അയോധ്യയില്‍ ഞായറാഴ്ച വിശ്വ ഹിന്ദു പരിഷത്തിന്റെ ധര്‍മ്മസഭയില്‍ പങ്കെടുക്കാന്‍ രണ്ട് ലക്ഷം പ്രവര്‍ത്തകരെത്തുമെന്ന് റിപ്പോര്‍ട്ട്. ബാബരി മസ്ജിദ് ഭൂമിയില്‍ രാമക്ഷേത്രം നിര്‍മ്മിക്കാനാണ് ധര്‍മ്മസഭ സംഘടിപ്പിക്കുന്നത്. ക്ഷേത്ര നിര്‍മ്മാണത്തിനുള്ള സാമഗ്രകികള്‍ വിവിധ ഘട്ടങ്ങളിലായി ശിവസേനയുടെയും മറ്റു സംഘപരിവാര്‍ സംഘടനകളുടെയും നേതൃത്വത്തില്‍ പ്രദേശത്ത് എത്തിച്ചിരുന്നു.പരിപാടിയുടെ മുന്നോടിയായി ഉദ്ധവ് താക്കറെ ഇന്ന് അയോധ്യ സന്ദര്‍സിക്കുന്നുണ്ട്. വിഎച്ച്പിയുടെ നീക്കത്തില്‍ ഭീതിയിലാണ് പ്രദേശത്തെ മുസ്ലിംകള്‍. 1992 ലെ കര്‍വസേവക്കു ശേഷമുള്ള ഏറ്റവും ആസുത്രീതമായ നീക്കമാണിത്. നഗരത്തില്‍ കാവി പതാകകളും ഉദ്ധവ് താക്കറെയെ സ്വാഗതം ചെയ്യുന്ന പോസ്റ്ററുകളും പതിച്ചിട്ടുണ്ട്.

അയോധ്യ ഭൂമി കേസിലെ പ്രധാന കക്ഷിയായിരുന്ന ഇഖബാല്‍ അന്‍സാരി പറയുന്നത് ഇങ്ങനെയാണ് ‘അയോധ്യയിലെ മുസ്ലിംകള്‍ ഭീതിയിലാണ്. അവര്‍ ഗഗരം വിട്ടു പോവുകയാണ്. കാരണം ഞങ്ങള്‍ക്ക് മറ്റൊരു മാര്‍ഗമില്ല. ഞങ്ങള്‍ക്ക് സംരക്ഷണം നല്‍കാന്‍ ആവശ്യപ്പെട്ടുകൊണ്ടൊരു നിവേദന പത്രക ജില്ലാ മജിസ്‌ട്രേറ്റിന് നല്‍കിയിരുന്നു. പക്ഷ നടപടിയൊന്നും ഇതുവരെയുണ്ടായിട്ടില്ല’

3500 ലേറെ മുസ്ലിംകള്‍ ഇതിനകം അയോധ്യയുടെ വിവിധ പ്രദേശങ്ങള്‍ വിട്ടു പോയിട്ടുണ്ടെന്നാണ് ഇഖ്ബാല്‍ അന്‍സാരി പറയുന്നത്. എന്നാല്‍ അദ്ദേഹത്തിന്റെ സുഹൃത്തായ ഷാഹിദ് പറയുന്നത് പ്രദേശം വിട്ടു പോയവരുടെ എണ്ണം അയ്യായിരത്തിലേറെ വരുമെന്നാണ്. കുട്ടികളെയും സ്ത്രീകളെയും വൃദ്ധരേയെും മറ്റു പ്രദേശങ്ങളിലേക്ക് അയച്ചിരിക്കുകയാണ് അവര്‍.