Connect with us

Culture

യോഗി അയോഗ്യത വിധിച്ച ഗോരഖ്പൂരിലെ ഹീറോ

Published

on

സഹീര്‍ കാരന്തൂര്‍

ഗോരഖ്പൂരിലെ ബാബാ രാഘവ് ദാസ് ആസ്പത്രിയില്‍ എഴുപത്തഞ്ചോളം പിഞ്ചുകുഞ്ഞുങ്ങള്‍ ഓക്‌സിജന്‍ കിട്ടാതെ മരണപ്പെട്ട വിവരം രാജ്യം ഞെട്ടലോടെയായിരുന്നു കേട്ടത്. കുട്ടികളുടെ മരണത്തോളം തന്നെ നടുക്കമുളവാക്കുന്നതായിരുന്നു ഭരണകൂടം സ്വീകരിച്ച തുടര്‍നടപടികളും. ആഗസറ്റ് പത്തിന് രാത്രി പുറത്തു വന്ന ആദ്യ റിപ്പോര്‍ട്ടില്‍ തന്നെ മുപ്പതോളം കുട്ടികളാണ് അവശ്യ ചികിത്സ കിട്ടാതെ മരണപ്പെട്ടത്. തുടര്‍ന്നിങ്ങോട്ടുള്ള ദിവസങ്ങളില്‍ മരണസംഖ്യ പിന്നേയും ഉയര്‍ന്നു കൊണ്ടേയിരുന്നു.

ബി.ആര്‍.ഡി ആസ്പത്രിയില്‍ ഓക്‌സിജന്‍ കിട്ടാതെ പിഞ്ചു കുഞ്ഞുങ്ങള്‍ മരിച്ച അടിയന്തര സാഹചര്യത്തില്‍ നിരവധി കുഞ്ഞുങ്ങളുടെ ജീവന്‍ രക്ഷിച്ചത് ഡോക്ടര്‍ ഖഫീല്‍ ഖാന്റെ അവസരോചിത നടപടികളായിരുന്നെന്ന് ആദ്യം റിപ്പോര്‍ട്ട് ചെയ്തത് അന്താരാഷ്ട്ര-ദേശീയ മാധ്യമങ്ങളായിരുന്നു. എന്നാല്‍ ദാരുണ ദുരന്തത്തിന്റെ മൂന്നാം ദിവസം ആഗസ്റ്റ് 13 ന് ഖഫീല്‍ ഖാനെ തേടി വന്നത് സ്ഥലംമാറ്റത്തിനുള്ള ഉത്തരവായിരുന്നു. ആറു ദിവസങ്ങള്‍ക്കുള്ളില്‍ 75 കുട്ടികള്‍ മരിച്ച ആശുപത്രിയിലെ മസ്തിഷ്‌കവീക്ക വകുപ്പായിരുന്നുഖഫീല്‍ ഖാന്‍ കൈകാര്യം ചെയ്തുവന്നത്. ബി.ആര്‍.ഡി ആസ്പത്രിയില്‍ തന്നെ ഡോക്ടറായി ഇനിയും തുടരുമെങ്കിലും മസ്തിഷ്‌കവീക്ക വകുപ്പിന്റെ ഉത്തരവാദിത്വത്തില്‍ നിന്ന് അദ്ദേഹത്തെ നീക്കി. ഉത്തരവാദിത്ത നിര്‍വഹണത്തിലെ വീഴ്ചയായിരുന്നു സര്‍ക്കാര്‍ അദ്ദേഹത്തില്‍ കണ്ടെത്തിയ കുറ്റം. ഡോ. ഭുബെന്ദ്ര ശര്‍മ്മക്കാണ് പുതിയ ചാര്‍ജ്ജ്.

