india
ഹരിയാന തെരഞ്ഞെടുപ്പ്; കോണ്ഗ്രസ് പിന്തുണയില് ഭിവാനിയില് നിന്ന് മത്സരിക്കാന് സി.പി.എം നേതാവ്
കോണ്ഗ്രസ്, സി.പി.എം, സി.പി.ഐ, നേതാക്കളുടെ സാന്നിധ്യത്തിലാണ് ഓംപ്രകാശ് നാമനിര്ദേശ പത്രിക നല്കിയത്.
ഹരിയാന നിയമസഭാ തെരഞ്ഞെടുപ്പില് ഭിവാനി മണ്ഡലത്തില് കോണ്ഗ്രസ് പിന്തുണയോടെ ഇടതുപക്ഷ സ്ഥാനാര്ത്ഥി. സി.പി.എം നേതാവായ ഓംപ്രകാശാണ് ഭിവാനിയില് നിന്ന് മത്സരിക്കുന്നത്. ഓംപ്രകാശ് നിലവില് സി.പി.എം ജില്ലാ സെക്രട്ടറിയും സംസ്ഥാന കമ്മിറ്റി അംഗവുമാണ്.
ഹരിയാനയില് വലിയ ജനപിന്തുണയുള്ള സി.പി.എം നേതാവെന്ന നിലയില് ഓംപ്രകാശിന്റെ സ്ഥാനാര്ത്ഥിത്വം സംസ്ഥാനത്ത് കടുത്ത മത്സരത്തിന് വേദിയൊരുക്കും.കോണ്ഗ്രസ്, സി.പി.എം, സി.പി.ഐ, നേതാക്കളുടെ സാന്നിധ്യത്തിലാണ് ഓംപ്രകാശ് നാമനിര്ദേശ പത്രിക നല്കിയത്. അതേസമയം ഓംപ്രകാശിന്റെ സ്ഥാനാര്ത്ഥിത്വത്തിന് പിന്നാലെ കഴിഞ്ഞ 1പത്ത് വര്ഷമായി സംസ്ഥാനത്ത് തുടരുന്ന ബി.ജെ.പി ഭരണത്തിന് ഇത്തവണ അന്ത്യം കുറിക്കുമെന്ന് സി.പി.എം സംസ്ഥാന സെക്രട്ടറി സുരേന്ദ്രന് സിങ് പറഞ്ഞു.
അതേസമയം ഹരിയാനയില് നടക്കാനിരിക്കുന്നത് നിര്ണായകവും ശക്തവുമായ തെരഞ്ഞെടുപ്പാണ്. പ്രധാന പാര്ട്ടികളായ കോണ്ഗ്രസ്, ബി.ജെ.പി, ആം.ആദ്മി പാര്ട്ടി എന്നിവ ഒറ്റയ്ക്കാണ് ഹരിയാനയില് മത്സരിക്കുന്നത്. ആം ആദ്മിയുമായി സഖ്യം ചേര്ന്ന് മത്സരിക്കാനുള്ള ശ്രമങ്ങള് കോണ്ഗ്രസ് നടത്തിയിരുന്നു. എന്നാല് സഖ്യം രൂപീകരിക്കുന്നതില് ഔദ്യോഗിക തീരുമാനങ്ങള് ഒന്നും തന്നെ ഇതുവരെ ഉണ്ടായിട്ടില്ല. നേരത്തെ നിയമസഭാ തെരഞ്ഞെടുപ്പില് സഖ്യം ചേരില്ലെന്ന് ഇരുപക്ഷവും പ്രതികരിച്ചിരുന്നു.
ഇതിനുപുറമെ ആദ്യഘട്ട സ്ഥാനാര്ത്ഥി പട്ടിക പുറത്തുവിട്ടതിന് പിന്നാലെ ഹരിയാന ബി.ജെ.പിയില് ഭിന്നത രൂപപ്പെട്ടിരുന്നു. പട്ടികയില് ഇടം പിടിക്കാന് കഴിയാതെ വന്നതോടെ മന്ത്രിമാരുള്പ്പെടെയുള്ള നേതാക്കള് ബി.ജെ.പിയില് നിന്ന് രാജിവെച്ചിരുന്നു.നിയമസഭാ തെരഞ്ഞെടുപ്പിന് മുന്നോടിയായി ഡല്ഹി മുഖ്യമന്ത്രി അരവിന്ദ് കെജ് രിവാളിന് മദ്യനയക്കേസില് ജാമ്യം ലഭിച്ചതും ജയില്മോചിതനായതും ആം ആദ്മി പാര്ട്ടിക്ക് ഗുണകരണമാകുമെന്നാണ് വിലയിരുത്തല്.
