Education
ദാറുല്ഹുദാ സെക്കന്ററി 25 വരെ അപേക്ഷിക്കാം
മുഴുവന് കോഴ്സുകളിലേക്കും വാഴ്സിറ്റിയുടെ ഔദ്യോഗിക വെബ്സൈറ്റായ www. dhiu.in വഴി ഓണ്ലൈനായാണ് അപേക്ഷിക്കേണ്ടത്.
ഹിദായ നഗര്: ദാറുല്ഹുദാ ഇസ്ലാമിക് സര്വകലാശാലാ കാമ്പസിലെയും വിവിധ യു.ജി കോളജുകളിലെയും സെക്കന്ററി ഒന്നാം വര്ഷത്തിലേക്കും വാഴ്സിറ്റിക്കു കീഴിലുള്ള വനിതാ കോളജിലേക്കും, ഹിഫ്ളുല് ഖുര്ആന് കോളജിലേക്കും പ്രവേശനത്തിനു 25 വരെ അപേക്ഷിക്കാം.
സമസ്തയുടെ മദ്രസാ അഞ്ചാം ക്ലാസ് പാസായവരും പതിനൊന്നര വയസ്സ് കവിയാത്തവരുമായ ആണ്കുട്ടികള്ക്ക് വാഴ്സിറ്റിയിലെ സെക്കന്ററിയിലേക്കും പന്ത്രണ്ട് വയസ്സ് കവിയാത്തവര്ക്ക് യു.ജി കോളജിലേക്കും അപേക്ഷിക്കാം. അടുത്ത അധ്യയന വര്ഷം തിരുവനന്തപുരം ജില്ലയിലെ നെടുമങ്ങാട് ആരംഭിക്കുന്ന ദാറുല്ഹുദാക്ക് കീഴിലുള്ള കാമ്പസിലേക്കും ആലപ്പുഴ ജില്ലയിലെ ആറാട്ടുപുഴ മഅദിനുല് ഉലൂം ഇസ്ലാമിക് അക്കാദമിയിലേക്കും അപേക്ഷിക്കാം.
സമസ്തയുടെ ഏഴാം ക്ലാസ് പാസായവരും പതിമൂന്നര വയസ്സ് കവിയാത്തവരുമായ പെണ്കുട്ടികള്ക്ക് വാഴ്സിറ്റിയുടെ ഫാഥിമാ സഹ്റാ വനിതാ കോളജിലേക്കും പതിനാല് വയസ്സ് കവിയാത്തവര്ക്ക് എറണാകുളം ജില്ലയിലെ ഇടപ്പള്ളി ദാറുല് ബനാത്ത് അക്കാദമിയിലേക്കും അപേക്ഷിക്കാം. സമസ്തയുടെ മൂന്നാം ക്ലാസ് പൂര്ത്തിയാക്കിയ, ഒമ്പതു വയസ്സ് കവിയാത്ത, ആണ്കുട്ടികള്ക്ക് മമ്പുറം സയ്യിദ് മൗലദ്ദവീല ഹിഫ്ളുല് ഖുര്ആന് കോളജിലേക്കും അപേക്ഷിക്കാം.
മുഴുവന് കോഴ്സുകളിലേക്കും വാഴ്സിറ്റിയുടെ ഔദ്യോഗിക വെബ്സൈറ്റായ www. dhiu.in വഴി ഓണ്ലൈനായാണ് അപേക്ഷിക്കേണ്ടത്.നേരത്തെ അപേക്ഷിച്ചവര്ക്ക് സ്റ്റാറ്റസ് പേജ് വഴി ഓണ്ലൈനായിത്തന്നെ അഡ്മിഷനുമായി ബന്ധപ്പെട്ട വിവരങ്ങള് അറിയാവുന്നതാണ്.എല്ലാ യു.ജി സ്ഥാപനങ്ങളിലും ഹെല്പ് ഡെസ്ക് പ്രവര്ത്തിക്കുന്നുണ്ട്. സ്വീകരിച്ച അപേക്ഷകരുടെ ഹാള്ടിക്കറ്റ് റമസാന് അവസാനത്തോടെ സ്റ്റാറ്റസ് പേജില് നിന്ന് ഡൗണ്ലോഡ് ചെയ്യേണ്ടതാണ്. വിശദ വിവരങ്ങള്ക്ക് 0494 2463155, 2464502,2460575, 9745460575, 8547290575 (ഹെല്പ് ലൈന്) എന്നീ നമ്പറുകളില് ബന്ധപ്പെടുക.
