ന്യൂഡല്‍ഹി: തെരഞ്ഞെടുപ്പിന്റെ പശ്ചാതലത്തില്‍ ആം ആദ്മി പാര്‍ട്ടി എം.എല്‍.എമാരെ ബി.ജെ.പി പണം കൊടുത്തു സ്വാധീനിക്കാന്‍ ശ്രമിച്ചുവെന്ന് ഡല്‍ഹി മുഖ്യമന്ത്രി അരവിന്ദ് കെജ്രിവാള്‍. തങ്ങളുടെ എം.എല്‍എമാര്‍ക്ക് 10 കോടി രൂപ വാഗ്ദാനം ചെയ്തുവെന്നും കെജ്രിവാള്‍ പറഞ്ഞു.

എം.എല്‍എമാര്‍ക്ക് 10 കോടി രൂപ വാഗ്ദാനം ചെയ്ത് പണം കൊടുത്തു സ്വാധീനാക്കാനുള്ള ശ്രമം നടത്തി. ഡല്‍ഹി സര്‍ക്കാറിന്റെ പ്രവര്‍ത്തനം തടസ്സപ്പെടുത്താനാണ് കേന്ദ്ര സര്‍ക്കാര്‍ ശ്രമിക്കുന്നത്. ജനാധിപത്യത്തെ തന്നെ അട്ടിമറിക്കുകയാണ് ബി.ജെ.പി ചെയ്യുന്നതെന്നും കെജ്‌രിവാള്‍ പറഞ്ഞു.

തെരഞ്ഞെടുപ്പ് കഴിയുന്നതോടെ 40 തൃണമൂല്‍ എം.എല്‍.എമാര്‍ പാര്‍ട്ടി വിടുമെന്ന മോദിയുടെ അവകാശവാദത്തിന് പിന്നാലെയാണ് കെജ്‌രിവാളിന്റെ ആരോപണം. ഇതിനെതിരെ മമതയും അഖിലേഷ് യാദവും രംഗത്തെത്തിയിരുന്നു. തുടര്‍ന്നാണ് കെജ്രാവിളിന്റെ ഗുരുതരമായ ആരോപണം പുറത്തുവരുന്നത്. അതേസമയം, ആരോപണം തള്ളി ബി.ജെ.പി രംഗത്തെത്തിയിട്ടുണ്ട്.