Connect with us

More

തിരിച്ചുപോകാന്‍ കയ്യില്‍ പണമില്ല; തെരുവ് അഭ്യാസം സംഘടിപ്പിച്ച് പണം ശേഖരിച്ച് വിദേശികള്‍

Published

on

ന്യൂഡല്‍ഹി: രാജസ്ഥാനും മരുഭൂമിയുമൊക്കെ കണ്ടാസ്വദിക്കാന്‍ ഇന്ത്യയില്‍ എത്തിയതാണ് വിദേശികളായ ടൂറിസ്റ്റുകള്‍. പെട്ടുപോയെന്ന് പറഞ്ഞാല്‍ മതിയല്ലോ. ഇന്ത്യ കണ്ട് കറങ്ങുന്നതിനിടെയിലാണ് ഇവിടെ കറന്‍സി പിന്‍വലിച്ചുകൊണ്ടുള്ള ഉത്തരവിറങ്ങുന്നത്. രാജസ്ഥാനിലെ പുഷ്‌ക്കറില്‍ ഡല്‍ഹിക്ക് കയറാന്‍ വണ്ടിക്കൂലിയില്ലാതെ നില്‍ക്കുമ്പോഴാണ് പണമുണ്ടാക്കാന്‍ ഒരു ആശയം മനസ്സിലുദിക്കുന്നത്. പിന്നെയൊന്നും നോക്കിയില്ല. ഐഡിയ പുറത്തെടുത്ത് വണ്ടിക്കൂലിയുണ്ടാക്കി അവര്‍. ജെര്‍മനി, ഓസട്രേലിയ, ഫ്രാന്‍സ് എന്നിവിടങ്ങളില്‍ നിന്നെത്തിയ ടൂറിസ്റ്റുകളാണ് തെരുവ് പരിപാടികള്‍ സംഘടിപ്പിച്ച് വണ്ടിക്കൂലി തരപ്പെടുത്തിയത്.

കഴിഞ്ഞ ശനിയാഴ്ച്ചയായിരുന്നു സംഭവം. രാജസ്ഥാനിലെ പുഷ്‌ക്കറിലെ ബ്രഹ്മ അമ്പലത്തിനു മുന്നിലാണ് തെരുവ് പരിപാടികള്‍ അവതരിപ്പിച്ച് ഇവര്‍ വേറിട്ട കാഴ്ച്ചയായത്. പന്ത്രണ്ടുപേരടങ്ങുന്ന സംഘം തെരുവില്‍ അഭ്യാസങ്ങള്‍ നയിച്ച് കയ്യടിവാങ്ങി. കൂട്ടത്തില്‍ പണവും. കയ്യില്‍ ‘നിങ്ങള്‍ക്ക് സഹായിക്കാന്‍ കഴിയും’ എന്നെഴുതിയ പ്ലക്കാര്‍ഡുമായായിരുന്നു തെരുവ് പെര്‍ഫോമന്‍സ്. സംഘത്തിലെ ആണുങ്ങള്‍ സംഗീത ഉപകരണങ്ങള്‍കൊണ്ട് മേമ്പൊടി ചേര്‍ത്തപ്പോള്‍ സ്ത്രീകള്‍ വളയംകൊണ്ടുള്ള കായികാഭ്യാസങ്ങള്‍ കൊണ്ട് കാണികളെ കയ്യിലെടുത്തു.2600 രൂപ അവിടുന്ന് പിരിഞ്ഞു കിട്ടുകയും ചെയ്തു.

കയ്യിലുള്ള പണം എടിഎമ്മും ബാങ്കും വഴി പിന്‍വലിക്കാന്‍ കഴിഞ്ഞില്ല. ഇവിടുത്തെ പ്രാദേശികര്‍ തങ്ങള്‍ക്ക് സഹായം നല്‍കിയെന്ന് ജര്‍മ്മന്‍കാരനായ അഡ്ല്രിക് പറഞ്ഞു. കഴിഞ്ഞ എട്ടിനാണ് പുഷ്‌ക്കറിന്റെ സൗന്ദര്യം ആസ്വദിക്കാന്‍ ഞങ്ങളെത്തുന്നത്. അന്ന് രാത്രിയാണ് ഇവിടെ കറന്‍സി നിരോധിച്ചുകൊണ്ടുള്ള പ്രഖ്യാപനം എത്തുന്നത്. പിന്നീട് ഭക്ഷണത്തിനും മറ്റു ആവശ്യങ്ങള്‍ക്കും ബുദ്ധിമുട്ടേണ്ടി വന്നുവെന്നും അവര്‍ പറയുന്നു. ഡല്‍ഹിയിലെത്താന്‍ മറ്റു വഴികളൊന്നും കയ്യിലുണ്ടായിരുന്നില്ല. തുടര്‍ന്നാണ് തെരുവ് പരിപാടികള്‍ സംഘടിപ്പിക്കാന്‍ തീരുമാനിച്ചതെന്നും അവര്‍ പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