Education
മലയാളം മീഡിയത്തില് SSLC എഴുതുന്നവര് കുത്തനെ കുറഞ്ഞു; 7 വര്ഷത്തില് 20%ത്തിലധികം ഇടിവ്
2018-19 അധ്യയന വര്ഷത്തില് 55.93% വിദ്യാര്ത്ഥികളായിരുന്നു മലയാളത്തില് പരീക്ഷയെഴുതിയത്.
തിരുവനന്തപുരം: സംസ്ഥാനത്ത് മലയാളം മീഡിയത്തില് എസ്എസ്എല്സി പരീക്ഷ എഴുതുന്ന വിദ്യാര്ത്ഥികളുടെ എണ്ണം വേഗത്തില് കുറഞ്ഞുകൊണ്ടിരിക്കുകയാണ്. 2018-19 അധ്യയന വര്ഷത്തില് 55.93% വിദ്യാര്ത്ഥികളായിരുന്നു മലയാളത്തില് പരീക്ഷയെഴുതിയത്. എന്നാല് 2024-25ല് ഇത് 36.56% ആയി താഴ്ന്നതായി പുതിയ കണക്കുകള് വ്യക്തമാക്കുന്നു. ഈ വര്ഷം മാര്ച്ചില് SSLC പരീക്ഷയെഴുതിയ മൊത്തം 4,27,017 വിദ്യാര്ത്ഥികളില് 1,56,161 പേര് മാത്രമാണ് മലയാളം മീഡിയം തിരഞ്ഞെടുത്തത്.
2019ലെ 2,43,409 എന്ന എണ്ണവുമായി താരതമ്യം ചെയ്യുമ്പോള് 87,000 വിദ്യാര്ത്ഥികളുടെ കുറവാണ് രേഖപ്പെടുത്തിയത്. മലയാളം മീഡിയത്തില് പഠിക്കുന്നവരുടെ കുറവാണ് ഈ ഇടിവിന് കാരണമെന്ന് പരീക്ഷാഭവനിലെ ഉദ്യോഗസ്ഥര് പറയുന്നു. വിദ്യാഭ്യാസ വകുപ്പിലെ മുതിര്ന്ന ഉദ്യോഗസ്ഥരുടെ വിവരമനുസരിച്ച് പ്രാഥമിക ക്ലാസുകളില് തന്നെ ഇംഗ്ലീഷ്-മലയാളം മീഡിയം പ്രവേശന അനുപാതം 70:30 ആയി മാറിയിട്ടുണ്ട്. ഇംഗ്ലീഷ് കൂടുതല് ഗുണമേറിയ പഠനമാധ്യമമാണെന്ന പൊതുധാരണയാണ് ഈ മാറ്റത്തിന് പിന്നിലെന്ന് കേരള ഇന്ഫ്രാസ്ട്രക്ചര് ആന്ഡ് ടെക്നോളജി ഫോര് എഡ്യൂക്കേഷന് (കൈറ്റ്) സിഇഒ കെ. അന്വര് സാദത്ത് അഭിപ്രായപ്പെട്ടു. എന്നാല് മീഡിയമല്ല, സ്കൂള് നല്കുന്ന ഭാഷാ പരിശീലനമാണ് വിജയത്തിനുള്ള നിര്ണ്ണായക ഘടകമെന്നും അദ്ദേഹം കൂട്ടിച്ചേര്ത്തു.
മാതൃഭാഷാ വിദ്യാഭ്യാസത്തിന്റെ പ്രാധാന്യം അധികൃതര് ചര്ച്ച ചെയ്യുമ്പോഴും, സമൂഹത്തിന്റെ താല്പര്യം വിപരീതമാണെന്ന് സംസ്ഥാന വിദ്യാഭ്യാസ ഗവേഷണപരിശീലന കൗണ്സില് ഡയറക്ടര് ജയപ്രകാശ് ആര്. കെ. ചൂണ്ടിക്കാട്ടി. ഗ്രാമ-നഗര വ്യത്യാസം കുറഞ്ഞതും മധ്യവര്ഗ്ഗത്തിന്റെ വളര്ച്ചയും ഈ മാറ്റത്തിന്റെ സൂചനയായെന്നും അദ്ദേഹം പറഞ്ഞു. 2025ല് SSLC എഴുതിയവര് 2014-15ല് ഒന്നാം ക്ലാസില് ചേര്ന്നവരാണെന്നും വരാനിരിക്കുന്ന വര്ഷങ്ങളില് മലയാളം മീഡിയം വിദ്യാര്ത്ഥികളുടെ എണ്ണം കുറഞ്ഞേക്കുമെന്നും അദ്ദേഹത്തിന്റെ വിലയിരുത്തല്.