ആഗസ്റ്റ് പത്തിന്റെ ദുരന്ത രാത്രിയില്‍ മുപ്പതിലധികം ജീവനുകളുടെ രക്ഷകനായ ഖഫീല്‍ ഖാന് എന്തുകൊണ്ടു സ്ഥലംമാറ്റം എന്ന സ്വാഭാവിക ചോദ്യത്തോടുള്ള സര്‍ക്കാറിന്റെയും ആസ്പത്രി അധികൃതരുടെയും ഉത്തരം അദ്ദേഹം കൃത്യവിലോപം നടത്തി എന്നതാണ്. എന്നാല്‍ ആ രാത്രിയില്‍ കൃത്യനിര്‍വ്വഹണം നടത്തി മാതൃകയായ മറ്റേതെങ്കിലും ഡോക്ടര്‍മാരുണ്ടോ എന്നൊന്നും ചിന്തിച്ചു കൂട്ടരുത്. സ്ഥലംമാറ്റത്തിന്റെ അടുത്ത ന്യായം അയാള്‍ സ്വകാര്യ പ്രാക്ടീസ് ചെയ്യുന്നുണ്ട് എന്നതായിരുന്നു. ഇക്കാര്യങ്ങള്‍ ചില ദേശീയ മാധ്യമങ്ങള്‍ പോലും ഏറ്റു പിടിക്കുകയുണ്ടായി. എന്നാല്‍ അദ്ദേഹത്തിന്റെ ബന്ധു അമര്‍ ഇസ്‌ലാം ഇതേ കുറിച്ച് പ്രതികരിച്ചത് ആരോപിക്കപ്പെടുന്ന ക്ലിനിക്ക് അേേദ്ദഹത്തിന്റേതല്ല ഭാര്യയുടേതാണെന്നായിരുന്നു. സ്വകാര്യ പ്രാക്ട്രീസിന്റെ പേരില്‍ ഈ സാഹചര്യത്തില്‍ തന്നെ ഒരു സ്ഥലംമാറ്റമെന്നത് വിചിത്രമായി തോന്നേണ്ടതില്ല. അതൊക്കെ സ്വാഭാവികമായ കാലമാണിത്.മറ്റൊരു കാരണം നിരത്തുന്നത് ഖഫീല്‍ ഖാന്‍ 2015 ല്‍ ഒരു പീഢന കേസില്‍ പ്രതിചേര്‍ക്കപ്പെട്ടയാളാണ് എന്നായിരുന്നു. എന്നാല്‍ അന്വേഷണ റിപ്പോര്‍ട്ട് പുറത്തു വന്നപ്പോള്‍ ഈ ആരോപണം വ്യാജമാണെന്ന് തെളിയിക്കപ്പെട്ടതുമാണ്.

മെഡിക്കല്‍ കോളജിലെ മറ്റു ഉദ്യോഗസ്ഥര്‍ ഖഫീല്‍ ഖാനെതിരെ ഉന്നയിക്കുന്ന പ്രധാന ആരോപണം അദ്ദേഹം വാര്‍ത്തകളുണ്ടാക്കി സ്വയം ഹീറോ ആവാന്‍ ശ്രമിച്ചു എന്നാണ്. 52ഓളം സിലിണ്ടറുകള്‍ ആശുപത്രിയിലുണ്ടായിട്ടും പുറത്തു നിന്നു കൊണ്ടു വരാന്‍ ശ്രമിച്ചു. എന്നാല്‍ ആസ്പത്രിയിലുണ്ടായിരുന്ന ഒരു സിലിണ്ടര്‍ പോലും പ്രയോജനപ്പെട്ടില്ലെന്നതാണ് വസ്തുത. മറിച്ച് ഖഫീല്‍ ഖാന്‍ സ്വന്തമായി പുറത്തു നിന്നു കൊണ്ടു വന്ന സിലിണ്ടറുകളായിരുന്നു കുട്ടികളുടെ ജീവന്‍ രക്ഷിക്കാന്‍ കാരണമായത്. ഗോരഖ്പൂരിലെ അടിയന്തര സാഹചര്യത്തില്‍ രോഗികള്‍ക്ക് കൃത്രിമ ശ്വാസം നല്‍കാനും അയാള്‍ സഹപ്രവര്‍ത്തകരോട് ആവശ്യപ്പെട്ടിരുന്നു. ഇക്കാര്യങ്ങള്‍ ആസ്പത്രി അധികൃതര്‍ മനഃപൂര്‍വ്വം മറച്ചു വെക്കാന്‍ ശ്രമിക്കുകയായിരുന്നു. മാധ്യമങ്ങള്‍ പോലും ഈ വസ്തുത വേണ്ട പ്രാധാന്യത്തോടെ റിപ്പോര്‍ട്ട് ചെയ്യാന്‍ മടിക്കുന്നു.

