Video Stories
കാവി പൂശി ഇടതുസര്ക്കാറും
വിദ്യാഭ്യാസ രംഗം കാവിവല്ക്കരിക്കാനുള്ള സംഘ്പരിവാര് ശ്രമങ്ങള്ക്ക് കുടപിടിച്ച് ഇടത് സര്ക്കാര്. ജനസംഘം സ്ഥാപകനേതാവും ആര്.എസ്.എസ് താത്വികാചാര്യനുമായിരുന്ന ദീന് ദയാല് ഉപാധ്യായയുടെ ജന്മശതാബ്ദി ആഘോഷിക്കാന് സംസ്ഥാനത്തെ സ്കൂളുകള്ക്ക് നിര്ദേശം നല്കിയാണ് ഇടത് സര്ക്കാര് സംഘ്പരിവാര് അജണ്ടക്ക് കൂട്ടുനില്ക്കുന്നത്.
ദീന്ദയാല് ഉപാധ്യയുടെ ജന്മശതാബ്ദി സ്കൂളുകളില് ആഘോഷിക്കാന് എല്ലാ സ്കൂളുകളിലെ പ്രഥമ അധ്യാപകര്ക്കും ഉപജില്ലാ വിദ്യാഭ്യാസ ഓഫീസര്മാര്ക്കും വിദ്യാഭ്യാസ ഉപഡയരക്ടര്മാക്കും നിര്ദേശം നല്കികൊണ്ടുള്ള പൊതു വിദ്യാഭ്യാസ ഡയരക്ടറുടെ സര്ക്കുലറാണ് വിവാദമായത്. ദീന്ദയാല് ഉപാധ്യായയുടെ ജീവിതത്തെ ആസ്പദമാക്കി കലാപരിപാടികളും ദേശഭക്തി ഗാനങ്ങള് ഉള്പ്പെടെയുള്ള കലാപരിപാടികള് സംഘടിപ്പിക്കാനാണ് നിര്ദേശം.
കേന്ദ്രമാനവ വിഭവ ശേഷി മന്ത്രാലയത്തിന്റെ നിര്ദേശപ്രകാരമാണ് സര്ക്കുലര് ഇറക്കിയതെന്ന് പൊതുവിദ്യഭ്യാസ ഡയരക്ടറുടെ വിശദീകരണം. വിദ്യാഭ്യാസ മന്ത്രിയുടെയും സര്ക്കാറിന്റെയും അനുമതിയോടെയാണ് സര്ക്കുലറെന്നും വിശീദീകരിക്കുന്നുണ്ട്. കഴിഞ്ഞ ആഗസ്റ്റിലാണ് കേന്ദ്ര മാനവ വിഭവ ശേഷി സെക്രട്ടറി അനില് സ്വരൂപ് പൊതു വിദ്യാഭ്യാസസെക്രട്ടറി ഉഷടൈറ്റസിന് പണ്ഡിറ്റ് ദീന്ദയാല് ഉപാധ്യായയുടെ ജന്മദിനം സ്കൂളുകളില് ആഘോഷിക്കണമെന്ന് നിര്ദേശം നല്കിയത്. തുടര്ന്ന് നടപടി ക്രമങ്ങളും മറ്റും വിവരിച്ചുകൊണ്ടുള്ള നിര്ദേശം ഉഷടൈറ്റസ് പൊതു വിദ്യാഭ്യസ ഡയരക്ടര്ക്ക് കൈമാറുകയായിരുന്നു. ഇതുപ്രകാരമാണ് സംഘ പരിവാര് ആശയങ്ങള് കുട്ടികളില് അടിച്ചേല്പ്പിക്കാന് ലക്ഷ്യമിട്ടുള്ള സര്ക്കുലര് പൊതു വിദ്യാഭ്യാസ ഡയരക്ടര് ഇറക്കിയത്.
