india
മണിപ്പൂര്: രാജി നാടകം കൃത്യമായ ആസൂത്രണത്തോടെ, രാജി വെക്കാന് പദ്ധതിയില്ലായിരുന്നുവെന്ന് ബി.ജെ.പി
കലാപം അണയാതെ തുടരുന്ന മണിപ്പൂരില് മുഖ്യമന്ത്രി സ്ഥാനത്ത് നിന്നും എന് ബിരേന് സിങ് രാജി വച്ചേയ്ക്കുമെന്ന സൂചന നല്കി ഇംഫാലില് അരങ്ങേറിയത് വ്യക്തമായ പദ്ധതികളോടെ നടന്ന നാടകമെന്ന് ആക്ഷേപം.
ന്യൂഡല്ഹി: കലാപം അണയാതെ തുടരുന്ന മണിപ്പൂരില് മുഖ്യമന്ത്രി സ്ഥാനത്ത് നിന്നും എന് ബിരേന് സിങ് രാജി വച്ചേയ്ക്കുമെന്ന സൂചന നല്കി ഇംഫാലില് അരങ്ങേറിയത് വ്യക്തമായ പദ്ധതികളോടെ നടന്ന നാടകമെന്ന് ആക്ഷേപം. തനിക്ക് ഇപ്പോഴും ജനപിന്തുണയുണ്ടെന്ന് ബോധ്യപ്പെടുത്താനായിരുന്നു ബിരേന് സിങിന്റെ നേതൃത്വത്തില് കഴിഞ്ഞ ദിവസം ഇത്തരത്തിലൊരു നാടകം അരങ്ങേറിയതെന്നാണ് പ്രധാന വിമര്ശനം. ബിരേന് സിങ് രാജി വെക്കാന് പദ്ധതിയില്ലായിരുന്നു എന്ന് ബിജെപി കേന്ദ്ര നേതൃത്വം തന്നെ ചൂണ്ടിക്കാട്ടുന്നു. സംഭവ വികാസങ്ങളില് ബിജെപിക്കുള്ളില് തന്നെ അതൃപ്തിയുണ്ടെന്നാണ് റിപ്പോര്ട്ടുകള്.
എന്നാല് നടന്നത് എല്ലാവരും അറിഞ്ഞു കൊണ്ടുള്ള നാടകമാണെന്നാണ് കോണ്ഗ്രസ് ആരോപിക്കുന്നത്. വെള്ളിയാഴ്ച ഉച്ചയോടെ എന്.ബിരേന് സിങ് മണിപ്പൂര് ഗവര്ണറെ കാണുമെന്ന് അറിയിച്ചതോടെയാണ് രാജി സംബന്ധിച്ച അഭ്യൂഹങ്ങള് പ്രചരിച്ചത്. സ്ത്രീകളും യുവാക്കളും അടങ്ങുന്ന വലിയ ജനക്കൂട്ടം മുഖ്യമന്ത്രിയുടെ വസതിക്ക് പുറത്ത് തടിച്ചുകൂടുകയും ചെയ്തു. രാജിവെക്കാന് അനുവദിക്കില്ലെന്നായിരുന്നു ജനക്കൂട്ടത്തിന്റെ നിലപാട്. മെയ്തി വിഭാഗത്തില്പ്പെട്ടവരായിരുന്നു പ്രതിഷേധവുമായി എത്തിയത്.
വൈകീട്ട് നാലോടെ ബിരേന് സിങിന്റെ ട്വീറ്റ് പുറത്തുവരികയും ചെയ്തു. ”ഈ നിര്ണായക ഘട്ടത്തില്, മുഖ്യമന്ത്രി സ്ഥാനത്ത് നിന്ന് രാജിവെക്കില്ലെന്ന് വ്യക്തമാക്കാന് ഞാന് ആഗ്രഹിക്കുന്നു” എന്നായിരുന്നു ട്വീറ്റ്. തൊട്ടുപിറകെ കാബിനറ്റ് മന്ത്രി എല്. സുസിന്ദ്രോ മെയ്തേയ് മുഖ്യമന്ത്രിയുടെ രണ്ട് വരി രാജിക്കത്ത് അനുഭാവികളുടെ മുന്നില് കീറിയെറിഞ്ഞു. ഇതോടെയാണ് ജനക്കൂട്ടം പിരിഞ്ഞുപോയത്.
