Connect with us

More

തകര്‍പ്പന്‍ എന്‍ട്രിയുമായി പുതിയ കോഴിക്കോട് കലക്ടര്‍ ഫേസ്ബുക്കില്‍; ‘ബ്രോ എന്ന് വിളിക്കണ്ട, വെല്ലുവിളി ഏറ്റെടുക്കുന്നു’

Published

on

കോഴിക്കോട്: തകര്‍പ്പന്‍ എന്‍ട്രിയുമായി കോഴിക്കോട്ടെ പുതിയ കലക്ടര്‍ യു.വി ജോസ് ഫേസ്ബുക്കില്‍ സജീവമായി. കോഴിക്കോടിന്റെ ഹൃദയം കീഴടക്കിയ മുന്‍ കലക്ടര്‍ എന്‍.പ്രശാന്തിന്റെ അതേ പാത പിന്തുടര്‍ന്ന് സമൂഹമാധ്യമങ്ങൡലൂടെ തന്നെയാണ് യു.വി ജോസും ജനങ്ങളോട് സംവദിക്കാന്‍ ഒരുങ്ങുന്നത്. എന്നാല്‍ പഴയ കലക്ടറെ അഭിസംബോധന ചെയ്ത പോലെ കലക്ടര്‍ ബ്രോ എന്നു വിൡക്കേണ്ടെന്ന് മുന്‍കൂട്ടി വ്യക്തമാക്കിയിട്ടുണ്ട് പുതിയ കലക്ടര്‍. പകരം ജോസേട്ടാ എന്നു വിളിക്കാം. ബ്രോ എന്ന വിളി പ്രശാന്തിനു മാത്രം കൊടുക്കുക. കലക്ടറുടെ ഔദ്യോഗിക ഫേസ്ബുക്ക് പേജില്‍ വന്ന കമന്റുകള്‍ക്ക് മറുപടിയായാണ് ജോസ് തന്റെ ആദ്യ പോസ്റ്റിട്ടത്. രസകരമായ രീതിയിലായിരുന്നു ‘ജോസേട്ടന്റെ’ അവതരണം. ‘നല്ലതാണേല്‍ ചങ്ക് പറിച്ച് കട്ടക്ക്, മറിച്ചാണേല്‍ വലിച്ച് കീറി തേച്ചൊടിക്കും’ നൗഷീര്‍ എന്ന യുവാവിന്റെ പോസ്റ്റാണ് തനിക്ക് ഏറ്റവും ഇഷ്ടപ്പെട്ടതെന്നും ജനങ്ങളുടെ അതിരറ്റ സ്‌നേഹം ഏറെ വെല്ലുവിളിയാണെന്നും ആ വെല്ലുവിളി നിറഞ്ഞ മനസ്സോടെ ഏറ്റെടുക്കുന്നതായും കലക്ടര്‍ ഫേസ്ബുക്കില്‍ കുറിച്ചു.

കലക്ടറുടെ ഫേസ്ബുക്ക് പോസ്റ്റ് ഇങ്ങനെ:

