Connect with us

Health

എച്ച്3എന്‍2 പനി: ഇന്ത്യയില്‍ രണ്ടു മരണം

ഇന്ത്യയില്‍ 90ലധികം പേര്‍ക്ക് എച്ച്3എന്‍2 ബാധിച്ചിട്ടുണ്ടെന്നാണ് റിപ്പോര്‍ട്ട്

Published

on

ഇന്ത്യയില്‍ എച്ച്3എന്‍2 വൈറസ് ബാധമൂലം രണ്ടുപേര്‍ മരിച്ചതായി സ്ഥിരീകരണം. കര്‍ണാടക, ഹരിയാന എന്നിവിടങ്ങളിലാണ് മരണം സ്ഥിരീകരിച്ചതെന്ന് കേന്ദ്ര ആരോഗ്യമന്ത്രാലയം അറിയിച്ചു. കര്‍ണാടകയില്‍ ഹിര ഗൗഡ (82) യാണ് മാര്‍ച്ച് 1ന് എച്ച്3എന്‍2 പനി ബാധിച്ച് മരിച്ചത്.

മരണകാരണം എച്ച്3എന്‍2 വൈറസ് തന്നെയാണ് ജില്ലാ ആരോഗ്യ ഉദ്യോഗസ്ഥന്‍ സ്ഥിരീകരിച്ചിരുന്നു. ഇതിനുശേഷമാണ് ഹരിയാനയില്‍ രാജ്യത്തെ രണ്ടാമത്തെ മരണം സ്ഥിരീകരിച്ചിരിക്കുന്നത്. ഇന്ത്യയില്‍ 90ലധികം പേര്‍ക്ക് എച്ച്3എന്‍2 ബാധിച്ചിട്ടുണ്ടെന്നാണ് റിപ്പോര്‍ട്ട്.

Food

നോമ്പുകാലത്ത് ആരോഗ്യകാര്യങ്ങളിലും ശുചിത്വത്തിലും അതീവ ജാഗ്രത പുലര്‍ത്തണമെന്ന് ആരോഗ്യ വകുപ്പ്

Published

on

നോമ്പ് കാലത്ത് വ്രതാനുഷ്ഠാനത്തോടൊപ്പം തന്നെ എല്ലാവരും ആരോഗ്യകാര്യങ്ങളിലും ശുചിത്വത്തിലും അതീവ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍ ഡോ.ആര്‍.രേണുക അറിയിച്ചു. വേനല്‍ കാലമായതിനാലും അന്തരീക്ഷ താപനില വളരെ കൂടിയതിനാലും ശരീരത്തില്‍ നിന്ന് ജലവും ലവണങ്ങലും നഷ്ടപ്പെടുന്നത് ശ്രദ്ധിക്കുകയും നിര്‍ജ്ജലീകരണം സംഭവിക്കുന്നത് തടയുകയും ചെയ്യേണ്ടതാണ്.

രോഗപ്രതിരോധത്തിനായി പൊതുജനങ്ങള്‍ ശ്രദ്ധിക്കേണ്ട കാര്യങ്ങള്‍

1. തിളപ്പിച്ചാറിയ വെള്ളം മാത്രം കുടിക്കാന്‍ ഉപയോഗിക്കുക.

2. ജ്യൂസുകളും മറ്റു പാനീയങ്ങളും തയ്യാറാക്കുവാന്‍ ആണെങ്കിലും തിളപ്പിച്ചാറിയ വെള്ളം മാത്രം ഉപയോഗിക്കുക.

3. പാനീയങ്ങള്‍ തയ്യാറാക്കുമ്പോള്‍ അംഗീകൃത രജിസ്‌ട്രേഷനുള്ള സ്ഥാപനങ്ങളില്‍ നിന്ന് ഭക്ഷ്യയോഗ്യമായ ഐസ് കട്ടകള്‍ മാത്രം ഉപയോഗിക്കുക.

4. അന്തരീക്ഷ താപനില കൂടുതലായതിനാല്‍ നിര്‍ജലീകരണം തടയുന്നതിനായി നോമ്പില്ലാത്ത രാത്രി സമയങ്ങളില്‍ ധാരാളം ശുദ്ധജലം കുടിക്കുക.