GULF

ഒന്നര കോടി അപഹരിച്ച് മലയാളി ഒളിവിൽ; കുടുംബവും നാട്ടിലേയ്ക്ക് മുങ്ങിയതായി പരാതി

ഈ മാസം 25ന് തിങ്കളാഴ്ച ഉച്ചയ്ക്ക് ഡ്യൂട്ടിക്ക് ഹാജരാകേണ്ടിയിരുന്ന നിയാസിൻ്റെ അസാന്നിധ്യം ശ്രദ്ധയിൽപ്പെട്ടതോടെയാണ് ഹൈപ്പർ മാർക്കറ്റ് അധികൃതർ അന്വേഷണംമാരംഭിച്ചത്

Published

on

അബുദാബി: ജോലി ചെയ്യുന്ന സ്ഥാപനത്തിൽ നിന്ന് വൻ തുക തിരിമറി നടത്തി കണ്ണൂർ സ്വദേശിയായ യുവാവ് മുങ്ങിയതായി പരാതി. അബുദാബി ഖാലിദിയ മാളിലെ ലുലു ഹൈപ്പർ മാർക്കറ്റ് ക്യാഷ് ഓഫീസ് ഇൻ ചാർജായി ജോലി ചെയ്തു വരികയായിരുന്ന കണ്ണൂർ നാറാത്ത് സുഹറ മൻസിലിൽ പൊയ്യക്കൽ പുതിയ പുരയിൽ മുഹമ്മദ് നിയാസി (38) നെതിരെയാണ് ഒന്നര കോടിയോളം രൂപ(ആറ് ലക്ഷം ദിർഹം) അപഹരിച്ചതായി ലുലു ഗ്രൂപ്പ് അബുദാബി പൊലീസിൽ പരാതി നൽകിയത്.

ഈ മാസം 25ന് തിങ്കളാഴ്ച ഉച്ചയ്ക്ക് ഡ്യൂട്ടിക്ക് ഹാജരാകേണ്ടിയിരുന്ന നിയാസിൻ്റെ അസാന്നിധ്യം ശ്രദ്ധയിൽപ്പെട്ടതോടെയാണ് ഹൈപ്പർ മാർക്കറ്റ് അധികൃതർ അന്വേഷണംമാരംഭിച്ചത്. മൊബൈലിൽ ബന്ധപ്പെടാൻ ശ്രമിച്ചെങ്കിലും ഫോൺ ഓഫായിരുന്നു. തുടർന്ന് നടത്തിയ പരിശോധനയിൽ ക്യാഷ് ഓഫിസിൽ നിന്ന് 6 ലക്ഷം ദിർഹം കുറവുള്ളതായി കണ്ടെത്തി.

ക്യാഷ് ഓഫിസിൽ ജോലി ചെയ്യുന്നത് കൊണ്ട് നിയാസിൻ്റെ പാസ്പോർട്ട് കമ്പനിയാണ് നിയമപ്രകാരം സൂക്ഷിക്കുന്നത്. അതു കൊണ്ട് നിയാസിന് സാധാരണ രീതിയിൽ യുഎഇയിൽ നിന്ന് പുറത്ത് പോകാൻ സാധിക്കില്ലെന്ന് ലുലു അധികൃതർ പറഞ്ഞു.

നിയാസ് കഴിഞ്ഞ 15 വർഷമായി ലുലു ഗ്രൂപ്പിലാണ് ജോലി ചെയ്തിരുന്നത്. എറണാകുളം വെണ്ണല ചളിക്കാവട്ടം സ്വദേശിനിയായ ഭാര്യയും രണ്ട് കുട്ടികളും അബുദാബിയിൽ ഒപ്പം താമസിച്ചിരുന്നു. നിയാസിൻ്റെ തിരോധാനത്തിനു ശേഷം ഭാര്യയും കുട്ടികളും ആരെയും അറിയിക്കാതെ പെട്ടെന്ന് നാട്ടിലേയ്ക്ക് മുങ്ങുകയും ചെയ്തു. എംബസി മുഖാന്തിരം നിയാസിനെതിരെ കേരള പൊലീസിലും ലുലു ഗ്രൂപ്പ് പരാതി നൽകിയിട്ടുണ്ട്.

