തിരുവനന്തപുരം: കേരള ഗവര്‍ണര്‍ ആരിഫ് മുഹമ്മദ് ഖാന്റെ ഡ്രൈവറെ തൂങ്ങി മരിച്ചനിലയില്‍ കണ്ടെത്തി. ചേര്‍ത്തല ചക്കരക്കുളം ചന്ദ്രിക സദനത്തില്‍ സഹദേവന്റെ മകന്‍ തേജസ് (50) ആണ് മരിച്ചത്. തിരുവനന്തപും രാജ്ഭവനിലെ ക്വാര്‍ട്ടേഴ്‌സിലാണു ഞായറാഴ്ച രാവിലെ തേജസിനെ മരിച്ച നിലയില്‍ കണ്ടെത്തിയത്.

തന്റെ മരണത്തില്‍ ആര്‍ക്കും പങ്കില്ലെന്ന കുറിപ്പെഴുതി ഫെയ്‌സ്ബുക്കില്‍ പങ്കിട്ടതായാണു വിവരം. വര്‍ഷങ്ങളായി കുടുംബവുമൊത്ത് തിരുവനന്തപുരത്താണു താമസം. സംഭവത്തില്‍ പൊലീസ് അന്വേഷണം ആരംഭിച്ചു. അമ്മ – ശാന്തമ്മ. ഭാര്യ – പ്രേമ. മക്കള്‍: അനശ്വര്‍, അനശ്വര.