More
ബംഗളുരു ബസില് കത്തി കാട്ടി കവര്ച്ച

കോഴിക്കോട്: കോഴിക്കോട് നിന്ന് ബംഗളുരുവിലേക്ക് പുറപ്പെട്ട കെ.എസ്.ആര്.ടി.സി ബസില് യാത്രക്കാരെ ആയുധം കാണിച്ച് ഭീഷണിപ്പെടുത്തി കവര്ച്ച. കോഴിക്കോട് നിന്ന് ബംഗളുരുവിലേക്ക് ബുധനാഴ്ച വൈകുന്നേരം ആറുമണിക്ക് പുറപ്പെട്ട സുല്ത്താന് ബത്തേരി ഡിപ്പോയിലെ ആര്.പി.കെ 271 നമ്പര് സൂപ്പര് ഫാസ്റ്റ് ബസില് ഇന്നലെ പുലര്ച്ചെ 2.45ന് ചന്നപട്ടണത്തുവെച്ചാണ് ആക്രമണമുണ്ടായത്. യാത്രക്കാരില് ചിലര് മൂത്രമൊഴിക്കണമെന്ന് ആവശ്യപ്പെട്ടപ്പോള് ബസ് ചെന്നൈപട്ടണത്തിനടുത്തുള്ള പെട്രോള് പമ്പില് വെളിച്ചമുള്ള സ്ഥലത്ത് നിര്ത്തുകയായിരുന്നു. അപ്പോള് രണ്ടുപേര് ബസില് കയറി.
ബംഗളുരുവിലേക്കുള്ള യാത്രക്കാര് എന്ന നിലയിലാണ് ഇവര് കയറിയത്. ബംഗളുരു ബസാണോ എന്ന് അന്വേഷിക്കുകയും ചെയ്തതായി ഡ്രൈവര് ജമാലുദ്ദീന് പറഞ്ഞു. ബസ് പുറപ്പെടുന്നതിന് മുമ്പ് കയറിയവരില് ഒരാള് ഇറങ്ങി. അപ്പോഴേക്ക് മറ്റു രണ്ടുപേര് ബൈക്കില് എത്തി. ഇതില് ഒരാള് കത്തി ബസില് കയറിയ ആള്ക്ക് കൈമാറി. ബസില് കയറിയവര് പിന്നീട് ആക്രോശം മുഴക്കുകയും യാത്രക്കാരോട് പണവും ആഭരണവും ആവശ്യപ്പെടുകയും ചെയ്തു. ഇവര് മുഖം മറച്ച നിലയിലായിരുന്നു. യാത്രക്കാര് ഒന്നും നല്കാന് തയാറാവാതെ വന്നപ്പോള് സംഘത്തിലുള്ള ഒരാള് അഗ്രം വളഞ്ഞ കത്തി ഒരു യാത്രക്കാരന്റെ കഴുത്തില് വെച്ച് ഭീഷണി മുഴക്കി. ഇതോടെ സംഭ്രമജനകമായ അവസ്ഥയായി. ഈയവസരത്തില് ഡ്രൈവര് ബസ് മുന്നോട്ടെടുത്തു. അതോടെ അക്രമികള് ഇറങ്ങിയോടി. അതിനിടയില് സ്ത്രീയാത്രക്കാരില് ഒരാളുടെ രണ്ടര പവന് തൂക്കം വരുന്ന സ്വര്ണമാലയും ഒരു യാത്രക്കാരന്റെ ബാഗും ഇവര് കൈക്കലാക്കിയിരുന്നു. ബാഗില് രണ്ടായിരം രൂപയും രേഖകളുമാണ് ഉണ്ടായിരുന്നത്.
മറ്റൊരു യാത്രക്കാരിയുടെ സ്വര്ണമാല പൊട്ടിച്ചെടുത്തിരുന്നുവെങ്കിലും അത് പിന്നീട് സീറ്റിനടിയില് നിന്ന് കണ്ടെത്തി. വൈത്തിരി സ്വദേശിനിയുടെ സ്വര്ണമാലയാണ് അപഹരിക്കപ്പെട്ടത്. കുറ്റിയാടി സ്വദേശിയുടെ ബാഗും നഷ്ടപ്പെട്ടു. ചന്നപട്ടണം പൊലീസ് സ്റ്റേഷനില് ഡ്രൈവര് പരാതി നല്കി. അതിനുശേഷം ബസ് ബംഗളുരുവില് എത്തിച്ചു. മാണ്ഡ്യയില് നിന്ന് ഉന്നത പൊലീസ് ഉദ്യോഗസ്ഥര് സ്ഥലത്തെത്തി അന്വേഷണം ആരംഭിച്ചു. സംഭവവുമായി ബന്ധപ്പെട്ട് ഏതാനും പേരെ കസ്റ്റഡിയിലെടുത്തതായാണ് സൂചന.