ഹൊ! എന്തൊക്കെ പോസ്റ്റിംങ്ങ് ആയിരുന്നു.
ആദ്യം വായിച്ചപ്പോള്‍ ശരിക്കും പേടിച്ചു പോയി.
നിങ്ങളുടെ സ്വന്തം ”കലക്ടര്‍ ബ്രോ’ യെ മാറ്റി, പകരം ‘വില്ലന്‍ ” റോളില്‍ വന്നയാളെപ്പോലെയാണല്ലോ എല്ലാവരും കാണുന്നത് എന്നോര്‍ത്ത് അല്പം വിഷമം തോന്നി.
എന്നാല്‍ രണ്ടാമതൊരാവര്‍ത്തികൂടി വായിച്ചപ്പോള്‍ ശരിക്കും മനസ്സിലായി, നിങ്ങളിലൊരാള്‍ ഞാനായിരുന്നെങ്കിലും ഇങ്ങനെയൊക്കെയെ പ്രതികരിക്കുമായിരുന്നുവെന്ന്. നിങ്ങള്‍ അത്രമാത്രമാണ് നിങ്ങളോടൊപ്പം എന്റെയും കൂടി പ്രിയപ്പെട്ട പ്രശാന്തിനെ സ്‌നേഹിച്ചിരുന്നതെന്ന്.
Noufal പറഞ്ഞത് പോലെ ഇവിടെയുള്ളവരുടെ മനസ്സ് പാകപ്പെടാന്‍ കുറച്ച് സമയമെടുക്കുമെന്ന്…
എനിക്കേറ്റവും ഇഷ്ടപ്പെട്ടത് Nousheer ന്റെ പോസ്റ്റാണ്. ‘ നല്ലതാണേല്‍ ചങ്ക് പറിച്ച് കട്ടക്ക്, മറിച്ചാണേല്‍ വലിച്ച് കീറി തേച്ചൊടിക്കും’
ഇതൊരു ഭയങ്കര വെല്ലുവിളി തന്നെ…..
എന്തായാലും ഞാന്‍ തോല്‍ക്കാനില്ല….
അല്ലെങ്കിലും ഇത്രയും പേര്‍ കൂടെ നില്‍ക്കുമ്പോള്‍ എങ്ങിനെയാ തോല്‍ക്കാനാവുക.
ഞാനീ വെല്ലുവിളി സന്തോഷത്തോടെ സ്വീകരിക്കുന്നു….
‘എന്നാ ഒന്ന് നോക്കിക്കളയാം…’
പിന്നെ ഒരു കാര്യം Sajith അടക്കം പലരും ചോദിച്ചു ‘കലക്ടര്‍ ബ്രോ’ എന്നു വിളിച്ചോട്ടേയെന്ന്…
അത് വേണ്ട….
അത് ശരിയുമല്ല….
ആ പേര് പ്രശാന്തിന് മാത്രം കൊടുക്കുക….
അതിന് പകരം ആരോ പറഞ്ഞത് പോലെ ‘ജോസേട്ടാ ‘… യെന്ന് വിളിച്ചോളൂ… മറ്റെന്തെങ്കിലും നിങ്ങള്‍ക്ക് തോന്നിയാല്‍ അതുമാകാം. എന്തായാലും bro വേണ്ട.
ഞാനെന്നും കോഴിക്കോട്ടെ സാധാരണക്കാരുടെയൊപ്പമുണ്ടാകും…
നൗഷീറെ… നിങ്ങളുടെയൊക്കെ ചങ്കും കൊണ്ടേ ഞാന്‍ പോകൂ….
പിന്നെ മാറ്റിപ്പറയല്ലേ….

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

പന്തീരാങ്കാവ് ഗാർഹിക പീഡനക്കേസ്: വീട്ടുകാർക്കൊപ്പം പോകാൻ താത്പര്യമില്ലെന്ന് യുവതി

യുവതി യുട്യൂബ് ചാനലിലൂടെ പുറത്തുവിട്ട വിഡിയോ സന്ദേശങ്ങൾ പിന്തുടർന്നാണു പൊലീസ് ഡൽഹിയിൽ യുവതി താമസിച്ച സ്ഥലം കണ്ടെത്തിയത്

Published

on

പന്തീരാങ്കാവ് ഭർതൃപീഡനക്കേസിലെ പരാതിക്കാരിയായ പെൺകുട്ടിയെ പൊലീസ് വിട്ടയച്ചു. കസ്റ്റഡിയിലെടുത്ത യുവതിയെ ഇന്നലെ രാത്രി തന്നെ മജിസ്‌ട്രേട്ടിന്റെ മുന്നിൽ ഹാജരാക്കിയിരുന്നു. അച്ഛനും സഹോദരനും വന്നെങ്കിലും അവർക്കൊപ്പം പോകാൻ താൽപര്യമില്ലെന്ന് പറഞ്ഞു.

യുവതിയെ കാണാനില്ലെന്ന് കാട്ടി പിതാവ് പരാതി നൽകിയതിന്റെ അടിസ്ഥാനത്തിൽ പൊലീസ് കസ്റ്റഡിയിലെടുത്തിരുന്നു. യുവതി ഡൽഹിക്ക് തിരികെ പോയി, ഇന്നലെ രാത്രി തന്നെ യുവതിയെ മജിസ്‌ട്രേട്ടിന്റെ മുന്നിൽ ഹാജരാക്കിയിരുന്നു. രാത്രി എട്ടരയോടെയാണ് പെൺകുട്ടി നെടുമ്പാശേരിയിൽ വിമാനമിറങ്ങിയത്. ഇതിനുശേഷം പെൺകുട്ടിയെ വടക്കേക്കര പൊലീസ് കസ്റ്റഡിയിലെടുത്തത്. ഓഫിസിലേക്കെന്നു പറഞ്ഞു 10 ദിവസം മുൻപാണു യുവതി വീട്ടിൽനിന്നു പോയത്.

