Connect with us

More

മുസ്്ലിം ലീഗ് റാലി ഇന്നു കോഴിക്കോട്ട്

Published

on

 
കോഴിക്കോട്: ന്യൂനപക്ഷ ദളിത് വേട്ടക്കെതിരെ മുസ്ലിം ലീഗ് റാലി ഇന്നു കോഴിക്കോട്ട്. ഉച്ചക്ക് മൂന്നു മണിക്ക് മുതലക്കുളത്തു നിന്ന് ആരംഭിക്കുന്ന റാലി ബീച്ച് മറൈന്‍ ഗ്രൗണ്ടില്‍ സമ്മേളനത്തോടെ സമാപിക്കും. ദളിത് ന്യൂനപക്ഷ മുസ്്ലിം പീഡനത്തിനെതിരെ മുസ്്ലിം ലീഗ് ദേശീയ തലത്തില്‍ ആരംഭിക്കുന്ന ക്യാമ്പയിന്റെ ഉദ്ഘാടനവും ഇന്ന് നടക്കും. മുതലക്കുളത്തു നിന്ന് ആരംഭിക്കുന്ന റാലി സി.എച്ച് ഓവര്‍ ബ്രിഡ്ജ് വഴിയാണ് മറൈന്‍ ബീച്ച് ഗ്രൗണ്ടിലേക്ക് പ്രവേശിക്കുക.
ഫാസിസ്റ്റ് കൊലക്കത്തിക്ക് ഇരയായ ജുനൈദിന്റെ സഹോദരന്‍ മുഹമ്മദ് ഹാഷിം ഉള്‍പ്പെടെ ദേശീയ രംഗത്തെ പ്രമുഖര്‍ സംബന്ധിക്കും. പൊതു സമ്മേളനം മുസ്ലിം ലീഗ് ദേശീയ രാഷ്ട്രീയകാര്യ സമിതി ചെയര്‍മാന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി അദ്ധ്യക്ഷത വഹിക്കും. ഓര്‍ഗനൈസിംഗ് സെക്രട്ടറി ഇ.ടി മുഹമ്മദ് ബഷീര്‍ എം.പി, ട്രഷറര്‍ പി.വി അബ്ദുല്‍ വഹാബ് എം..പി, ദേശീയ സെക്രട്ടറിമാരായ എം.പി അബ്ദുസ്സമദ് സമദാനി, സിറാജ് സേട്ട്, സംസ്ഥാന ജനറല്‍ സെക്രട്ടറി കെ.പി.എ മജീദ്, ട്രഷറര്‍ പി.കെ.കെ ബാവ, പാണക്കാട് സയ്യിദ് സാദിഖലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍, ഡോ.എം.കെ മുനീര്‍, കൊല്ലപ്പെട്ട ജുനൈദിന്റെ സഹോദരന്‍ മുഹമ്മദ് ഹാഷിം ജുനൈദ്, സുഹൃത്ത് അസ്്ഹറുദ്ദീന്‍, ദളിത് ഫെഡറേഷന്‍ സംസ്ഥാന പ്രസിഡന്റ് പി രാമഭദ്രന്‍ സംസാരിക്കും.

വാഹനനങ്ങള്‍ക്ക് ക്രമീകരണം
കോഴിക്കോട്: മുസ്്ലിംലീഗ് ദേശീയ റാലിയില്‍ പങ്കെടുക്കാന്‍ പ്രവര്‍ത്തകരേയും വഹിച്ച് ഇന്ന് കോഴിക്കോട്ടെത്തുന്ന വാഹനങ്ങള്‍ക്ക് ക്രമീകരണം ഏര്‍പ്പെടുത്തി. തെക്ക് ഭാഗത്ത് (രാമനാട്ടുകര) നിന്ന് വരുന്ന വാഹനങ്ങള്‍ പുഷ്പ ജംഗ്ഷനില്‍ ആളുകളെ ഇറക്കി കോതി ബീച്ച് ഭാഗത്തായി പാര്‍ക്ക് ചെയ്യണം. പ്രവര്‍ത്തകര്‍ കാല്‍നടയായി മുതലക്കുളം മൈതാനിയില്‍ എത്തണം. വടക്ക് ഭാഗത്ത് (വടകര, പേരാമ്പ്ര, കുന്ദമംഗലം) നിന്ന് വരുന്ന വാഹനങ്ങള്‍ വയനാട് റോഡിലൂടെ ക്രിസ്ത്യന്‍ കോളജിന് സമീപം ആളുകളെ ഇറക്കി ബീച്ചില്‍ ലയണ്‍സ് പാര്‍ക്ക് മുതല്‍ വടക്ക് ഭാഗത്തായി പാര്‍ക്ക് ചെയ്യണം. വയനാട് റോഡ് വഴിയും തൊണ്ടയാട് വഴിയും വരുന്ന വാഹനങ്ങള്‍ സ്റ്റേഡിയം കോര്‍ണറില്‍ ആളെ ഇറക്കി മിനി ബൈപ്പാസില്‍ സരോവരം പരിസരത്ത് വാഹനങ്ങല്‍ പാര്‍ക്ക് ചെയ്യേണ്ടതാണ്. റാലിയില്‍ പങ്കെടുക്കുന്ന പ്രവര്‍ത്തകരെയും വഹിച്ച് കൊണ്ടുള്ള വാഹനങ്ങള്‍ മുതലക്കുളം പരിസരത്തേക്ക് പ്രവേശിക്കരുത്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കാട്ടാന ആക്രമണത്തിൽ കൊല്ലപ്പെട്ട വയോധികയുടെ മൃതദേഹവുമായി കോൺഗ്രസ് പ്രതിഷേധം

