Connect with us

Culture

പിണക്കമില്ലാത്ത സംഘം

Published

on

കമാല്‍ വരദൂര്‍

വലിയ ഫുട്‌ബോള്‍ സീസണ്‍. ലാലീഗയില്‍ 38 മല്‍സരങ്ങള്‍. യുവേഫ ചാമ്പ്യന്‍സ് ലീഗില്‍ ഇരുപതോളം മല്‍സരങ്ങള്‍. കിംഗ്‌സ് കപ്പില്‍ പത്ത് പോരാട്ടങ്ങള്‍. പിന്നെ ഫിഫ ക്ലബ് ഫുട്‌ബോളില്‍ അഞ്ച് മല്‍സരങ്ങള്‍. ഈ പോരാട്ടങ്ങള്‍ക്കെല്ലാമായി 20 വമ്പന്‍ താരങ്ങളും ഒരു സൂപ്പര്‍ കോച്ചും. പക്ഷേ എവിടെയും ആരും കേട്ടില്ല ഒരു വഴക്ക്, ഒരു പിണക്കം, ഒരു ഗോസിപ്പ്… റയല്‍ മാഡ്രിഡ് മുപ്പത്തിമൂന്നാം തവണയും സ്പാനിഷ് ലാലീഗ കിരീടം സ്വന്തമാക്കുമ്പോള്‍ അതിന്റെ മാര്‍ക്ക് രണ്ട് പേര്‍ക്കാണ്. കോച്ച് സൈനുദ്ദിന്‍ സിദാനും സൂപ്പര്‍ താരം കൃസ്റ്റിയാനോ റൊണാള്‍ഡോക്കും… അസാമാന്യമായ, ഒരു പക്ഷേ അസാധ്യമെന്ന് പറയാവുന്ന കെമിസ്ട്രിയായിരുന്നു ഇവര്‍ തമ്മില്‍. എല്ലാ താരങ്ങള്‍ക്കും അവസരങ്ങള്‍ തുല്യമായി നല്‍കി, എല്ലാവരുടെയും കരുത്തിനെ ചൂഷണം ചെയ്ത് യഥാര്‍ത്ഥ പ്രൊഫഷണല്‍ കോച്ചായി സിദാന്‍ മാറിപ്പോള്‍ ഒരു ഈഗോക്കും നില്‍ക്കാതെ പരിശീലകന്റെ വഴിയില്‍ അച്ചടക്കത്തോടെ സഞ്ചരിച്ചു കൃസ്റ്റിയാനോ.
യൂറോപ്യന്‍ ഫുട്‌ബോളില്‍ എന്നും വിവാദങ്ങളുടെ കളത്തിലായിരിക്കും പരിശീലകരും താരങ്ങളും. പരിശീലകര്‍ രാജാക്കന്മാരായി നില്‍ക്കുമ്പോള്‍ സൂപ്പര്‍ താരങ്ങള്‍ പിണങ്ങുക സ്വാഭാവികം. ഹൗസേ മോറിഞ്ഞോ, കാര്‍ലോസ് ആന്‍സലോട്ടി, ആഴ്‌സന്‍ വെംഗര്‍ തുടങ്ങി വിഖ്യാതരായ പരിശീലകരെല്ലാം സ്വന്തം സൂപ്പര്‍ താരങ്ങളെ ഉപയോഗപ്പെടുത്തുന്നതില്‍ പരാജയപ്പെട്ടപ്പോള്‍ സിദാന്‍ തന്റെ സൂപ്പര്‍ സംഘത്തെ മനോഹരമായി നയിച്ചു. കൃസ്റ്റിയാനോ, സെര്‍ജിയോ റാമോസ്, മാര്‍സിലോ, കരീം ബെന്‍സേമ, ജെയിംസ് റോഡ്രിഗസ്, ലുക്കാ മോദ്രിച്ച് തുടങ്ങി എല്ലാവരും വമ്പന്മാര്‍. എല്ലാവര്‍ക്കും തുല്യമായ അവസരം നല്‍കാനായി റൊട്ടേഷന്‍ സമ്പ്രദായം അദ്ദേഹം നടപ്പിലാക്കി. പക്ഷേ കൃസ്റ്റിയാനോയുടെ കാര്യത്തില്‍ സിദാന്‍ റൊട്ടേഷന്‍ രീതിയില്‍ ഉറച്ചുനിന്നില്ല. തന്റെ മാസ്റ്റര്‍ താരത്തിന്റെ സാന്നിദ്ധ്യം മതി പ്രതിയോഗികളെ വിറപ്പിക്കാനെന്ന് കോച്ചിന് ഉറപ്പായിരുന്നു.
