റിയാദ്: സഊദി അറേബ്യയില്‍ കോവിഡ് കേസുകള്‍ കുറഞ്ഞു വരുന്നു. ഇന്ന് 348 പേര്‍ക്ക് രോഗം സ്ഥിരീകരിച്ചതായി വകുപ്പു മന്ത്രാലയം അറിയിച്ചു. 24 മണിക്കൂറിനിടെ 20 മരണങ്ങളും കോവിഡാണെന്ന് സ്ഥിരീകരിച്ചു.

ഇതോടെ രാജ്യത്ത് ആകെ 342,202 കോവിഡ് കേസുകള്‍ റിപ്പോര്‍ട്ട് ചെയ്തു. ഇതില്‍ 328,538 പേര്‍ രോഗമുക്തി നേടി. രാജ്യത്തെ കോവിഡ് മുക്തി നിരക്ക് 96.1 ശതമാനമാണ്.

24 മണിക്കൂറിനിടെ പുതിയ കോവിഡ് കേസുകള്‍ ഏറ്റവും കൂടുതല്‍ റിപ്പോര്‍ട്ട് ചെയ്തത് മദീനയിലാണ്, 73. യാംബു 32, റിയാദ് 25, ബുറൈദ 19, മക്ക 17, മുബറസ് 15, ജിദ്ദ 13, ഉനൈസ 12, ബുഖൈരിയ 7, ബല്ലസ്മര്‍ 7, ഖമീസ് മുശൈത്ത് 7, അറാര്‍ 7, ഖര്‍ജ് 7, മജ് മഅ 7 എന്നിങ്ങനെയാണ് പ്രധാന നഗരങ്ങളില്‍ പുതുതായി രേഖപ്പെടുത്തിയ കൊവിഡ് രോഗികളുടെ എണ്ണം.

ജിദ്ദ 2, മക്ക 2, മദീന 1, ഹുഫൂഫ് 1, ത്വാഇഫ് 1, മുബറസ് 1, ഹാഇല്‍ 1, ബുറൈദ 1, അബഹ 1, നജ്‌റാന്‍ 2, ഹഫര്‍ അല്‍ബാത്വിന്‍ 1, ജീസാന്‍ 3, സബ്യ 1, അയൂണ്‍ 1, ഖുറയാത് 1 എന്നിവിടങ്ങളിലാണ് ഞായറാഴ്ച മരണങ്ങള്‍ സംഭവിച്ചത്.