News
കോപ്പികാറ്റുകള്ക്ക് പണമില്ല: ഒരു കോടി ഫേസ്ബുക്ക് അക്കൗണ്ടുകള് നീക്കം ചെയ്ത് മെറ്റ
ഫേസ്ബുക്കും യൂട്യൂബും പോലുള്ള പ്രധാന പ്ലാറ്റ്ഫോമുകള് കര്ശനമായ ഉള്ളടക്ക നയങ്ങള് നടപ്പിലാക്കാനുള്ള ശ്രമങ്ങള് ശക്തമാക്കുന്നതിനാല് ഡിജിറ്റല് ഉള്ളടക്ക സ്രഷ്ടാക്കള് പുതിയ തടസ്സങ്ങള് നേരിടുകയാണ്.

ഫേസ്ബുക്കും യൂട്യൂബും പോലുള്ള പ്രധാന പ്ലാറ്റ്ഫോമുകള് കര്ശനമായ ഉള്ളടക്ക നയങ്ങള് നടപ്പിലാക്കാനുള്ള ശ്രമങ്ങള് ശക്തമാക്കുന്നതിനാല് ഡിജിറ്റല് ഉള്ളടക്ക സ്രഷ്ടാക്കള് പുതിയ തടസ്സങ്ങള് നേരിടുകയാണ്. ലോകമെമ്പാടുമുള്ള ദശലക്ഷക്കണക്കിന് ആളുകള് വരുമാനത്തിനായി ഈ പ്ലാറ്റ്ഫോമുകളെ ആശ്രയിക്കുന്നതിനാല്, പ്രത്യേകിച്ച് വീഡിയോ ഉള്ളടക്കത്തിലൂടെ, ഒറിജിനല് മെറ്റീരിയല് അപ്ലോഡ് ചെയ്യുന്നതില് പരാജയപ്പെടുന്ന ഉപയോക്താക്കളെയാണ് അടിച്ചമര്ത്തല് ലക്ഷ്യമിടുന്നത്. ഇത് നിരവധി സ്രഷ്ടാക്കളുടെ വരുമാനത്തെ സാരമായി ബാധിച്ചേക്കാം.
ഉള്ളടക്കം പകര്ത്തി ഒട്ടിക്കുന്നതായി കണ്ടെത്തിയ അക്കൗണ്ടുകള്ക്കെതിരെ മെറ്റ കര്ശന നടപടി പ്രഖ്യാപിച്ചു. ഉള്ളടക്ക മോഷണത്തെ ചെറുക്കാനുള്ള പ്രതിബദ്ധതയ്ക്ക് അടിവരയിടുന്നതാണ് മെറ്റയുടെ ഏറ്റവും പുതിയ പ്രഖ്യാപനം. മറ്റ് സ്രഷ്ടാക്കളില് നിന്നുള്ള ടെക്സ്റ്റോ ഫോട്ടോകളോ വീഡിയോകളോ തുടര്ച്ചയായി പകര്ത്തുന്ന ഉപയോക്താക്കള്ക്ക് അവരുടെ അക്കൗണ്ടുകള് അടയ്ക്കാനും ധനസമ്പാദനം നിര്ത്താനും സാധ്യതയുണ്ട്. ഇവയുടെ റീച്ചും ഗണ്യമായി കുറയും. ഈ നടപടികള്ക്ക് അനുസൃതമായി, പ്രമുഖ ഉള്ളടക്ക സ്രഷ്ടാക്കളില് നിന്ന് പോസ്റ്റുകള് പകര്ത്തുന്നതായി കണ്ടെത്തിയ 1 കോടി പ്രൊഫൈലുകള് Meta ഇതിനകം നീക്കം ചെയ്തിട്ടുണ്ട്.