ലോകത്തിലെ ഏറ്റവും വിലപിടിപ്പുളള താരമായിട്ടും കൃസ്റ്റിയാനോ എല്ലാ മല്‍സരങ്ങളിലും കളിക്കാന്‍ വാശി പിടിച്ചില്ല. എല്ലാ കളികളിലും തനിക്ക് വലിയ റോള്‍ തന്നെ വേണമെന്ന് ആവശ്യപ്പെട്ടില്ല. സെന്‍ട്രല്‍ സ്‌ട്രൈക്കറായി മാറ്റിയപ്പോള്‍ ആ റോളും തനിക്ക് ഇണങ്ങുമെന്ന് തെളിയിച്ചു. ടീമിന്റെ അമരത്ത് പിന്‍നിരക്കാരനായ റാമോസായിരുന്നു. അതിലും കൃസ്റ്റിയാനോ പരാതിപ്പെട്ടില്ല. യഥാര്‍ത്ഥ ടീം മാനായി അദ്ദേഹം മൈതാനം നിറഞ്ഞ് കളിച്ചു. ആവശ്യ ഘട്ടത്തില്‍ പിന്നോട്ടിറങ്ങി ടീമിന്റെ രക്ഷകനായി. റയല്‍ കളിച്ച അവസാന എട്ട് മല്‍സരങ്ങളില്‍ മൂന്നില്‍ മാത്രമാണ് ആദ്യ ഇലവനില്‍ റൊണാള്‍ഡോ കളിക്കാതിരുന്നത്. സിദാന്റെ ഇരുപത് താരങ്ങളും ആയിരത്തിലധികം മിനുട്ട് കളിച്ചു എന്ന് പറയുമ്പോഴുണ്ട് കോച്ചിന്റെ വിശാലവീക്ഷണം. എല്ലാവരെയും ഒരേ പൊസിഷനില്‍ കളിപ്പിച്ചില്ല സിദാന്‍. റൈറ്റ് ബാക് പൊസിഷനില്‍ കളിച്ച് പരിചയമുള്ള നാച്ചോ ഫെര്‍ണാണ്ടസ് സെന്റര്‍ ബാക്, ലെഫ്റ്റ് ബാക് തുടങ്ങിയ പൊസിഷനുകളില്‍ കളിച്ചു. മാര്‍ക്കോ അസുന്‍സിയോ എന്ന 21 കാരനെ എത്ര പക്വമായാണ് കോച്ച് അവതരിപ്പിച്ചത്. മുഖ്യ താരങ്ങളില്‍ പലര്‍ക്കും പരുക്കേറ്റപ്പോള്‍ പുത്തന്‍ താരങ്ങളായ അല്‍വാരോ മൊറാത്ത, അസുന്‍സിയോ, ലുകാസ് വാകസ, റോഡ്രിഗസ്് തുടങ്ങിയവരെ അദ്ദേഹം ധൈര്യസമേതം പ്രധാന മല്‍സരങ്ങളില്‍ അവതരിപ്പിച്ചു. ഇസ്‌ക്കോ, ബെന്‍സേമ, മാര്‍സിലോ, ജെറാത്ത് ബെയില്‍, എന്നിവരെയെല്ലാം കൃത്യമായി ഉപയോഗപ്പെടുത്തി. കഴിഞ്ഞ മാസം ബെര്‍ണബുവില്‍ നടന്ന എല്‍ക്ലാസിക്കോയിലെ അവസാന നിമിഷ പരാജയം മാത്രമായിരുന്നു സീസണില്‍ കൃസ്റ്റിയാനോക്കും സിദാനും വേദന നല്‍കിയത്. ആ മല്‍സരത്തില്‍ പരുക്കേറ്റ് ബെയിലിനെ കളിപ്പിച്ചതായിരുന്നു വീഴ്ച്ചയെന്ന് പിന്നീട് സിദാന്‍ പറയുകയും ചെയ്തു. ഇനി ഒരു ഫൈനല്‍ കൂടിയുണ്ട്-ജൂണ്‍ 3ന് കാര്‍ഡിഫില്‍ യുവേഫ ചാമ്പ്യന്‍സ് ലീഗ് ഫൈനല്‍. പ്രതിയോഗികള്‍ യുവന്തസ്. ആ പോരാട്ടത്തിനുളള ഊര്‍ജ്ജമാണ് ഇനി സിദാന്‍ സമ്പാദിക്കുന്നത്. വന്‍കരയിലെ നിലവിലെ ചാമ്പ്യന്മാരാണ് റയല്‍. ആ കിരീടം നിലനിര്‍ത്തിയാല്‍ സൂപ്പര്‍ ഡബിള്‍…..!

