GULF
ലുലു സെലിബ്രേഷന്സ് ഓഫ് ഇന്ത്യ കാമ്പയിന് അബൂദബിയിൽ പ്രൗഡോജ്വല തുടക്കം
ഇന്ത്യന് സ്വാതന്ത്ര്യ ദിനം, ഓണം, ജന്മാഷ്ടമി, ഗണേശ ചതുര്ത്ഥി, നവരാത്രി, ദീപാവലി തുടങ്ങിയ വിവിധ പരിപാടികള് ഉള്ക്കൊള്ളുന്ന ഉത്സവങ്ങളുടെ ഒരു പരമ്പരയാണ് ലുലു സെലിബ്രേഷന്സ് ഓഫ് ഇന്ത്യ.
അബൂദബി : ഇന്ത്യയിലെ മികച്ച ഉല്പ്പന്നങ്ങള് ലോകത്തിന് മുന്നില് പരിചയപ്പെടുത്തുന്ന ലുലു സെലിബ്രേഷന്സ് ഓഫ് ഇന്ത്യ കാമ്പയിന് തുടക്കമായി. അബൂദബി അല് വഹ്ദ മാളിലെ ലുലു ഹൈപ്പര്മാര്ക്കറ്റില് നടന്ന പരിപാടിയില് ലുലു ഗ്രൂപ്പ് ചെയര്മാനും മാനേജിംഗ് ഡയറക്ടറുമായ എം എ യൂസഫലിയുടെയും മറ്റു പ്രമുഖരുടെയും സാന്നിധ്യത്തില് ഇന്ത്യന് സ്ഥാനപതി സഞ്ജയ് സുധീര് ഉദ്ഘാടനം ചെയ്തു.
ഇന്ത്യന് സ്വാതന്ത്ര്യ ദിനം, ഓണം, ജന്മാഷ്ടമി, ഗണേശ ചതുര്ത്ഥി, നവരാത്രി, ദീപാവലി തുടങ്ങിയ വിവിധ പരിപാടികള് ഉള്ക്കൊള്ളുന്ന ഉത്സവങ്ങളുടെ ഒരു പരമ്പരയാണ് ലുലു സെലിബ്രേഷന്സ് ഓഫ് ഇന്ത്യ.
വരാനിരിക്കുന്ന ഉത്സവ സീസണില് പ്രാദേശിക ഭക്ഷണങ്ങള്, സെലിബ്രിറ്റി സന്ദര്ശനങ്ങള്, പുതിയ ഭക്ഷണം, നിത്യോപയോഗ സാധനങ്ങള്, ജീവിതശൈലി, ഫാഷന് വസ്ത്രങ്ങള് തുടങ്ങി എല്ലാ വിഭാഗത്തിലും അതിശയിപ്പിക്കുന്ന പ്രമോഷനുകളും ഓഫറുകളുമാണ് ഇതോടനുബന്ധിച്ചു ഒരുക്കിയിട്ടുള്ളത്. ഇതിലൂടെ ലുലുവില് അതുല്യമായ ഷോപ്പിംഗ് അനുഭവമാണ് സമ്മാനിക്കുന്നത്.ഇന്ത്യന് ഉല്പന്നങ്ങളുടെ ഏറ്റവും വലിയ ഇറക്കുമതിക്കാരില് ഒരാളായ ലുലു ഗ്രൂപ്പ് ഈ വര്ഷം ഫുഡ്, നോണ്-ഫുഡ് വിഭാഗങ്ങളിലായി 5,000 തനത് ഉല്പ്പന്നങ്ങള് പ്രദര്ശിപ്പിക്കുന്നുണ്ട്. യുഎന് മില്ലെറ്റ് വര്ഷമായി പ്രഖ്യാപിച്ച ഈ വര്ഷം ഇന്ത്യ ധാന്യങ്ങള്ക്ക് ലുലുപ്രത്യേകം ഊന്നല് നല്കുന്നു.
