Culture
സി.പി.എം ഏരിയ സമ്മേളനങ്ങളില് രോഷം അണപൊട്ടിയൊഴുകുന്നു

ഫൈസല് മാടായി
കണ്ണൂര്: തോമസ് ചാണ്ടി വിഷയത്തില് മന്ത്രിസഭാ യോഗത്തില് വിട്ടുനിന്ന സി.പി.ഐ നിലപാടിനെതിരെ സി.പി.എം നേതാക്കളുടെ രോഷമടങ്ങുന്നില്ല. കായല് കയ്യേറ്റവുമായി ബന്ധപ്പെട്ട് തോമസ് ചാണ്ടിയുടെ രാജി വൈകിച്ച പാര്ട്ടി നിഷ്ക്രിയത്വം മറക്കാന് ഏരിയ സമ്മേളനങ്ങളിലും സി.പി.ഐ വിമര്ശനം തന്നെ ആയുധം.
നേതാക്കളുടെ വാക്പോരില് അണികള്ക്കിടയില് മുറുമുറുപ്പ് ശക്തമാകവെ സി.പി.ഐയെ ആക്രമിക്കാനാണ് ഏരിയ സമ്മേളന വേദികളെ സി.പി.എം നേതാക്കളും ജനപ്രതിനിധികളും ഉപയോഗപ്പെടുത്തുന്നത്. കഴിഞ്ഞ ദിവസം ഏഴോം നെരുവമ്പ്രത്ത് നടന്ന മാടായി ഏരിയാ സമ്മേളനത്തില് മുന്നണിയിലെ പ്രശ്നത്തിന് സി.പി.ഐയെ പ്രതിക്കൂട്ടിലാക്കുന്ന രീതിയിലായിരുന്നു ഇ.പി ജയരാജന്റെ പ്രസംഗം. മന്ത്രിസഭാ യോഗത്തില് നിന്ന് വിട്ടുനിന്ന സി.പി.ഐ നിലപാട് ന്യായീകരിക്കാനാകില്ലെന്ന് കേന്ദ്ര കമ്മിറ്റി അംഗമായ ഇ.പി പറഞ്ഞു. മുന്നണിക്ക് കളങ്കമുണ്ടാക്കുന്നതാണ് സി.പി.ഐ നിലപാടെന്നും ഇ.പി ജയരാജന് പറഞ്ഞു.
എല്ലാം ശരിയാക്കാമെന്ന് പറഞ്ഞ് അധികാരത്തിലേറിയവരുടെ വിഴുപ്പലക്കലില് അണികള്ക്ക് ക്ഷമ കെടുമ്പോള് സി.പി.ഐയെ പ്രതിക്കൂട്ടിലാക്കി മുന്നണിയില് നല്ലപിള്ള ചമയാനാണ് സി.പി.എം ശ്രമം. ഇതിനിടെ മുന്നണിയിലും ഭരണ തലത്തിലും നിലനില്ക്കുന്ന പ്രശ്നങ്ങള് പരിഹരിക്കാനാകാത്ത കെടുകാര്യസ്ഥത പാര്ട്ടി പ്രവര്ത്തകര്ക്കിടയില് വിമര്ശനത്തിനിടയാക്കുകയാണ്. തോമസ് ചാണ്ടി മന്ത്രി സ്ഥാനം രാജിവെച്ചതോടെ ഉടലെടുത്ത പോരില് ഭരണം നിശ്ചലമായെന്ന് ഇരുപാര്ട്ടിയിലെയും പ്രവര്ത്തകര് സമ്മതിക്കുന്നു.
