസര്‍ജ്യം(ആംബര്‍ഗ്രീസ്) പിടികൂടി

11.56 കിലോഗ്രാം തൂക്കം വരുന്ന ആംബര്‍ഗ്രീസ് പിടിച്ചത്

Published

on

അസ്സമിലെ ഗുവാഹത്തിയില്‍ അനധികൃതമായി കടത്താന്‍ ശ്രമിച്ച തിമിംഗല വിസര്‍ജ്യം പിടികൂടി. അന്താരാഷ്ട്ര വിപണിയില്‍ ഏകദേശം 91 കോടി രൂപയോളം ഇതിന് വിലമതിപ്പുള്ള ആംബര്‍ഗ്രീസാണ് പിടിച്ചെടുത്തതെന്ന് ഉദ്യോഗസ്ഥര്‍ പറഞ്ഞു. കഴിഞ്ഞ ദിവസം ഗുവാഹത്തി കസ്റ്റംസ് ഡിവിഷന്‍ സംഘമാണ് ഗുവാഹത്തിയില്‍ നിന്ന് 11.56 കിലോഗ്രാം തൂക്കം വരുന്ന ആംബര്‍ഗ്രീസ് പിടിച്ചത്.

മാലിദ്വീപ്, ചൈന, ജപ്പാന്‍, ഇന്ത്യ, ദക്ഷിണാഫ്രിക്ക, ബ്രസീല്‍, മഡഗാസ്‌കര്‍, ആസ്ട്രലിയ, ന്യൂസിലന്‍ഡ്, എന്നീ രാജ്യങ്ങളിലെ കടല്‍ത്തീരങ്ങളിലാണ് സാധാരണയായി ആംബര്‍ഗ്രീസ് കാണാറുള്ളതെന്ന് ഡയറക്‌റേറ്റ് ഓഫ് റവന്യൂ ഇന്റലിജെന്‍സ് റിപ്പോര്‍ട്ടില്‍ പറയുന്നു.

Continue Reading

Trending