Video Stories
യു.എസ്-ഇസ്രാഈല് ബന്ധം വഷളാകുന്നു
ന്യൂയോര്ക്ക്: ഫലസ്തീനിലെ ജൂതകുടിയേറ്റ നിര്മാണ പ്രവര്ത്തനങ്ങള് പൂര്ണമായും അവസാനിപ്പിക്കാന് ആവശ്യപ്പെടുന്ന യു.എന് പ്രമേയത്തെ ചൊല്ലി ഇസ്രാഈലും അമേരിക്കയും തമ്മിലുള്ള ബന്ധം വഷളാകുന്നു. പതിവിന് വിരുദ്ധമായി വീറ്റോ പ്രയോഗിക്കാതെ പ്രമേയം പാസാക്കിയെടുക്കാന് സഹായിച്ച യു.എസ് നടപടി ഇസ്രാഈലിനെ ചൊടിപ്പിപ്പിക്കുകയും അമ്പരപ്പിക്കുകയും ചെയ്തിട്ടുണ്ട്. പ്രശ്നത്തില് ഇസ്രാഈല് പ്രധാനമന്ത്രി ബെഞ്ചമിന് നെതന്യാഹു അമേരിക്കന് അംബാസഡര് ഡാനിയല് ഷാപിറോയെ വിളിച്ചുവരുത്തി പ്രതിഷേധമറിയിച്ചു.
യു.എന് രക്ഷാസമിതിയില് പ്രമേയത്തെ അനുകൂലിച്ച് വോട്ടുചെയ്ത മറ്റു രാജ്യങ്ങളുടെ അംബാസഡര്മാരെ ഇസ്രാഈല് നേരത്തെ വിളിച്ചുവരുത്തിയിരുന്നു. അന്താരാഷ്ട്ര വിലക്കുകള് കാറ്റില്പറത്തി ഫലസ്തീന് മണ്ണില് തുടരുന്ന അധിനിവേശ പ്രവര്ത്തനങ്ങള് അവസാനിപ്പിക്കാന് ആവശ്യപ്പെടുന്ന പ്രമേയത്തെ ലജ്ജാവഹമെന്നാണ് ഇസ്രാഈല് വിശേഷിപ്പിച്ചത്. യു.എന് പ്രമേയത്തിനെതിരെ പ്രതികാര നടപടിയുണ്ടാകുമെന്ന് ഇസ്രാഈല് ഭരണകൂടം പ്രഖ്യാപിച്ചിട്ടുണ്ട്. പ്രമേയത്തിനു പിന്നില് പ്രവര്ത്തിച്ചത് അമേരിക്കയാണെന്ന് നെതന്യാഹു ആവര്ത്തിച്ച് ആരോപിച്ചു.
ഒബാമ ഭരണകൂടമാണ് പ്രമേയത്തിന് മുന്കൈയെടുത്തതെന്ന കാര്യത്തില് സംശയമില്ലെന്ന് അദ്ദേഹം വ്യക്തമാക്കി. പ്രമേയം പാസാകണമെന്ന് യു.എസ് ആഗ്രഹിച്ചിരുന്നുവെന്നാണ് തങ്ങള്ക്ക് ലഭിച്ച വിവരമെന്നും തെന്യാഹു പറഞ്ഞു. സുഹൃത്തുക്കള് സുഹൃത്തുക്കളെ രക്ഷാസമിതിയിലേക്ക് വലിച്ചിഴക്കാന് പാടില്ലെന്നായിരുന്നുവെന്ന് അദ്ദേഹം ഓര്മപ്പെടുത്തി. വിശ്വസ്ത സഖ്യകക്ഷിയായി മാത്രം പ്രവര്ത്തിച്ചിരുന്ന അമേരിക്കയില്നിന്ന് ഇത്തരമൊരു തിരിച്ചടി ഇസ്രാഈല് പ്രതീക്ഷിച്ചിരുന്നില്ല.