വന്യമൃഗ ശല്യത്തിന് പരിഹാരം കണ്ട ശേഷം മതി പോസ്റ്റ്‌മോര്‍ട്ടം എന്നതാണ് ഇന്ദിരയുടെ കുടുംബത്തിന്റെ നിലപാട്

Published

on

കൊച്ചി: നേരൃമംഗലത്ത് കാട്ടാന ആക്രമണത്തില്‍ വീട്ടമ്മ മരിച്ച സംഭവത്തില്‍ കോതമംഗലത്ത് പ്രതിഷേധം. വന്യമൃഗശല്യത്തിന് സര്‍ക്കാര്‍ ശാശ്വത പരിഹാരം കാണണമെന്ന് ആവശ്യപ്പെട്ട് ഇന്ദിരയുടെ മൃതദേഹവുമായി കോണ്‍ഗ്രസ് പ്രവര്‍ത്തകര്‍ പ്രതിഷേധ മാര്‍ച്ച് സംഘടിപ്പിച്ചു.

ഡീന്‍ കുര്യാക്കോസ്, മാത്യു കുഴല്‍നാടന്‍ എന്നിവരുടെ നേതൃത്വത്തിലാണ് പ്രതിഷേധം നടത്തുന്നത്. തടയാനെത്തിയ പൊലീസ് കോണ്‍ഗ്രസ് നേതാക്കളെ ബലം പ്രയോഗിച്ച് മാറ്റാന്‍ ശ്രമിച്ചു. മൃതദേഹം ഫ്രീസറിലേക്ക് മാറ്റിയ ശേഷം റോഡരികില്‍ പ്രതിഷേധം തുടരുകയാണ്.

വന്യമൃഗ ശല്യത്തിന് പരിഹാരം കണ്ട ശേഷം മതി പോസ്റ്റ്‌മോര്‍ട്ടം എന്നതാണ് ഇന്ദിരയുടെ കുടുംബത്തിന്റെ നിലപാട്. ഇന്ന് രാവിലെയാണ് കാട്ടാനയുടെ ആക്രമണത്തില്‍ നേരൃമംഗലം കാഞ്ഞിരവേലിയില്‍ ഇന്ദിര രാമകൃഷ്ണന്‍ മരിച്ചത്.

Continue Reading

kerala

‘കൊലപാതകത്തിന് വേണ്ട എല്ലാ ഒത്താശയും ചെയ്തുകൊടുത്തത് ഡീന്‍ ആണ്‌’: രാ​ഹുൽ മാങ്കൂട്ടത്തിൽ

എസ്എഫ്ഐ എന്ന അരാജക തീവ്രവാദ സംഘടനയെ അഴിച്ചുവിടുന്നതിൽ അധ്യാപകർക്ക് പങ്കുണ്ട്

Published

on

തിരുവനന്തപുരം: സിദ്ധാർത്ഥന്റെ മരണത്തിൽ ഡീൻ എം കെ നാരായണനും മന്ത്രി ചിഞ്ചു റാണിക്കുമെതിരെ ​ഗുരുതര ആരോപണങ്ങളുമായി യൂത്ത് കോൺ​ഗ്രസ് സംസ്ഥാന പ്രസി‍സഡന്റ് രാ​ഹുൽ മാങ്കൂട്ടത്തിൽ. ഡീനിന്റെ ഭാഗത്ത് തെറ്റില്ല എന്നാണ് മന്ത്രി ചിഞ്ചു റാണി പറഞ്ഞത്. ഡീനിനെ ഇങ്ങനെ സംരക്ഷിക്കേണ്ട എന്ത് ഉത്തരവാദിത്തമാണ് മന്ത്രിക്ക് ഉള്ളതെന്ന് രാഹുൽ ചോദിച്ചു.

