Video Stories
അവര്ണന് കര്ണന്
ജസ്റ്റിസ് ചിന്നസ്വാമി സ്വാമിനാഥന് കര്ണന് എന്ന ന്യായാധിപന് ഇന്ത്യയിലെ പരമോന്നത നീതിന്യായ പീഠത്തിന് മുമ്പില് നില്ക്കുകയാണ് നീതിക്ക് വേണ്ടി, കോടതിയലക്ഷ്യ നടപടികള് നേരിട്ടുകൊണ്ട്. സംഗതി ചില്ലറയല്ല. കോടതിക്ക് മുമ്പും സി.എസ് കര്ണന് എന്ന ജഡ്ജ് തലവേദന ഉണ്ടാക്കിയിട്ടുണ്ടെങ്കിലും ഇപ്പോഴദ്ദേഹം കോടതിയലക്ഷ്യ നടപടികളെ നേരിടേണ്ടിവന്നത് അഴിമതിക്കാരായ 20 ന്യായാധിപന്മാരുടെ പേരുകള് പ്രധാനമന്ത്രിക്ക് രേഖാമൂലം നല്കിയതിനാണ്. കര്ണന് എഴുതി നല്കിയ പേരുകാര് അഴിമതിക്കാരാണോ എന്ന് വ്യക്തമല്ല, എന്നാല് ഇതേ കാര്യം പലരായി ബഹുജന സമക്ഷം അറിയിച്ചിട്ടുണ്ട്. മുതിര്ന്ന അഭിഭാഷകനായ പ്രശാന്ത് ഭൂഷണ് ഏതാണ്ട് ഇതേ കാര്യത്തിന് സുപ്രീംകോടതിയുടെ നടപടികളെ അഭിമുഖീകരിക്കുകയാണ്.
ജസ്റ്റിസ് കര്ണന്റേത് ഭ്രാന്തന് നടപടികളെന്നാണ് മുതിര്ന്ന അഭിഭാഷകന് ജത്മലാനിയുടെ പക്ഷം. അതേസമയം ദലിതന് ഏത് തലത്തിലും അവഗണന നേരിടേണ്ടിവരുന്നുവെന്ന് ഉന്നത രംഗത്തുള്ളവര് തന്നെ സാക്ഷ്യപ്പെടുത്തുകയും ചെയ്യുന്നു. 2009 മാര്ച്ച് 30നാണ് ഹൈക്കോടതി ജഡ്ജ് ആയി സി.എസ് കര്ണന് നിയമിതനാകുന്നത്. അന്നുമുതല് കര്ണനുമായി ബന്ധപ്പെട്ട് വാര്ത്തകള് സംഭവിക്കുന്നു. ഇന്ന് കര്ണന്റെ വിമര്ശനത്തിന് ആധാരമായ രണ്ടു കാര്യങ്ങളാണ് അന്നു ഇദ്ദേഹത്തെ ഈ പദവിയിലേക്ക് ഉയര്ത്തിയത്. ജഡ്ജിമാരെ തെരഞ്ഞെടുക്കുന്ന കൊളീജിയത്തില് ജസ്റ്റിസ് ഗാംഗുലിയുടെ ശിപാര്ശ പ്രകാരമായിരുന്നു സി.എസ് കര്ണന് വന്നത്. ദലിതനായ ഒരാള് കൂടി ഉന്നത ന്യായാധിപരായി ഉണ്ടാകട്ടെ എന്ന താല്പര്യം അന്നുണ്ടായെന്ന് ഗാംഗുലി വിശദീകരിച്ചിട്ടുണ്ട്. ന്യായാസനങ്ങള് ദലിതനായതിന്റെ പേരില് തന്നെ പീഡിപ്പിക്കുകയും അവഗണിക്കുകയും ചെയ്യുന്നുവെന്നാണല്ലോ കര്ണന്റെ പരാതി.