ഹരിയാന നിയമസഭാ തെരഞ്ഞെടുപ്പ് ഒക്ടോബര് അഞ്ചാം തീയതി നടക്കും. നേരത്തെ ഒക്ടോബര് ഒന്നിനാണ് തെരഞ്ഞെടുപ്പ് തീയതി പ്രഖ്യാപിച്ചിരുന്നത്. പിന്നീട് തീയതിയില് മാറ്റം വരുത്തി കേന്ദ്ര തെരഞ്ഞെടുപ്പ് കമ്മീഷന് അറിയിപ്പ് നല്കുകയായിരുന്നു. നേരത്തെ തീരുമാനിച്ചത് അനുസരിച്ച് ഒക്ടോബര് നാലിന് ഹരിയാനയില് തെരഞ്ഞെടുപ്പ് ഫലം പ്രഖ്യാപിക്കുമായിരുന്നു. എന്നാല് തെരഞ്ഞെടുപ്പ് തീയതി മാറ്റിയതോടെ, ഫലം ഒക്ടോബര് എട്ടിനായിരിക്കും ഇനി പ്രഖ്യാപിക്കുക. ഒക്ടോബര് അഞ്ചിന് ഒറ്റഘട്ടമായാണ് ഹരിയാനയില് നിയമസഭാ തെരഞ്ഞെടുപ്പ് നടക്കുക.
india
ആംബുലന്സിന് തീപിടിച്ച് നാല് പേര് മരിച്ചു
ചൊവ്വാഴ്ച രാത്രിയാണ് മൊദാസയില് നിന്ന് അഹമ്മദാബാദിലേക്ക് കടന്നുപോകുന്ന ആംബുലന്സില് ദുരന്തം സംഭവിച്ചത്.
പാലന്പൂര്: ഗുജറാത്തിലെ അഹമ്മദാബാദ് ഭാഗത്തേക്ക് പോകുകയായിരുന്ന ആംബുലന്സിന് തീപിടിച്ച് നാല് പേര് മരിച്ചു. ചൊവ്വാഴ്ച രാത്രിയാണ് മൊദാസയില് നിന്ന് അഹമ്മദാബാദിലേക്ക് കടന്നുപോകുന്ന ആംബുലന്സില് ദുരന്തം സംഭവിച്ചത്. മരിച്ചവരില് ഒരു ദിവസം മാത്രം പ്രായമായ പുതുജാത കുഞ്ഞും പിതാവും ഡോക്ടറും നഴ്സും ഉള്പ്പെടുന്നു.
മാസം തികയാതെ ജനിച്ച കുഞ്ഞിന്റെ ആരോഗ്യനില മോശമായതിനെ തുടര്ന്ന്, കൂടുതല് വിദഗ്ധ ചികിത്സക്കായി അഹമ്മദാബാദിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. ആദ്യം മൊദാസയിലെ ഒരു സ്വകാര്യ ആശുപത്രിയില് എത്തിയിരുന്ന കുഞ്ഞിനെ തുടര്ന്ന് നില വഷളായതിനാല് അഹമ്മദാബാദിലേക്ക് മാറ്റാന് നിര്ദേശിച്ചു. കുഞ്ഞിനെയും കുടുംബത്തെയും കൊണ്ടുപോകാന് ഓറഞ്ച് ചില്ഡ്രന്സ് ഹോസ്പിറ്റലില് നിന്നാണ് ഡോക്ടറും നഴ്സുമടങ്ങിയ ആംബുലന്സ് എത്തിയതെന്ന് ആരവല്ലി എസ്.പി. മനോഹര് സിംഗ് ജഡേജ അറിയിച്ചു.
ശിശുവിന്റെ പിതാവ് ജിഗ്നേഷ് മോച്ചി (38), കുടുംബാംഗങ്ങള് എന്നിവര് യാത്രതിരിച്ച ആംബുലന്സ് മൊദാസയില് നിന്ന് ചില കിലോമീറ്റര് മാത്രം പിന്നിട്ടപ്പോള് പെട്ടെന്ന് തീപിടിത്തം ഉണ്ടായി. തീ അതിവേഗം ആളിപ്പടര്ന്നതോടെ അഗ്നിശമന സേന എത്തുംമുമ്പ് തന്നെ കുഞ്ഞും പിതാവും ഡോക്ടറായ 30 കാരനായ രാജ്കരണ് ശാന്തിലാല് റെന്റിയയും 23 കാരിയായ നഴ്സ് ഭൂരി മനാത്തും വെന്തുമരിച്ചു.
