Connect with us

Culture

ഡ്യുമിനിക്കും എല്‍ഗറിനും സെഞ്ച്വറി; ദക്ഷിണാഫ്രിക്ക ഡ്രൈവിങ് സീറ്റില്‍

Published

on

പെര്‍ത്ത്: ഓസ്‌ട്രേലിയന്‍ പര്യടനത്തിലെ ഒന്നാം ടെസ്റ്റില്‍ ദക്ഷിണാഫ്രിക്കക്ക് മുന്‍തൂക്കം. ആദ്യ ഇന്നിങ്‌സില്‍ രണ്ട് റണ്‍സ് ലീഡ് വഴങ്ങിയ സന്ദര്‍ശകര്‍, മൂന്നാം ദിനം സ്റ്റംപെടുക്കുമ്പോള്‍ ആറു വിക്കറ്റിന് 390 എന്ന ശക്തമായ നിലയിലാണ്. ഡീന്‍ എല്‍ഗറുടെയും ജീന്‍പോള്‍ ഡ്യുമിനിയുടെയും സെഞ്ച്വറികള്‍ കരുത്തുപകര്‍ന്നപ്പോള്‍ നാലു വിക്കറ്റ് കയ്യിലിരിക്കെ 388 റണ്‍സ് മുന്നിലാണ് ദക്ഷിണാഫ്രിക്ക. ക്വിന്റണ്‍ ഡികോക്ക് (16), വെര്‍നന്‍ ഫിലാന്റര്‍ (23) എന്നിവരാണ് ക്രീസില്‍.

സ്‌കോര്‍ ചുരുക്കത്തില്‍:

ഒന്നാം ഇന്നിങ്‌സ്: ദക്ഷിണാഫ്രിക്ക 242 (ഡികോക്ക് 84, ടെംബ ബവുമ 51. മിച്ചല്‍ സ്റ്റാര്‍ക്ക് 4/71), ഓസ്‌ട്രേലിയ 244 (ഡേവിഡ് വാര്‍ണര്‍ 97, മിച്ചല്‍ മാര്‍ഷ് 63. ഫിലാന്റര്‍ 4/56). രണ്ടാം ഇന്നിങ്‌സ്: ദക്ഷിണാഫ്രിക്ക ആറിന് 390 (എല്‍ഗര്‍ 127, ഡ്യുമിനി 141. പീറ്റര്‍ സിഡില്‍ 2/47, ഹേസല്‍വുഡ് 2/97).
രണ്ടാം ദിനം കളിനിര്‍ത്തുമ്പോള്‍ രണ്ട് വിക്കറ്റിന് 104 എന്ന ശക്തമായ നിലയിലായിരുന്ന ദക്ഷിണാഫ്രിക്കക്ക് എല്‍ഗര്‍-ഡ്യുമിനി കൂട്ടുകെട്ടാണ് കരുത്തായത്. മൂന്നാം വിക്കറ്റില്‍ 250 റണ്‍സ് ചേര്‍ത്ത ഇരുവരും 295 റണ്‍സ് വരെ ക്രീസില്‍ നിന്നു. 169 പന്തില്‍ 17 ബൗണ്ടറിയടക്കം ഡ്യുമിനിയാണ് ആദ്യം സെഞ്ച്വറിയിലെത്തിയത്. പിന്നാലെ 255 പന്തില്‍ 13 ബൗണ്ടറികളുടെയും ഒരു സിക്‌സറിന്റെയും അകമ്പടിയോടെ എല്‍ഗറും മൂന്നക്കം കണ്ടു.

