Connect with us

Culture

അഴിമതി: ദക്ഷിണാഫ്രിക്കന്‍ പ്രസിഡന്റ് ജേക്കബ് സുമ രാജിവെച്ചു

Published

on

 

ജൊഹാനസ്ബര്‍ഗ്: സ്വന്തം പാര്‍ട്ടിയുടെ സമ്മര്‍ദ്ദങ്ങള്‍ക്കു വഴങ്ങി ദക്ഷിണാഫ്രിക്കന്‍ പ്രസിഡന്റ് ജേക്കബ് സുമ രാജിവെച്ചു. ഡെപ്യൂട്ടി പ്രസിഡന്റും ആഫ്രിക്കന്‍ നാഷണല്‍ കോണ്‍ഗ്രസ്(എ.എന്‍.സി) നേതാവുമായ സിറില്‍ റമഫോസയെ പ്രസിഡന്റായി തെരഞ്ഞെടുത്തു. രാജ്യത്തെ അഭിസംബോധന ചെയ്ത് നടത്തിയ 30 മിനുട്ട് നീണ്ട വിടവാങ്ങല്‍ പ്രസംഗത്തിലാണ് സുമ രാജി പ്രഖ്യാപിച്ചത്. അഴിമതി ആരോപണങ്ങള്‍ നേരിടുന്ന അദ്ദേഹത്തെ അധികാരത്തില്‍നിന്ന് പുറത്താക്കാന്‍ എ.എന്‍.സിയില്‍നിന്ന് കടുത്ത സമ്മര്‍ദ്ദമുണ്ടായിരുന്നു. രാജിവെക്കുന്നതിന് സുമക്ക് പാര്‍ട്ടി 48 മണിക്കൂര്‍ സമയവും നല്‍കി.

അന്ത്യശാസന സമയം അവസാനിക്കുന്നതിന് ഒരു മണിക്കൂര്‍ ബാക്കിയുള്ളപ്പോഴാണ് അദ്ദേഹം രാജി വെക്കുന്ന വിവരം അറിയിച്ചത്. എന്നാല്‍ പാര്‍ട്ടി തീരുമാനത്തോട് യോജിക്കുന്നില്ലെന്നും തന്റെ പേരില്‍ എ.എന്‍.സി പിളരാതിരിക്കാനാണ് അധികാരമൊഴിയുന്നെന്നും അദ്ദേഹം വ്യക്തമാക്കി. അച്ചടക്കമുള്ള പാര്‍ട്ടി മെമ്പറാണ് താനെന്നും സുമ അറിയിച്ചു.

അധികാരത്തിലിരിക്കെ സംഭവിച്ച തെറ്റുകള്‍ക്ക് അദ്ദേഹം ക്ഷമചോദിച്ചു. രാജ്യത്തിന്റെ നന്മക്കുവേണ്ടിയാണ് താന്‍ പ്രവര്‍ത്തിച്ചത്. ആരോപണങ്ങളില്‍ സത്യമില്ല. തുടര്‍ന്നും രാജ്യത്തിനും പാര്‍ട്ടിക്കും സേവനം തുടരുമെന്നും അദ്ദേഹം പറഞ്ഞു. സുമ രാജിവെച്ച ഉടന്‍ ആക്ടിങ് പ്രസിഡന്റായി ചുമതലയേറ്റ റമഫോസയെ ദേശീയ അസംബ്ലി ഔദ്യോഗികമായി പ്രസിന്റായി തെരഞ്ഞെടുക്കുകയായിരുന്നു. എ.എന്‍.സിയുടെ 107 അംഗ ദേശീയ എക്‌സിക്യൂട്ടീവ് 13 മണിക്കൂറോളം ചര്‍ച്ച നടത്തിയാണ് സുമയോട് രാജിവെക്കാന്‍ ആവശ്യപ്പെട്ടത്. സുമക്കെതിരെയുള്ള അഴിമതിയാരോപണങ്ങളും സാമ്പത്തിക പ്രതിസന്ധിയും പാര്‍ട്ടിയുടെ അട്ടിത്തറ ഇളക്കുമെന്ന് ദേശീയ എക്‌സിക്യൂട്ടീവ് വിലയിരുത്തി.

അടുത്ത വര്‍ഷം നടക്കാനിരിക്കുന്ന പൊതുതെരഞ്ഞെടുപ്പില്‍ സുമയുമായി ജനങ്ങളെ സമീപിക്കില്ലെന്ന് പാര്‍ട്ടിക്ക് ഉറപ്പായിരുന്നു. മുഖംമിനുക്കലിന്റെ ഭാഗമായാണ് അദ്ദേഹത്തെ പുറത്താക്കിയത്. 2009ലാണ് സുമ ദക്ഷിണാഫ്രിക്കയുടെ പ്രസിഡന്റായത്.

Culture

കാന്താര 400 കോടി ക്ലബില്‍

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്.

Published

on

ഇന്ത്യന്‍ സിനിമയില്‍ ആകെ തരംഗമായ കന്നട ചിത്രം കാന്താര 400 കോടി ക്ലബ്ബില്‍. 400.09 കൂടിയാണ് കാന്താരിയുടെ കളക്ഷന്‍.ട്രേഡ് അനലിസ്റ്റ് ആയ തരന്‍ ആദര്‍ശാണ് ഇക്കാര്യം ഫീറ്റ് ചെയ്തത്.