യു.പി ക്ലാസുകളിലും സെക്കന്ററി തലത്തിലും നടത്തേണ്ട പ്രവര്ത്തനങ്ങളുടെ മാര്ഗരേഖയും സര്ക്കുലറിനൊപ്പമുണ്ട്. ദീന് ദയാല് ഉപാധ്യായയുടെ ജീവിതവും ആശയങ്ങളും ഉള്കൊള്ളിച്ചാണ് പരിപാടികള് നടത്തേണ്ടത്. യു.പി തലത്തില്, അദ്ദേഹത്തിന്റെ ജീവതമോ ആശയമോ വര്ണിച്ചു കൊണ്ടുള്ള പദ്യം ചൊല്ലല്, ദേശഭക്തി ഗാനം തുടങ്ങിയ സംഘടിപ്പിക്കണം. അസംബ്ലിക്കിടയില് അദ്ദേഹത്തിന്റെ പ്രചോദനാത്മകമായ ജീവിത കഥ അവതരിപ്പിക്കുകയും വേണം. സെക്കന്ററി തലത്തില് ദീന് ദയാല് ഉപാധ്യായയുടെ ആശയങ്ങളുമായി ബന്ധപ്പെട്ട് ചര്ച്ചകള് സംഘടിപ്പിക്കണം. അദ്ദേഹത്തിന്റെ പേരിലുള്ള വിവിധ പദ്ധതികളേക്കുറിച്ച് ഉപന്യസിക്കണമെന്നും മാര്ഗരേഖയില് പറയുന്നു. ആഘോഷത്തിന് പ്രധാനാധ്യാപകര് വേണ്ട നടപടിയെടുക്കണമെന്നും പരിപാടികളില് എല്ലാ കുട്ടികളും പങ്കെടുക്കുന്നുവെന്ന് ഉറപ്പുവരുത്തണമെന്നും സര്ക്കുലറില് നിര്ദേശിച്ചിട്ടുണ്ട്.
ബി.ജെ.പിയുടെയും ആര്.എസ്.എസിന്റെയും ഈ വര്ഷത്തെ പ്രഖ്യാപിത അജണ്ടകളിലൊന്നാണ് ദിന് ദയാല് ഉപാധ്യായ ജന്മശതാബ്ദി ആഘോഷം. സെപ്തംബറിലായിരുന്നു ദീന് ദയാല് ഉപാധ്യായയുടെ ജന്മദിനം. കേന്ദ്രസര്ക്കാര് വിപുലമായ പരിപാടികള് ഇതുമായി ബന്ധപ്പെട്ട് സംഘടിപ്പിച്ചിരുന്നു. ഇതിനു പിന്നാലെയാണ് ജന്മശതാബ്ദി ആഘോഷിക്കണമെന്ന നിര്ദേശം കേന്ദ്രമാനവ വിഭവ ശേഷി മന്ത്രാലയം സംസ്ഥാന സര്ക്കാറിനും നല്കിയത്. ഇതിന്റെ പിന്നിലെ രാഷ്ട്രീയം പോലും നോക്കാതെ, നിര്ദേശം അപ്പടി അനുസരിച്ച് കേന്ദ്ര സര്ക്കാറിനോടുള്ള വിധേയത്വം അരക്കിട്ടുറപ്പിക്കുകയായിരുന്നു വിദ്യാഭ്യാസ വകുപ്പ്.
kerala
കണ്ണൂരില് നിര്മാണത്തിലിരുന്ന വീട്ടിലെ സെപ്റ്റിക് ടാങ്കില് വീണ് മൂന്ന് വയസുകാരന് മരിച്ചു
കണ്ണൂര് കതിരൂര് പുല്യോട് ആണ് സംഭവം നടന്നത്.
നിര്മാണത്തിലിരുന്ന വീട്ടിലെ സെപ്റ്റിക് ടാങ്കില് വീണ് മൂന്ന് വയസുകാരന് മരിച്ചു. കണ്ണൂര് കതിരൂര് പുല്യോട് ആണ് സംഭവം നടന്നത്. മുഹമ്മദ് മാര്വാന് (3) ആണ് മരിച്ചത്. കുടുംബവീട്ടില് കളിക്കാന് പോയതായിരുന്നു. കാല് വഴുതി വീണതാണെന്ന് പ്രാഥമിക നിഗമനം.