വീഡിയോ കടപ്പാട്: ക്രിക്കറ്റ് ഓസ്‌ട്രേലിയ

20 ഫോറും ഒരു സിക്‌സറുമടിച്ച ഡ്യുമിനിയെ പീറ്റര്‍ സിഡില്‍ മടക്കിയപ്പോഴാണ് ഈ സഖ്യം തകര്‍ന്നത്. ഹേസല്‍വുഡിന് വിക്കറ്റ് നല്‍കി എല്‍ഗറും പുറത്തായി. ശേഷം ഫഫ് ഡുപ്ലസ്സി (32) സ്‌കോര്‍ബോര്‍ഡിലേക്ക് സംഭാവന നല്‍കിയപ്പോള്‍ ബവുമ എട്ട് റണ്‍സുമായി പുറത്തായി.
മത്സരത്തില്‍ രണ്ട് ദിവസം ശേഷിക്കെ വ്യക്തമായ മുന്‍തൂക്കം ദക്ഷിണാഫ്രിക്കക്കാണ്. വാക്കയില്‍ ഇതേവരെ ഓസ്‌ട്രേലിയയോട് ദക്ഷിണാഫ്രിക്ക തോറ്റിട്ടില്ല. ഇന്ന് ആദ്യസെഷനില്‍ അതിവേഗം സ്‌കോര്‍ ചെയ്ത് ഇന്നിങ്‌സ് ഡിക്ലയര്‍ ചെയ്ത് ആതിഥേയരെ ബാറ്റിങിനിറക്കാനാവും ദക്ഷിണാഫ്രിക്കയുടെ ശ്രമം.

Film

മലയാള സിനിമ റിലീസ് തടയില്ല, തുടരും; നിലപാട് മാറ്റി ഫിയോക്

കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

Published

on

നിലപാടിൽ അയവ് വരുത്തി തിയേറ്റർ ഉടമകളുടെ സംഘടനയായ ഫിയോക്. മലയാള സിനിമകൾ കേരളത്തിലെ തിയേറ്ററുകളിൽ റിലീസ് തുടരുമെന്നും സിനിമ മേഖലയിലെ പ്രശ്നങ്ങൾ ചർച്ച ചെയ്ത് പരിഹരിക്കുമെന്നും ഫിയോക്ക് ചെയർമാൻ ദിലീപ് പറഞ്ഞു. കാര്യങ്ങൾ മുമ്പത്തെ പോലെ മുന്നോട്ടു പോകുമെന്നും ദിലീപ് വ്യക്തമാക്കി.

ഫെബ്രുവരി 22ന് മലയാള ചിത്രങ്ങൾ റിലീസ് ചെയ്യുമെന്ന് ഫിയോക്ക് വ്യക്തമാക്കിയിരുന്നു. സിനിമകള്‍ തിയേറ്ററില്‍ റിലീസ് ചെയ്ത് വളരെ വേഗം ഒടിടി പ്ലാറ്റുഫോമുകൾക്ക് വിട്ടുകൊടുക്കുന്നതാണ് സമരത്തിന്റെ പ്രധാനകാരണമായി തിയേറ്റര്‍ ഉടമകള്‍ ചൂണ്ടിക്കാണിച്ചത്.
ഇത് കൂടാതെ ഷെയറിങ് രീതികളിൽ മാറ്റം വരുത്തണം, പബ്ലിസിറ്റി കോൺട്രിബ്യൂഷൻ, പേസ്റ്റിങ് ചാർജ് എന്നിവ പൂർണ്ണമായും നിർത്തലാക്കണം, വിപിഎഫ് ചാർജ് പ്രൊഡ്യൂസറോ ഡിസ്ട്രിബ്യൂട്ടറോ നൽകണം എന്നിവയും ഫിയോക്ക് മുന്നോട്ടു വച്ച പ്രധാന ആവശ്യങ്ങളിൽ പറയുന്നു.

Continue Reading

Film

അക്ഷയ് കുമാർ-ടൈഗർ ഷ്‌റോഫ് പരിപാടിയിൽ സംഘർഷം, ചെരിപ്പേറ്; ലാത്തിച്ചാർജ് നടത്തി പൊലീസ്

തിങ്കളാഴ്ച ലഖ്‌നൗവിലെ ചരിത്രപ്രസിദ്ധമായ ഹുസൈനാബാദ് ക്ലോക്ക് ടവറിനു സമീപത്തായിരുന്നു പരിപാടി