മലയാളം മീഡിയത്തിലെ ഇടിവ് സംസ്ഥാന വികസനത്തിനുതന്നെ ഭീഷണിയാകാമെന്ന് ഐക്യ മലയാള പ്രസ്ഥാനം സംസ്ഥാന കണ്വീനര് ആര്. നന്ദകുമാര് മുന്നറിയിപ്പ് നല്കി. മലയാളവുമായി വിദ്യാര്ത്ഥികള്ക്ക് അടുപ്പമില്ലാത്തത്, നാട്ടിന് പരിസരത്തെ ഭൂമിശാസ്ത്ര-പരിസ്ഥിതി ബോധത്തെ തന്നെ ബാധിക്കുമെന്നാണ് അദ്ദേഹത്തിന്റെ അഭിപ്രായം. ഇംഗ്ലീഷ് പഠിപ്പിക്കുന്നതിനെതിരെ താന് അല്ലെങ്കിലും, ആവശ്യമായ ഇടപെടലുകള് ഇല്ലെങ്കില് പുതിയ സാമൂഹിക-വിദ്യാഭ്യാസ പ്രശ്നങ്ങള് ഉയര്ന്നേക്കുമെന്നാണ് നന്ദകുമാര് മുന്നറിയിപ്പ് നല്കിയത്.
Education
എസ്എസ്എല്സി പരീക്ഷ രജിസ്ട്രേഷന് ഇന്ന് ആരംഭിക്കും
ഈ മാസം 30നകം രജിസ്ട്രേഷന് നടപടികള് പൂര്ത്തിയാക്കണമെന്നു പരീക്ഷാഭവന് അറിയിച്ചു.
തിരുവനന്തപുരം: 2026 മാര്ച്ചില് നടക്കുന്ന എസ്എസ്എല്സി, ടിഎച്ച്എസ്എല്സി പരീക്ഷകളുടെ രജിസ്ട്രേഷന് ഇന്ന് ആരംഭിക്കും. ഈ മാസം 30നകം രജിസ്ട്രേഷന് നടപടികള് പൂര്ത്തിയാക്കണമെന്നു പരീക്ഷാഭവന് അറിയിച്ചു. വിജ്ഞാപനത്തില് നല്കിയിരിക്കുന്ന സമയക്രമത്തില് യാതൊരു തരത്തിലുള്ള മാറ്റവും അനുവദിക്കില്ലെന്നും പരീക്ഷാഭവന് സെക്രട്ടറി വ്യക്തമാക്കി.
പരീക്ഷാ ഫീസ് അടച്ചതിനു ശേഷമാണ് വിദ്യാര്ത്ഥികള് രജിസ്ട്രേഷന് ചെയ്യേണ്ടത്. പിഴ കൂടാതെ നാളെ വരെ ഫീസ് അടയ്ക്കാവുന്നതാണ്. നവംബര് 21 മുതല് 26 വരെ 10 രൂപ പിഴയോടെ ഫീസ് അടയ്ക്കാന് സാധിക്കും. തുടര്ന്ന് 350 രൂപ പിഴയോടെ ഫീസ് അടയ്ക്കാനും അവസരം ഉണ്ടായിരിക്കും.
2026 മാര്ച്ച് 5 മുതല് 30 വരെയാണ് പ്രധാന പരീക്ഷകള് നടക്കുക. ഐ.ടി. പരീക്ഷകള് ഫെബ്രുവരി 2 മുതല് 13 വരെ നടത്തും.
Education
പരീക്ഷയില് പിന്നാക്കം നില്ക്കുന്ന വിദ്യാര്ത്ഥികള്ക്ക് പ്രത്യേക പഠനപിന്തുണ നല്കാന് നിര്ദേശം
പരീക്ഷയില് 30 ശതമാനത്തില് താഴെ മാര്ക്ക് നേടിയ കുട്ടികള്ക്ക് പ്രത്യേക പഠനസഹായം നല്കണമെന്നും ഇതിനായി സ്കൂളുകള് ആക്ഷന് പ്ലാന് തയ്യാറാക്കാനുമാണ് നിര്ദേശം.