1955 ജൂണ് 12 തമിഴ്നാട്ടിലെ കുടല്ലൂര് ജില്ലയില് ചിന്നസ്വാമിയുടെയും കമലമ്മാളിന്റെയും മകനായി ജനിച്ച കര്ണന്റെ പ്രാഥമിക വിദ്യാഭ്യാസം പ്രദേശത്തെ മംഗലംപേട്ട് സ്കൂളിലായിരുന്നു. ബിരുദ പഠനം ചെന്നൈ ന്യൂകോളജിലും നിയമ ബിരുദ പഠനം മദ്രാസ് ലോ കോളജിലുമായിരുന്നു. 1983ല് അഭിഭാഷകനായി ജോലിയില് പ്രവേശിച്ചു. സിവില് കേസുകളായിരുന്നു കര്ണന് കൈകാര്യം ചെയ്തത്. വിവിധ സ്ഥാപനങ്ങളുടെ നിയമോപദേശകനായി പ്രവര്ത്തിച്ച അദ്ദേഹം കേന്ദ്ര സര്ക്കാറിന്റെ സ്റ്റാന്റിങ് കോണ്സലായും സേവനം ചെയ്തു.
മദ്രാസ് ഹൈക്കോടതിയില് ന്യായാധിപനായിരുന്ന എട്ടു വര്ഷം സംഭവബഹുലമായിരുന്നു. അവിടെനിന്ന് കൊല്ക്കത്തയിലേക്ക് സ്ഥലം മാറ്റിയതും വാര്ത്തയായി. 2011 നവംബറില് അദ്ദേഹം ദേശീയ പട്ടിക ജാതി/ പട്ടിക വര്ഗ കമ്മീഷനു മുന്നില് പരാതിയുമായെത്തി. ദലിതനായതിന്റെ പേരില് സഹ ജഡ്ജുമാര് തന്നെ പീഡിപ്പിക്കുന്നുവെന്നായിരുന്നു പരാതി. ജോലി വിഭജനം നടത്തുമ്പോള് പ്രധാനപ്പെട്ടതൊന്നും തനിക്ക് തരുന്നില്ല. ഒരു വിവാഹച്ചടങ്ങില് വെച്ച് സഹജഡ്ജുമാരിലൊരാള് മനപ്പൂര്വം കാലുകൊണ്ടു തട്ടിയെന്നുവരെ പരാതിയിലുണ്ടായിരുന്നു. അന്നത്തെ കമ്മീഷന് പരാതി സുപ്രീംകോടതി ചീഫ് ജസ്റ്റിസിന് കൈമാറി. അദ്ദേഹമാകട്ടെ നടപടിയൊന്നുമെടുത്തില്ല. 2014 ജനുവരിയില് ജഡ്ജുമാരെ നിയമിച്ചതിനെച്ചൊല്ലിയുള്ള ഒരു പൊതു താല്പര്യ ഹരജിയില് ഡിവിഷന് ബെഞ്ച് വാദം കേള്ക്കെ കോടതിമുറിയിലേക്ക് കടന്നുവന്ന്, ജഡ്ജുമാരെ നിയമിക്കുന്ന രീതി ശരിയല്ലെന്ന് പരസ്യമായി പറഞ്ഞു. ഈ സംഭവമാണ് എത്രയും വേഗം ജസ്റ്റിസ് കര്ണനെ മാറ്റണമെന്ന് മദ്രാസ് ചീഫ് ജസ്റ്റിസ് ആര്.