സ്പാമുമായി ബന്ധിപ്പിച്ച 5 ലക്ഷം അക്കൗണ്ടുകളും മെറ്റാ അടച്ചുപൂട്ടി. യഥാര്ത്ഥ ഉള്ളടക്കം ഇല്ലെങ്കിലും പണം സമ്പാദിക്കുന്ന വ്യാജ പോസ്റ്റുകള് കണ്ടെത്താനുള്ള ശ്രമത്തിലാണ് കമ്പനി.
അദ്വിതീയമായ ഉള്ളടക്കം സൃഷ്ടിക്കാതെ ഉപയോക്താക്കളെ ലാഭത്തില് നിന്ന് പിന്തിരിപ്പിക്കാന്, കോപ്പി-പേസ്റ്റിംഗില് ഏര്പ്പെടുന്നവരില് നിന്നുള്ള കമന്റുകളുടെ ദൃശ്യപരതയും മെറ്റ കുറയ്ക്കുന്നു. ഈ സമീപനം അവരുടെ ധനസമ്പാദന അവസരങ്ങള് തടയാന് ലക്ഷ്യമിടുന്നു. ഈ പ്രവര്ത്തനങ്ങള് YouTube-ന്റെ സമീപകാല നീക്കങ്ങളെ പ്രതിഫലിപ്പിക്കുന്നു, അത് ആവര്ത്തിച്ചുള്ളതും AI- ജനറേറ്റുചെയ്തതുമായ വീഡിയോകള് അതിന്റെ പ്ലാറ്റ്ഫോമില് നിന്ന് നീക്കം ചെയ്യാന് തുടങ്ങി.
kerala
എഴുത്തുകാരി വിനീത കുട്ടഞ്ചേരി തൂങ്ങി മരിച്ച നിലയില്

തൃശൂര്: എഴുത്തുകാരിയും സോഷ്യല് മീഡിയ ഇന്ഫ്ളുവന്സറുമായ വിനീത കുട്ടഞ്ചേരി (44) അന്തരിച്ചു. തൃശൂര് എരുമപ്പെട്ടി സ്വദേശിനിയാണ്. ഇന്നലെ രാത്രി 7.30 ഓടെ വീട്ടില് തൂങ്ങി മരിച്ച നിലയില് കണ്ടെത്തുകയായിരുന്നു.
ഭാരതീയ ദലിത് സാഹിത്യ അക്കാദമിയുടെ മലയാള സാഹിത്യത്തിനുള്ള 2019 ലെ അവാര്ഡ് ജേതാവാണ്. ജൂലൈ 13 ന് ആയിരുന്നു വിനീതയുടെ ‘വിന്സെന്റ് വാന്ഗോഗിന്റെ വേനല്പക്ഷി’ എന്ന പുസ്തകം മന്ത്രി ആര് ബിന്ദു പ്രകാശനം ചെയ്തത്.
തൃശൂര് പ്രസ്സ്ക്ലബില് വച്ചായിരുന്നു പ്രകാശനം. ഭര്ത്താവ് മണിത്തറ കാങ്കില് രാജു. ‘നിനക്കായ്…’ എന്ന ഗാനത്തിന്റെ സംഗീത സംവിധായക എന്ന നിലയിലും അവര് പ്രശസ്തി നേടിയിട്ടുണ്ട്.
More
‘ശുഭം’; ഇന്ത്യൻ ബഹിരാകാശ സഞ്ചാരി ശുഭാൻഷു ശുക്ല ഭൂമിയിൽ തിരിച്ചെത്തി

ചരിത്രം കുറിച്ച ദൗത്യം പൂര്ത്തിയാക്കി ആക്സിയം ഫോര് സംഘം ഭൂമിയെത്തൊട്ടു. ഇന്ത്യന് സമയം മൂന്ന് മണിയോടെ കാലിഫോര്ണിയക്ക് അടുത്ത് സാന്ഡിയാഗോ തീരത്തിനടുത്തായിരുന്നു സ്പ്ലാഷ്ഡൗണ്. സഞ്ചാരികളെല്ലാം സുരക്ഷിതരായി തിരിച്ചെത്തി. ഇതോടെ ആക്സിയം 4 ദൗത്യം വിജയകരമായി പൂര്ത്തിയായി.