ടാങ്ക് നിറയെ വെള്ളം ഉണ്ടായിരുന്നു. കതിരൂര് പുല്യോട് വെസ്റ്റ് സ്വദേശി അന്ഷിലിന്റെ മകന് മാര്വാന് ആണ് മരിച്ചത്. മൃതദേഹം തലശ്ശേരി ജനറല് ആശുപത്രിയിലേക്ക് മാറ്റിയിരിക്കുകയാണ്.
Video Stories
വിവാഹ വാഗ്ദാനം നല്കി 49 ലക്ഷം തട്ടി; സൈബര് തട്ടിപ്പില് 42കാരന് കുടുങ്ങി
വിവാഹ വാഗ്ദാനം നല്കി പരിചയം സ്ഥാപിച്ച യുവതി 15 ദിവസത്തിനുള്ളില് 49 ലക്ഷം രൂപ…
ഗാസിയാബാദ്: ജീവിത പങ്കാളിയെ തേടി മാട്രിമോണിയല് സൈറ്റുകളില് രജിസ്റ്റര് ചെയ്യുന്നവര് അതീവ ജാഗ്രത പാലിക്കണമെന്ന് മുന്നറിയിപ്പുമായി ഗാസിയാബാദില് നടന്ന വന് സൈബര് തട്ടിപ്പ്. വിവാഹ വാഗ്ദാനം നല്കി പരിചയം സ്ഥാപിച്ച യുവതി 15 ദിവസത്തിനുള്ളില് 49 ലക്ഷം രൂപ തട്ടിയെടുത്ത സംഭവമാണ് ഇപ്പോള് പുറത്തുവന്നിരിക്കുന്നത്.
വൈശാലി സ്വദേശിയായ 42കാരനായ അഭിഷേക് ചൗധരി എന്ന പി.എച്ച്.ഡി വിദ്യാര്ത്ഥിയാണ് സൈബര് തട്ടിപ്പിന് ഇരയായത്. മാട്രിമോണിയല് സൈറ്റിലൂടെ പരിചയപ്പെട്ട യുവതിയുമായി വിവാഹം വരെ ഉറപ്പിക്കുന്ന തരത്തില് ബന്ധം വളര്ന്നതോടെയാണ് തട്ടിപ്പിന്റെ തുടക്കം.
സംഭാഷണത്തിനിടയില്, യുവതി ജലന്ധറിലും ഡല്ഹി എന്സിആറിലും തന്റെ കുടുംബം റിയല് എസ്റ്റേറ്റ് ബിസിനസില് ഏര്പ്പെട്ടിരിക്കുന്നുവെന്ന് പറഞ്ഞ് വിശ്വാസം നേടിയെടുത്തു. പിന്നാലെ അഭിഷേകിനെ ഫോറെക്സ് ട്രേഡിംഗിലേക്ക് പരിചയപ്പെടുത്തി. ഉയര്ന്ന ലാഭം വാഗ്ദാനം ചെയ്ത് 500 ഡോളര് നിക്ഷേപിക്കാന് ആവശ്യപ്പെട്ടു. ഡോളറില് ഇടപാട് നടത്താന് കഴിയാത്ത സാഹചര്യത്തില്, ടെലിഗ്രാം വഴി പ്രത്യേക അക്കൗണ്ട് നല്കി ഇന്ത്യന് രൂപ ഡോളറാക്കി മാറ്റാമെന്ന് അവകാശപ്പെട്ടു.
അഭിഷേക് ആദ്യം ഒരു ലക്ഷം രൂപ ട്രാന്സ്ഫര് ചെയ്തു. പിന്നീട് ഒക്ടോബര് 8ന് 10 ലക്ഷം ഒക്ടോബര് 15ന് രണ്ട് ഗഡുക്കളായി 15 ലക്ഷം ഒക്ടോബര് 16ന് 13 ലക്ഷം നവംബര് 2ന് 10 ലക്ഷം ഇങ്ങനെ ഏകദേശം 49 ലക്ഷം രൂപ വ്യാജ അക്കൗണ്ടുകളിലേക്ക് കൈമാറ്റം ചെയ്തു.