കെ അഗര്വാള് സുപ്രീംകോടതിക്ക് കത്തയക്കാനിടയാക്കിയത്. കര്ണന്റെ പെരുമാറ്റത്തെ സുപ്രീംകോടതി ശക്തമായ ഭാഷയില് അപലപിച്ചു. അമാന്യമായ നടപടിയെന്ന് വിശേഷിപ്പിച്ചു. സഹപ്രവര്ത്തകരുമായി യോജിച്ചുപോകുന്നില്ലെന്നും അനാവശ്യ ബഹളമുണ്ടാക്കുകയാണെന്നും പറഞ്ഞ അഗര്വാള് ഒന്നുകൂടി വ്യക്തമാക്കി. കര്ണനെ സ്ഥലം മാറ്റാന് കഴിയില്ലെങ്കില് എന്നെ മാറ്റിയേക്കുകയെന്ന്. ഇതിനിടയില് സഹ ജഡ്ജ് ഓഫീസ് ഗുമസ്തയായ വനിതയെ ലൈംഗികമായി പീഡിപ്പിച്ചുവെന്ന് സാമൂഹ്യമാധ്യമങ്ങളില് പ്രചരിപ്പിച്ചു. ഈ സംഭവത്തില് ജസ്റ്റിസ് മണികുമാറിന്റെ ഭാര്യ ബേല രാജകുമാരി സുപ്രീംകോടതി ചീഫ് ജസ്റ്റിസിന് പരാതി നല്കി. തെറ്റായ പ്രചാരണം നടത്തി കുടുംബത്തെ അപമാനിച്ചുവെന്നും മകളോട് മോശമായി സംസാരിച്ചുവെന്നുമായിരുന്നു ബേല രാജകുമാരിയുടെ പരാതി.
കര്ണനെ മദ്രാസ് ഹൈക്കോടതിയില് നിന്ന് കൊല്ക്കത്ത ഹൈക്കോടതിയിലേക്ക് സ്ഥലം മാറ്റി ഉത്തരവായി. ഈ ഉത്തരവ് ജസ്റ്റിസ് കര്ണന് തന്നെ സ്റ്റേ ചെയ്തു. സുപ്രീംകോടതി ബെഞ്ചാണ് ഈ സ്റ്റേ നീക്കി കൊല്ക്കത്തക്ക് അയച്ചത്. സ്റ്റേ ഉത്തരവിനെ പിന്നീട് കര്ണന് തള്ളിക്കളഞ്ഞു. മാനസികമായ പ്രയാസത്തിനിടയില് സംഭവിച്ചതെന്നായിരുന്നു വിശദീകരണം. കൊല്ക്കത്തയില് പ്രവര്ത്തിച്ചുവരുമ്പോഴാണ് അഴിമതിക്കത്തും നടപടികളും. സ്ഥാനമൊഴിഞ്ഞ ശേഷവും താമസസ്ഥലവും ഫയലുകളും വിട്ടുകൊടുക്കാത്തതിനാല് അതും പരാതിയായി.
ജാതി വ്യവസ്ഥ പ്രത്യക്ഷദൃഷ്ടിയില് നിന്ന് മാഞ്ഞതല്ലാതെ ജാതി അസ്തമിച്ചെന്ന് ആരും കരുതില്ല. ദലിതന് ഇരുന്ന കസേരയില് ശുദ്ധികലശം നടത്തിയാണ് സവര്ണ ഉദ്യോഗസ്ഥര് ഇരിക്കുന്നത്. മന്ത്രിമാരുടെ കാര്യത്തിലും ഇത് സംഭവിച്ചിട്ടുണ്ട്. കേന്ദ്ര മന്ത്രിയും പ്രമുഖ കോണ്ഗ്രസ് നേതാവുമായ ബാബു ജഗ്ജീവന് റാമിന് പോലും ഇത്തരം അനുഭവം ഉണ്ടായി. ഏറ്റവും ഒടുവില് സുപ്രീംകോടതിയോടും പടയ്ക്കൊരുങ്ങിത്തന്നെയാണ് കര്ണന് നില്ക്കുന്നത്. തന്നെ ജോലിയില് നിന്ന് മാറ്റിയ ഏഴ് ജഡ്ജിമാര്ക്കു നേരെയും അന്വേഷണത്തിന് നിര്ദേശം നല്കിയ അദ്ദേഹം സുപ്രീംകോടതിയെ പോലും സമ്മര്ദത്തിലാക്കി. കര്ണാവതാരം.
