Connect with us

india

ഉയര്‍ന്ന പെന്‍ഷന്‍; ജോയിന്റ് ഒപ്ഷന്‍ ഉത്തരവ് പുറത്തിറക്കി

2014 സെപ്തംബര്‍ ഒന്നിനു ശേഷം സര്‍വീസില്‍ നിന്ന് വിരമിച്ചവരോ നിലവില്‍ സര്‍വീസില്‍ തുടരുന്നവരോ ആയ ജീവനക്കാര്‍ക്ക് ഉയര്‍ന്ന പെന്‍ഷന്‍ ലഭിക്കുന്നതിനുള്ള ജോയിന്റ് ഒപ്ഷന്‍ രേഖപ്പെടുത്തുന്നതിനുള്ള മാര്‍ഗനിര്‍ദേശം പുറത്തിറക്കി ഇ.പി.എഫ്.ഒ.

Published

on

ന്യൂഡല്‍ഹി: 2014 സെപ്തംബര്‍ ഒന്നിനു ശേഷം സര്‍വീസില്‍ നിന്ന് വിരമിച്ചവരോ നിലവില്‍ സര്‍വീസില്‍ തുടരുന്നവരോ ആയ ജീവനക്കാര്‍ക്ക് ഉയര്‍ന്ന പെന്‍ഷന്‍ ലഭിക്കുന്നതിനുള്ള ജോയിന്റ് ഒപ്ഷന്‍ രേഖപ്പെടുത്തുന്നതിനുള്ള മാര്‍ഗനിര്‍ദേശം പുറത്തിറക്കി ഇ.പി.എഫ്.ഒ. സുപ്രീംകോടതി അനുവദിച്ച നാലു മാസത്തെ കാലപരിധി അവസാനിരിക്കാന്‍ 11 ദിവസം മാത്രം ശേഷിക്കെയാണ് മാര്‍ഗനിര്‍ദേശം അടങ്ങിയ സര്‍ക്കുലര്‍ പുറത്തുവിട്ടത്. ഇ.പി.എഫ്.ഒ യൂണിഫൈഡ് മെമ്പര്‍ പോര്‍ട്ടല്‍ ഇന്റര്‍ഫേസില്‍ നല്‍കിയിരിക്കുന്ന ലിങ്ക് വഴി ഒപ്ഷന്‍ സമര്‍പ്പിക്കാം. മാര്‍ച്ച് നാലിനാണ് ഉയര്‍ന്ന പെന്‍ഷന് അനുവദിക്കാനുള്ള കാലാവധി അവസാനിക്കുന്നത്. ഉത്തരവിറക്കാന്‍ വൈകുന്നതില്‍ ഇ.പി.എഫ്.ഒക്കെതിരെ രാജ്യവ്യാപക പ്രതിഷേധം ഉയരുന്നതിനിടെയാണ് നീക്കം.

ഉയര്‍ന്ന പെന്‍ഷനു വേണ്ടി യഥാര്‍ത്ഥ ശമ്പളത്തെ അടിസ്ഥാനമാക്കിയിലുള്ള കൂടിയ വിഹിതം പിടിച്ചുകൊള്ളാന്‍ അനുമതി നല്‍കി തൊഴിലാളിയും തൊഴിലുടമയും നല്‍കുന്ന സമ്മതപത്രമാണ് ജോയിന്റ് ഒപ്ഷന്‍. ജോയിന്റ് ഒപ്ഷന്‍ സ്വീകരിക്കുന്നതിന് ഫീല്‍ഡ് ഓഫീസര്‍മാര്‍ക്കുള്ള മാര്‍ഗനിര്‍ദേശങ്ങള്‍ സര്‍ക്കുലറില്‍ വിശദീകരിക്കുന്നു. ഫെബ്രുവരി 20 തിയതി വച്ച് പുറത്തിറക്കിയ ഉത്തരവില്‍ പറയുന്ന മാര്‍ഗനിര്‍ദേശങ്ങള്‍ ഇവയാണ്.

