Connect with us

News

ഖത്തറില്‍ സി.ആര്‍7 ഇന്നിറങ്ങും

പോര്‍ച്ചുഗലും ക്രിസ്റ്റിയാനോ റൊണാള്‍ഡോയും ഇന്നാണ് കളിമുഖത്ത്. ദോഹ നഗര മധ്യത്തിലെ 947 സ്‌റ്റേഡിയത്തിലെ എതിരാളികള്‍ ആഫ്രിക്കക്കാരായ ഘാന.

Published

on

പോര്‍ച്ചുഗലും ക്രിസ്റ്റിയാനോ റൊണാള്‍ഡോയും ഇന്നാണ് കളിമുഖത്ത്. ദോഹ നഗര മധ്യത്തിലെ 947 സ്‌റ്റേഡിയത്തിലെ എതിരാളികള്‍ ആഫ്രിക്കക്കാരായ ഘാന. ലോകകപ്പ് ഒഴികെ ഫുട്‌ബോളിലെ മറ്റെല്ലാം ബഹുമതികളും സ്വന്തമാക്കിയ സി.ആറിന് ഇന്നത്തെ ദിനം അതിപ്രധാനമാണ്. വിജയം മാത്രം പോര നല്ല വിജയം വേണം. ഗോളുകള്‍ സ്‌കോര്‍ ചെയ്ത് തുടങ്ങണം.

അര്‍ജന്റീനക്കും മെസിക്കുമുണ്ടായ അനുഭവങ്ങള്‍ ഉണ്ടാവരുത്. വിവാദങ്ങളുടെ വിളനിലത്ത് നിന്നാണ് സി.ആര്‍ ഖത്തറിലെത്തിയത്. മാഞ്ചസ്റ്റര്‍ യുനൈറ്റഡ് പരിശീലകനുമായുള്ള അഭിപ്രായ വിത്യാസങ്ങള്‍. അദ്ദേഹത്തിനെതിരെ നടത്തിയ അഭിമുഖം. മാഞ്ചസ്റ്റര്‍ യുനൈറ്റഡിലെ സഹ പോര്‍ച്ചുഗീസ് താരങ്ങള്‍ക്ക് അതിലുണ്ടായ അസ്വാരസ്യം…. പക്ഷേ ഇതൊന്നും കളിയെ ബാധിക്കില്ലെന്ന് അദ്ദേഹം തീര്‍ത്ത് പറയുന്നു.

ഇന്നലെ വാര്‍ത്താ സമ്മേളനത്തില്‍ പോര്‍ച്ചുഗലിനെ പ്രതിനിധീകരിച്ച് വന്നത് സെന്റര്‍ബാക്ക് റൂബന്‍ ഡയസായിരുന്നു. വിവാദങ്ങളില്‍ കഴമ്പില്ല എന്നാണ് അദ്ദേഹം വ്യക്തമാക്കിയത്. ആരൊക്കെ എന്തൊക്കെ പറഞ്ഞാലും നിലവില്‍ ടീമിന്റെ ലക്ഷ്യം ഘാനയെ പരാജയപ്പെടുത്തുക എന്നതാണ്. അതില്‍ നിന്നും പിറകോട്ടില്ല എന്ന നിലപാട് കോച്ച് ഫെര്‍ണാണ്ടോയും ആവര്‍ത്തിക്കുന്നു. 37 ല്‍ നില്‍ക്കുന്ന സി.ആര്‍ തന്നെ ടീമിന്റെ കുന്തമുന. ബ്രുണോ ഫെര്‍ണാണ്ടസ് ഉള്‍പ്പെടെ വലിയ താരനിര സി.ആറിനെ പിന്തുണക്കാനുണ്ട്. കൊറിയയും യുറഗ്വായും കളിക്കുന്ന ഗ്രൂപ്പില്‍ നിന്നും പോര്‍ച്ചുഗീസുകാര്‍ക്ക് കടന്നു കയറാന്‍ പ്രയാസമില്ലെന്നാണ് കരുതപ്പെടുന്നത്.