ആഗസ്റ്റ് 10 അര്‍ദ്ധരാത്രിയില്‍ ബി.ആര്‍.ഡി ഹോസ്പിറ്റലിലേക്കുള്ള ഓക്‌സിജന്‍ വിതരണം നിശ്ചലമാവുകയും കുട്ടികള്‍ മരണത്തോട് മല്ലിടുകയും ചെയ്യുന്ന അടിയന്തര സാഹചര്യത്തില്‍ ഖഫീല്‍ ഖാന്‍ സ്വമേധയാ നേതൃത്വമേറ്റെടുത്ത് സ്വകാര്യ വാഹനത്തില്‍ അടുത്തുള്ള നഴ്‌സിംഗ് ഹോമുകളില്‍ നിന്ന്് ഓക്‌സിജന്‍ കൊണ്ടു വരികയായിരുന്നെന്ന് ഡി.എന്‍.എ റിപ്പോര്‍ട്ട് ചെയ്യുന്നു. സ്വന്തം കീശയില്‍ നിന്ന് പതിനായിരം രൂപക്ക് മുകളില്‍ മുടക്കിയാണ് അടിയന്തര സാഹചര്യം തരണം ചെയ്യാന്‍ ഓക്‌സിജന്‍ എത്തിച്ചത് എന്നാണ് സി.എന്‍.എന്‍ അടക്കമുള്ള മാധ്യമങ്ങളും റിപ്പോര്‍ട്ട് ചെയ്തിരിക്കുന്നത്. ദേശീയ-ലോക മാധ്യമങ്ങളിലൂടെ ഖഫീല്‍ ഖാന്റെ സന്ദര്‍ഭോചിത ഇടപെടല്‍ പുറത്തു വന്നതോടെ സോഷ്യല്‍ മീഡിയയില്‍ അദ്ദേഹം പരക്കെ അനുമോദിക്കപ്പെട്ടു. അഭിനന്ദനങ്ങള്‍ കൊണ്ടു സാമൂഹ്യമാധ്യമങ്ങളില്‍ അദ്ദേഹം ശരിക്കും ആഘോഷിക്കപ്പെട്ടു. രാഷ്ട്രീയക്കാരും സാമൂഹ്യപ്രവര്‍ത്തകരും മാധ്യമ പ്രവര്‍ത്തകരും ഈ സന്ദര്‍ഭത്തില്‍ അദ്ദേഹത്തോടൊപ്പം നിന്ന് പിന്തുണ അറിയിച്ചു. എന്നാല്‍ ആസ്പത്രി അധികൃതര്‍ ഖഫീല്‍ ഖാന്റെ ഇടപെടലിനെ കുറിച്ച് ബോധപൂര്‍വമായ മൗനത്തിലാണ് അഭയം കണ്ടത്.

