എസ്.എഫ്.ഐ മുന്‍ നേതാവ് നിഖില്‍ തോമസിന്റെ വ്യാജ ഡിഗ്രി സര്‍ട്ടിഫിക്കറ്റുകള്‍ കണ്ടെത്തി. കലിംഗ സര്‍വകലാശാലയുടെ പേരിലുള്ള സര്‍ട്ടിഫിക്കറ്റുകളാണ് പൊലീസ് കണ്ടെത്തിയിരിക്കുന്നത്. നിഖിലിന്റെ വീട്ടില്‍ നടത്തിയ പരിശോധനയിലാണ് സര്‍ട്ടിഫിക്കറ്റുകള്‍ കണ്ടെടുത്തത്.
പ്രതി ഒളിവില്‍ പോയതിനാല്‍ വീട്ടില്‍ നിന്നും സര്‍ട്ടിഫിക്കറ്റ് മാറ്റാന്‍ സമയം കിട്ടിയിരുന്നില്ല. കേസുമായി ബന്ധപ്പെട്ട ചില പ്രധാന തെളിവുകള്‍ പൊലീസിന് ലഭിച്ചതായാണ് വിവരം. എറണാകുളത്തെ ഓറിയോണ്‍ എന്ന സ്ഥാപനത്തില്‍ നിന്നാണ് നിഖില്‍ തോമസ് വ്യാജ സര്‍ട്ടിഫിക്കറ്റ് തരപ്പെടുത്തിയത്. ഈ സ്ഥാപനത്തില്‍ ഇന്ന് തെളിവെടുപ്പ് നടത്തിയേക്കും.