പക്ഷേ ഘാന ദുര്‍ബലരല്ല. ലോകകപ്പിലെ ഏറ്റവും നല്ല യുവ സംഘമാണ് അവരുടേത്. ഇനാകി വില്ല്യംസാണ് മുന്‍നിരയില്‍. മുഹമ്മദ് കുദ്ദൂസ് എന്ന അതിവേഗക്കാരനും ഭീഷണി തന്നെ. ഡച്ച് ക്ലബായ അയാക്‌സിനായി കളിക്കുന്ന കുദ്ദുസ് പത്ത് ഗോളുകളാണ് സീസണില്‍ സ്വന്തമാക്കിയിരിക്കുന്നത്.

News

മെസ്സി അവതരിച്ചു; മെക്‌സിക്കോയെ രണ്ടു ഗോളിന് തകര്‍ത്ത് അര്‍ജന്റീന

ആദ്യ മത്സരത്തിലെ തോല്‍വിക്ക് ശേഷം അര്‍ജന്റീനയുടെ ഗംഭീര തിരിച്ചുവരവ്.

Published

on

ആദ്യ മത്സരത്തിലെ തോല്‍വിക്ക് ശേഷം അര്‍ജന്റീനയുടെ ഗംഭീര തിരിച്ചുവരവ്. മെക്സിക്കോയ്ക്കെതിരെ എതിരില്ലാത്ത രണ്ട് ഗോളിനാണ് അര്‍ജന്റീന ജയിച്ചുകയറിയത്. ഗോളും അസിസ്റ്റുമായി തിളങ്ങിയ ക്യാപ്റ്റന്‍ ലിയോണല്‍ മെസിയാണ് അര്‍ജന്റീനയുടെ ഹീറോ.

എന്‍സോ ഫെര്‍ണാണ്ടസിന്റെ വകയായിരുന്നു രണ്ടാം ഗോള്‍.

 

Continue Reading

News

ഡെന്മാര്‍ക്കിനേയും വീഴ്ത്തി; ഫ്രാന്‍സ് പ്രീക്വാര്‍ട്ടറില്‍

പന്ത് കൈവശം വയ്ക്കുന്നതില്‍ ഇരു ടീമുകളും തുല്യരായിരുന്നെങ്കിലും ഫ്രാന്‍സിന്റെ പോരാട്ടം ഒരുപടി മുന്‍പിലായിരുന്നു.

Published

on

ലോകകപ്പില്‍ വിജയകുതിപ്പ് തുടര്‍ന്ന് ഫ്രാന്‍സ്. ഡെന്മാര്‍ക്കിനെതിരെയുള്ള പോരാട്ടത്തില്‍ ഒന്നിനെതിരെ രണ്ടു ഗോളുകള്‍ക്ക് ഫ്രാന്‍സ് വിജയിച്ചു.

ഫ്രാന്‍സ് സൂപ്പര്‍താരം കിലിയന്‍ എംബാപ്പയാണ് ഫ്രാന്‍സിനു വേണ്ടി രണ്ടു ഗോളുകളും നേടിയത്. ആദ്യപകുതി ഗോള്‍ രഹിതമായിരുന്നു. 61ാം മിനുട്ടിലാണ് ആദ്യ ഗോള്‍ ഫ്രാന്‍സ് നേടുന്നത്. എന്നാല്‍ ഈ സന്തോഷം അധികം നീണ്ടു നിന്നില്ല. 68ാം മിനിറ്റില്‍ ഡെന്മാര്‍ക്കിന്റെ ക്രിസ്റ്റെന്‍സന്റെ ഗോളിലൂടെ അവര്‍ തിരിച്ചടിച്ചു. എന്നാല്‍ 86ാം മിനിറ്റില്‍ എംബാപ്പ അതിന് പകരം ചോദിച്ചു. പന്ത് കൈവശം വയ്ക്കുന്നതില്‍ ഇരു ടീമുകളും തുല്യരായിരുന്നെങ്കിലും ഫ്രാന്‍സിന്റെ പോരാട്ടം ഒരുപടി മുന്‍പിലായിരുന്നു.