Film
‘ജയിലര്2’ന്റെ സെറ്റിലേക്ക് ‘പറന്ന്’ മോഹന്ലാല്
‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ്..
ജയിലര്2 ന്റെ ഷൂട്ടിങ് ലോക്കെഷനിലേക്ക് ‘പറന്ന്’ മോഹന്ലാല്. ‘ദൃശ്യം 3’യുടെ ഷൂട്ട് കഴിഞ്ഞയുടനാണ് താരം ‘ജയിലര്2’ന്റെ സെറ്റിലേക്ക് പോയത്. മോഹന്ലാലിന്റെ പേഴ്സനല് കോസ്റ്റ്യൂം ഡിസൈനറായ ജിഷാദ് ഷംസുദ്ദീനാണ് ഫ്ലൈറ്റില് നിന്നുള്ള ചിത്രം പങ്കുവച്ചു. മോഹന്ലാലിനൊപ്പം ഫ്ലൈറ്റില് സഞ്ചരിക്കുന്ന ചിത്രം ‘ഓഫ് ടു ജെ2’ എന്ന അടിക്കുറിപ്പോടെയാണ് ജിഷാദ് പങ്കുവച്ചത്.
ഇന്നലെയാണ് ‘ദൃശ്യം 3’ സിനിമയുടെ മോഹന്ലാലിന്റെ ഷെഡ്യൂള് പാക്കപ്പ് ആയ വിവരം പങ്കുവച്ചുകൊണ്ടുള്ള വിഡിയോ അണിയറ പ്രവര്ത്തകര് പങ്കുവച്ചത്. ഇതിന് ശേഷമാണ് ജിഷാദ് ഫ്ലൈറ്റില് നിന്നുള്ള ചിത്രം പങ്കുവയ്ക്കുന്നത്.
‘ജയിലര്’ സിനിമയില് ശ്രദ്ധേയമായ മോഹന്ലാലിന്റെ കോസ്റ്റ്യൂം ഡിസൈന് ചെയ്തത് ജിഷാദ് ഷംസുദ്ദീന് ആണ്. ചിത്രം സമൂഹമാധ്യമങ്ങളില് വൈറലായതോടെ ആരാധകരും ആവേശത്തിലാണ്. ‘ജയിലര് 2’ സിനിമയിലും ലാലേട്ടന്റെ കോസ്റ്റ്യൂം ‘കത്തണം’ എന്നാണ് ആരാധകര് ആവശ്യപ്പെടുന്നത്. മാത്യുവിന്റെ രണ്ടാമത്തെ വരവിനായി കാത്തിരിക്കുന്നു എന്നും ആരാധകര് കുറക്കുന്നു.
Film
ദി റൈഡിന്റെ’ ട്രെയിലര് പുറത്തിറക്കി; വെള്ളിയാഴ്ച തിയറ്ററുകളില്
ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര്..
ഒരു കാര്യാത്രക്കിടയില് എടുക്കുന്ന ഒരു കുറുക്കുവഴി ഒരു കൂട്ടം ആളുകളുടെ ജീവിതം മാറ്റിമറിക്കുന്നതാണ് ചിത്രത്തിന്റെ പ്രമേയം. ത്രില്ലര് ജോണറില് കഥപറയുന്ന ‘ദി റൈഡ്’ എന്ന ചിത്രത്തിന്റെ ആകാംഷ ഉണര്ത്തുന്ന ട്രെയിലര് പുറത്തിറങ്ങി. നിവിന് പോളിയാണ് ട്രെയിലര് റിലീസ് ചെയ്തത്. നേരത്തെ പുറത്തിറങ്ങിയ ടീസറിനും മികച്ച സ്വീകരണമായിരുന്നു ലഭിച്ചത്.