ഇരുപതിലധികം വ്യത്യസ്ത ഇനം ചക്കകള് പ്രദര്ശനത്തിലുണ്ട്. കൂടാതെ വിവിധ തരം ധാന്യങ്ങളില് നിന്ന് ഉണ്ടാക്കിയ വ്യത്യസ്ത പലഹാരങ്ങളും ഹോട്ട് ഫുഡ് കൗണ്ടറില് വില്പ്പനക്കുണ്ട്.കൂടാതെ ഉത്തര്പ്രദേശിന്റെ ഒഡിഒപി സംരംഭം, മേഘാലയയിലെ പൈനാപ്പിള്, കശ്മീരി ആപ്പിള്, തമിഴ്നാട്ടില് നിന്നുള്ള ഇന്ത്യന് മുട്ടകള്, കേരളത്തില് നിന്നുള്ള പഴങ്ങളും പച്ചക്കറികളും, മറ്റു ദക്ഷിണേന്ത്യന് സംസ്ഥാനങ്ങളില് നിന്നുള്ള പഴങ്ങളും പച്ചക്കറികളും തുടങ്ങി ഇന്ത്യയിലെ വിവിധ സംസ്ഥാനങ്ങളില് നിന്നുള്ള ഉല്പ്പന്നങ്ങളും ലുലു ലുലു പ്രോത്സാഹിപ്പിക്കുന്നുണ്ട്.
ഇന്ത്യന് കരകൗശല വസ്തുക്കള്, ഖാദി, പരമ്പരാഗത വസ്ത്രങ്ങള്, വിവിധ തരം ഇന്ത്യന് ബിരിയാണികള്, ചാറ്റ്, ഗ്രില്ലുകള്, ലഘുഭക്ഷണങ്ങള്, ഫലൂദ, മധുരപലഹാരങ്ങള് എന്നിവയും ലുലു സെലിബ്രേഷന്സ് ഓഫ് ഇന്ത്യ കാമ്പയിന് കാലയളവിലെ പ്രത്യേകതയാണ്. അല് വഹ്ദ മാളില് നടന്ന ചടങ്ങില് പരമ്പരാഗത വസ്ത്രങ്ങള് അണിഞ്ഞു ഫാഷന് ഷോ, ഇന്ത്യന് ക്ലാസിക്കല്, നാടോടി നൃത്തങ്ങള് എന്നിവയും അരങ്ങേറി.
ലുലു സെലിബ്രേഷന്സ് ഓഫ് ഇന്ത്യ പ്രമോഷനുകള് ലുലു ഹൈപ്പര്മാര്ക്കറ്റുകളിലും ഓണ്ലൈനായി www.luluhypermarket.com-ലും ലഭ്യമാണ്.
ലുലു സെലിബ്രേഷന്സ് ഓഫ് ഇന്ത്യ കാമ്പയിനില് പങ്കെടുക്കാന് കഴിഞ്ഞതില് അഭിമാനിക്കുന്നതായി യുഎഇ ഇന്ത്യന് സ്ഥാനപതി സഞ്ജയ് സുധീര് പറഞ്ഞു. പ്രദര്ശനത്തിനും വില്പ്പനക്കുമുള്ള ഉല്പ്പന്നങ്ങളുടെ നിര തന്നെ അത്ഭുതപ്പെടുത്തുന്നതായി അംബാസ്സഡര് പറഞ്ഞു. ഇന്ത്യയില്നിന്ന് പുതുതായി കൊണ്ടുവന്ന ഉല്പ്പന്നങ്ങള് ശ്രദ്ധേയമാണ്. ലുലു ഗ്രൂപ്പിന് എല്ലാ വിജയങ്ങളും നേരുന്നു, വര്ഷാവര്ഷം ഈ ആഘോഷം തുടരുമെന്ന് അംബാസ്സഡര് പ്രത്യാശ പ്രകടിപ്പിച്ചു. ഇത് ഇന്ത്യന് സമൂഹത്തിനും ഇന്ത്യക്ക് മൊത്തത്തിലുള്ള വിലപ്പെട്ട സംഭാവനയാണെന്ന് അദ്ദേഹം പറഞ്ഞു.