മെയ് മൂന്നിനാണ് മണിപ്പൂരില് കലാപം പൊട്ടിപ്പുറപ്പെട്ടത്. സംസ്ഥാനത്തെ ഭൂരിപക്ഷമായ മെയ്തികള്ക്ക് എസ്.ടി സംവരണം നല്കാനുള്ള സംസ്ഥാനത്തെ ബി.ജെ.പി സര്ക്കാറിന്റെ തീരുമാനത്തിനെതിരെ കുകി വിദ്യാര്ത്ഥി സംഘടനകളുടെ നേതൃത്വത്തില് നടന്ന പ്രതിഷേധത്തിന് പിന്നാലെയാണ് കലാപം ഉണ്ടായത്. കലാപത്തില് ഇതുവരെ 133 പേര് കൊല്ലപ്പെടുകയും 50,000 പേര് ഭവന രഹിതരാവുകയും ചെയ്തു. ആയിരക്കണക്കിന് വീടുകളും നൂറു കണക്കിന് ക്രിസ്ത്യന് പ്രാര്ത്ഥനായലങ്ങളും സ്കൂളുകളും കലാപകാരികള് അഗ്നിക്കിരയായിക്കിയിട്ടുണ്ട്. അക്രമങ്ങളില് ദിനംപ്രതി മരണങ്ങള് വര്ധിച്ചതോടെ മെയ്തി സ്ത്രീകളുടെ ഒരു വിഭാഗത്തില് നിന്ന് മുഖ്യമന്ത്രിക്കെതിരെ ശക്തമായ പ്രതിഷേധം ഉയരുകയും ചെയ്തിരുന്നു. ഇതോടെയാണ് രാഷ്ട്രീയ പ്രതിരോധ നീക്കങ്ങള് ബിരേന് സിങ് ശക്തമായത്.
എന്നാല്, വ്യാഴാഴ്ച രാത്രിമുതല് തന്നെ രാജി നടകത്തിന് വേണ്ട മുന്നൊരുക്കങ്ങള് നടന്നിരുന്നതായാണ് പുതിയ റിപ്പോര്ട്ടുകള്. മുഖ്യമന്ത്രിയുടെ രാജി നീക്കങ്ങള് തടയാന് വാര്ത്ത പുറത്തുവരുന്നതിന് മുന്പ് വെള്ളിയാഴ്ച രാവിലെ മുതല് പ്ലക്കാര്ഡുകള് ഉള്പ്പെടെയുള്ളവയുമായി ജനങ്ങള് മുഖ്യമന്ത്രിയുടെ വസതിക്ക് സമീപം ഉണ്ടായിരുന്നു. ബിരേന് സിങിന് വലിയ സ്വാധീനമുള്ള തലസ്ഥാന നഗരത്തിലെ ഹെയംഗാന്, വാങ്ഖേയ്, സിങ്ജമേയ്, കക്വ, ഖുറൈ തുടങ്ങിയ പ്രദേശങ്ങളില് നിന്ന് രാത്രി വൈകി നടത്തിയ ഓപ്പറേഷനിലൂടെയാണ് പ്രതിഷേധക്കാരെ സംഘടിപ്പിച്ചതെന്നാണ് പുറത്തുവരുന്ന വിവരം. കലാപം അവസാനിപ്പിക്കാന് ഇടപെടാനാകാത്ത സാഹചര്യത്തില് മുഖ്യമന്ത്രിയുടെ രാജി ആവശ്യപ്പെട്ട് ബിജെപിക്കുള്ളില് തന്നെ ആവശ്യം