ട്രേഡിംഗ് ആപ്പില് വാലറ്റില് വന് ലാഭം കാണിച്ചിരുന്നെങ്കിലും പണം പിന്വലിക്കാന് ശ്രമിച്ചപ്പോള് ഓരോ തവണയും പരാജയപ്പെട്ടു. പിന്നീട് ലാഭത്തിന് 30 ശതമാനം നികുതി ആവശ്യപ്പെട്ടതോടെയാണ് അഭിഷേക് താന് വഞ്ചിക്കപ്പെട്ടതെന്ന് തിരിച്ചറിഞ്ഞത്.
അഭിഷേക് പൊലീസില് പരാതി നല്കിയതിനെ തുടര്ന്ന് ബിഎന്എസ് 319(2), 318(4) ഐടി ആക്ടിലെ വിവിധ വകുപ്പുകള് പ്രകാരം കേസുകള് രജിസ്റ്റര് ചെയ്തു. പണം കൈമാറിയ അക്കൗണ്ടുകള് കണ്ടെത്താന് ബന്ധപ്പെട്ട എല്ലാ ബാങ്കുകളുമായി പൊലീസ് ബന്ധപ്പെട്ടിട്ടുണ്ടെന്ന് എഡിസിപി (സൈബര് & ക്രൈം) അറിയിച്ചു.
Video Stories
ഹൃദയാരോഗ്യം സംരക്ഷിക്കാന് ഈ ഭക്ഷണങ്ങള് ശീലമാക്കാം; നിര്ദേശങ്ങളുമായി വിദഗ്ധര്
ഹൃദയാരോഗ്യം മെച്ചപ്പെടുത്താന് സഹായിക്കുന്ന പ്രധാന ഭക്ഷണങ്ങള്…
ഹൃദയാരോഗ്യം കാത്തുസൂക്ഷിക്കുന്നതില് ഭക്ഷണത്തിനുള്ള പങ്ക് നിര്ണായകമാണെന്ന് ഹൃദ്രോഗ വിദഗ്ധര് ചൂണ്ടിക്കാട്ടുന്നു. രക്തസമ്മര്ദം, കൊളസ്ട്രോള്, നീര്വീക്കം എന്നിവ ഹൃദ്രോഗത്തിന് വഴിയൊരുക്കുന്ന പ്രധാന ഘടകങ്ങളാണ്. ഇവയെ നിയന്ത്രിക്കാന് ചില ഭക്ഷണങ്ങള് സഹായകരമാകുമെന്നും വിദഗ്ധര് പറയുന്നു.
അനസ്തെറ്റിസ്റ്റും ഇന്റര്വെന്ഷണല് പെയിന് മെഡിസിന് വിദഗ്ധനുമായ ഡോ. കുനാല് സൂദ് പങ്കുവെച്ച വീഡിയോയിലൂടെയാണ് ഹൃദയത്തിന് ഏറെ ഗുണം ചെയ്യുന്ന ഭക്ഷണങ്ങളെക്കുറിച്ച് വിശദീകരിച്ചത്. ഹൃദയാരോഗ്യം മെച്ചപ്പെടുത്താന് സഹായിക്കുന്ന പ്രധാന ഭക്ഷണങ്ങള്, ഒമേഗ3 ധാരാളമുള്ള മീനുകള് ചൂര പോലുള്ള കൊഴുപ്പുള്ള മീനുകള് ഒമേഗ3 ഫാറ്റി ആസിഡിന്റെ മികച്ച ഉറവിടമാണ്.
അപൂരിത കൊഴുപ്പില്പ്പെടുന്ന ഈ ഘടകം ഹൃദയം, കരള്, ശ്വാസകോശം, രക്തക്കുഴലുകള് എന്നിവയുടെ ആരോഗ്യം നിലനിര്ത്താന് സഹായിക്കുന്നു. ശരീരത്തിന്റെ രോഗപ്രതിരോധശേഷി വര്ധിപ്പിക്കുന്നതിലും കോശഭിത്തി സംരക്ഷിക്കുന്നതിലും ഒമേഗ3 പ്രധാന പങ്കുവഹിക്കുന്നു.