ഈ ഉത്സവങ്ങളിലൂടെ, ഇന്ത്യന് ഉല്പ്പന്നങ്ങള് പ്രദര്ശിപ്പിക്കാനും ജനകീയമാക്കാനുമാണ് ശ്രമിക്കുന്നതെന്ന് ലുലു ഗ്രൂപ്പ് ചെയര്മാനും മാനേജിംഗ് ഡയറക്ടറുമായ എം എ യൂസഫലി വ്യക്തമാക്കി. യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാനും ഇന്ത്യന് പ്രധാനമന്ത്രി നരേന്ദ്ര മോദിയും തമ്മിലുള്ള വ്യക്തിബന്ധവും സൗഹൃദവും നമ്മുടെ രാജ്യങ്ങള് തമ്മിലുള്ള ബന്ധം ശക്തിപ്പെടുത്തുന്നു. സമീപകാല ഒപ്പിട്ട സമഗ്ര സാമ്പത്തിക പങ്കാളിത്ത കരാര് (സിഇപിഎ) ഇരു രാജ്യങ്ങളുടെയും വാണിജ്യരംഗത്ത് കൂടുതല് നേട്ടമുണ്ടാക്കും. ഇന്ത്യയുടെ താല്പ്പര്യങ്ങള് മുന്നോട്ട് കൊണ്ടുപോകുന്നതില് ഇന്ത്യന് എംബസിയുടെ പൂര്ണ്ണഹൃദയത്തോടെയുള്ള പിന്തുണക്ക് അഗാധമായി നന്ദിയുണ്ടെന്ന് യൂസഫ് അലി പറഞ്ഞു.
GULF
മക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
മക്കയിലെ തീര്ഥാടനം പൂര്ത്തിയാക്കി മദീനയിലേക്ക് മടങ്ങുകയായിരുന്ന സമയത്താണ് അപകടം.
മക്കയില് നിന്നും മദീനയിലേക്ക് യാത്ര പോകുന്ന ഉംറ തീര്ഥാടകരുടെ ബസ് ഡീസല് ടാങ്കറുമായി കൂട്ടിയിടിച്ച് നാല്പതോളം പേര് മരിച്ചതായി റിപ്പോര്ട്ടുകള്. മക്കയിലെ തീര്ഥാടനം പൂര്ത്തിയാക്കി മദീനയിലേക്ക് മടങ്ങുകയായിരുന്ന സമയത്താണ് അപകടം.
ബസിലുണ്ടായിരുന്ന 43 പേരും ഹൈദരാബാദ് സ്വദേശികളാണ്. മരിച്ചവരില് 20 പേര് സ്ത്രീകളും 11 പേര് കുട്ടികളുമാണെന്നാണ് ലഭിക്കുന്ന വിവരം. സംഘത്തിലെ ഒരാള് മാത്രമാണ് അപകടത്തില് നിന്ന് രക്ഷപ്പെട്ടത്. ഇയാളെ ഗുരുതരാവസ്ഥയില് ആശുപത്രിയിലേക്ക് മാറ്റി.
സൗദി സമയം രാത്രി 11 മണിയോടെയും (ഇന്ത്യന് സമയം പുലര്ച്ചെ 1.30) ബദ്റ്മദീന മാര്ഗത്തിലെ മുഫറഹാത്ത് പ്രദേശത്തുവച്ചുമാണ് അപകടം ഉണ്ടായത്. ടാങ്കറുമായി കൂട്ടിയിടിച്ചതോടെ ബസ് തല്ക്ഷണം തീപിടിക്കുകയായിരുന്നു.
GULF
അനസിന് 16 വര്ഷത്തെ സമര്പ്പണത്തിനുള്ള അംഗീകാരം
അബുദാബി എല്എല്എച്ച് ഡേ കെയര് സെന്ററില് എച്ച്ആര് എക്സിക്യൂട്ടീവായിട്ടായിരുന്നു പ്രവാസ ജീവിതത്തിന്റെ തുടക്കം.
അബുദാബി: ബിസിനസ് അഡ്മിനിസ്ട്രേഷനില് ബിരുദാനന്തര ബിരുദധാരിയായ അനസ് 2009 ലാണ് യുഎഇയില് എത്തുന്നത്. അബുദാബി എല്എല്എച്ച് ഡേ കെയര് സെന്ററില് എച്ച്ആര് എക്സിക്യൂട്ടീവായിട്ടായിരുന്നു പ്രവാസ ജീവിതത്തിന്റെ തുടക്കം.
പിന്നീടുള്ള 16 വര്ഷങ്ങളില് ആശുപത്രിയുടെ സീനിയര് എച്ച്ആര് എക്സിക്യൂട്ടിവ്, അസിസ്റ്റന്റ് മാനേജര്, മുസഫ മേഖലയുടെ മാനേജര്, റീജിയണല് മാനേജര് എന്നീ തസ്തികകളിലേക്ക് സ്ഥാനക്കയറ്റം.