ഫീല്‍ഡ്
ഓഫീസര്‍മാര്‍ക്കുള്ള
നിര്‍ദേശങ്ങള്‍

1. 5000 അല്ലെങ്കില്‍ 6500ല്‍ കൂടുതല്‍ ശമ്പളമുള്ള തൊഴിലാളികളും തൊഴിലുടമകളുമാണ് ജോയിന്റ് ഒപ്ഷന്‍ സമര്‍പ്പിക്കേണ്ടത്.
2. ഇ.പി.എസ് 1995ലെ പാര 11 (3), അല്ലെങ്കില്‍ പാരാ 11 (4).., ഇവയില്‍ ഏതെങ്കിലും ഒന്ന് പ്രകാരമാണ് ഒപ്ഷന്‍ സമര്‍പ്പിക്കേണ്ടത്.
3. ജോയിന്റ് ഒപ്ഷന്‍ സമര്‍പ്പിക്കുന്ന തൊഴിലാളികള്‍ 2014 സെപ്തംബര്‍ ഒന്നിന് മുമ്പ് സര്‍വീസില്‍ പ്രവേശിച്ചവരും 2014 സെപ്തംബര്‍ ഒന്നു വരേയോ അതിനു ശേഷമോ സര്‍വീസില്‍ തുടര്‍ന്നവരോ ഇപ്പോഴും തുടരുന്നവരോ ആയിരിക്കണം.

തൊഴിലാളി
നിര്‍ദേശങ്ങള്‍

തൊഴിലാളികള്‍ക്ക് അവരുടെ തൊഴിലുടമകളുമായി ചേര്‍ന്ന് ഉയര്‍ന്ന പെന്‍ഷനു വേണ്ടിയുള്ള ജോയിന്റ് ഒപ്ഷന്‍ സമര്‍പ്പിക്കാവുന്നതാണ്. 2014 സെപ്തംബര്‍ 1നോ അതിനു മുമ്പോ ഇ.പി.എസ് വരിക്കാരായവര്‍ക്ക് ഓണ്‍ലൈന്‍ വഴി ഒപ്ഷന്‍ സമര്‍പ്പിക്കുന്നതിനുള്ള ക്രമീകരണം ഏര്‍പ്പെടുത്തുന്നതാണ്. വിശദാംശങ്ങള്‍ ഉടന്‍ അറിയിക്കും. നിര്‍ദേശം ലഭിച്ചു കഴിഞ്ഞാല്‍ റീജിയണല്‍ പി.എഫ് കമ്മീഷണര്‍മാര്‍ ഇത് നോട്ടീസ് ബോര്‍ഡില്‍ പ്രസിദ്ധപ്പെടുത്തുകയും ബാനറുകള്‍ ഉള്‍പ്പെടെ സ്ഥാപിച്ച് വലിയ പ്രചാരം നല്‍കുകയും ചെയ്യണം. നേരത്തെ മുതല്‍ ഉയര്‍ന്ന പെന്‍ഷന്‍ വിഹിതം അടക്കുകയും നിലവില്‍ ഉയര്‍ന്ന പെന്‍ഷന്‍ ഒപ്ഷന്‍ നല്‍കിയിട്ടില്ലാത്തവരും ആയ തൊഴിലാളികള്‍ ഉയര്‍ന്ന പെന്‍ഷനായി ഇ.പി.എഫ്.ഒ റീജിയണല്‍ ഓഫീസുകളില്‍ ഔപചാരികമായി ഉയര്‍ന്ന പെന്‍ഷന്‍ ഒപ്ഷന്‍ അപേക്ഷ സമര്‍പ്പിച്ചാല്‍ മതിയാകും. അതേസമയം ഉയര്‍ന്ന വിഹിതം നല്‍കിയിട്ടില്ലാത്തവര്‍ ഈ തുക പ്രൊവിഡന്റ് ഫണ്ടില്‍ നിന്ന് ഈടാക്കുന്നതിനുള്ള സമ്മതം കൂടി ജോയിന്റ് ഒപ്ഷനൊപ്പം നല്‍കണം.