5. പഴങ്ങളും, പച്ചക്കറികളും, ഇലവര്‍ഗ്ഗങ്ങളും നന്നായി കഴുകിയതിന് ശേഷം മാത്രം ഉപയോഗിക്കുക.

6. ആരാധനാലയങ്ങളില്‍ അംഗശുദ്ധിവരുത്തുന്നതിനും, ഭക്ഷണം തയ്യാറാക്കുന്നതിനും ശുദ്ധജലം മാത്രം ഉപയോഗിക്കുക.

7. നോമ്പ് തുറക്കുന്ന സമയങ്ങളില്‍ എരിവും പുളിയും കൂടുതലുള്ള ഭക്ഷണ പദാര്‍ത്ഥങ്ങള്‍ കഴിക്കുന്നത് ഒഴിവാക്കേണ്ടതാണ്.

8. വേനല്‍ക്കാലമായതിനാല്‍ പാനീയങ്ങളും ദ്രാവകരൂപത്തിലുള്ള പദാര്‍ത്ഥങ്ങളും കൂടുതലായി ഭക്ഷണത്തില്‍ ഉള്‍പ്പെടുത്തുക.

9. നോമ്പ് തുറ പരിപാടികളില്‍ ഭക്ഷണം തയ്യാറാക്കുമ്പോള്‍ ശുചിത്വ മാനദണ്ഡങ്ങള്‍ കൃത്യമായി പാലിക്കുകയും, വ്യക്തി ശുചിത്വം പാലിക്കുന്നവര്‍ മാത്രം ഭക്ഷണം പാകം ചെയ്യുകയും വിതരണം ചെയ്യുകയും ചെയ്യുക.

10. സ്ഥിരമായി മരുന്ന് കഴിക്കുന്നവര്‍ ചികിത്സിക്കുന്ന ഡോക്ടറെ കണ്ട് മരുന്ന് കഴിക്കുന്ന സമയം ക്രമപ്പെടുത്തി കൃത്യമായി മരുന്ന് കഴിക്കേണ്ടതാണ്.

11. അന്തരീക്ഷ താപനില കൂടുതലായതിനാല്‍ തന്നെ ക്ഷീണം, തലകറക്കം, ഛര്‍ദ്ദി എന്നിവ ഉണ്ടായാല്‍ കൂടുതല്‍ ശ്രദ്ധ പുലര്‍ത്തേണ്ടതും; ആവശ്യമാണെങ്കില്‍ ഉടന്‍ തന്നെ ഡോക്ടറെ സമീപിക്കുകയും ചികിത്സ തേടുകയും വേണം.

Continue Reading

Health

നോമ്പ്കാലം; മരുന്ന് കഴിക്കുന്നവര്‍ ശ്രദ്ധിക്കേണ്ട കാര്യങ്ങള്‍

പൊതുവായ ചില സംശയങ്ങളും ഉത്തരങ്ങളും.

Published

on

Dr. Manojan Thekkedath
Senior Consultant
MBBS, MD (General Medicine)
aster mims calicut

വ്രതവിശുദ്ധിയുടെ നാളുകളാണിനി. മനസ്സും ശരീരവുമൊക്കെ ഒന്ന് പോലെ വിശുദ്ധമാകുന്ന കാലം. നോമ്പെടുക്കുക എന്നത് വിശ്വാസിയെ സംബന്ധിച്ച് ഏറ്റവും വലിയ പുണ്യമാണ്. എന്നാല്‍ അസുഖ ബാധിതരായവര്‍ക്ക്, പ്രത്യേകിച്ച് മരുന്നുകള്‍ കഴിക്കുന്നവര്‍ക്ക് സ്വാഭാവികമായ ചില സംശയങ്ങള്‍ ഈ സമയത്തുണ്ടാകാനിടയുണ്ട്. പൊതുവായ ചില സംശയങ്ങളും ഉത്തരങ്ങളും.

