Connect with us

News

സജീവ ഉപയോക്താക്കളുടെ എണ്ണത്തില്‍ ജിയോക്ക് തിരിച്ചടി; നേട്ടം കൊയ്ത് എയര്‍ടെല്ലും വോഡഫോണ്‍ഐഡിയയും

ജൂണില്‍ 39.7 കോടി ഉപയോക്താക്കളുണ്ടെന്ന് ജിയോ അവകാശപ്പെടുന്നുണ്ടെങ്കിലും അതില്‍ 78 ശതമാനം മാത്രമാണ് കമ്പനിയുടെ വയര്‍ലെസ് സേവനങ്ങള്‍ സജീവമായി ഉപയോഗിക്കുന്നത്

Published

on

ഡല്‍ഹി: 2020 ജൂലൈയില്‍ മുകേഷ് അംബാനിയുടെ ജിയോക്ക് അവരുടെ മൊബൈല്‍ നെറ്റ്‌വര്‍ക്കിലേക്ക് 35 ലക്ഷം പുതിയ സബ്‌സ്‌െ്രെകബര്‍മാരെ ചേര്‍ത്താന്‍ സാധിച്ചെങ്കിലും സജീവ ഉപയോക്താക്കളുടെ എണ്ണം നിലനിര്‍ത്താന്‍ സാധിച്ചില്ല.

ട്രായ് പുറത്തുവിട്ട പുതിയ കണക്കുകളിലാണ് ഇക്കാര്യം ചൂണ്ടിക്കാട്ടുന്നത്. സജീവ ഉപയോക്താക്കളുടെ കാര്യത്തില്‍ റിലയന്‍സ് ജിയോക്ക് വമ്പന്‍ തിരിച്ചടിയാണ് നിലവില്‍ നേരിടേണ്ടി വന്നിരിക്കുന്നത്. ജൂണില്‍ 39.7 കോടി ഉപയോക്താക്കളുണ്ടെന്ന് ജിയോ അവകാശപ്പെടുന്നുണ്ടെങ്കിലും അതില്‍ 78 ശതമാനം മാത്രമാണ് കമ്പനിയുടെ വയര്‍ലെസ് സേവനങ്ങള്‍ സജീവമായി ഉപയോഗിക്കുന്നത്.

ഒരു മാസത്തെ നിശ്ചിത സമയത്ത് അതത് നെറ്റ്‌വര്‍ക്കുകളുമായി കണക്ട് ചെയ്തിരിക്കുന്ന പരമാവധി ഉപയോക്താക്കളെയാണ് ട്രായ് സജീവ ഗണത്തില്‍ പരിഗണിക്കുന്നത്. ഫലത്തില്‍, ജൂണില്‍ ജിയോ രേഖപ്പെടുത്തിയ 39.7 കോടി ഉപയോക്താക്കളില്‍ 8.7 കോടി പേര്‍ സജീവ ഉപയോക്താക്കളല്ല. അതേസമയം, വി.ഐ, ഭാരതി എയര്‍ടെല്‍ തുടങ്ങിയ കമ്പനികള്‍ സജീവ ഉപയോക്താക്കളുടെ എണ്ണത്തില്‍ വന്‍ മുന്നേറ്റം നടത്തുകയും ചെയ്തു. ജൂണില്‍ എയര്‍ടെല്‍ 98 ശതമാനവും വി.ഐ 90 ശതമാനവുമാണ് വര്‍ധനവ് രേഖപ്പെടുത്തിയത്.

മാസാമാസം റീച്ചാര്‍ജ് ചെയ്യാത്ത ഉപയോക്താക്കളെ തിരഞ്ഞുപിടിച്ച് ഇവരുടെ സേവനങ്ങള്‍ നിര്‍ത്തലാക്കാനുള്ള നടപടികള്‍ വിഐയും എയര്‍ടെലും മുമ്പേ ആരംഭിച്ചിരുന്നു. വരുമാനം വര്‍ധിപ്പിക്കുന്നത് ലക്ഷ്യമിട്ട് ഇരു കമ്പനികളും സജീവ ഉപയോക്താക്കളിലാണ് ഇപ്പോള്‍ ശ്രദ്ധകേന്ദ്രീകരിക്കുന്നതും.

kerala

മുൻ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ അന്തരിച്ചു

69 വയസായിരുന്നു. അർബുദബാധിതനായി കഴിഞ്ഞ കുറേനാളായി ചികിത്സയിലായിരുന്നു

Published

on

സി.പി.എം മുൻ സംസ്ഥാന സെക്രട്ടറിയും മുൻ സംസ്ഥാന ആഭ്യന്തര മന്ത്രിയുമായ കോടിയേരി ബാലകൃഷ്ണൻ അന്തരിച്ചു. ചെന്നൈ അപ്പോളോ ആശുപത്രിയിലാണ് അന്ത്യം. 69 വയസായിരുന്നു. അർബുദബാധിതനായി കഴിഞ്ഞ കുറേനാളായി ചികിത്സയിലായിരുന്നു. കഴിഞ്ഞ ആഗസ്റ്റ് 29നാണ് രോഗം മൂർച്ഛിച്ച് വിദഗ്ധ ചികിത്സയ്ക്കായി ചെന്നൈ അപ്പോളോ ആശുപത്രിയിലെത്തിച്ചത്. ഇന്ന് ആരോഗ്യനില വഷളാകുകയായിരുന്നു. 