 

 

EDUCATION

ഹാരപ്പൻ സംസ്‌കാരത്തെയും വെട്ടി; സിന്ധു-സരസ്വതി നാഗരികതയെന്ന് തിരുത്തി എൻ.സി.ഇ.ആർ.ടി ചരിത്ര പാഠപുസ്തകം

ജാതി വിവേചനത്തെയും അസമത്വങ്ങളെയും കുറിച്ചുള്ള പരാമർശങ്ങളും ദലിത് എന്ന വാക്കിന്റെ നിർവചനവും പാഠപുസ്തകത്തിൽ നിന്ന് നീക്കിയിട്ടുണ്ട്

Published

on

ഹാരപ്പൻ സംസ്‌കാരത്തെ ‘സിന്ധു-സരസ്വതി നാഗരികത’ എന്ന് തിരുത്തി എൻ.സി.ഇ.ആർ.ടി. ആറാം ക്ലാസിലെ സോഷ്യൽ സയൻസ് പാഠപുസ്തകത്തിലാണ് ഹാരപ്പൻ സംസ്‌കാരത്തെ തിരുത്തിയത്. ‘എക്‌സ്‌പ്ലോറിംഗ് സൊസൈറ്റി: ഇന്ത്യ ആൻഡ് ബിയോണ്ട്’ എന്ന പേരിൽ കഴിഞ്ഞദിവസമാണ് പുസ്തകമിറങ്ങിയത്.

സരസ്വതി നദിയെക്കുറിച്ചും യൂണിറ്റ് ഉപശീർഷകത്തിൽ പരാമർശിക്കുന്നുണ്ട്. സരസ്വതി നദി അപ്രത്യക്ഷമായില്ലെന്നും ഇന്ത്യയിൽ ‘ഗഗ്ഗർ’ എന്ന പേരിലും പാകിസ്താനിൽ ‘ഹക്ര’ എന്ന പേരിലും നദി ഒഴുകുന്നുണ്ടെന്നും പുസ്തകത്തിൽ പറയുന്നു. ‘ഋഗ്വേദ’ത്തിൽ സരസ്വതി നദിയെപ്പറ്റിയുള്ള പരാമർശത്തെക്കുറിച്ച് പുസ്തകത്തിൽ എഴുതിയിട്ടുണ്ട്. ഹാരപ്പൻ നഗരങ്ങളുടെ തകർച്ചയ്ക്ക് പിന്നിൽ സരസ്വദി നദി വറ്റിവരണ്ടതാണെന്നും പാഠപുസ്തകത്തിൽ പറയുന്നു.എന്നാൽ പഴയ പാഠപുസ്തകങ്ങളിൽ സരസ്വതി നദി വറ്റിവരണ്ടതായി പരാമർശിക്കുന്നില്ല.

ഇന്ത്യക്ക് സ്വന്തമായി സമയക്രമം നിശ്ചയിക്കുന്നതിന് സംവിധാനമുണ്ടായിരുന്നതായും പാഠപുസ്തകത്തിലുണ്ട്. ഗ്രീനിച്ച് മെറിഡിയൻ നിശ്ചയിക്കുന്നതിന് നൂറ്റാണ്ടുകൾക്ക് മുന്നെ ‘ഉജ്ജയിനി മെറിഡിയൻ’ എന്ന് വിളിക്കുന്നപ്പെടുന്ന ഒരു ‘പ്രൈം മെറിഡിയൻ’ ഇന്ത്യക്ക് ഉണ്ടായിരുന്നെന്നും പുസ്തകത്തിലുണ്ട്. പർവതങ്ങളെയും ഭൂപ്രകൃതിയെയും കുറിച്ചുള്ള ഭൂമിശാസ്ത്ര വിഭാഗത്തിൽ കാളിദാസന്റെ കവിതകളും ഉൾപ്പെടുത്തിയിട്ടുണ്ട്.