കോവിഡ് കാലയളവില് ബുര്ജീല് ഹോള്ഡിങ്സ് മാനേജ് ചെയ്ത മഫ്രക് കോവിഡ് ആശുപത്രിയുടെ എച്ച്ആര് ഓപ്പറേഷന്സ് ചുമതല അനസിനായിരുന്നു. ആശുപത്രി കമ്മീഷനിംഗ് മുതല് പ്രവര്ത്തനം വിജയകരമായി അവസാനിപ്പിക്കുന്നതുവരെ മഫ്റഖ് കേന്ദ്രീകരിച്ചു പ്രവര്ത്തിച്ചതിന് സര്ക്കാരിന്റെ ഹീറോസ് ഓഫ് ദി യുഎഇ മെഡലും ഗോള്ഡന് വിസയും അനസിന് ലഭിച്ചിട്ടുണ്ട്.
ആയിരക്കണക്കിന് ആരോഗ്യപ്രവര്ത്തകരുടെ റിക്രൂട്ടിംഗിനും പരിശീലന പരിപാടികള്ക്കും സേവനത്തിനിടെ അവസരം ലഭിച്ചു. നിലവില് ബുര്ജീലിന്റെ തന്ത്രപരമായ അന്താരാഷ്ട്ര പദ്ധതികളുടെ എച്ച്ആര് ചുമതലയും അനസിനാണ്.
ഏറ്റവും മികച്ച വിദഗ്ദ തൊഴിലാളി ക്കുള്ള പുരസ്കാരം തന്നെ തേടിയെത്തുമ്പോൾ
ആരോഗ്യ മേഖലയിലെ ദീര്ഘകാല പ്രവര്ത്തനത്തിലൂടെ രാജ്യത്തിന്റെ തൊഴില് മേഖല ശക്തിപ്പെടുത്തിയതിയതിനുള്ള ആദരവാണ് ഈ പുരസ്കാരം.
നിരവധി വ്യത്യസ്ത പദ്ധതികള് കൈകാര്യം ചെയ്യാന് ജോലിക്കിടെ അവസരം ലഭിച്ചിട്ടുണ്ട്. കര്മ്മ മേഖലയില് അത് തന്നെവളരെയധികം പിന്തുണയ്ക്കുകയും കരിയര് വളര്ച്ചയില് സഹായിക്കുകയും ചെയ്തു. വിശാസത്തോടെ ചുമതലകള് ഏല്പ്പിച്ച ബുര്ജീല് ഹോള്ഡിങ്സ് സ്ഥാപകനും ചെയര്മാനുമായ ഡോ. ഷംഷീര് വയലിലിനും മാനേജ്മെന്റിനും നന്ദി. ഇനിയും രാജ്യത്തിനും ആരോഗ്യ പ്രവര്ത്തകര്ക്കും വേണ്ടി സാധ്യമായതൊക്കെയും ചെയ്യാനുള്ള പ്രചോദനമാണ് പുരസ്കാരം,’ അനസ് പറഞ്ഞു. ഖദീജ ജിഷ്ണിയാണ് അനസിന്റെ ഭാര്യ. മക്കള് ഹൈറിന്, ഹായ്സ്, ഹൈസ.
GULF
മികച്ച വിദഗ്ധ തൊഴിലാളിക്കുള്ള പുരസ്കാരം കോഴിക്കോട് സ്വദേശി അനസിന്
24 ലക്ഷം രൂപയും സ്വര്ണ്ണ നാണയവും ആപ്പിള് വാച്ചും
അബുദാബി: യുഎഇ സ്വകാര്യ തൊഴില് മേഖലയിലെ ഏറ്റവും വലിയ പുരസ്കാരമായ എമിറേറ്റ്സ് ലേബര് മാര്ക്കറ്റ് അവാര്ഡില് ഏറ്റവും മികച്ച വിദഗ്ദ തൊഴിലാളിക്കുള്ള പുരസ്കാരത്തിന് കോഴിക്കോട് സ്വദേശി അര്ഹനായി.