സി.പി.എം ഏരിയാ സമ്മേളനങ്ങളില് മുന്നണിയിലെ കെട്ടുറപ്പില്ലായ്മയാണ് പ്രധാന വിഷയവും. എല്ലാം ശരിയാക്കാമെന്ന് പറഞ്ഞ് അധികാരത്തിലേറിയവര് പരസ്പരം പോരടിക്കുന്ന സ്ഥിതി ജനങ്ങള്ക്കിടയില് നാണക്കേടിന് വഴിയൊരുക്കിയെന്നാണ് അണികള്ക്കിടയിലെ ആക്ഷേപം. സാമൂഹ്യ മാധ്യമങ്ങളില് പരസ്പരം ചെളിവാരിയെറിയുന്ന രീതിയിലാണ് പ്രതികരണങ്ങളും അഭിപ്രായങ്ങളും. പാര്ട്ടി മുഖപത്രങ്ങളിലുള്പ്പെടെ നടന്ന വാക്പോര് സര്ക്കാറിനെയും മുന്നണി സംവിധാനത്തെയും ശിഥിലമാക്കിയെന്ന വിമര്ശനവുമുയരുന്നുണ്ട്. നേതാക്കള്ക്കിടയിലെ ഈഗോയാണ് പ്രശ്നം വഷളാക്കിയതെന്നും പ്രവര്ത്തകര് അഭിപ്രായപ്പെടുന്നു. മുന്നണിയിലെ പ്രബല കക്ഷികള് തമ്മിലുള്ള പോര് പുതുതായി തുടങ്ങിയതല്ലെങ്കിലും തോമസ് ചാണ്ടി വിഷയത്തില് ഉടലെടുത്ത തര്ക്കം കടുത്ത ഭിന്നതയിലേക്കാണ് എത്തിച്ചിരിക്കുന്നത്. മുഖ്യമന്ത്രി പിണറായി വിജയന്റെ ഏകാധിപത്യ നിലപാടുള്പ്പെടെയാണ് സി.പി.ഐ പ്രവര്ത്തകര് വിമര്ശിക്കുന്നത്. മുന്നണി ബന്ധം തകര്ക്കുന്ന രീതിയിലാണ് സര്ക്കാറും മുന്നണിയും മുന്നോട്ടുപോകുന്നതെന്ന് രാഷ്ട്രീയ നിരീക്ഷകരും അഭിപ്രായപ്പെടുന്നു. ഇടതിനെ അധികാരത്തിലേറ്റാന് വിയര്പ്പൊഴുക്കിയവരെ നിരാശരാക്കുന്ന രീതിയിലാണ് സര്ക്കാര് മുന്നോട്ടു പോകുന്നതെന്ന വിമര്ശനവും ശക്തമാണ്. പ്രവര്ത്തകരെ അസ്വസ്ഥരാക്കുന്ന രീതിയിലാണ് പോര് മുര്ച്ഛിക്കുന്നത്.
Film
ഫിലിം പ്രൊഡ്യുസേഴ്സ് അസോസിയേഷന്റെ പ്രസിഡന്റ് സ്ഥാനത്തേക്ക് മത്സരിക്കാന് തയ്യാറെടുത്ത് സാന്ദ്ര തോമസ്
ഫിലിം പ്രൊഡ്യൂസേഴ്സ് അസോസിയേഷന് പ്രസിഡന്റ് സ്ഥാനത്തേക്ക് മല്സരിക്കാന് നാമ നിര്ദേശ പത്രികയുമായി സാന്ദ്ര തോമസ്.

ഫിലിം പ്രൊഡ്യൂസേഴ്സ് അസോസിയേഷന് പ്രസിഡന്റ് സ്ഥാനത്തേക്ക് മല്സരിക്കാന് നാമ നിര്ദേശ പത്രികയുമായി സാന്ദ്ര തോമസ്. ഓഗസ്റ്റ് 14 നാണ് നിര്മ്മാതാക്കളുടെ സംഘടനയിലേക്കുള്ള തിരഞ്ഞടുപ്പ് നടക്കുക.
സംഘടന കയ്യടക്കിയ കുത്തകകളുടെ മാറ്റത്തിനായാണ് തന്റെ മത്സരമെന്നും നാമനിര്ദേശ പത്രിക ഇന്ന് സമപ്പിക്കുമെന്നും സാന്ദ്ര തോമസ് പറഞ്ഞു.
സിനിമകളുടെ ലാഭനഷ്ടക്കണക്ക് പുറുത്തുവിട്ട സംഘടനാനടപടി പരാജയമാണെന്നും താന് പ്രസിഡന്റായാല് നല്ല മാറ്റം കൊണ്ടുവരുമെന്നും സാന്ദ്ര പറഞ്ഞു.
സാന്ദ്ര തോമസ് തന്നെ നവമാധ്യമങ്ങളിലൂടെ അപമാനിച്ചുവെന്ന് ചൂണ്ടിക്കാട്ടി ലിസ്റ്റിന് സ്റ്റീഫന് പരാതി നല്കിയിരുന്നു. സാന്ദ്രയ്ക്കെതിരെ രണ്ട് കോടി രൂപ ആവശ്യപ്പെട്ട് മാനനഷ്ടക്കേസും നല്കിയിരുന്നു.