Continue Reading
Advertisement
Click to comment

Leave a Reply

Your email address will not be published. Required fields are marked *

Film

‘നിമ്രോദ്’ ടീസര്‍ ലോഞ്ച് ചെയ്തു

ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന ഷൈന്‍ ടോം ചാക്കോ, സംവിധായകന്‍ ആര്‍.എ ഷഫീര്‍, ഈ ചിത്രത്തില്‍ അഭിനയിക്കുന്ന പ്രശസ്ത സംവിധായകന്‍ ലാല്‍ ജോസ്, അമീര്‍ നിയാസ്, ഗാനമെഴുതിയ ഷീലാ പോള്‍, നായികാ കഥാപാതങ്ങളെ അവതരിപ്പിക്കുന്ന ദിവ്യ പിള്ള, ആത്മീയ രാജന്‍, പാര്‍വതി ബാബു തുടങ്ങിയവര്‍ പങ്കെടുത്തു

Published

on

ദുബൈ: സിറ്റി ടാര്‍ഗറ്റ് എന്റര്‍ടെയ്ന്‍മെന്റ്‌സ് ബാനറില്‍ അഗസ്റ്റിന്‍ ജോസഫ് നിര്‍മിച്ച് ആര്‍.എ ഷഫീര്‍ സംവിധാനം ചെയ്യുന്ന ‘നിമ്രോദ്’ സിനിമയുടെ ടീസര്‍ ലോഞ്ച് ‘മീറ്റ് ആന്റ് ഗ്രീറ്റ്’ പരിപാടിക്കിടെ ദുബൈയില്‍ നടന്നു. ക്‌ളാരിഡ്ജ് ഹോട്ടലില്‍ നടന്ന ചടങ്ങില്‍ ചിത്രത്തിലെ പ്രധാന അഭിനേതാക്കളും അണിയറ പ്രവര്‍ത്തകരും പങ്കെടുത്തു. ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന ഷൈന്‍ ടോം ചാക്കോ, സംവിധായകന്‍ ആര്‍.എ ഷഫീര്‍, ഈ ചിത്രത്തില്‍ അഭിനയിക്കുന്ന പ്രശസ്ത സംവിധായകന്‍ ലാല്‍ ജോസ്, അമീര്‍ നിയാസ്, ഗാനമെഴുതിയ ഷീലാ പോള്‍, നായികാ കഥാപാതങ്ങളെ അവതരിപ്പിക്കുന്ന ദിവ്യ പിള്ള, ആത്മീയ രാജന്‍, പാര്‍വതി ബാബു തുടങ്ങിയവര്‍ പങ്കെടുത്തു.