എക്സ്ട്രാ വിര്ജിന് ഒലിവ് ഓയില് മോണോ അണ്സാച്ചുറേറ്റഡ് ഫാറ്റും പോളിഫിനോളുകളും ഇതില് ധാരാളമാണ്. മോശം കൊളസ്ട്രോള് (LDL) കുറയ്ക്കാനും ഓക്സിഡേറ്റീവ് സ്ട്രെസ് കുറയ്ക്കാനും രക്തക്കുഴലുകളെ സംരക്ഷിക്കാനും ഇത് സഹായിക്കുന്നു. അവൊക്കാഡോ ഒലെയിക് ആസിഡ്, നാരുകള്, പൊട്ടാസ്യം, ഫോളേറ്റ്, വിറ്റാമിന് ഇ എന്നിവയാല് സമ്പന്നമായ അവൊക്കാഡോ കൊളസ്ട്രോളും രക്തസമ്മര്ദവും നിയന്ത്രിക്കാന് സഹായിക്കുന്നു.
പ്ലാന്റ് ബേസ്ഡ് ഒമേഗ3 (ALA), പോളി അണ്സാച്ചുറേറ്റഡ് ഫാറ്റ്, ആന്റിഓക്സിഡന്റുകള് എന്നിവ ധാരാളമുള്ള വാല്നട്ട്സ് മൊത്തം കൊളസ്ട്രോളും LDL ഉം കുറയ്ക്കുകയും ഹൃദയാഘാത സാധ്യത കുറയ്ക്കുകയും ചെയ്യുന്നു.
ബെറികള് (സ്ട്രോബെറി, ബ്ലൂബെറി, റാസ്ബെറി) ആന്തോസയാനിനുകള്, പോളിഫിനോളുകള് തുടങ്ങിയ ശക്തമായ ആന്റിഓക്സിഡന്റുകള് ഇവയില് അടങ്ങിയിരിക്കുന്നു. ഇവ രക്തക്കുഴലുകളുടെ പ്രവര്ത്തനം മെച്ചപ്പെടുത്തുകയും രക്തസമ്മര്ദം കുറയ്ക്കുകയും ഹൃദയാഘാത സാധ്യത കുറയ്ക്കുകയും ചെയ്യും.
ഇലക്കറികള് മുരിങ്ങയില, ചീരയില തുടങ്ങിയ ഇലക്കറികള് ഹൃദയാരോഗ്യത്തിന് ഏറെ ഗുണകരമാണ്. വിറ്റാമിന് കെ, ഫോളേറ്റ്, പൊട്ടാസ്യം, ആന്റിഓക്സിഡന്റുകള് എന്നിവ ധാരാളമായി അടങ്ങിയ ഇവ രക്തം കട്ടപിടിക്കുന്നത് തടയുകയും രക്തക്കുഴലുകളുടെ പ്രവര്ത്തനം മെച്ചപ്പെടുത്തുകയും രക്തസമ്മര്ദം നിയന്ത്രിക്കാനും സഹായിക്കുന്നു.
ആഹാരക്രമത്തില് വലിയ മാറ്റങ്ങള് വരുത്തുന്നതിനുമുന്പ് നിര്ബന്ധമായും ഒരു ന്യൂട്രീഷനിസ്റ്റിന്റെയോ ആരോഗ്യവിദഗ്ധന്റെയോ ഉപദേശം തേടണമെന്ന് വിദഗ്ധര് മുന്നറിയിപ്പ് നല്കുന്നു.
-
kerala3 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala2 days agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News3 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala2 days agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
GULF2 days agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
india3 days agoപി.എം ശ്രീ പദ്ധതി: സിപിഎം- ബിജെപി ഡീലിലെ ഇടനിലക്കാരന് ജോണ് ബ്രിട്ടാസ്
-
india3 days agoതന്നെക്കാള് സൗന്ദര്യം കൂടുതല്; സ്വന്തം കുട്ടി ഉള്പ്പെടെ നാല് കുഞ്ഞുങ്ങളെ കൊലപ്പെടുത്തിയ സ്ത്രീ അറസ്റ്റില്
-
india3 days agoവഖഫ് സ്വത്തുക്കളുടെ രജിസ്ട്രേഷന്; സമയം ദീര്ഘിപ്പിക്കണം, മുസിലിംലീഗ് എംപിമാര് വീണ്ടും കേന്ദ്രമന്ത്രിയെ സമീപിച്ചു