കൊച്ചി: നിര്‍മ്മാതാവ് ആല്‍വിന്‍ ആന്റണിയെ ആക്രമിച്ചെന്ന പരാതിയില്‍ സംവിധായകന്‍ റോഷന്‍ ആന്‍ഡ്രൂസിനെതിരേ പൊലീസ് കേസ്. കൊച്ചി പനമ്പിള്ളി നഗറിലുള്ള വീട്ടില്‍ കയറി അക്രമം നടത്തിയെന്നാണ് റോഷന്‍ ആന്‍ഡ്രൂസിനെതിരെയുള്ള പരാതി. സംവിധായകനെ കൂടാതെ സുഹൃത്ത് നവാസിനുമെതിരെയാും പരാതിയുണ്ട്. സംഭവത്തില്‍ എറണാകുളം ടൗണ്‍ സൗത്ത് പൊലീസ് കേസെടുത്തു.

എന്നാല്‍, റോഷന്‍ ആന്‍ഡ്രൂസിന്റെ പരാതിയില്‍ ആല്‍വിന്‍ ആന്റണിക്കും സുഹൃത്ത് ബിനോയ് എന്നിവര്‍ക്കെതിരെയും പൊലീസ് കേസെടുത്തിട്ടുണ്ട്. തന്നെയും സുഹൃത്ത് നവാസിനെയും അക്രമിച്ചുവെന്ന പരാതിയിലാണ് കേസ്. ഇരുവര്‍ക്കുമിടയിലെ വ്യക്തിപരമായ പ്രശ്‌നമാണോ പരാതിക്ക് പിന്നിലെ കാരണമെന്ന് വ്യക്തമല്ല.