സെപ്റ്റംബര്‍ 30നാണ് ചിത്രം തിയേറ്ററില്‍ എത്തുന്നത്. ചിത്രം വന്‍ വിജയമായതോടെ മറ്റു ഭാഷകളിലേക്കും ഡബ്ബ് ചെയ്തു. ഇന്ന് ഇന്ത്യയില്‍ അഞ്ചോളം ഭാഷകളില്‍ ചിത്രം ലഭ്യമാണ്.

ആര്‍ ആര്‍ ആര്‍, കെജിഎഫ് ചാപ്റ്റര്‍ ടു, പൊന്നിയന്‍ സെല്‍വന്‍1, ബ്രഹ്മാസ്ത്ര, വിക്രം എന്നീ ചിത്രങ്ങള്‍ക്ക് ശേഷം 400 കോടി ക്ലബ്ബില്‍ എത്തുന്ന ആറാമത്തെ ഇന്ത്യന്‍ ചിത്രമാണിത്.ഋഷഭ് ഷെട്ടി കഥയെഴുതി സംവിധാനം ചെയ്ത ചിത്രത്തില്‍ അദ്ദേഹം ത്‌ന്നെയാണ് അഭിനയിച്ചിരിക്കുന്നത്.

Continue Reading

Culture

ഗോവ അന്താരാഷ്ട്ര ചലച്ചിത്രോല്‍സവത്തിന് വര്‍ണാഭമായ തുടക്കം

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും.

Published

on

അമ്പത്തിമൂന്നാമത് ഗോവ അന്താരാഷ്ട്ര ചലച്ചിത്രോല്‍സവത്തിന് തിരശീല ഉയര്‍ന്നു.

പ്രമുഖ താരങ്ങള്‍ പങ്കെടുത്തു. സില്‍ ഷെട്ടി ,അജയ് ദേവഗണ്‍, പങ്കജ് ത്രിപാഠി തുടങ്ങിയവര്‍ പങ്കെടുത്തു. ഗോവ ചലച്ചിത്രമേളയെ ലോകസിനിമാനിര്‍മാണ വേദിയാക്കി ഉയര്‍ത്തുമെന്ന് വാര്‍ത്താവിതരണ പ്രക്ഷേപണമന്ത്രി അനുരാഗ് ഠാക്കൂര്‍ പറഞ്ഞു. ഡീറ്റര്‍ ബെര്‍ണര്‍ സംവിധാനം ചെയ്ത ഓസ്ട്രിയന്‍ ചിത്രം ‘ അല്‍മ ആന്റ് ഓസ്‌കര്‍ ‘ ആണ് ഉദ്ഘാടനചിത്രം.

79 രാജ്യങ്ങളില്‍നിന്നുള്ള 280 ചിത്രങ്ങള്‍ മേളയിലുണ്ടാകും. 28ന് മേള സമാപിക്കും. ഫ്രാന്‍സ് ആണ് കണ്‍ട്രി ഫോക്കസില്‍. ഇന്ത്യന്‍ പനോരമയില്‍ മഹേഷ് നാരായണന്റെ മലയാളത്തിലെ ‘അറിയിപ്പ്’ പ്രദര്‍ശിപ്പിക്കും.

Continue Reading

Art

സംസ്ഥാന സ്‌കൂള്‍ കലോത്സവം ജനുവരി 3 മുതല്‍ കോഴിക്കോട്ട് അരങ്ങ് കുറിക്കും

239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും

Published

on

അറുപത്തിയൊന്നാമത് കേരള സംസ്ഥാന സ്‌കൂള്‍ കലോത്സവത്തിന് തീരുമാനമായി. കോഴിക്കോട് ജില്ലയിലാണ് ഇപ്രാവശ്യത്തെ സ്‌കൂള്‍ കലോത്സവം. ജനുവരി 3 മുതല്‍ 7 വരെയാണ് കലോത്സവം സംഘടിപ്പിക്കുന്നത്. 239 ഇനം കലാപരിപാടികളിലായി 14000 ത്തോളം വിദ്യാര്‍ത്ഥികളാണ് പങ്കെടുക്കുന്നത്.

വെസ്റ്റ്ഹില്‍ വിക്രം മൈതാനിയാണ് കലോത്സവത്തിന്റെ പ്രധാന വേദി. ജില്ലയിലെ വിവിധ സ്‌കൂളുകളിലായി 24 ഓളം വേദികളാണ് ഒരുക്കുക. 239 ഇനം കലാപരിപാടികള്‍ കലോത്സവത്തില്‍ മാറ്റുരയ്ക്കും. കൂടാതെ ദിശ ഹയര്‍ എജുക്കേഷന്‍ എക്‌സ്‌പോയും എക്‌സിബിഷനുകളും സംസ്‌കാരിക കലാ പരിപാടികളും ദൃശ്യവിസ്മയവും സംസ്ഥാന കലോത്സവത്തിന്റെ ഭാഗമായി നടക്കും.

Continue Reading

Trending