ഫലസ്തീനിലെ അധിനിവേശ പ്രവര്ത്തനങ്ങളില് പ്രസിഡന്റ് ബറാക് ഒബാമക്ക് അമര്ഷമുണ്ട്. തനിക്കുള്ള അതൃപ്തി പലപ്പോഴും അദ്ദേഹം തുറന്നു പ്രകടിപ്പിക്കുകയും ചെയ്തിരുന്നു. ഇതേ ചൊല്ലി ഒബാമയും നെതന്യാഹുവും അകലുകയും ചെയ്തു. അധികാരത്തിന്റെ അവസാന നാളുകളില് ഒബാമ യു.എന് രക്ഷാസമിതിയില് തങ്ങളെ ചതിക്കുമെന്ന് ഇസ്രാഈല് ഭയപ്പെട്ടിരുന്നു. പ്രമേയത്തിന്റെ പേരില് ഐക്യരാഷ്ട്രസഭയോട് പ്രതികാരം തീര്ക്കാനാണ് ഇസ്രാഈല് തീരുമാനം. ഇസ്രാഈലിനോട് ശത്രുത പുലര്ത്തുന്ന അഞ്ച് യു.എന് സ്ഥാപനങ്ങള്ക്കുള്ള സാമ്പത്തിക സഹായം നേരത്തെ നിര്ത്തിവെച്ചിട്ടുണ്ടെന്ന് നെതന്യാഹു പറഞ്ഞു.
Video Stories
ജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
ജാതി വിവേചനത്തെ തുടര്ന്ന് ബിജെപിയില് പൊട്ടിത്തെറി. പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
തിരൂര് നഗരസഭയില് ബിജെപി സ്ഥാനാര്ഥിയായി ഉദേഷിനെ പരിഗണിച്ചിരുന്നു. കാലങ്ങളായി ചിലര് സീറ്റുകള് കുത്തകയാക്കി വെച്ചിരിക്കുകയായിരുന്നുവെന്നും അദ്ദേഹം ആരോപിച്ചു. പാര്ട്ടിയില്നിന്ന് ജാതി വിവേചനം നേരിട്ടെന്ന് ഉദേഷ് പറഞ്ഞു. ഉദേഷിനെ പിന്തുണയ്ക്കുന്നവരും രാജിഭീഷണി മുഴക്കി.
News
എഐ തട്ടിപ്പുകളില് കുടുങ്ങരുത്; മുന്നറിയിപ്പുമായി ഗൂഗിള്
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി.
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി. വ്യാജ തൊഴില് അവസരങ്ങള്, ക്ലോണ് ചെയ്ത ബിസിനസ് വെബ്സൈറ്റുരള്, യഥാര്ത്ഥ ആപ്ലിക്കേഷനുകളോട് സാമ്യമുള്ള കബളിപ്പിക്കാന് വേണ്ടി നിര്മ്മിക്കുന്ന ആപ്പുകള് എന്നിവ നിര്മ്മിക്കാന് ഇപ്പോള് സൈബര് കുറ്റവാളികള് ജനറേറ്റീവ് എഐ ടൂളുകള് വിനിയോഗിക്കുന്നതായി ഗൂഗുളിന്റെ ട്രസ്റ്റ് ആന്ഡ് സേഫ്റ്റി ടീം വ്യക്തമാക്കി. ഗൂഗിളിന്റെ മുന്നറിയിപ്പ് പ്രകാരം ഈ തട്ടിപ്പുകളില് പ്രധാനമായും തൊഴിലന്വേഷകരെയും ചെറുകിട ബിസിനസ് ഉടമകളെയും ലക്ഷ്യമിടുന്നു. പലപ്പോഴും അറിയപ്പെടുന്ന കമ്പനികളുടെയോ സര്ക്കാര് ഏജന്സികളുടെയോ പേരില് വ്യാജ ജോലി ലിസ്റ്റിംഗുകള് സൃഷ്ടിക്കപ്പെടുന്നു. ഇരകളോട് വ്യക്തിഗത വിവരങ്ങള് പങ്കിടാനും, ജോലി പ്രോസസ്സിംഗ് ഫീസ് എന്ന പേരില് പണം അടയ്ക്കാനും ആവശ്യപ്പെടുന്നതാണ് സാധാരണ രീതി. ചിലര് മാല്വെയര് ഇന്സ്റ്റാള് ചെയ്യാനോ ഡാറ്റ മോഷ്ടിക്കാനോ ലക്ഷ്യമിട്ടുള്ള വ്യാജ അഭിമുഖ സോഫ്റ്റ്വെയറുകളും അയക്കുന്നു. ഇത്തരം തട്ടിപ്പുകള് വ്യക്തികള്ക്കും സ്ഥാപനങ്ങള്ക്കും ഗുരുതരമായ ഭീഷണിയാണെന്ന് ഗൂഗിള് മുന്നറിയിപ്പ് നല്കി. നിയമാനുസൃത തൊഴിലുടമകള് ഒരിക്കലും സാമ്പത്തിക വിവരങ്ങളോ പേയ്മെന്റെ് ആവശ്യങ്ങളോ ഉന്നയിക്കില്ലെന്നും ഉപയോക്താക്കള് ഓണ്ലൈനില് കൂടുതല് ജാഗ്രത പാലിക്കണമെന്നും ഗൂഗിള് വ്യക്തമാക്കി.