കാളിദാസന്റെ കുമാര സംഭവവും അതിലെ ഹിമാലയൻ പരാമർശവുമാണ് ഉൾപ്പെടുത്തിയിരിക്കുന്നത്. ജാതി വിവേചനത്തെയും അസമത്വങ്ങളെയും കുറിച്ചുള്ള പരാമർശങ്ങളും ദലിത് എന്ന വാക്കിന്റെ നിർവചനവും പാഠപുസ്തകത്തിൽ നിന്ന് നീക്കിയിട്ടുണ്ട്. നിരവധി സംസ്‌കൃത പദങ്ങളും പാഠപുസ്തകത്തിലുണ്ട്. സംസ്‌കൃത പദങ്ങളുടെ ഉച്ചാരണം സംബന്ധിച്ച ഒരു കുറിപ്പ് തന്നെ പുസ്തകത്തിൽ നൽകിയിട്ടുണ്ട്.

Continue Reading

india

നിതീഷ് കുമാറിന് തിരിച്ചടി; ബിഹാറിന് പ്രത്യേക പദവി വേണമെന്ന ആവശ്യം കേന്ദ്രം തള്ളി

ഝഞ്ചർപൂർ ലോക്‌സഭാ എം.പി രാംപ്രിത് മണ്ഡലിന് രേഖാമൂലം നൽകിയ മറുപടിയിലാണ് കേന്ദ്ര ധനകാര്യ സഹമന്ത്രി പങ്കജ് ചൗധരി ബിഹാറിന് പ്രത്യേക പദവിയില്ലെന്ന കാര്യം വ്യക്തമാക്കിയത്.

Published

on

പാർലമെന്റിലെ വർഷകാല സമ്മേളനത്തിൽ ബിഹാറിന് പ്രത്യേക പദവി വേണമെന്ന ആവശ്യം അംഗീകരിച്ചില്ല. ജെ.ഡിയു നേതാവും ബിഹാർ മുഖ്യമന്ത്രിയുമായ നിതീഷ് കുമാറിന് ശക്തമായ തിരിച്ചടിയായി കേന്ദ്രത്തിന്റെ തീരുമാനം. ഇന്ത്യ സഖത്തിനൊപ്പം എൻ.ഡി.എ സഖ്യകക്ഷികളായ ജെ.ഡി.യുവലെ സഞ്ജയ് കുമാർ ഝായും ലോക് ജൻ ശക്തി നേതാവും കേന്ദ്രമ​ന്ത്രിയുമായ ചിരാഗ് പാസ്വാനുമാണ് ഈ ആവശ്യം ഉന്നയിച്ചത്. ആർ.​ജെ.ഡിയും പിന്തുണയുമായി പിന്നണിയിലുണ്ടായിരുന്നു.

ഝഞ്ചർപൂർ ലോക്‌സഭാ എം.പി രാംപ്രിത് മണ്ഡലിന് രേഖാമൂലം നൽകിയ മറുപടിയിലാണ് കേന്ദ്ര ധനകാര്യ സഹമന്ത്രി പങ്കജ് ചൗധരി ബിഹാറിന് പ്രത്യേക പദവിയില്ലെന്ന കാര്യം വ്യക്തമാക്കിയത്. ”പണ്ട് ദേശീയ വികസന കൗൺസിൽ ചില സംസ്ഥാനങ്ങൾക്ക് പദ്ധതികൾ എളുപ്പത്തിൽ ലഭിക്കാൻ പ്രത്യേക പദവി നൽകിയിരുന്നു. ആ വിഭാഗത്തിൽ ഉൾപ്പെടാൻ സംസ്ഥാനങ്ങൾക്ക് പ്രത്യേക സവിശേഷതകൾ വേണം. ആ സംസ്ഥാനം മലയോരവും ദുഷ്‍കരവുമായ ഭൂപ്രദേശമായിരിക്കണം. ജനസാന്ദ്രത കുറവായിരിക്കണം.

അതല്ലെങ്കിൽ ആദിവാസി ജനസംഖ്യ കൂടുതലായിരിക്കണം. അയൽ രാജ്യങ്ങളുമായുള്ള അതിർത്തിയിലെ തന്ത്രപ്രധാന സ്ഥാനത്ത് നിൽക്കുന്ന സംസ്ഥാനമാകണം. സാമ്പത്തികമായി പിന്നാക്കാവസ്ഥയിലായിരിക്കണം.