പൂര്‍ണമായും ക്രൈം ത്രില്ലര്‍ ജോണറില്‍ അവതരിപ്പിക്കുന്ന ഈ ചിത്രത്തില്‍ നാലു സ്ത്രീ കഥാപാത്രങ്ങളും പ്രധാന വേഷങ്ങളിലാണുള്ളത്. ദിവ്യ പിള്ള, ആത്മീയ രാജന്‍, പാര്‍വതി ബാബു എന്നിവര്‍ നായികാ നിരയിലെ പ്രധാനികളാണ്. തിരക്കഥ കെ.എം പ്രതീഷ്. ഷീലാ പോളിന്റെ വരികള്‍ക്ക് സംവിധായകന്‍ ആര്‍.എ ഷഫീര്‍ ഈണം പകര്‍ന്നിരിക്കുന്നു. ശേഖര്‍ വി.ജോസഫ് ഛായാഗ്രഹണം നിര്‍വഹിക്കുന്നു.
സിനിമയുടെ ചിത്രീകരണം ഡിസംബര്‍ അവസാന വാരത്തില്‍ ആരംഭിക്കും. ജോര്‍ജിയ, ഇടുക്കി, കൊച്ചി, പാലക്കാട്, കോയമ്പത്തൂര്‍ എന്നിവിടങ്ങളാണ് പ്രധാന ലൊക്കേഷനുകളെന്നും ബന്ധപ്പെട്ടവര്‍ അറിയിച്ചു.

Continue Reading

Celebrity

മമ്മൂട്ടിയുടെ ഏറ്റവും പുതിയ ചിത്രം ‘ടര്‍ബോ’യുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു

മമ്മൂട്ടി കമ്പനി തന്നെയാണ് ഈ ചിത്രവും നിർമ്മിക്കുന്നത്.

Published

on

മമ്മൂട്ടി നായകനായെത്തുന്ന ഏറ്റവും പുതിയ ചിത്രമാണ് ‘ടര്‍ബോ’. വൈശാഖ് സംവിധാനം ചെയ്യുന്ന മമ്മൂട്ടി കമ്പനി നിര്‍മ്മിക്കുന്ന അഞ്ചാമത്തെ ചിത്രമായ ടര്‍ബോക്ക് തിരക്കഥയെഴുതുന്നത് മിഥുന്‍ മാനുവല്‍ തോമസാണ്. ഇപ്പോഴിതാ  ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. മാസ് ലുക്കില്‍ ജീപ്പില്‍ നിന്നും ഇറങ്ങുന്ന ലുക്കില്‍ മമ്മൂട്ടിയെ കാണാം. പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രമാണ് ടർബോ.

മമ്മൂട്ടി കമ്പനി തന്നെയാണ് ഈ ചിത്രവും നിർമ്മിക്കുന്നത്.ബ്ലാക് ഷര്‍ട്ടും വെള്ളമുണ്ടും ആണ് വേഷം. ജോസ് എന്നാണ് കഥാപാത്രത്തിന്റെ പേര്. മാസ് ആക്ഷന്‍ എന്റര്‍ടൈന്‍മെന്റ് ഴോണറിലാണ് ചിത്രം ഒരുങ്ങുന്നത്. ഗരുഡ ഗമന ഋഷഭ വാഹന, ടോബി, 777 ചാര്‍ലി എന്നീ ചിത്രത്തിലൂടെ മലയാളികള്‍ക്ക് പ്രിയങ്കരനായ നടനും സംവിധായകനുമായ രാജ് ബി ഷെട്ടിയാണ് ചിത്രത്തില്‍ മമ്മൂട്ടിയുടെ വില്ലനായി എത്തുന്നത്. ജസ്റ്റിന്‍ വര്‍ഗീസാണ് ചിത്രത്തിന് സംഗീതമൊരുക്കുന്നത്. വൈശാഖിന്റെ കൂടെ സഹസംവിധായകനായി ഷാജി പാടൂരും പ്രവര്‍ത്തിക്കുന്നുണ്ട്.

