പുനലൂരില്‍ സ്ലാബില്ലാത്ത ഓടയിലേക്ക് കൈക്കുഞ്ഞുമായി വീണ് യുവതിക്ക് പരിക്ക്. സംസ്ഥാന ഫാമിങ് കോര്‍പ്പറേഷന്റെ മുള്ളുമല ക്വാര്‍ട്ടേഴ്‌സിലെ താമസക്കാരി അനിതയുടെ കൈ ഒടിഞ്ഞു.
വീഴ്ചയില്‍ 5 മാസം പ്രായമുള്ള മകന്‍ അക്ഷിതിനെ രക്ഷിക്കാന്‍ ശ്രമിക്കുന്നതിനിടെയാണ് കൈ ഒടിഞ്ഞത്.
കുഞ്ഞ് പരിക്കേല്‍ക്കാതെ രക്ഷപെട്ടു. ഐക്കരക്കോണം ചെങ്കുളം റോഡില്‍ അക്ഷയ സെന്ററില്‍ നിന്നും റോഡിലേക്ക് ഇറങ്ങുന്നതിനിടെ ഇന്നലെയാണ് അപകടം. മൂന്നടി താഴ്ചയുള്ള ഓടയിലേക്ക് ആണ് വീണത്.