മാനേജ്മെന്റ്, എക്സിക്യൂട്ടീവ് വിഭാഗങ്ങളില് ജോലി ചെയ്യുന്ന ആയിരക്കണക്കിന് അപേക്ഷകരില് നിന്ന് മാനവ വിഭവശേഷി മന്ത്രായലയത്തിന്റെ പുരസ്കാരത്തിന് അര്ഹനായത് കോഴിക്കോട് കുറ്റിച്ചിറ സ്വദേശി അനസ് കാതിയാരകത്തിനാണ് ശ്രദ്ധേയമായ അവാര്ഡിന് അര്ഹനായത്.
മെനയിലെ ഏറ്റവും വലിയ ആരോഗ്യസേവന ദാതാവായ ബുര്ജീല് ഹോള്ഡിങ്സില് റീജിയണല് ഹ്യൂമന് റിസോഴ്സ്സ് മാനേജരായി ജോലി ചെയ്യുന്ന അനസിന് 24 ലക്ഷം രൂപയുടെ (ഒരു ലക്ഷം ദിര്ഹം) ക്യാഷ് അവാര്ഡ്, സ്വര്ണ നാണയം, ആപ്പിള് വാച്ച്, ഫസ പ്ലാറ്റിനം പ്രിവിലേജ് കാര്ഡ്, പ്രത്യേക ഇന്ഷൂറന്സ് കാര്ഡ്, എന്നിവയാണ് സമ്മാനം.
18,000ത്തിലധികം അപേക്ഷകളില് നിന്നാണ് കമ്പനികളും വ്യക്തികളും ഉള്പ്പെടുന്ന വിജയികളെ തിരഞ്ഞെടുത്തത്
പ്രസിഡന്ഷ്യല് കോര്ട്ട് ഫോര് ഡെവലപ്മെന്റ് ആന്ഡ് ഫോളന് ഹീറോസ് അഫയേഴ്സിന്റെ ഡെപ്യൂട്ടി ചെയര്മാന് ശൈഖ് ദിയാബ് ബിന് മുഹമ്മദ് ബിന് സായിദ് അല് നഹ്യാന് അബുദാബിയില് പുരസ്കാരം സമ്മാനിച്ചു. ഔട്ട്സ്റ്റാന്ഡിംഗ് വര്ക്ക്ഫോഴ്സ് വിഭാഗത്തിലെ മാനേജ്മെന്റ് ആന്ഡ് എക്സിക്യൂട്ടീവ് ഉപവിഭാഗത്തിലാണ് അനസ് ഒന്നാം സ്ഥാനം നേടിയത്.
രാജ്യത്തിന്റെ വളര്ച്ചയില് വഹിച്ച പങ്കിനെക്കുറിച്ച്
പറഞ്ഞു ശൈഖ് ദിയാബിന്റെ അഭിനന്ദനം നിറഞ്ഞ സന്തോഷത്തോടെയും ജീവിതത്തിലെ ഏറ്റവും നല്ല മുഹൂര്ത്തവുമായാണ് അനുഭവപ്പെട്ടതെന്ന് അനസ് പറഞ്ഞു. കഴിഞ്ഞ 16 വര്ഷമായി യുഎഇ തൊഴില് മേഖലയുടെ ഭാഗമായതിന് രാജ്യം നല്കുന്ന അംഗീകാരമായിട്ടാണ് താാനീ പുരസ്കാരത്തെ കാണുന്നതെന്ന് അനസ് വ്യക്തമാക്കി.
വ്യക്തിഗത വിഭാഗത്തോടൊപ്പം സ്ഥാപനങ്ങളുടെ വിഭാഗത്തിലും ബുര്ജീല് ഹോള്ഡിങ്സ് തിളങ്ങി. അബുദാബിയിലെ എല്എല്എച്ച് ഹോസ്പിറ്റലിന് ഹെല്ത്ത്കെയര് കമ്പനി ഉപവിഭാഗത്തിലാണ് അംഗീകാരം ലഭിച്ചത്. ലേബര് മാര്ക്കറ്റ് അവാര്ഡില് എല്എല്എച്ച് ഹോസ്പിറ്റലിന് ഇത് ഹാട്രിക് വിജയമാണ്. ഡോ. ഷംഷീര് വയലിലും ചടങ്ങില് സന്നിഹിതനായിരുന്നു
-
india6 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF19 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News8 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala1 day agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്