തിരുവനന്തപുരം: സംസ്ഥാനത്ത് ഹെല്ത്ത് കാര്ഡ് നിര്ബന്ധമാക്കിക്കൊണ്ടുള്ള ആരോഗ്യ വകുപ്പ് ഉത്തരവ് ഇന്നു മുതല് പ്രാബല്യത്തില്. ഭക്ഷ്യസ്ഥാപനങ്ങളുടേയും സംഘടനകളുടേയും അഭ്യര്ത്ഥന മാനിച്ച് നിരവധി തവണ ഹെല്ത്ത് കാര്ഡെടുക്കാന് സാവകാശം നല്കിയിരുന്നു. ഇന്ന് മുതല് കര്ശനമായ പരിശോധന തുടരുന്നതാണ്. ഹോട്ടലുകള്, റെസ്റ്റോറന്റുകള് തുടങ്ങി എല്ലാ ഭക്ഷ്യ സ്ഥാപനങ്ങളും ജീവനക്കാര്ക്ക് ഹെല്ത്ത് കാര്ഡ് ഉറപ്പാക്കണമെന്നും മന്ത്രി വീണ ജോര്ജ് അഭ്യര്ത്ഥിച്ചു. സംസ്ഥാനത്ത് ഭക്ഷ്യസുരക്ഷ പരിശോധനകള് തുടരുകയാണ്. വ്യാഴാഴ്ച മാത്രം 205 പരിശോധനകളാണ് സ്പെഷ്യല് സ്ക്വാഡ് നടത്തിയത്. 21 സ്ഥാപനങ്ങള്ക്ക് നോട്ടീസ് നല്കിയിട്ടുണ്ട്.