Continue Reading

News

ലാ..ലിബെര്‍തേ..ലാ..ലിബെര്‍തേ…. പോരാട്ട ഗീതങ്ങളാല്‍ സംഗീത സാന്ദ്രമാവുന്ന സൂഖിലെ പാതിര

ഉറങ്ങാത്ത സൂഖ് വാഖിഫ് കാണാന്‍ കഴിഞ്ഞ ദിവസം വീണ്ടുമെത്തിയതായിരുന്നു. അര്‍ധരാത്രി രണ്ടര മണി പിന്നിട്ടിട്ടും എങ്ങും ആരവങ്ങള്‍. വിവിധ രാജ്യക്കരായ ഫുട്ബോള്‍ ആരാധകര്‍ കൊടികളുമായി നൃത്തം ചെയ്യുന്നു..

Published

on

ദോഹ ദവാര്‍

അശ്റഫ് തൂണേരി

ദോഹ:ഉറങ്ങാത്ത സൂഖ് വാഖിഫ് കാണാന്‍ കഴിഞ്ഞ ദിവസം വീണ്ടുമെത്തിയതായിരുന്നു. അര്‍ധരാത്രി രണ്ടര മണി പിന്നിട്ടിട്ടും എങ്ങും ആരവങ്ങള്‍. വിവിധ രാജ്യക്കരായ ഫുട്ബോള്‍ ആരാധകര്‍ കൊടികളുമായി നൃത്തം ചെയ്യുന്നു.. മുദ്രാവാക്യങ്ങള്‍.. കൈയ്യില്‍ കൊണ്ടു നടക്കുന്ന മൈക്കില്‍ പാട്ടുപാടുന്നവരും റെക്കോര്‍ഡിട്ട് താളത്തില്‍ തുള്ളുന്നവരും. റസ്റ്റോറന്റുകളിലേയും കോഫി ഷോപ്പുകളിലേയും നടപ്പാതയിലെ ഇരിപ്പിടങ്ങളില്‍ രുചിയാസ്വദിക്കുന്നവരുടേയും ഹുക്ക നീട്ടിവലിക്കുന്നവരേയും നീണ്ടനിര.

കൈക്കുഞ്ഞുമായുള്ളവരുള്‍പ്പെടെ സ്ത്രീകളും കുട്ടികളും വൃദ്ധരുമെല്ലാം ഒഴുകിക്കൊണ്ടേയിരിക്കുന്നു. ഏറ്റവും പഴക്കം ചെന്ന ഹോട്ടലായ ബിസ്മില്ല ഹോട്ടലിനരികെയെത്തിയപ്പോഴാണ് ഒരേ താളത്തില്‍ പാട്ടും ഏറ്റുപാടലും കേട്ടത്. ബിസ്മില്ലയും പിന്നിട്ട് മുശൈരിബ് ഭാഗത്തേക്ക് പോവുമ്പോള്‍ കോര്‍ണറിലായുള്ള ദി വില്ലേജ് ഹോട്ടലിന്റെ അരികുഭിത്തിയില്‍ കയറി നിന്ന കുറേ ചെറുപ്പക്കാര്‍ അള്‍ജീരിയ, തുനീഷ്യ, മൊറോക്കോ, ഫലസ്തീന്‍ പതാകകള്‍ വീശുന്നുണ്ട്. അവരും ഇടവഴി മുഴുവന്‍ തിങ്ങിനിറഞ്ഞു നില്‍ക്കുന്ന യുവാക്കളും യുവതികളും ഒരുമിച്ചു പാടുകയാണ്. ലാ..ലിബെര്‍തേ..ലാ..ലിബെര്‍തേ…. നമ്മിലും ആവേശം ജനിപ്പിക്കുന്ന വരികള്‍. ഒന്ന് നിന്നു. പാടുന്നവരും ഏറ്റുപാടുന്നവരും ഏറിക്കൊണ്ടേയിരുന്നു. പാട്ടിലെ വരികളറിയാന്‍ താത്പര്യം ഏത് കേള്‍വിക്കാരനും തോന്നും. അടുത്തുണ്ടായിരുന്ന അറബ് വംശജനെന്ന് തോന്നിയ യുവാവിനോട് ഈ പാട്ട്…. എന്നൊരു സംശയം