എന്നാല്‍ ഖഫീല്‍ ഖാനെതിരായ നടപടിയില്‍ എയിംസ് ഡോക്ടര്‍മാര്‍ വരെ ഖേദം പ്രകടിപ്പിച്ച് രംഗത്തു വന്നിട്ടുണ്ട്. ഗോരഖ്പൂര്‍ ദുരന്തത്തില്‍ ഖഫീല്‍ ഖാന്‍ ബലിയാക്കപ്പെട്ടു എന്നാണ് എയിംസിലെ ഡോക്ടര്‍ ഹര്‍ജിത് സിംഗ് പറഞ്ഞത്. പ്രാഥമികസൗകര്യങ്ങള്‍ ഒരുക്കുന്നതിലുള്ള സര്‍ക്കാര്‍ വീഴ്ചയുടെ പേരില്‍ വീണ്ടും ഒരു ഡോക്ടര്‍ ബലിയാടായിരിക്കുന്നു എന്നാണ് എയിംസിലെ റെസിഡന്റ് ഡോക്ടേഴ്‌സ് അസോസിയേഷന്‍ പ്രസിഡണ്ട് ഡോ. ഹര്‍ജിത് സിംഗ് പ്രതികരിച്ചത്. ആസ്പത്രിയില്‍ ഓക്‌സിജന്‍, ഗ്ലൗസ്, സര്‍ജറി ഉപകരണങ്ങള്‍ ഒന്നുമില്ലെങ്കില്‍ ആരാണുത്തരവാദി? സര്‍ക്കാര്‍ പറയുന്നത് ഡോക്ടര്‍മാര്‍ ആണെന്നാണ്. എന്നാല്‍ രാഷ്ട്രീയക്കാരോട് എനിക്കൊരഭ്യര്‍ത്ഥനയുണ്ട്, നിങ്ങളുടെ ദൗര്‍ബല്യങ്ങള്‍ മറച്ചുവെക്കാന്‍ രോഗിക്കും ഡോക്ടര്‍ക്കുമിടയിലെ ബന്ധത്തെ നിങ്ങള്‍ വഷളാക്കരുത്. ഭാട്ടിയയുടെ പരാമര്‍ശങ്ങള്‍ ഉത്തര്‍പ്രദേശ് സര്‍ക്കാറിനു കുറിക്ക് കൊള്ളുന്നതായിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

അടിമുടി ഞെട്ടിക്കാൻ ‘പെരുമാനി’യിലെ കൂട്ടർ എത്തുന്നു ! ടീസർ ദുൽഖർ സൽമാൻ പുറത്തിറക്കി…

പ്രേക്ഷകരെ അടിമുടി ഞെട്ടിക്കാൻ ‘പെരുമാനി’യിലെ കൂട്ടർ മെയ് മാസത്തിൽ തിയറ്ററുകളിലെത്തും.

Published

on

സണ്ണി വെയ്ൻ, വിനയ് ഫോർട്ട്‌, ലുക്ക്‌മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി ‘അപ്പൻ’ ശേഷം മജു സംവിധാനം ചെയ്യുന്ന ‘പെരുമാനി’യുടെ ടീസർ പുറത്തുവിട്ടു. ‘പെരുമാനി’ എന്ന ഗ്രാമം, ഒന്നു പറഞ്ഞാ രണ്ടാമത്തതിന് ഒടിപ്പടച്ചെത്തുന്ന ഗ്രാമവാസികൾ, ഇനി കലഹത്തിനും പ്രശ്നങ്ങൾക്കുമാണെങ്കിലോ യാതൊരു കുറവൂല്ലാ, തനി നാടൻ മട്ടിൽ കളർഫുളായെത്തിയ ടീസർ പ്രേക്ഷകശ്രദ്ധ നേടുന്നു. ദുൽഖർ സൽമാനാണ് ടീസർ റിലീസ് ചെയ്തത്. പ്രേക്ഷകരെ അടിമുടി ഞെട്ടിക്കാൻ ‘പെരുമാനി’യിലെ കൂട്ടർ മെയ് മാസത്തിൽ തിയറ്ററുകളിലെത്തും.

2022 ഒക്ടോബർ 28ന് റിലീസ് ചെയ്ത സണ്ണി വെയ്ൻ-അലൻസിയർ ചിത്രം ‘അപ്പൻ’ന് ശേഷം മജു സംവിധാനം ചെയ്യുന്ന സിനിമയാണ് ‘പെരുമാനി’. ചിത്രത്തിൽ വിനയ് ഫോർട്ട്‌ അവതരിപ്പിക്കുന്ന കഥാപാത്രത്തിന്റെ വ്യത്യസ്തമായ ഗെറ്റപ്പ് സോഷ്യൽ മീഡിയകളിൽ വലിയ രീതിയിൽ വൈറലായിരുന്നു. അടുത്തിടെ പുറത്തുവിട്ട ചിത്രത്തിന്റെ മോഷൻ പോസ്റ്റർ കണ്ടതോടെ വലിയ പ്രത്യേകതയോടെ എത്തുന്ന സിനിമയാണ് ‘പെരുമാനി’ എന്ന നിഗമനത്തിലാണ് പ്രേക്ഷകർ എത്തിചേർന്നത്. അത് ശരിവെക്കുന്ന വിധത്തിലാണ് ടീസറും.