Video Stories
കടം വാങ്ങിയ പൈസ കൊണ്ടെടുത്ത ലോട്ടറിക്ക് 11 കോടി സമ്മാനം; സുഹൃത്തിന് 1 കോടി നല്കി പച്ചക്കറി കച്ചവടക്കാരന്
ജയ്പൂര് ജില്ലയിലെ കോട്പുടി പട്ടണത്തില് നിന്നുള്ള 38 കാരനായ അമിത് സെഹ്റയാണ് പഞ്ചാബ് സംസ്ഥാന ലോട്ടറിയുടെ ദീപാവലി ബമ്പര് സമ്മാനം നേടിയത്.
ജയ്പൂര്: ജീവിതം മുഴുവന് മാറ്റിമറിച്ച ഭാഗ്യചിരിയിലൂടെ രാജസ്ഥാനിലെ പച്ചക്കറി കച്ചവടക്കാരന് കോടിപതിയായി. കടം വാങ്ങിയ പണത്തില് വാങ്ങിയ ലോട്ടറി ടിക്കറ്റിനാണ് 11 കോടി രൂപയുടെ ജാക്ക്പോട്ട് അടിച്ചത്. അതിലെ ഒരു കോടി രൂപ സുഹൃത്തിന് നല്കി അമിത് സെഹ്റ മനുഷ്യസ്നേഹത്തിന്റെ മാതൃകയായി. ജയ്പൂര് ജില്ലയിലെ കോട്പുടി പട്ടണത്തില് നിന്നുള്ള 38 കാരനായ അമിത് സെഹ്റയാണ് പഞ്ചാബ് സംസ്ഥാന ലോട്ടറിയുടെ ദീപാവലി ബമ്പര് സമ്മാനം നേടിയത്. റോഡരികില് ചെറിയ വണ്ടിയില് പച്ചക്കറികള് വിറ്റ് ഉപജീവനം നടത്തുന്നയാളാണ് അദ്ദേഹം. ഒക്ടോബര് 16-ന് സുഹൃത്ത് മുകേഷ് സെന്നിനൊപ്പം പഞ്ചാബിലേക്ക് പോയപ്പോള് ബതിന്ഡയിലെ ചായക്കടക്കരികിലെ സ്റ്റാളില് നിന്നാണ് രണ്ട് ലോട്ടറി ടിക്കറ്റുകള് വാങ്ങിയത്. കയ്യില് പണമില്ലാത്തതിനാല് മുകേഷിനോട് 1000 രൂപ കടം വാങ്ങുകയായിരുന്നു. ഒക്ടോബര് 31ന് രാത്രി 10 മണിക്ക് മുകേഷിന്റെ ഫോണ് കോളിലൂടെയാണ് 11 കോടിയുടെ ജാക്ക്പോട്ട് അടിച്ചതറിയുന്നത്. രണ്ടാമത്തെ ടിക്കറ്റിനും 1000 രൂപ സമ്മാനമായി ലഭിച്ചു. ലോട്ടറി അടിച്ച വിവരം അറിഞ്ഞപ്പോള് ആദ്യം ഓര്ത്തത് സുഹൃത്ത് മുകേഷിനെയായിരുന്നു. അദ്ദേഹത്തിന്റെ രണ്ട് പെണ്മക്കള്ക്ക് 50 ലക്ഷം രൂപ വീതം ആകെ ഒരു കോടി നല്കുമെന്ന് അമിത് പറഞ്ഞു. ‘ പഞ്ചാബിലേക്ക് വരാന്പോലും 8,000 രൂപ കടം വാങ്ങിയിരുന്നു. അത് ഇപ്പോള് തിരിച്ചടക്കും. കോടിപതിയായെങ്കിലും ഞാന് പഴയപോലെ കച്ചവടം തുടരും. ഭാര്യയുടെ ആഗ്രഹം പോലെ സ്ഥലം വാങ്ങി വീട് പണിയും ‘ എന്നതായിരുന്നു അമിതിന്റെ പ്രതികരണം. സാധാരണ മനുഷ്യന്റെ മനോഹരമായ പങ്കുവെക്കലാണ് ഇപ്പോള് സോഷ്യല് മീഡിയയില് ചര്ച്ചയായിരിക്കുന്നത്.
-
india20 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF1 day agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News22 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india3 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala3 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala3 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala3 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്