അപകടസമയം ഡ്രൈവര് കാബിനില് ഉണ്ടായിരുന്ന മൂന്ന് പേര്ക്ക് ഗുരുതരമായ പൊള്ളലേറ്റതായി ഡെപ്യൂട്ടി പൊലീസ് സൂപ്രണ്ട് ആര്ഡി ദാബി പറഞ്ഞു. പരിക്കേറ്റവരെ ആശുപത്രിയില് പ്രവേശിപ്പിച്ചിരിക്കുകയാണ്. സംഭവസ്ഥലത്ത് ഫോറന്സിക് സംഘം പരിശോധന നടത്തുകയും തീപിടിത്തത്തിന്റെ കാരണം കണ്ടെത്താന് അന്വേഷണം തുടരുകയാണെന്നും പൊലീസ് അറിയിച്ചു.
ആംബുലന്സ് തീപിടിത്തത്തിന്റെ കാരണം സംബന്ധിച്ച് ഇപ്പോഴും വ്യക്തതയില്ലെങ്കിലും, വരുത്തിയ അനന്തരഫലങ്ങള് പ്രദേശവാസികളെയും ആരോഗ്യവ്യവസ്ഥയെയും നടുക്കിയിരിക്കുകയാണ്.
india
പോക്സോ കേസ്; ബിജെപി നേതാവ് ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി
ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്.
പ്രായപൂര്ത്തിയാവാത്ത പെണ്കുട്ടിയെ ലൈംഗികാതിക്രമത്തിനിരയാക്കിയ കേസില് കര്ണാടക മുന്മുഖ്യമന്ത്രിയും ബിജെപി നേതാവുമായ ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി. ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്. കേസില് യെദ്യൂരപ്പയെ കൂടാതെ അരുണ് വൈ.എം, രുദ്രേഷ് മരുളസിദ്ധയ്യ, ജി. മാരിസ്വാമി എന്നിവരാണ് മറ്റ് പ്രതികള്.
ബംഗളൂരു സദാശിവനഗര് പൊലീസാണ് അതിജീവിതയുടെ അമ്മ നല്കിയ പരാതിയില് യെദ്യൂരപ്പയുടെ പേരില് പോക്സോ വകുപ്പ് ചുമത്തി കേസെടുത്തത്. 17 വയസുള്ള തന്റെ മകളെ യെദ്യൂരപ്പ വീട്ടില് വെച്ച് ലൈംഗികമായി ഉപദ്രവിച്ചു എന്നാണ് പെണ്കുട്ടിയുടെ അമ്മയുടെ പരാതി. അന്വേഷണം പിന്നീട് സര്ക്കാര് സിഐഡിക്ക് കൈമാറി. കേസ് പരിഗണിക്കുന്ന ബംഗളൂരുവിലെ ജനപ്രതിനിധികളുടെ പ്രത്യേക കോടതി യെദ്യൂരപ്പയോട് ഹാജരാകാന് ആവശ്യപ്പെട്ട് സമന്സ് അയച്ചത് ചോദ്യം ചെയ്ത് യെദ്യൂരപ്പ ഹൈക്കോടതിയെ സമീപിച്ചു. എന്നാല്, കേസ് റദ്ദാക്കണമെന്ന യെദ്യൂരപ്പയുടെ ആവശ്യം ഹൈക്കോടതി തള്ളിയിരുന്നു.
കേസില് യെദ്യൂരപ്പ വിചാരണ നേരിടണമെന്നും ഹൈക്കോടതി വിധിച്ചിരുന്നു. കേസിന്റെ വിചാരണയില് അത്യാവശ്യമല്ലെങ്കില് നേരിട്ട് ഹാജരാകാന് യെദ്യൂരപ്പയെ നിര്ബന്ധിക്കരുതെന്ന് കോടതി ഉത്തരവിട്ടു. ജസ്റ്റിസ് എം.ഐ അരുണിന്റെ സിംഗിള് ബെഞ്ചിന്റെയായിരുന്നു വിധി. ഹൈക്കോടതി വിധിക്ക് പിന്നാലെ സ്പെഷ്യല് പബ്ലിക്ക് പ്രോസിക്യൂട്ടര് അശോക് നായിക് അതിവേഗ കോടതിയെ സമീപിക്കുകയായിരുന്നു.
india
പഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്.