ചിത്രം വെള്ളിയാഴ്ച്ച തീയേറ്ററുകളിലെത്താനിരിക്കേയാണ് അണിയറ പ്രവര്ത്തകര് ട്രെയിലര് പുറത്തുവിട്ടത്. തങ്ങള് ചെയ്ത ചില തെറ്റുകള് ഏറ്റുപറയുന്ന ഒരു കാറിലെ യാത്രക്കാരാണ് ട്രെയിലറിന്റെ കേന്ദ്രബിന്ദു. തങ്ങളുടെ പ്രിയപ്പെട്ടവരെപ്പോലും ചതിച്ചതിനെക്കുറിച്ച് അവര് അജ്ഞാതനായ ഒരാളോട് തുറന്നു പറയുന്ന രംഗങ്ങളാണ് ട്രെയിലറില് നിറയുന്നത്.
എന്നാല് ഇതിലേറെയും പറയാനുണ്ടെന്നും ബാക്കി ആര്് പറയുമെന്നുമുള്ള അയാളുടെ ചോദ്യം പ്രേക്ഷകര്ക്ക് കൂടുതല് ആകാംഷ സമ്മാനിക്കുന്ന നിമിഷങ്ങളാണ് സമ്മാനിക്കുന്നത്.
ഡയസ്പോര് എന്റര്ടെയ്ന്മെന്റ് പ്രൊഡക്ഷന്സിന്റെ ബാനറില് ദര്പണ് ത്രിസാല് നിര്മ്മിച്ച് റിതേഷ് മേനോന് സംവിധാനം ചെയ്യുന്ന ചിത്രത്തില് സുധി കോപ്പ, ആന് ശീതള്, മാലാ പാര്വതി, ശ്രീകാന്ത് മുരളി, പ്രശാന്ത് മുരളി, ഗോപിക മഞ്ജുഷ എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
ചിത്രത്തിന്റെ കഥ സുഹാസ് ഷെട്ടിയുടേതാണ്. റിതേഷ് മേനോന്, സുഹാസ് ഷെട്ടി എന്നിവരാണ് നിര്മ്മാതാക്കളും. ഇവര് തന്നെയാണ് ചിത്രത്തിന്റെ തിരക്കഥയും സംഭാഷണവും തയ്യാറാക്കിയിരിക്കുന്നത്. വിജേന്ദര് സിംഗ്, ഹരീഷ് ലഖാനി, ജിതേന്ദ്രയാദവ്, വി.കെ ഫിലിംസ് ആന്റ് എന്റര്ടെയ്ന്മെന്റ് എന്നിവരാണ് ചിത്രത്തിലെ സഹ നിര്മ്മാതാക്കള്.
ക്രിയേറ്റീവ് പ്രൊഡ്യൂസറായി റീന ഒബ്റോയ്, ഹെഡ് ഓഫ് പ്രൊഡക്ഷനായി ശശി ദുബൈ എന്നിവരും പ്രവര്ത്തിക്കുന്നു. ഛായാഗ്രഹണം നിര്വഹിക്കുന്നത് ബാബ തസാദുഖ് ഹുസൈന് ആണ്. ഈ വര്ഷത്തെ മികച്ച എഡിറ്റര്ക്കുള്ള സംസ്ഥാന പുരസ്കാരം കിഷ്കിന്ദകാണ്ഡത്തിലൂടെ നേടിയ സൂരജ് ഇഎസ് ആണ് ചിത്രത്തിന്റെ എഡിറ്റര്.