യുവതി യുട്യൂബ് ചാനലിലൂടെ പുറത്തുവിട്ട വിഡിയോ സന്ദേശങ്ങൾ പിന്തുടർന്നാണു പൊലീസ് ഡൽഹിയിൽ യുവതി താമസിച്ച സ്ഥലം കണ്ടെത്തിയത്. കണ്ടെത്തുമ്പോൾ ഡൽഹിയിൽ നിന്നു കഠ്മണ്ഡുവിലേക്കു കടക്കാനുള്ള തയാറെടുപ്പിലായിരുന്നു യുവതിയെന്നാണു പൊലീസ് നൽകുന്ന വിവരം.

ബന്ധുക്കളുടെ സമ്മർദത്തെ തുടർന്നാണ് ഭർത്താവിനെതിരെ ഗാർഹിക പീഡന പരാതി നൽകിയതെന്ന് പെൺകുട്ടി വെളിപ്പെടുത്തിയിരുന്നു. ആരുടെയോ സമ്മർദനത്തിനു വഴങ്ങിയാണ് പെൺകുട്ടി മൊഴി മാറ്റിയതെന്നാണ് പെൺകുട്ടിയുടെ കുടുംബം പറയുന്നത്. പല ലോക്കേഷനുകളിൽ നിന്നായാണ് യുവതി മൂന്ന് വിഡിയോകളും അപ് ലോഡ് ചെയ്തതെന്നാണ് പൊലീസ് നേരത്തെ വ്യക്തമാക്കിയിരുന്നത്.

താൻ കുടുക്കിൽപെട്ടിരിക്കുകയാണെന്നും തന്നെ കാണാനില്ലെന്ന പരാതി പിൻവലിക്കണമെന്നും ബുധനാഴ്ച അമ്മയെ വാട്സാപ് കോൾ വിളിച്ച് യുവതി ആവശ്യപ്പെട്ടിരുന്നു. പരാതി പിൻവലിക്കില്ലെന്ന് അമ്മ ഉറപ്പിച്ചു പറഞ്ഞതോടെ യുവതി കോൾ കട്ട് ചെയ്തു. ഇക്കാര്യവും ബന്ധുക്കൾ പൊലീസിനെ അറിയിച്ചിരുന്നു. ഈ കോൾ വിവരങ്ങളും പൊലീസിനു യുവതിയെ കണ്ടെത്താൻ സഹായകമായി. താൻ വീട്ടുകാരുടെ നിർബന്ധത്തിനു വഴങ്ങിയാണു ഭർത്താവ് രാഹുലിനെതിരെ സ്ത്രീധന പീഡന പരാതി നൽകിയതെന്നും രാഹുൽ നിരപരാധിയാണെന്നും ചൂണ്ടിക്കാട്ടി തന്റെ യുട്യൂബ് ചാനൽ മുഖേന മൂന്നു വിഡിയോകൾ യുവതി പുറത്തുവിട്ടിരുന്നു.

Continue Reading

GULF

കുവൈത്ത് തീപിടിത്തം: മരണം 50 ആയി; വിമാനം 10.30 ന് കൊച്ചിയിലെത്തും

വിമാനം 8.30-ഓടെ എത്തുമെന്നായിരുന്നു നേരത്തെ അറിയിച്ചിരുന്നത്

Published

on

കുവൈറ്റിലെ ലേബർ ക്യാമ്പിൽ ഉണ്ടായ തീപിടുത്തത്തിൽ മരിച്ചവരുടെ മൃതദേഹങ്ങളുമായി വ്യോമസേന വിമാനം കൊച്ചിയിൽ എത്തുക രാവിലെ10.30-ഓടെ. വിമാനം 8.30-ഓടെ എത്തുമെന്നായിരുന്നു നേരത്തെ അറിയിച്ചിരുന്നത്. ഇന്ത്യൻ സമയം 6.20-ഓടെയാണ് വിമാനം കുവൈറ്റിൽ നിന്ന് പുറപ്പെട്ടത്. വ്യാമസേനയുടെ സി130 ജെ വിമാനത്തിലാണ് മൃതദേഹങ്ങൾ എത്തിക്കുക.

അപകടത്തില്‍ മരിച്ച 23 മലയാളികളുടെ അടക്കം 31 മൃതദേഹങ്ങള്‍ പ്രത്യേക വിമാനത്തില്‍ കൊച്ചിയിലെത്തിക്കും. തമിഴ്‌നാട് സ്വദേശികളുടേയും, കര്‍ണാടക സ്വദേശിയുടേയും മൃതദേഹങ്ങള്‍ കൊച്ചിയില്‍ വെച്ച് വീട്ടുകാര്‍ക്ക് കൈമാറും.