1) ഞാന്‍ സ്ഥിരമായി മരുന്ന് കഴിക്കുന്ന
വ്യക്തിയാണ്. എനിക്ക് നോമ്പെടുക്കാമോ?

ഈ കാര്യത്തില്‍ പൊതുവായ ഒരു അഭിപ്രായം ആധികാരികമായി പറയാന്‍ സാധിക്കില്ല. പ്രമേഹം പോലുള്ള അസുഖമുള്ളവരില്‍ രക്തത്തിലെ പഞ്ചസാരയുടെ അളവ് കുറയുവാനുള്ള സാധ്യതയുണ്ട്. അതുപോലെ തന്നെ ചിലരില്‍ നിര്‍ജ്ജലീകരണം മൂലമുള്ള പ്രശ്നങ്ങളും ഉണ്ടാകും. ഇതിന് പുറമെ ഏത് അസുഖമാണ്, ഏത് രീതിയിലുള്ള മരുന്നാണ് കഴിക്കുന്നത് എന്നൊക്കെ വിലയിരുത്തിയ ശേഷമേ നിര്‍ദ്ദേശം നല്‍കുവാന്‍ സാധിക്കുകയുള്ളൂ. ഇതിന് ഏറ്റവും ഉചിതമായ മാര്‍ഗ്ഗം ഡോക്ടറെ സന്ദര്‍ശിച്ച് കാര്യത്തില്‍ വ്യക്തത വരുത്തുക എന്നതാണ്. പൊതുവെ മരുന്നുകള്‍ ഉപയോഗിക്കുന്ന സമയക്രമത്തില്‍ മാറ്റം വരുത്തിയ ശേഷം നോമ്പ് എടുക്കാവുന്ന രീതിയാണ് നിര്‍ദ്ദേശിക്കപ്പെടാറുള്ളത്. എല്ലാവരിലും ഇത് സാധ്യമായെന്ന് വരില്ല.

2) കഴിഞ്ഞ തവണ ഡോക്ടര്‍ മരുന്നിന്റെ സമയക്രമം മാറ്റിത്തന്നിരുന്നു. ഇത്തവണയും അത് ആവര്‍ത്തിച്ചാല്‍ മതിയോ?

അങ്ങിനെ ഉറപ്പിച്ച് പറയാന്‍ സാധിക്കില്ല. രോഗിയുടെ അവസ്ഥ, രോഗത്തിന്റെ അവസ്ഥ, മരുന്നുകളുടെ ഫലപ്രാപ്തി എന്നിവയിലെല്ലാം മുന്‍വര്‍ഷത്തേതിനെ അപേക്ഷിച്ച് മാറ്റം ഉണ്ടായിരിക്കാം. അതിനാല്‍ ഡോക്ടറുടെ നിര്‍ദ്ദേശത്തിനനുസരിച്ച് മാത്രമേ തീരുമാനമെടുക്കാവൂ.

3) മരുന്നിന്റെ ഡോസില്‍ മാറ്റം വരുത്തേണ്ടി വരുമോ?

ഡോക്ടറാണ് തീരുമാനിക്കേണ്ടത്. പലവിധ കാരണങ്ങള്‍ പരിശോധിച്ച ശേഷമാണ് ഡോക്ടര്‍ നിര്‍ദ്ദേശം നല്‍കുക.

4) മരുന്ന് നിര്‍ത്താമോ?

ഡോക്ടറുടെ നിര്‍ദ്ദേശമില്ലാതെ നിര്‍ത്തരുത്.

5) വ്യായാമം നിര്‍ത്തണമോ?

കഠിനമായ വ്യായാമം താല്‍ക്കാലികമായി ഒഴിവാക്കുന്നതാണ് നല്ലത്. ചെറിയ നടത്തം പോലുള്ള വ്യായാമങ്ങള്‍ തുടരാം.

6) ഭക്ഷണക്രമം?

അമിത ഭക്ഷണത്തിനുള്ള ലൈസന്‍സല്ല നോമ്പ്കാലം എന്നോര്‍മ്മിക്കുക. മധുരം, കൊഴുപ്പ് കൂടിയ ഭക്ഷണം എന്നിവ പരമാവധി ഒഴിവാക്കുക, ധാരാളം വെള്ളം കുടിക്കുക. പഴവര്‍ഗ്ഗങ്ങള്‍ ഉള്‍പ്പെടുത്തു, ഫൈബര്‍, പ്രോട്ടീന്‍ എന്നിവ ഉറപ്പ് വരുത്തുക, മാംസത്തിന്റെ അമിത ഉപയോഗം പരിമിതപ്പെടുത്തുക. വൃക്കരോഗികളും മറ്റും ആവശ്യമായ നിര്‍ദ്ദേശത്തിന് ഡോക്ടറെ സമീപിക്കണം.

Continue Reading

Health

കോവിഡ് കേസുകളില്‍ വര്‍ധന ജില്ലകള്‍ക്ക് ജാഗ്രതാ നിര്‍ദേശം നൽകി മന്ത്രി വീണാ ജോര്‍ജ്

അതെ സമയം സംസ്ഥാനത്ത് കോവിഡ് ക്ലസ്റ്ററുകള്‍ രൂപപ്പെട്ടിട്ടില്ലെന്നും ,പുതിയ വകഭേദം വന്നിട്ടുണ്ടോയെന്നറിയാന്‍ ജിനോമിക് പരിശോധനകള്‍ വര്‍ധിപ്പിക്കുമെന്നും മന്ത്രി വീണാ ജോർജ്ജ് അറിയിച്ചു.

Published

on

സംസ്ഥാനത്ത് കോവിഡ് കേസുകളില്‍ നേരിയ വർധിച്ചിട്ടുണ്ടെന്ന് ആരോഗ്യ വകുപ്പ് മന്ത്രി വീണാ ജോര്‍ജ് അറിയിച്ചു. കോവിഡ് രോഗികള്‍ വര്‍ധിക്കുന്നത് മുന്നില്‍ കണ്ട് ഐസിയു, വെന്റിലേറ്റര്‍ ആശുപത്രി സംവിധാനങ്ങള്‍ കൂടുതല്‍ മാറ്റിവയ്ക്കാനും മന്ത്രി നിര്‍ദേശം നല്‍കി.ആവശ്യമായ പരിശോധന കിറ്റുകളും മരുന്നുകളും സജ്ജമാക്കാന്‍ കെ.എം.എസ്.സി.എല്ലിനും മന്ത്രി നിര്‍ദേശം നല്‍കി.

സംസ്ഥാനത്തെ കോവിഡ് സ്ഥിതി വിലയിരുത്തുന്നതിന് മന്ത്രി വീണാ ജോര്‍ജിന്റെ നേതൃത്വത്തില്‍ ഉന്നതതല യോഗം ചേര്‍ന്നു.ചൊവ്വാഴ്ച 172 കേസുകളാണ് ഉണ്ടായിരുന്നത്. തിരുവനന്തപുരം, എറണാകുളം ജില്ലകളിലാണ് കോവിഡ് കേസുകള്‍ കൂടുതല്‍. ആകെ 1026 കോവിഡ് ആക്ടീവ് കേസുകളാണുള്ളത്. 111 പേരാണ് ആശുപത്രികളില്‍ ചികിത്സയിലുള്ളത്. എല്ലാ ജില്ലകള്‍ക്കും ജാഗ്രതാ നിര്‍ദേശം നല്‍കിയിട്ടുണ്ട്. നിരീക്ഷണം ശക്തിപ്പെടുത്താന്‍ മന്ത്രി നിര്‍ദേശം നല്‍കി.

അതെ സമയം സംസ്ഥാനത്ത് കോവിഡ് ക്ലസ്റ്ററുകള്‍ രൂപപ്പെട്ടിട്ടില്ലെന്നും ,പുതിയ വകഭേദം വന്നിട്ടുണ്ടോയെന്നറിയാന്‍ ജിനോമിക് പരിശോധനകള്‍ വര്‍ധിപ്പിക്കുമെന്നും മന്ത്രി വീണാ ജോർജ്ജ് അറിയിച്ചു.

Continue Reading

Trending