Continue Reading

kerala

‘ഇ.ഡി അന്വേഷണം തിരഞ്ഞെടുപ്പ് സ്റ്റണ്ട് മാത്രം, കരുവന്നൂരിന്റെ കാര്യം എന്തായി’: വി.ഡി. സതീശൻ

അരവിന്ദ് കേജ്‍രിവാളിനോടും ചിദംബരത്തോടുമുള്ള സമീപനമല്ല ഇ.ഡിക്ക് പിണറായി വിജയനോട് ഉള്ളതെന്നും അദ്ദേഹം ചൂണ്ടിക്കാട്ടി

Published

on

തിരുവനന്തപുരം∙ മാസപ്പടിയുമായി ബന്ധപ്പെട്ട് എൻഫോഴ്സ്മെന്റ് ഡയറക്ടറേറ്റ് (ഇ.ഡി) അന്വേഷണം പ്രഖ്യാപിച്ചത് തിരഞ്ഞെടുപ്പ് സ്റ്റണ്ട് മാത്രമാണെന്ന വിമർശനവുമായി പ്രതിപക്ഷ നേതാവ് വി.ഡി. സതീശൻ. തങ്ങൾ തമ്മിൽ പോരിലാണെന്ന് കാണിക്കാനുള്ള ബിജെപി, സിപിഎം ശ്രമം മാത്രമാണ് ഈ കേസെന്ന് സതീശൻ പരിഹസിച്ചു. അതേസമയം, ഇ.ഡി അന്വേഷണം പ്രഖ്യാപിച്ചെങ്കിലും തനിക്ക് അമിതാവേശമില്ലെന്ന് മൂവാറ്റുപുഴ എംഎൽഎ മാത്യു കുഴൽനാടൻ വ്യക്തമാക്കി.

കരുവന്നൂർ സഹകരണ ബാങ്ക് തട്ടിപ്പിലും സ്വർണക്കടത്തിലും ലൈഫ് മിഷൻ ആരോപണങ്ങളിലും ഇ.ഡി നടത്തുന്ന അന്വേഷണത്തിന്റെ കാര്യം എന്തായെന്ന് സതീശൻ ചോദിച്ചു. കേരളത്തിലെത്തുമ്പോൾ മാത്രം ഇ.ഡിയുടെ സമീപനം വ്യത്യസ്തമാണ്. അരവിന്ദ് കേജ്‍രിവാളിനോടും ചിദംബരത്തോടുമുള്ള സമീപനമല്ല ഇ.ഡിക്ക് പിണറായി വിജയനോട് ഉള്ളതെന്നും അദ്ദേഹം ചൂണ്ടിക്കാട്ടി.

Continue Reading

india

യുഎപിഎ കേസുകള്‍ കൂടുതലും കേരളത്തില്‍

യു.എ.പി.എ ചുമത്തുന്ന കേസുകളുടെ കാര്യത്തില്‍ രാജ്യത്ത് ഏഴാം സ്ഥാനത്താണ് കേരളം

Published

on

യു.എ.പി.എ നിയമപ്രകാരം കേസുകളെടുക്കുന്ന സംസ്ഥാനങ്ങളില്‍ മുന്നില്‍ കേരളം. 2018, 2019 വര്‍ഷങ്ങളില്‍ മാത്രം 70 കേസുകളാണ് കേരളത്തില്‍ ചുമത്തിയത്. യു.എ.പി.എ ചുമത്തുന്ന കേസുകളുടെ കാര്യത്തില്‍ രാജ്യത്ത് ഏഴാം സ്ഥാനത്താണ് കേരളം.

സി.എ.എക്കെതിരായ ഇടതുസര്‍ക്കാരിന്റെ വാഗ്ദാനങ്ങളെല്ലാം വെറും പൊള്ളാണെന്ന് തെളിയിക്കുന്നതാണ് ഈ കണക്ക്. സാമ്പത്തിക സംവരണം പോലെ അതിവേഗത്തിലാണ് കേരളം ഇത്തരം നിയമങ്ങള്‍ നടപ്പാക്കുന്നത്. 2014ല്‍ വെറും 30 കേസുകളാണ് കേരളത്തില്‍ ചുമത്തിയിരുന്നത്. എന്നാല്‍ 2016-21 കാലയളവില്‍ മാത്രം 145 കേസുകള്‍ ചുമത്തി. ലഘുലേഖ കൈവശം വെച്ചതിനാണ് അലനെയും താഹയെയും യു.എ.പി.എ ചുമത്തി അറസ്റ്റ് ചെയ്തത്.

Continue Reading

Trending