പറയേണ്ട താമസം അയാള്‍: ഇതൊരു സ്വാതന്ത്ര്യപ്പോരാട്ട ഗാനമാണ്. 2019-ല്‍ അള്‍ജീരിയ ആവേശത്തോടെ ഏറ്റെടുത്ത ഗാനം. സൂള്‍കിംഗ് എന്ന് വിളിപ്പേരുള്ള അള്‍ജീരിയന്‍ യുവഗായകനും റാപ്പറുമായ അബ്ദുര്‍റഊഫ് ദെറാദ്ജിയാണ് പാടുന്നത്. പാരീസില്‍ രേഖകളില്ലാതെ അഭയാര്‍ത്ഥിയായി താമസിക്കുകയാണ് സൂള്‍കിംഗ്. അള്‍ജീരിയന്‍ തെരുവുകളിലെ സമരപോരാട്ടങ്ങളില്‍ ഉയര്‍ന്നുകേട്ട ഈ ഗാനം ഭരണാധികാരി അബ്ദുല്‍അസീസ് ബൂത്തെഫല്‍ക്കയെ രാജിയിലേക്ക് പ്രേരിപ്പിച്ച ഒരു കലാവിഷ്‌കാരം കൂടിയായി മാറിയതോടെ കൂടുതല്‍ ജനകീയമായി. 2019 മാര്‍ച്ചില്‍ യൂടുബില്‍ അപ്ലോഡ് ചെയ്ത ഈ ഗാനം കോടിക്കണക്കിനു പേര്‍ ഇതിനം കാണുകയും കേള്‍ക്കുകയും ചെയ്തു. (339,136,156 കാഴ്ചക്കാര്‍). അള്‍ജീരിയന്‍ ഫുട്ബോള്‍ സ്റ്റേഡിയങ്ങളിലെ സംഗീത ബാന്റായ ഔലെദ് എല്‍ ബഹ്ദ്ജ എന്ന ഗ്രൂപ്പില്‍ നിന്നുള്ള ഒരു ഗാനമാണിത്. കുറച്ചുവരികള്‍ അവര്‍ക്ക് വേണ്ടി സൂള്‍കിംഗ് ഫ്രഞ്ചില്‍ എഴുതുകയായിരുന്നു. ലാലിബെര്‍തെയെന്നാല്‍ സ്വാതന്ത്ര്യം. അവസാന ഭാഗത്ത് അറബ് വരികളും ഇടകലരുന്നു. ഫുട്ബോള്‍ ആവേശത്തിനായി രചിച്ച് ഈണം പകര്‍ന്ന ആ പാട്ട് പിന്നീട് സമരഗാനമായി മധ്യപൂര്‍വ്വേഷ്യയെ പിടിച്ചുകുലുക്കി. വീണ്ടും ഫുട്ബോള്‍ ആവേശഗാനമായി, സമരപോരാട്ട വീര്യമായി ഖത്തറിലെത്തിയിരിക്കുന്നു.സൂഖ് വാഖിഫിന്റെ ഇടനാഴികളില്‍… ലാ..ലിബെര്‍തേ..ലാ..ലിബെര്‍തേ.. പാടുമ്പോള്‍ അറബ് ദേശക്കാര്‍ക്കൊപ്പം ഏറ്റുപാടുന്നവര്‍ രാജ്യാതിര്‍ത്തിയില്ലാത്തവരാണ്. ഫുട്ബോള്‍ മാത്രം അതിരുകണ്ടവര്‍.

Continue Reading

Trending