എക്സിക്യൂട്ടീവ് പ്രൊഡ്യൂസര് വികാശ് ആര്യ, ലൈന് പ്രൊഡക്ഷന് ഒക്ടോബര് സ്കൈ പിക്ചേഴ്സ്, കലാസംവിധാനം കിഷോര് കുമാര്, സംഗീതം നിതീഷ് രാംഭദ്രന്, കോസ്റ്റിയും മേബിള് മൈക്കിള്, മലയാളം അഡാപ്റ്റേഷന് രഞ്ജിത മേനോന്, സൗണ്ട് ഡിസൈന് അരുണ് വര്മ്മ, സൗണ്ട് മിക്സിംഗ് ഡാന് ജോസ്, കളറിസ്റ്റ് ലിജു പ്രഭാകര്, ആക്ഷന് ജാവേദ് കരീം, മേക്കപ്പ് അര്ഷാദ് വര്ക്കല, സൂപ്പര്വൈസിംഗ് പ്രൊഡ്യൂസര് അവൈസ് ഖാന്, ലൈന് പ്രൊഡ്യൂസര് എ.കെ ശിവന്, അഭിലാഷ് ശങ്കരനാരായണന് എന്നിവര് വിവിധ ചുമതലകള് വഹിക്കുന്നു.
പ്രൊഡക്ഷന് കണ്ട്രോളര് ജാവേദ് ചെമ്പ്, പ്രൊഡക്ഷന് മാനേജര് റഫീഖ് ഖാന്, കാസ്റ്റിംഗ് നിതിന് സികെ ചന്ദ്രന്, ചീഫ് അസോസിയേറ്റ് ഡയറക്ടര് വിഷ്ണു രഘുനന്ദന്, ചീഫ് അസോസിയേറ്റ് ക്യാമറാമാന് ജിയോ സെബി മലമേല്, അസോസിയേറ്റ് ഡയറക്ടര് ശരത്കുമാര് കെ.ജി, അഡീഷണല് ഡയലോഗ് ലോപസ് ജോര്ജ്, സ്റ്റില്സ് അജിത് മേനോന്, വിഎഫ്എക്സ് തിങ്ക് വിഎഫ്എക്സ്, അഡീഷണല് പ്രമോ മനീഷ് ജയ്സ്വാള്, പബ്ലിസിറ്റി ഡിസൈന് ആര്ഡി സഗ്ഗു, ടൈറ്റില് ഡിസൈന് ഹസ്തക്യാര, മാര്ക്കറ്റിംഗ് ഏജന്സി മെയിന്ലൈന് മീഡിയ, ഫോര്വേഡ് സ്ലാഷ് മീഡിയ, പിആര്ഒ സതീഷ് എരിയാളത്ത്, മാര്ക്കറ്റിംഗ് കണ്സള്ട്ടന്റ് വര്ഗീസ് ആന്റണി, വിതരണം ഫിയോക്ക് എന്നിവരാണ് ചിത്രത്തിന്റെ പിന്നണി പ്രവര്ത്തകര്.
Video Stories
പുതിയ മാറ്റത്തിനായി മെറ്റ; ഇന്സ്റ്റഗ്രാമില് ഇനി ഒരു പോസ്റ്റിന് മൂന്ന് ടാഗുകള് മാത്രം
ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള്…
കാലിഫോര്ണിയ: ഇന്സ്റ്റഗ്രാം പ്ലാറ്റ്ഫോമില് പുതിയ മാറ്റം പരീക്ഷിക്കാന് ഒരുങ്ങി മെറ്റ. ഒരു പോസ്റ്റിന് മൂന്ന് ഹാഷ്ടാഗുകള് മാത്രം എന്ന പരിധി അവതരിപ്പിനാണ്് മെറ്റ ഉടമസ്ഥതയിലുള്ള കമ്പനി എന്നാണ് റിപ്പോര്ട്ടുകള്. 2011 മുതല് ഇന്സ്റ്റഗ്രാം തുടര്ന്നുവന്നിരുന്ന നിയമത്തില് നിന്നുള്ള മാറ്റമാണിത്. 2011 മുതല് ഇന്സ്റ്റഗ്രാമില് ഉപയോക്കാള് കണ്ടന്റ് കണ്ടെത്തുന്നതിന്റെ ഒരു പ്രധാന രീതിയാണ് ഹാഷ്ടാഗുകള്. ഒരു പോസ്റ്റില് 30 ഹാഷ്ടാഗുകള് വരെ ചേര്ത്തുകൊണ്ട് കണ്ടന്റ് ക്രിയേറ്റേഴ്സിന് അവരുടെ പോസ്റ്റുകളുടെ റീച്ച് വര്ധിപ്പിക്കാമായിരുന്നു.