തിരുവനന്തപുരം: പാദവാര്ഷിക പരീക്ഷകള്ക്കു ശേഷം സ്കൂളുകള് വീണ്ടും തുറന്ന സാഹചര്യത്തില്, പഠനത്തില് പിന്നോക്കം നില്ക്കുന്ന കുട്ടികള്ക്ക് പ്രത്യേക പിന്തുണ നല്കാന് പൊതുവിദ്യാഭ്യാസ വകുപ്പിന്റെ നിര്ദേശം. പരീക്ഷയില് 30 ശതമാനത്തില് താഴെ മാര്ക്ക് നേടിയ കുട്ടികള്ക്ക് പ്രത്യേക പഠനസഹായം നല്കണമെന്നും ഇതിനായി സ്കൂളുകള് ആക്ഷന് പ്ലാന് തയ്യാറാക്കാനുമാണ് നിര്ദേശം.
ഈ മാസം 9-നകം മൂല്യനിര്ണയം പൂര്ത്തിയാക്കി ഉത്തരക്കടലാസുകള് വിദ്യാര്ത്ഥികള്ക്ക് വിതരണം ചെയ്യണം. ഇതിനുശേഷം സെപ്റ്റംബര് 10നും 20നും ഇടയില് ക്ലാസ് പി.ടി.എ യോഗങ്ങള് വിളിച്ചുചേര്ക്കണം. സബ്ജക്ട് കൗണ്സില്, സ്കൂള് റിസോഴ്സ് ഗ്രൂപ്പ് എന്നിവയുടെ നേതൃത്വത്തില് അധിക പഠനപിന്തുണ നല്കുന്നതിനുള്ള കാര്യങ്ങള് ആലോചിച്ച് ആക്ഷന് പ്ലാന് തയ്യാറാക്കണം. താഴ്ന്ന ഗ്രേഡുകളിലുള്ള കുട്ടികളുടെ നിലവാരം മനസ്സിലാക്കി ഡയറ്റ്, എസ്.എസ്.കെ, വിദ്യാഭ്യാസ ഓഫീസര്മാര് തുടങ്ങിയവര് സ്കൂളുകളില് നേരിട്ടെത്തി പഠനപിന്തുണ നല്കണം. ഈ പ്രവര്ത്തനങ്ങളുടെ സമഗ്ര റിപ്പോര്ട്ട് എസ്.എസ്.കെ പൊതുവിദ്യാഭ്യാസ ഡയറക്ടര്ക്ക് നല്കണം.
എ.ഇ.ഒ, ഡി.ഇ.ഒ. എന്നിവര് തങ്ങളുടെ റിപ്പോര്ട്ടുകള് സെപ്റ്റംബര് 25നകം ഡി.ഡി.ഇ.മാര്ക്ക് കൈമാറണം. ഡി.ഡി.ഇ.മാര് ഈ റിപ്പോര്ട്ടുകള് ക്രോഡീകരിച്ച് സെപ്റ്റംബര് 30നകം പൊതുവിദ്യാഭ്യാസ ഡയറക്ടര്ക്ക് നല്കണം. നിരന്തര മൂല്യനിര്ണയം കുട്ടികളുടെ കഴിവുകള്ക്കനുസരിച്ച് മാത്രമാണ് നല്കുന്നതെന്ന് ഉറപ്പുവരുത്തണമെന്നും നിര്ദേശിച്ചിട്ടുണ്ട്. കൂടാതെ, എല്ലാ അധ്യാപകര്ക്കും കോണ്ഫിഡന്ഷ്യല് റിപ്പോര്ട്ട് (സി.ആര്.) രേഖപ്പെടുത്തുന്ന കാര്യം പരിഗണനയിലാണെന്ന് വിദ്യാഭ്യാസ മന്ത്രി ശിവന്കുട്ടി പറഞ്ഞു. അധ്യാപക സംഘടനകളുമായി ഇത് ചര്ച്ച ചെയ്യും. നിലവില് പ്രധാനാധ്യാപകര്ക്ക് മാത്രമാണ് സി.ആര്. ബാധകമാക്കിയിട്ടുള്ളത്.
-
world1 day agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
kerala2 days ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
world2 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
News8 hours agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
Health1 day agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala10 hours agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
Cricket1 day agoരാഹുൽ റിട്ടേൺസ്; ദക്ഷിണാഫ്രിക്കക്കെതിരായ ഏകദിന സ്ക്വാഡ് പ്രഖ്യാപിച്ചു; കെഎൽ രാഹുൽ ഇന്ത്യയെ നയിക്കും
-
kerala11 hours agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്