Film
കറുപ്പിന്റെ ടീസറിന് പിന്നാലെ സൂര്യ 46 ന്റെ പോസ്റ്റർ പുറത്ത്

ആർ ജെ ബാലാജിയുടെ സംവിധാനത്തിൽ സൂര്യ നായകനാകുന്ന കറുപ്പിന്റെ ടീസറിന് പിന്നാലെ അതിനു ശേഷം റിലീസ് ചെയ്യാനിരിക്കുന്ന സൂര്യ 46 ന്റെ പോസ്റ്റർ റിലീസ് ചെയ്തു. ദുൽഖർ സൽമാന്റെ സൂപ്പർഹിറ്റ് ചിത്രം ലക്കി ഭാസ്കറിന് ശേഷം വെങ്കി അറ്റ്ലൂരി സംവിധാനം ചെയ്യുന്ന ചിത്രത്തിന്റെ ചിത്രീകരണം പുരോഗമിക്കുകയാണ്.
പോസ്റ്ററിൽ സൂര്യ ക്ലീൻ ഷേവൻ ലുക്കിൽ ഒരു ബ്രൗൺ ജാക്കറ്റ് ധരിച്ച് കൊണ്ട് നിൽക്കുന്ന ചിത്രമാണുള്ളത്. മമിതാ ബൈജുവാണ് ചിത്രത്തിൽ സൂര്യയുടെ നായികയാകുന്നത്. സിതാര എന്റർടൈൻമെൻറ്സിന്റെയും ഫോർച്യൂൺ ഫോർ സിനിമാസിന്റെയും ബാൻസറുകളിൽ നാഗ വംശിയും സായ് സൗജന്യയും ചേർന്നാണ് ചിത്രം നിർമ്മിക്കുന്നത്.
ജി.വി പ്രകാശ് കുമാർ സംഗീത സംവിധാനം നിർവഹിക്കുന്ന സൂര്യ 46 ൽ രാധിക ശരത് കുമാർ, രവീണ ടാണ്ടൻ എന്നിവരും മുഖ്യ കഥാപാത്രങ്ങളെ അവതരിപ്പിക്കുന്നുണ്ട്. കെജിഎഫ് 2 വിന് ശേഷം രവീണ ടാണ്ടൻ വീണ്ടുമൊരു തെന്നിന്ത്യൻ ചിത്രത്തിലഭിനയിക്കുന്നു എന്നതും സൂര്യ 46 പ്രത്യേകതയാണ്. ധനുഷിന്റെ വാത്തിയാണ് വെങ്കി അറ്റ്ലൂരിയുടെ മുൻ തമിഴ് ചിത്രം.
പ്രേമലു 2 വിന് ശേഷം തമിഴിലും പ്രേക്ഷക ശ്രദ്ധ നേടിയ മമിതാ ബൈജു സൂര്യ 46 കൂടാതെ ദളപതി വിജയ് അഭിനയിക്കുന്ന ജനനായകനിലും മുഖ്യ വേഷത്തിലെത്തുന്നുണ്ട്. മലയാളിയായ നിമിഷ രവിയാണ് ചിത്രത്തിന്റെ ചായാഗ്രഹണം നിർവഹിക്കുന്നത്. ദേശീയ പുരസ്കാര ജേതാവായ നവീൻ നൂലിയാണ് സൂര്യ 46 ന്റെ എഡിറ്റിങ് നിർവഹിക്കുന്നത്.
Film
വിഷ്ണു മഞ്ചുവിന്റെ കണ്ണപ്പ ഒ.ടി.ടിയിലേക്ക്

വിഷ്ണു മഞ്ചു നായകനായ കണ്ണപ്പ ഒ.ടി.ടിയിലേക്ക്. ജൂലൈ 25ന് ആമസോണ് പ്രൈമിലാണ് സ്ട്രീമിങ് ആരംഭിക്കുന്നത്. ചിത്രം തെലുങ്ക്, തമിഴ്, മലയാളം, കന്നഡ, ഹിന്ദി, ഇംഗ്ലീഷ് തുടങ്ങി ആറോളം ഭാഷകളിലായാണ് വേൾഡ് വൈഡ് റിലീസ് ചെയ്തത്. മോഹൻലാൽ, അക്ഷയ് കുമാർ, പ്രഭാസ് ഉൾപ്പടെ വൻ താരനിരയാണ് ചിത്രത്തിലുള്ളത്.