വിഷ്ണു ശര്‍മയാണ് ചിത്രത്തിന് ഛായാഗ്രഹണം നിര്‍വഹിക്കുന്നത്. 2021ല്‍ ആണ് മമ്മൂട്ടി കമ്പനി എന്ന പ്രൊഡക്ഷന്‍ ഹൗസ് സ്ഥാപിച്ചത്. റോഷാക്, നന്‍പകല്‍ നേരത്ത് മയക്കം, കണ്ണൂര്‍ സ്‌ക്വാഡ്, കാതല്‍ എന്നിവയാണ് മമ്മൂട്ടി കമ്പനി ഇതുവരെ നിര്‍മ്മിച്ച ചിത്രങ്ങള്‍. മമ്മൂട്ടി കമ്പനിയുടെ ബാനറില്‍ ഇറങ്ങിയ നാലാമത്തെ ചിത്രം കാതല്‍ പ്രേക്ഷക- നിരൂപക പ്രശംസകള്‍ നേടി മുന്നേറുകയാണ്.

Continue Reading

Film

ജിജു അശോകന്‍ ചിത്രം ‘പുള്ളി’യുടെ ട്രെയിലര്‍ റിലീസ് ചെയ്തു

ഇന്ദ്രന്‍സിന്റെ വോയിസ് ഓവറോടെ ആരംഭിക്കുന്ന ട്രെയിലര്‍ പ്രേക്ഷക സിരകളില്‍ ആവേശം പകരുന്ന വിധത്തിലാണ് ഒരുക്കിയിരിക്കുന്നത്.

Published

on

ദേവ് മോഹന്‍ നായകനായെത്തുന്ന ജിജു അശോകന്‍ ചിത്രം ‘പുള്ളി’യുടെ ട്രെയിലര്‍ റിലീസ് ചെയ്തു. ഇന്ദ്രന്‍സിന്റെ വോയിസ് ഓവറോടെ ആരംഭിക്കുന്ന ട്രെയിലര്‍ പ്രേക്ഷക സിരകളില്‍ ആവേശം പകരുന്ന വിധത്തിലാണ് ഒരുക്കിയിരിക്കുന്നത്. ജയില്‍ പുള്ളിയുടെ വേഷത്തില്‍ ദേവ് മോഹന്‍ പ്രത്യക്ഷപ്പെടുന്ന ട്രെയിലര്‍ താരത്തിന്റെ കഥാപാത്രത്തിന്റെ സ്വഭാവ സവിശേഷതകള്‍ വെളിപ്പെടുത്തുന്നുണ്ട്.

അതോടൊപ്പം ഇതൊരു മാസ്സ് ആക്ഷന്‍ ചിത്രമാണെന്ന സൂചന നല്‍കുന്നുണ്ട്. എന്നാല്‍ ട്രെയിലറില്‍ പ്രധാനമായും പ്രകടമാവുന്നത് പകയും പ്രതികാരവുമാണ്. കമലം ഫിലിംസിന്റെ ബാനറില്‍ ടി ബി രഘുനാഥന്‍ നിര്‍മ്മിക്കുന്ന ഈ ചിത്രം ഡിസംബര്‍ 1നാണ് തിയറ്റര്‍ റിലീസ് ചെയ്യുന്നത്.

ഇന്ദ്രന്‍സ്, കലാഭവന്‍ ഷാജോണ്‍, ശ്രീജിത്ത് രവി, വിജയകുമാര്‍, വെട്ടുകിളി പ്രകാശ്, രാജേഷ് ശര്‍മ്മ, സെന്തില്‍, സുധി കോപ്പ, സന്തോഷ് കീഴാറ്റൂര്‍, പ്രതാപന്‍, മീനാക്ഷി, അബിന്‍, ബിനോ, ഉണ്ണിരാജ്, ഇന്ദ്രജിത് ജഗന്‍, ടീന ഭാട്ടിയ, ഭാനുമതി തുടങ്ങിയവര്‍ പ്രധാന വേഷങ്ങളിലെത്തുന്ന ഈ ചിത്രത്തില്‍ നിരവധി പുതുമുഖങ്ങളും നാടക കലാകാരന്മാരും അണിനിരക്കുന്നു

Continue Reading

Trending