Published

on

ബോളിവുഡ് നടന്മാരായ അക്ഷയ് കുമാര്‍ ടൈഗര്‍ ഷൊറഫ് എന്നിവര്‍ പങ്കെടുത്ത പരിപാടിയില്‍ ആരാധകര്‍ക്ക് നേരെ പൊലീസ് ലാത്തി ചാര്‍ജ് നടത്തി. പരിപാടിക്ക് ഇടയില്‍ സുരക്ഷാ ബാനര്‍ തകര്‍ത്ത് ആരാധകര്‍ താരങ്ങള്‍ക്കടുത്തേക്ക് എത്തിയപ്പോഴാണ് പൊലീസ് ലാത്തി ചാര്‍ജ് നടത്തിയതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

തിങ്കളാഴ്ച ലഖ്‌നൗവിലെ ചരിത്രപ്രസിദ്ധമായ ഹുസൈനാബാദ് ക്ലോക്ക് ടവറിനു സമീപത്തായിരുന്നു പരിപാടി. താരങ്ങളെ കാണാനായി ആയിരങ്ങളാണു തടിച്ചുകൂടിയിരുന്നത്. ചിത്രത്തിന്റെ പ്രമോഷന്റെ ഭാഗമായി അക്ഷയ് കുമാറും ടൈഗര്‍ ഷ്‌റോഫും സമ്മാനങ്ങള്‍ വാരിവിതറിയതോടെയാണ് ആള്‍ക്കൂട്ടത്തിന്റെ നിയന്ത്രണം നഷ്ടമായത്. ആളുകള്‍ സൃഷ്ടിച്ച ഉന്തിലും തള്ളിലും നിരവധി പേര്‍ക്ക് പരിക്ക് പറ്റിയതായും വീഡിയോകളില്‍ നിന്നും വ്യക്തമാണ്.

Continue Reading

Film

നടൻ സുരാജ് വെഞ്ഞാറമൂടിന്റെ ഡ്രൈവിംഗ് ലൈസൻസ് സസ്‌പെൻഡ് ചെയ്യാനൊരുങ്ങി മോട്ടോർ വാഹന വകുപ്പ്

മോട്ടോർ വാഹന വകുപ്പ് മൂന്നുതവണ കാരണം കാണിക്കൽ നോട്ടീസ് അയച്ചിട്ടും മറുപടി ലഭിക്കാതായതോടെയാണ് സസ്‌പെൻഷൻ നടപടി സ്വീകരിക്കാൻ അധികൃതർ തീരുമാനിച്ചത്

Published

on

നടൻ സുരാജ് വെഞ്ഞാറമൂടിൻ്റെ ലൈസൻസ് സസ്പെൻഡ് ചെയ്യാൻ മോട്ടോർ വാഹന വകുപ്പ്. രാത്രി അമിത വേഗത്തിൽ ഓടിച്ച കാർ ഇടിച്ച്‌ ബൈക്ക് യാത്രക്കാരനു പരുക്കേറ്റ സംഭവത്തിലാണ് നടപടി. മോട്ടോർ വാഹന വകുപ്പ് മൂന്നുതവണ കാരണം കാണിക്കൽ നോട്ടീസ് അയച്ചിട്ടും മറുപടി ലഭിക്കാതായതോടെയാണ് സസ്‌പെൻഷൻ നടപടി സ്വീകരിക്കാൻ അധികൃതർ തീരുമാനിച്ചത്.

തമ്മനം-കാരണക്കോടം റോഡിലാണ് കേസിനാസ്പദമായ സംഭവം. 2023 ജൂലൈ 29ന് രാത്രിയിൽ സുരാജിന്റെ അമിതവേഗതയിൽ വന്ന കാർ മഞ്ചേരി സ്വദേശി ശരത്തിൻ്റെ ബൈക്കിൽ ഇടിക്കുകയായിരുന്നു. ശരത്തിൻ്റെ (31) വലതുകാലിൻ്റെ പെരുവിരലിന് പൊട്ടലും മറ്റ് കാൽവിരലുകൾക്ക് പരിക്കേൽക്കുകയും ചെയ്തിരുന്നു.

 

Continue Reading

Trending