എ.വി.എ എന്റർടെയ്ൻമെന്റ്, 24 ഫ്രെയിംസ് ഫാക്ടറി എന്നീ ബാനറുകളിൽ ഡോ. മോഹന് ബാബു നിര്മിച്ച് മുകേഷ് കുമാര് സിങ് സംവിധാനം ചെയ്ത പാന് ഇന്ത്യന് ചിത്രത്തിന് മുകേഷ് കുമാര് സിങ്, വിഷ്ണു മഞ്ചു, മോഹന് ബാബു എന്നിവര് ചേര്ന്നാണ് സംഭാഷണം ഒരുക്കിയിരിക്കുന്നത്. ബോളിവുഡ് സംവിധായകനും നിര്മാതാവുമായ മുകേഷ് കുമാര് സിങ്ങിന്റെ തെലുങ്കിലെ അരങ്ങേറ്റ ചിത്രം കൂടിയാണ് കണ്ണപ്പ.
കിരാത എന്ന കഥാപാത്രത്തെയാണ് ചിത്രത്തിൽ മോഹൻലാൽ അവതരിപ്പിച്ചിരിക്കുന്നത്. ഏകദേശം 200 കോടി ബജറ്റിലാണ് ചിത്രം നിർമിച്ചത്. ഹോളിവുഡ് ഛായാഗ്രാഹകന് ഷെല്ഡന് ചാവു ആണ് കണ്ണപ്പക്ക് കാമറ ചലിപ്പിച്ചിരിക്കുന്നത്. കെച്ചയാണ് ആക്ഷന് കൊറിയോഗ്രാഫര്. സംഗീതം സ്റ്റീഫന് ദേവസി, എഡിറ്റര് ആന്റണി ഗോണ്സാല്വസ്.
-
india2 days ago
ഇന്ത്യയില് നിന്നും നൂറുകണക്കിന് മുസ്ലിംകളെ നിയമവിരുദ്ധമായി ബംഗ്ലാദേശിലേക്ക് നാടുകടത്തിയതായി ഹ്യൂമന് റൈറ്റ്സ് വാച്ച് റിപ്പോര്ട്ട്
-
Film3 days ago
കറുപ്പിന്റെ ടീസറിന് പിന്നാലെ സൂര്യ 46 ന്റെ പോസ്റ്റർ പുറത്ത്
-
GULF3 days ago
തിരക്കേറിയ ട്രാമിൽ സാധാരണക്കാർക്കൊപ്പം യാത്ര ചെയ്ത് ദുബായ് ഭരണാധികാരി ഷെയ്ഖ് മുഹമ്മദ്
-
india2 days ago
‘മതവികാരം വ്രണപ്പെടും’; കര്ണാടകയില് സര്ക്കാര് സ്കൂളില് മുട്ട വിതരണത്തിനെതിരെ രക്ഷിതാക്കള്
-
india3 days ago
അഹമ്മദാബാദ് വിമാനാപകടം; മൃതദേഹങ്ങള് മാറി നല്കിയെന്ന ബ്രിട്ടീഷ് മാധ്യമ റിപ്പോര്ട്ട് തള്ളി ഇന്ത്യ
-
kerala3 days ago
മാസപ്പടി കേസ്: സിബിഐ, ഇഡി അന്വേഷണം ആവശ്യപ്പെട്ടുള്ള ഹർജിയിൽ വീണ വിജയനുൾപ്പെടെയുള്ളവർക്ക് ഹൈക്കോടതി നോട്ടീസ്
-
crime3 days ago
പിണങ്ങിപ്പോയ ഭാര്യ തിരിച്ചെത്തിക്കാന് അഞ്ച് വയസുകാരനെ നരബലി നല്കി യുവാവ്
-
More3 days ago
“ഞങ്ങൾ വിശപ്പിൽ മുങ്ങുകയാണ്, ക്ഷീണത്താൽ വിറയ്ക്കുകയാണ്”; ഗാസയിലെ മാധ്യമപ്രവർത്തകരെ സംരക്ഷിക്കാൻ ആഗോളതലത്തിൽ നടപടി ആവശ്യപ്പെട്ട് അൽ ജസീറ