‘പെരുമാനി’ എന്ന ഗ്രാമവും അവിടുത്തെ മനുഷ്യരും അവർ അഭിമുഖീകരിക്കുന്ന സംഭവവികാസങ്ങളും ഇതിവൃത്തമാക്കിയ ഈ ചിത്രം ഒരു ഫാന്റസി ഡ്രാമയാണ്. സംവിധായകൻ മജു തന്നെയാണ് തിരക്കഥ രചിച്ചത്. യൂൻ വി മൂവീസും മജു മൂവീസും ചേർന്നാണ് അവതരിപ്പിക്കുന്ന ചിത്രത്തിന്റെ ഡിസ്ട്രിബ്യൂഷൻ സെഞ്ച്വറി ഫിലിംസാണ് സ്വന്തമാക്കിയിരിക്കുന്നത്. ഫിറോസ് തൈരിനിലാണ് നിർമ്മാതാവ്. ദീപ തോമസ്, രാധിക രാധാകൃഷ്ണൻ, നവാസ് വള്ളിക്കുന്ന്, വിജിലേഷ്, ഫ്രാങ്കോ തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ.

എക്സിക്യൂട്ടീവ് പ്രൊഡ്യുസേർസ്: സഞ്ജീവ് മേനോൻ, ശ്യാംധർ, ഛായാഗ്രഹണം: മനേഷ് മാധവൻ, ചിത്രസംയോജനം: ജോയൽ കവി, സംഗീതം: ഗോപി സുന്ദർ, സൗണ്ട് ഡിസൈൻ: ജയദേവൻ ചക്കാടത്ത്, സിങ്ക് സൗണ്ട്: വൈശാഖ് പി വി, ഗാനരചന: മുഹ്സിൻ പെരാരി, സുഹൈൽ കോയ, പ്രൊജക്ട് ഡിസൈനർ: ഷംസുദീൻ മങ്കരത്തൊടി, പ്രൊഡക്ഷൻ കൺട്രോളർ: ഗിരീഷ് അത്തോളി, ചീഫ് അസോസിയേറ്റ് ഡയറെക്ടർ: അനീഷ് ജോർജ്, അസോസിയേറ്റ് ഡയറക്ടേർസ്: ഷിന്റോ വടക്കേക്കര, അഭിലാഷ് ഇല്ലിക്കുളം, പ്രൊഡക്ഷൻ എക്സിക്യൂട്ടീവ്: ഹാരിസ് റഹ്മാൻ, പ്രൊജക്റ്റ്‌ കോർഡിനേറ്റർ: അനൂപ് കൃഷ്ണ, ഫിനാൻസ് കൺട്രോളർ: വിജീഷ് രവി, കലാസംവിധാനം: വിശ്വനാഥൻ അരവിന്ദ്, വസ്ത്രാലങ്കാരം: ഇർഷാദ് ചെറുകുന്ന്, മേക്കപ്പ്: ലാലു കൂട്ടലിട, വി.എഫ്.എക്സ്: സജി ജൂനിയർ എഫ് എക്സ്, കളറിസ്റ്റ്: രമേശ്‌ അയ്യർ, ആക്ഷൻ: മാഫിയ ശശി, സ്റ്റിൽസ്: സെറീൻ ബാബു, പോസ്റ്റർ ഡിസൈൻ: യെല്ലോ ടൂത്ത്,ഡിസ്ട്രിബൂഷൻ – സെഞ്ചുറി ഫിലിംസ്, പിആർഒ & മാർക്കറ്റിംഗ്: വൈശാഖ് വടക്കേവീട്, ജിനു അനിൽകുമാർ.

Continue Reading

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Trending