മൃതദേഹങ്ങൾ വിട്ടുനൽകുന്നതിനുള്ള നടപടി വേ​ഗത്തിലാക്കുമെന്ന് എറണാകുളം ജില്ലാ കളക്ടർ എൻഎസ്കെ ഉമേഷ് അറിയിച്ചു. ഇത് സംബന്ധിച്ച് വിമാനത്താവളത്തിൽ യോ​ഗം ചേർന്നു. മറ്റ് സംസ്ഥാനങ്ങളിലേക്ക് മൃതദേഹങ്ങൾ എത്തിക്കാനുള്ള നടപടി പൂർത്തിയായതായി കളക്ടർ അറിയിച്ചു.

Continue Reading

GULF

എൻജി ഹാഷിം സ്മാരക സൗദി കെ.എം.സി.സി സോക്കർ ഒരുക്കങ്ങൾ പൂർത്തിയാവുന്നു

Published

on

ദമാം: കെ.എം.സി.സി സൗദി നാഷണൽ സോക്കർ കിഴക്കൻ പ്രവിശ്യാ തല മൽസരങ്ങളുടെ ഒരുക്കങ്ങൾ അന്തിമഘട്ടത്തിലേക്ക്. റോസ് ഗാർഡൻ ഓഡിറ്റോറിയത്തിൽ ചേർന്ന സംഘാടക സമിതി യോഗത്തിൽ വിവിധ സമിതികളുടെ പ്രവർത്തനങ്ങൾ വിലയിരുത്തി. അൽ തർജ് സ്റ്റേഡിയത്തിൽ ജൂൺ 21ന് അരങ്ങേറുന്ന ഉൽഘാടന പരിപാടിയിൽ വിവിധ നാട്ടുകൂട്ടായ്മകളുടെ നേതൃത്വത്തിൽ കലാരൂപങ്ങൾ അവതരിപ്പിക്കാനും കുടുംബങ്ങൾക്കും കുട്ടികൾക്കും ആസ്വദിക്കാവുന്ന കലാ സാംസ്‌കാരിക പരിപാടികൾ സ്റ്റേടിയത്തിൽ ൽ സംഘടിപ്പിക്കാനും കർമ്മപദ്ധതികൾ ആവിഷ്ക്കരിച്ചു.

ആക്ടിംഗ് ചെയർമാൻ ഖാദർ മാസ്റ്ററുടെ അധ്യക്ഷതയിൽ ചേർന്ന യോഗം നാഷണൽ കമ്മിറ്റി ചെയർമാൻ ഖാദർ ചെങ്കള ഉൽഘാടനം ചെയ്തു. സിദ്ദിഖ് പാണ്ടികശാല, മാലിക്ക് മഖ്ബൂൽ ആലുങ്ങൽ, റഹ്മാൻ കാരയാട്, ഇഖ്ബാൽ ആനമങ്ങാട്, ഹുസൈൻ വേങ്ങര, ഇസ്മായിൽ പുള്ളാട്ട്, മുജീബ് കൊളത്തൂർ, ഉമ്മർ ഓമശ്ശേരി, അഷ്റഫ് ഗസാൽ, ഖാദർ അണങ്കൂർ, ജമാൽ മീനങ്ങാടി, ബശീർ ബാഖവി, ശരീഫ് പാറപ്പുറത്ത്, ഫസൽ മഞ്ചേരി, കലാം മീഞ്ചന്ത, ബഷീർ ആലുങ്ങൽ, മുഹമ്മദ് കരിങ്കപ്പാറ, അമീറലി കൊയിലാണ്ടി, അസ്ലം കൊളക്കാടൻ, സി.കെ ഷാനി, അബ്ദുറഹ്മാൻ താനൂർ, സമീർ അരീക്കോട്, ഉമ്മർ കണ്ണൂർ, ഹുസ്സൈൻ ചെലേമ്പ്ര, ജമാൽ ആലമ്പാടി, സലാഹുദ്ദിൻ കണ്ണമംഗലം, ഹാജറ സലീം, സാജിദ നഹ, സുമയ്യ ഫസൽ, സുലൈഖ ഹുസൈൻ, നസീമ ഹുസൈൻ തുടങ്ങിയവർ ചർച്ചയിൽ പങ്കെടുത്തു. ജനറൽ കൺവീനർ ആലിക്കുട്ടി ഒളവട്ടൂർ സ്വാഗതവും നജീബ് ചീക്കിലോട് നന്ദിയും പറഞ്ഞു.

Continue Reading

Trending