സിദ്ധാ‍ർത്ഥിന്റെ മരണത്തിൽ മുഖ്യ പങ്കുള്ള വ്യക്തി ഡീൻ ആണ്. ഡീൻ എല്ലാകാലത്തും എസ്എഫ്ഐ എന്ന സംഘടനയെ തീറ്റിപ്പോറ്റുന്ന വ്യക്തിയാണ്. നാരായണന് എസ്എഫ്ഐയുമായി ചിയേഴ്സ് ബന്ധമാണ്. നാരായണനെ പ്രതിപട്ടികയിൽ ചേർക്കുകയും പുറത്താക്കുകയും വേണം. കൊലപാതകത്തിന് വേണ്ട എല്ലാ ഒത്താശയും ചെയ്തുകൊടുത്തത് ഡീൻ ആണെന്നും അദ്ദേഹം പറഞ്ഞു.

സിപിഐഎമ്മിന് ബന്ധമില്ലെങ്കിൽ ശശീന്ദ്രൻ മജിസ്ട്രേറ്റിന്റെ അടുത്തേക്ക് പോയത് എന്തിനാണെന്നും രാഹുൽ ചോദിച്ചു. ശശീന്ദ്രൻ എന്താ വക്കീലാണോ? എസ്എഫ്ഐ എന്ന അരാജക തീവ്രവാദ സംഘടനയെ അഴിച്ചുവിടുന്നതിൽ അധ്യാപകർക്ക് പങ്കുണ്ട്. ഞാൻ സെക്യൂരിറ്റി ആണോ എന്നാണ് ഡീൻ ചോദിച്ചത്. പദവിയുടെ മഹത്വം അറിയാത്തതുകൊണ്ടാണ് ഡീൻ അങ്ങനെ ചോദിച്ചത്.

ക്ലിഫ് ഹൗസിൽ മാത്രമല്ല സെക്രട്ടറിയേറ്റിലും മരപ്പട്ടികളുണ്ട്. മരപ്പട്ടികളുടെ ഭരണത്തിലാണ് ഒരു യുവാവിന് ജീവൻ നഷ്ടപ്പെട്ടത്. വിവിധ കൊട്ടേഷനുകൾ സ്വീകരിച്ച് സർവകലാശാല അധികാരികളും ഉദ്യോഗസ്ഥന്മാരും സർക്കാരിന്റെ അക്രമത്തിന് കൂട്ടുനിൽക്കുകയാണ്. റാഗിംഗ് മാത്രമല്ല സദാചാര ഗുണ്ടായിസവും നടക്കുന്നുണ്ട്. ഗുണ്ടായിസത്തിന്റെ വ്യാപ്തി എത്രത്തോളം എന്ന് മനസ്സിലാക്കാം. ലഹരി കൊണ്ടും അധികാരം കൊണ്ടും ആണ് എസ്എഫ്ഐ ക്യാമ്പസുകൾ ഭരിക്കുന്നത്. ലഹരിവാഹകർ ആയ തീവ്രവാദികൾ ആണ് എസ്എഫ്ഐക്കാരെന്നും രാഹുൽ മാങ്കൂട്ടത്തിൽ ആരോപിച്ചു.

Continue Reading

crime

കാസർക്കോട് മദ്യ ലഹരിയിൽ ജ്യേഷ്ഠൻ അനുജനെ വെടിവച്ചു കൊന്നു

സംഭവത്തിൽ ജ്യേഷ്ഠൻ ബാലകൃഷ്ണനെ ബേഡകം പൊലീസ് കസ്റ്റഡിയിൽ എടുത്തു

Published

on

കാസർക്കോട്: കുറ്റിക്കോൽനൂഞ്ഞങ്ങാനത്ത്ജ്യേഷ്ഠൻഅനുജനെ വെടിവച്ചു കൊന്നു. മദ്യ ലഹരിയിലാണ് സംഭവം. അശോകൻ (45) ആണ് മരിച്ചത്.

സംഭവത്തിൽ ജ്യേഷ്ഠൻ ബാലകൃഷ്ണനെ ബേഡകം പൊലീസ് കസ്റ്റഡിയിൽ എടുത്തു. ഇന്നലെ രാത്രി മദ്യാപാനത്തെ തുടർന്നുണ്ടായ തർക്കത്തിനിടെ നാടൻ തോക്ക് ഉപയോ​ഗിച്ച് ബാലകൃഷ്ണൻ, വെടിയുതിർക്കുകയായിരുന്നു.

Continue Reading

Trending