സര്ക്കാര് സഹായത്തോടെയുള്ള ലോകത്തെ രണ്ടാമത്തെ സ്വകാര്യ ബഹിരാകാശ ദൗത്യമാണ് പൂര്ത്തിയായത്. അമേരിക്ക ആസ്ഥാനമായുള്ള ആക്സിയം സ്പേസും സ്പേസ് എക്സും ഐഎസ്ആര്ഒയും നാസയും യൂറോപ്യന് സ്പേസ് ഏജന്സിയും ചേര്ന്നുള്ള സംയുക്ത ദൗത്യമാണിത്. കഴിഞ്ഞ ജൂണ് 25ന് ആണ് കെന്നഡി സ്പേസ് സെന്ററില് നിന്ന് നാലംഗ സംഘം ഉള്ക്കൊള്ളുന്ന ഡ്രാഗണ് പേടകത്തെയും വഹിച്ച് സ്പേസ് എക്സിന്റെ ഫാല്ക്കണ് 9 റോക്കറ്റ് കുതിച്ചുയര്ന്നത്. ജൂണ് 26ന് അന്താരാഷ്ട്ര ബഹിരാകാശ നിലയത്തില് എത്തിയ ദൗത്യസംഘം നേരത്തെ നിശ്ചയിച്ചതിനേക്കാള് നാല് ദിവസം അധികം നിലയത്തില് ചെലവഴിച്ചാണ് ഭൂമിയിലേക്ക് മടങ്ങുന്നത്.
ഭാവി ബഹിരാകാശ യാത്രകള്ക്കും ശാസ്ത്ര ഗവേഷണങ്ങള്ക്കും മുതല്ക്കൂട്ടാകുന്ന അറുപത് പരീക്ഷണങ്ങളാണ് സംഘം പൂര്ത്തിയാക്കിയത്. ഇന്ത്യന് വ്യോമസേന ഗ്രൂപ്പ് ക്യാപ്റ്റന് ശുഭാംശു ശുക്ലയാണ് ദൗത്യത്തിന്റെ പൈലറ്റ്. ബഹിരാകാശ നിലയത്തിലെത്തുന്ന ആദ്യ ഇന്ത്യക്കാരനായി ശുഭാംശു. രാകേഷ് ശര്മയ്ക്ക് ശേഷം ബഹിരാകാശത്ത് എത്തുന്ന രണ്ടാമത്തെ ഇന്ത്യക്കാരന് എന്ന നേട്ടവും ശുഭാംശു സ്വന്തമാക്കി. വെറ്ററന് ബഹിരാകാശയാത്രിക പെഗ്ഗി വിറ്റ്സണ് കമാന്ഡറായുള്ള ദൗത്യത്തില് പോളണ്ടുകാരനായ സ്ലവോഷ് ഉസ്നാന്സ്കിയും ഹങ്കറിക്കാരന് ടിബോര് കാപുവും മിഷന് സ്പെഷ്യലിസ്റ്റുകളാണ്.
-
india1 day ago
നിമിഷ പ്രിയയുടെ മോചനം; കാന്തപുരം മുസ്ലിയാരുടെ ഇടപെടലില് യെമനില് അടിയന്തര യോഗം
-
kerala3 days ago
പോക്സോ കേസ്; സിപിഎം കൗണ്സിലര് പിടിയില്
-
india2 days ago
ഡല്ഹിയില് ഫുട്പാത്തില് ഉറങ്ങിക്കിടന്ന അഞ്ചു പേരുടെ മേല് മദ്യപിച്ച് കാര് കയറ്റി; ഡ്രൈവര് അറസ്റ്റില്
-
kerala3 days ago
സംസ്ഥാനത്ത് അടുത്ത അഞ്ചുദിവസം ശക്തമായ മഴയ്ക്ക് സാധ്യത; നാളെ ഏഴ് ജില്ലകളില് യെല്ലോ അലേര്ട്ട്
-
kerala1 day ago
വിജിലന്സിനെ വിവരാവകാശ നിയമത്തിന്റെ പരിധിയില് നിന്ന് ഒഴിവാക്കിയേക്കും
-
kerala1 day ago
വിപഞ്ചികയുടെ മരണം: ഭര്ത്താവിനും കുടുംബത്തിനുമെതിരെ പൊലീസ് കേസെടുത്തു
-
kerala2 days ago
മലപ്പുറത്ത് തെരുവ നായ ഇടിച്ച് ഓട്ടോ മറിഞ്ഞു; ഡ്രൈവര് മരിച്ചു
-
kerala2 days ago
ബറേലിയില് പരിശീലനത്തിന് പോയ മലയാളി ജവാനെ കാണാനില്ല