Updating…

Continue Reading

india

ഹോസ്റ്റല്‍ കുളിമുറി ദൃശ്യം പകര്‍ത്തി; ജീവനക്കാരനെ പൊലീസ് അറസ്റ്റ് ചെയ്തു

നടപടി വൈകിയതോടെ സ്‌റ്റേഷനു മുന്നില്‍ വിദ്യാര്‍ഥിനികള്‍ പ്രതിഷേധിച്ചു. പിന്നാലെയാണ് ജീവനക്കാരനെ പൊലീസ് അറസ്റ്റ് ചെയ്തത്.

Published

on

കാണ്‍പുര്‍: ചണ്ഡീഗഡിനു പിന്നാലെ ഉത്തര്‍പ്രദേശിലെ കാണ്‍പുരിലും വിദ്യാര്‍ഥിനികളുടെ ദൃശ്യം പകര്‍ത്തിയതായി പരാതി. ഹോസ്റ്റല്‍ ജീവനക്കാരന്‍ തങ്ങള്‍ കുളിക്കുന്നതിന്റെ വീഡിയോ പകര്‍ത്തിയതായി കാണ്‍പുര്‍ സായ് നിവാസ് ഗേള്‍സ് ഹോസ്റ്റലിലെ വിദ്യാര്‍ഥിനികളാണ് പരാതി നല്‍കിയത്. വിദ്യാര്‍ഥിനികള്‍ കുളിക്കുന്നതിന്റെ വിഡിയോ ഹോസ്റ്റല്‍ ജീവനക്കാരന്റെ മൊബൈലിലുള്ളത് ചില വിദ്യാര്‍ഥികളുടെ ശ്രദ്ധയില്‍പെടുകയായിരുന്നു.

ഹോസ്റ്റല്‍ കെട്ടിടത്തിന്റെ മുകളില്‍നിന്നാണ് ഇയാള്‍ ദൃശ്യങ്ങള്‍ പകര്‍ത്തിയത്. പിന്നാലെ ഒരു സംഘം വിദ്യാര്‍ഥിനികള്‍ പൊലീസ് സ്‌റ്റേഷനിലെത്തി പരാതി നല്‍കി. നടപടി വൈകിയതോടെ സ്‌റ്റേഷനു മുന്നില്‍ വിദ്യാര്‍ഥിനികള്‍ പ്രതിഷേധിച്ചു. പിന്നാലെയാണ് ജീവനക്കാരനെ പൊലീസ് അറസ്റ്റ് ചെയ്തത്. പിടിച്ചെടുത്ത മൊബൈല്‍ ഫോണ്‍ ഫോറന്‍സിക് പരിശോധനക്ക് അയച്ചിട്ടുണ്ട്.

Continue Reading

Football

ബാര്‍സയും റയലും ഇന്നിറങ്ങുന്നു

ബാര്‍സ ഇന്ന് എവേ അങ്കത്തില്‍ മയോര്‍ക്കയുമായാണ് കളിക്കുന്നത്. മുന്‍ ചാമ്പ്യന്മാരായ അത്‌ലറ്റികോ മാഡ്രിഡിനാണ് ഇന്ന് കാര്യമായ വെല്ലുവിളി. സെവിയെയാണ് പ്രതിയോഗികള്‍.

Published

on

മാഡ്രിഡ്: ബാര്‍സിലോണ ഉള്‍പ്പെടെ വമ്പന്മാര്‍ ഇന്ന് കളത്തിലിറങ്ങുന്നതോടെ സ്പാനിഷ് ലാലീഗയും ആവേശത്തിലേക്ക്. ബാര്‍സ ഇന്ന് എവേ അങ്കത്തില്‍ മയോര്‍ക്കയുമായാണ് കളിക്കുന്നത്. മുന്‍ ചാമ്പ്യന്മാരായ അത്‌ലറ്റികോ മാഡ്രിഡിനാണ് ഇന്ന് കാര്യമായ വെല്ലുവിളി. സെവിയെയാണ് പ്രതിയോഗികള്‍. ഇന്നത്തെ മറ്റ് മല്‍സരങ്ങളില്‍ കാഡിസ് വില്ലാ റയലുമായും ഗെറ്റാഫേ റയല്‍ വലഡോലിഡുമായും കളിക്കും.

ജര്‍മന്‍ ബുണ്ടസ് ലീഗിലും സിരിയ എയിലും ഫ്രഞ്ച് ലീഗിലും ഇന്ന് കളിയുണ്ട്. പി.എസ്.ജിയും നൈസും തമ്മിലാണ് ഫ്രഞ്ച് ലീഗിലെ പ്രധാന മല്‍സരം. സിരിയ എ നാപ്പോളിക്കാര്‍ ടോറിനോയെ നേരിടുമ്പോള്‍ ശക്തരായ റോമ എവേ അങ്കത്തില്‍ ഇന്റര്‍ മിലാനുമായി കളിക്കുന്നു. എ.സി മിലാനും മൈതാനത്തുണ്ട്. പ്രതിയോഗികള്‍ എംപോളി. ബുണ്ടസ് ലീഗില്‍ ബൊറൂഷ്യ ഡോര്‍ട്ടുമണ്ട് എഫ്.സി കോളോണുമായി കളിക്കുമ്പോള്‍ ഐന്‍ട്രക്ട് ഫ്രാങ്ക്ഫര്‍ട്ട് എഫ്.സിയും യൂണിയന്‍ ബെര്‍ലിനുമായി നേര്‍ക്കുനേര്‍ വരും.

Continue Reading

Trending