ഈ പട്ടിക കൂടി പരിഗണിച്ചാണ് ബിഹാറിന് പ്രത്യേക പദവി നൽകേണ്ട എന്ന് തീരുമാനിച്ചതെന്നും കേന്ദ്രമന്ത്രി വിശദീകരിച്ചു. ബിഹാർ, ആന്ധ്ര പ്രദേശ്, ഒഡിഷ സംസ്ഥാനങ്ങൾക്ക് പ്രത്യേക പദവി വേണമെന്ന് ജെ.ഡി.യു, ​വൈ.എസ്.ആർ.സി.പി, ബി.ജെ.ഡി പാർട്ടികൾ ഞായറാഴ്ച ആവശ്യപ്പെട്ടിരുന്നു. എന്നാൽ തെലുഗു ദേശം പാർട്ടി(ടി.ഡി.പി) ഇക്കാര്യത്തിൽ നിശ്ശബ്ദത പാലിച്ചതിൽ അത്ഭുതപ്പെടുത്തിയെന്ന് കോൺഗ്രസ് നേതാവ് ജയ്റാം രമേശ് പ്രതികരിച്ചു. എൻ.ഡി​.എയിലെ നെടുംതൂണെന്ന് വേണമെങ്കിൽ ജെ.ഡി.യുവിനെ വിശേഷിപ്പിക്കാം. ബിഹാറിന് പ്രത്യേക പദവിയാവശ്യപ്പെട്ട് എൻ.ഡി.എ പ്രമേയം പാസാക്കിയിരുന്നു. ആന്ധ്ര പ്രദേശിലെ നേതാക്കളും സമാന ആവശ്യം ഉന്നയിച്ചിരുന്നു. ലോക്സഭ തെരഞ്ഞെടുപ്പിനു ശേഷം ഈയാവശ്യം ഉയരുകയുണ്ടായി.

Continue Reading

Football

ഓസ്ട്രേലിയൻ ലീഗിലെ എക്കാലത്തെയും ടോപ് സ്കോറർ ജാമി മക്ലാരൻ മോഹൻ ബഗാനിൽ

ഐ എസ് എല്ലിൽ കളിച്ചതിൽ ഏറ്റവും പ്രതിഫലം വാങ്ങുന്ന കളിക്കാരനായിരിക്കും മക്ലാരെൻ. 

Published

on

ഐ.എസ്.എല്ലില്‍ വമ്പന്‍ സൈനിംഗ്. 2022 ഖത്തര്‍ ലോകകപ്പില്‍ ഓസ്‌ട്രേലിയയെ മുന്നില്‍ നിന്ന് നയിച്ച താരത്തെ മോഹന്‍ ബഗാന്‍ ഇന്ത്യയിലെത്തിച്ചു. നിലവിലെ ഇന്ത്യൻ സൂപ്പർ ലീഗ് (ഐഎസ്എൽ) ഷീൽഡ് ചാമ്പ്യൻമാരായ മോഹൻ ബഗാൻ ഒരു വൻ സൈനിംഗ് പൂർത്തിയാക്കി ഓസ്ട്രേലിയൻ ഇന്റർനാഷണലും ഓസ്ട്രേലിയ ലീഗിലെ എക്കാലത്തെയും ടോപ് സ്കോററുമായ ജാമി മക്ലാരൻ ആണ് ബഗാനിലേക്ക് എത്തിയിരിക്കുന്നത്. രണ്ട് വർഷത്തെ കരാറിൽ ആണ് 30കാരൻ ബഗാനിൽ എത്തുന്നത്. ഐ എസ് എല്ലിൽ കളിച്ചതിൽ ഏറ്റവും പ്രതിഫലം വാങ്ങുന്ന കളിക്കാരനായിരിക്കും മക്ലാരെൻ.

Continue Reading

Trending