ന്യൂഡല്ഹി: വാഹനങ്ങളുടെ ഫിറ്റ്നസ് ടെസ്റ്റിനുള്ള ഫീസ് വന്തോതില് വര്ധിപ്പിച്ച് കേന്ദ്ര സര്ക്കാര് സെന്ട്രല് മോട്ടോര് വെഹിക്കിള്സ് നിയമങ്ങളില് ഭേദഗതി വരുത്തി. നിലവിലെ നിരക്കിനെക്കാള് 10 ഇരട്ടി വരെ കൂടുതല് ഫീസാണ് പുതിയ നിയമപ്രകാരം ഈടാക്കുക. ഇതോടൊപ്പം, ഫിറ്റ്നസ് ടെസ്റ്റ് നിര്ബന്ധമാകുന്ന പ്രായപരിധിയും 15 വര്ഷത്തില് നിന്ന് 10 വര്ഷമായി കുറച്ചു. വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്. വാഹനം പഴക്കമാകുന്നതനുസരിച്ച് ഉയര്ന്ന നിരക്കാണ് ഇനി ബാധകമാകുന്നത്.
20 വര്ഷത്തിലധികം പഴക്കമുള്ള ഹെവി കൊമേഴ്സ്യല് വാഹനങ്ങള്ക്കാണ് ഏറ്റവും വലിയ വര്ധനവ്. ഇതുവരെ 2,500 രൂപയായിരുന്ന ഫിറ്റ്നസ് ടെസ്റ്റ് ഫീസ് ഇനി 25,000 രൂപ ആകും. ഇതേ പ്രായത്തിലുള്ള മിഡിയം കൊമേഴ്സ്യല് വാഹനങ്ങള് 1,800 രൂപയ്ക്ക് പകരം 20,000 രൂപ നല്കണം. ലൈറ്റ് മോട്ടോര് വാഹനങ്ങള്ക്ക് 15,000 രൂപയും മൂന്ന് ചക്രവാഹനങ്ങള്ക്ക് 7,000 രൂപയും ഈടാക്കും. 20 വര്ഷം പഴക്കമുള്ള ടു വീലറുകളുടെ ഫീസ് 600 രൂപയില് നിന്ന് 2,000 രൂപ ആയി ഉയര്ന്നു. പുതുക്കിയ റൂള് 81 പ്രകാരം 15 വര്ഷത്തില് താഴെ പഴക്കമുള്ള വാഹനങ്ങള്ക്കും ഫീസ് വര്ധിച്ചിട്ടുണ്ട്. മോട്ടോര്സൈക്കിളുകള്ക്കായി 400 രൂപ, LMV-കള്ക്കായി 600 രൂപ, മിഡിയം-ഹെവി കൊമേഴ്സ്യല് വാഹനങ്ങള്ക്കായി 1,000 രൂപ എന്നിങ്ങനെയാണ് പുതിയ നിരക്ക്. റോഡുകളില് നിന്ന് പഴയതും സുരക്ഷിതമല്ലാത്തതുമായ വാഹനങ്ങള് നീക്കം ചെയ്യാനും വാഹന സ്ക്രാപ്പേജ് നയത്തെ പ്രോത്സാഹിപ്പിക്കാനുമാണ് ഈ ഫീസ് വര്ധനയെന്ന് സര്ക്കാര് അറിയിച്ചു. ഉയര്ന്ന നിരക്ക് പഴക്കം ചെന്ന വാഹനങ്ങള് ഉപയോഗിക്കുന്നത് ചെലവേറിയതാക്കിയതിനാല്, അവ മാറ്റി പുതിയ മോഡലുകള് വാങ്ങാന് ഉടമകള് നിര്ബന്ധിതരാകുമെന്നും വിലയിരുത്തപ്പെടുന്നു.പുതിയ ഫീസ് രാജ്യത്തുടനീളം ഉടന് പ്രാബല്യത്തില് വന്നു.
-
india2 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News2 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india13 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala2 days agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala12 hours agoവാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
-
india2 days agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം