ജയിലിലുള്ള തടവുകാരുടെ ജാതി വിവരങ്ങള്‍ വെളിപ്പെടുത്തുന്ന സംവിധാനം റദ്ദാക്കി സുപ്രിംകോടതി. ജാതി സംബന്ധിച്ച വിവരങ്ങള്‍ വിവേചനത്തിനും ചൂഷണത്തിനും കാരണമാകുന്നുണ്ടെന്ന് കണ്ടെത്തിയതിനെ തുടര്‍ന്നാണ് ഇത്തരം വിവരങ്ങള്‍ വെളിപ്പെടുത്തുന്നത് സപ്രിംകോടതി റദ്ദാക്കിയത്. ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസുമാരായ ജെ.ബി പര്‍ദിവാല, മനോജ് മിശ്ര എന്നിവരുള്‍പ്പെടുന്ന ബെഞ്ചിന്റെ ഉത്തരാണിത്. ജയിലുകളിലെ വിവേചനം തുടരരുതെന്ന് വ്യക്തമാക്കിയ ബെഞ്ച് വിഷയത്തില്‍ സ്വമേധയാ കേസെടുക്കുകയും ചെയ്തു.

ജയിലിലെ ജാതി അടിസ്ഥാനത്തിലുള്ള വിവേചനത്തെക്കുറിച്ച് ദ വയറിലെ മാധ്യമപ്രവര്‍ത്തക നടത്തിയ അന്വേഷണത്തിന്റെ അടിസ്ഥാനത്തില്‍ സമര്‍പ്പിച്ച ഹരജിയിലാണ് ഉത്തരവ്.

താഴ്ന്ന ജാതിയിലുള്ള തടവുകാര്‍ക്ക് മനുഷ്യത്വരഹിതമായ ജോലി നല്‍കുന്നത് അംഗീകരിക്കാനാവില്ലെന്ന് കോടതി ചൂണ്ടിക്കാട്ടി. ജാതി വിവരങ്ങള്‍ വെളിപ്പെടുത്തുന്നതുവഴി വിവേചനത്തിന് കാരണമാകുന്ന ചില സംസ്ഥാനങ്ങളിലെ ജയില്‍ മാനുവലുകളിലെ നിയമങ്ങളും കോടതി ഇതോടൊപ്പം റദ്ദാക്കി.

എല്ലാ സംസ്ഥാനങ്ങളും വിധിക്ക് അനുസൃതമായി ജയില്‍ മാനുവലുകളില്‍ മാറ്റങ്ങള്‍ വരുത്തണമെന്നും കോടതി നിര്‍ദേശിച്ചു. തടവുകാരുടെ ജാതിവിവരങ്ങള്‍ ജയില്‍ രജിസ്റ്ററില്‍ നിന്ന് നീക്കം ചെയ്യാനും കോടതി ഉത്തരവിട്ടു.

വിസ തട്ടിപ്പുകള്‍ക്കെതിരെ ജനങ്ങള്‍ ജാഗ്രത പുലര്‍ത്തണമെന്ന് നോര്‍ക്ക. സന്ദര്‍ശക വിസയില്‍ വിദേശരാജ്യത്തെത്തുന്നവര്‍ക്ക് ജോലി അവസരം ഒരുക്കുമെന്ന നിലയില്‍ റിക്രൂട്ട്മെന്റ് ഏജന്‍സികള്‍ വാഗ്ദാനം ചെയ്യുന്നുണ്ടെങ്കില്‍ അത് തട്ടിപ്പാണെന്ന് തിരിച്ചറിയണമെന്ന് റൂട്ട്സ് ചീഫ് എക്സിക്യുട്ടീവ് ഓഫീസര്‍ അജിത് കോളശേരി അറിയിച്ചു.

സന്ദര്‍ശക വിസ രാജ്യം സന്ദര്‍ശിക്കുന്നതിനുള്ള അനുമതി മാത്രമാണെന്നും അത് ജോലിക്കുള്ള അനുമതിയല്ലെന്ന് മനസ്സിലാക്കണമെന്നും അജിത് കോളശേരി പറഞ്ഞു. ഒരു രാജ്യവും സന്ദര്‍ശക വീസയില്‍ ജോലി അനുവദിക്കില്ലെന്നും ഇത്തരം വാഗ്ദാനങ്ങള്‍ വിശ്വസിച്ച് വിദേശരാജ്യത്തേക്കു പോയാല്‍ അതു നിയമപ്രശ്നങ്ങള്‍ക്ക് ഇടയാക്കുമെന്നും അദ്ദേഹം പറഞ്ഞു. ഏജന്‍സികള്‍ വാഗ്ദാനം ചെയ്യുന്ന ജോലിയായിരിക്കില്ല അവിടെ എത്തുമ്പോള്‍ ലഭിക്കുന്നതെന്നും കൃത്യമായ വേതനമോ ഭക്ഷണമോ താമസ സൗകര്യമോ, തൊഴില്‍ നിയമങ്ങളുടെ പരിരക്ഷയോ ലഭിക്കില്ലെന്നും അദ്ദേഹം മുന്നറിയിപ്പ് നല്‍കി. ഇത്തരത്തില്‍ പോയവരെ പിന്നീട് ബന്ധപ്പെടാന്‍ പറ്റാത്തത് ആശങ്കപ്പെടുത്തുന്നതാണെന്നും അജിത് കോളശേരി പറഞ്ഞു.

ഇത്തരം ഏജന്‍സികളുടെ തെറ്റായ വാഗ്ദാനങ്ങള്‍ വിശ്വസിച്ച് ഇന്ത്യയില്‍നിന്നും സന്ദര്‍ശക വിസയില്‍ മലേഷ്യ, കംബോഡിയ, തായ്ലന്‍ഡ്, മ്യാന്‍മാര്‍, ലാവോസ്, വിയറ്റ്നാം തുടങ്ങിയ രാജ്യങ്ങളിലേക്ക് പോയ പലരും തട്ടിപ്പിനിരയായതായി വിവരം പുറത്തുവന്നിട്ടുണ്ട്. ഈ സാഹചര്യത്തില്‍ ഇന്ത്യന്‍ വിദേശകാര്യ മന്ത്രാലയത്തിന്റെ അംഗീകാരമുള്ള റിക്രൂട്ട്മെന്റ് ഏജന്‍സികള്‍ വഴി മാത്രമേ അപേക്ഷ സമര്‍പ്പിക്കുന്നുള്ളെന്ന് ഉറപ്പുവരുത്തണമെന്നും അദ്ദേഹം പറഞ്ഞു. റിക്രൂട്ട്മെന്റ് ഏജന്‍സിക്ക് കേന്ദ്ര വിദേശകാര്യ മന്ത്രാലയത്തിന്റെ അംഗീകാരമുണ്ടോയെന്ന് ഇ-മൈഗ്രേറ്റ് പോര്‍ട്ടല്‍ വഴി എളുപ്പത്തില്‍ പരിശോധിക്കാവുന്നതാണെന്നും അജിത് കോളശേരി പറഞ്ഞു.

തനിക്കെതിരെ കേസുണ്ടെന്നത് വ്യാജ പ്രചാരണമെന്ന് കർണാടകയിലെ പ്രാദേശിക മുങ്ങൽ വിദഗ്ധൻ ഈശ്വർ മാൽപെ. തനിക്കെതിരെ കേസുണ്ടെന്നത് ചില മാധ്യമങ്ങളുടെ വ്യാജപ്രചാരണമാണ്. ഷിരൂർ തെരച്ചിൽ വിഷയത്തിൽ ഒരു തരത്തിലും വിവാദത്തിനില്ല. താൻ ചെയ്തത് എന്താണെന്ന് ദൈവത്തിനറിയാം, കണ്ടുനിന്നവർക്കും അറിയാം.