എന്നാല് ഇപ്പോള് ഒരു പോസ്റ്റില് മൂന്നില് കൂടുതല് ഹാഷ്ടാഗുകള് ചേര്ക്കുമ്പോള് ഒരു എറര് സന്ദേശം കാണുന്നതായി ചില റെഡ്ഡിറ്റ് ഉപയോക്താക്കള് റിപ്പോര്ട്ട് ചെയ്തിട്ടുണ്ട്. എങ്കിലും ഈ ഫീച്ചര് നിലവില് എല്ലാ ഉപയോക്താക്കള്ക്കും ലഭ്യമല്ല. ഇത് സൂചിപ്പിക്കുന്നത് മെറ്റ പരിമിതമായ എണ്ണം ഉപയോക്താക്കളില് ഹാഷ്ടാഗ് നിയന്ത്രണ ഫീച്ചര് ഇത് പരീക്ഷിക്കുന്നുണ്ടെന്നും പിന്നീട് പ്ലാറ്റ്ഫോമില് ഉടനീളം ഇത് നടപ്പിലാക്കും എന്നുമാണ്.
ഈ പരീക്ഷണത്തെക്കുറിച്ച് ഇന്സ്റ്റഗ്രാം ഇതുവരെ ഔദ്യോഗിക പ്രസ്താവനകളൊന്നും പുറത്തിറക്കിയിട്ടില്ല. മുമ്പ് ഘട്ടം ഘട്ടമായി പുറത്തിറക്കിയ നിരവധി ഫീച്ചറുകളെപ്പോലെ, ഈ മാറ്റവും ഒരേ പ്രക്രിയയുടെ ഭാഗമാണ് എന്നാണ് റിപ്പോര്ട്ടുകള്.
എന്നാല് കാലക്രമേണ, ഇന്സ്റ്റഗ്രാമിന്റെ റെക്കമന്ഡേഷന് സംവിധാനം മാറി. ഇപ്പോള്, എക്സ്പ്ലോര് വിഭാഗം ഉള്ളടക്കം, അടിക്കുറിപ്പുകള്, ഉപയോക്തൃ പെരുമാറ്റം എന്നിവയ്ക്ക് മുന്ഗണന നല്കുന്നു. റീച്ച് വര്ധിപ്പിക്കുന്നതില് ഹാഷ്ടാഗുകള് ഇനി അത്ര ഫലപ്രദമല്ലെന്ന് ഇന്സ്റ്റഗ്രാം മേധാവി ആദം മൊസേരി ആവര്ത്തിച്ച് പ്രസ്താവിച്ചിട്ടുണ്ട്. ഹാഷ്ടാഗുകള് ഇപ്പോള് ഉള്ളടക്കത്തെ തരംതിരിക്കുന്നതിനുള്ള ഒരു മാര്ഗമായി മാത്രം മാറിയിരിക്കുന്നു എന്നാണ് അദേഹം പറയുന്നത്.
-
kerala1 day agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala2 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala2 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala2 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
News1 day ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala3 days agoകലൂർ സ്റ്റേഡിയം നവീകരണം; സ്പോൺസർ പൂർത്തിയാക്കിയത് പകുതി ജോലികൾ മാത്രം
-
entertainment2 days agoമലയാള ചെറുചിത്രങ്ങള്ക്ക് ഗള്ഫിലും ദേശീയ തലത്തിലുമായി മാര്ക്കറ്റ് തുറക്കാന് ശ്രമിക്കുന്നു: ദുല്ഖര് സല്മാന്