ശക്തമായിരുന്നു. മണിപ്പൂര് മുഖ്യമന്ത്രിക്ക് ജനപിന്തുണ നഷ്ടപ്പെട്ടെന്ന് ബിജെപിയില് നിന്ന് തന്നെ ആക്ഷേപം ഉയര്ന്നിരുന്നു. വിഷയത്തില് മുഖ്യമന്ത്രിക്ക് എതിരെ മെയ്തി സമുദായത്തില്പ്പെട്ട എട്ട് ബിജെപി എംഎല്എമാര് പ്രധാനമന്ത്രി നരേന്ദ്ര മോദിക്ക് നിവേദനം നല്കുകയും ചെയ്തിരുന്നു. ഇതിന് പിന്നാലെ മണിപ്പൂര് ഗവര്ണര് ഡല്ഹിയിലെത്തി രാഷ്ട്രപതി ദ്രൗപദി മുര്മു, പ്രധാനമന്ത്രി നരേന്ദ്ര മോദി, ആഭ്യന്തരമന്ത്രി അമിത് ഷാ, പ്രതിരോധമന്ത്രി രാജ്നാഥ് സിങ് എന്നിവരുമായി കൂടിക്കാഴ്ച നടത്തിയിരുന്നു. ഇതോടെ രാജിവെക്കുക, രാഷ്ട്രപതി ഭരണം എന്നിങ്ങനെ രണ്ട് നിര്ദേശങ്ങളും ബിജെപി കേന്ദ്ര നേതൃത്വം ബിരേന് സിങിന് മുന്നില് വച്ചിരുന്നു എന്നാണ് റിപ്പോര്ട്ടുകള്.
india
ഇന്ത്യയുടെ റഫാല് തകര്ക്കപ്പെട്ടുവെന്ന വ്യാജ വീഡിയോ: ചൈനയുടെ എ.ഐ പ്രചാരണം, അമേരിക്കയുടെ റിപ്പോര്ട്ട്
ഇന്ത്യ ‘ഓപ്പറേഷന് സിന്ധൂര്’ വിജയകരമായി പൂര്ത്തിയാക്കിയതിനെത്തുടര്ന്ന്, തങ്ങളുടെ ഫൈറ്റര് ജെറ്റുകളുടെ ശക്തി ഉയര്ത്തിക്കാട്ടാനും റഫാലിന്റെ വിശ്വാസ്യത തകര്ക്കാനും ചൈന വ്യാജ പ്രചാരണം ആരംഭിച്ചതായാണ് യു.എസ്-ചൈന ഇക്കണോമിക് & സെക്യൂരിറ്റി റിവ്യൂ കമീഷന്റെ കണ്ടെത്തല്.
ന്യൂഡല്ഹി: ഇന്ത്യയുടെ റഫാല് ഫൈറ്റര് വിമാനത്തെ തകര്ത്തതെന്ന വ്യാജ വീഡിയോ ചൈന എ.ഐ ഉപയോഗിച്ച് നിര്മ്മിച്ചു പ്രചരിപ്പിച്ചതായി അമേരിക്ക ആരോപിച്ചു. ഇന്ത്യ ‘ഓപ്പറേഷന് സിന്ധൂര്’ വിജയകരമായി പൂര്ത്തിയാക്കിയതിനെത്തുടര്ന്ന്, തങ്ങളുടെ ഫൈറ്റര് ജെറ്റുകളുടെ ശക്തി ഉയര്ത്തിക്കാട്ടാനും റഫാലിന്റെ വിശ്വാസ്യത തകര്ക്കാനും ചൈന വ്യാജ പ്രചാരണം ആരംഭിച്ചതായാണ് യു.എസ്-ചൈന ഇക്കണോമിക് & സെക്യൂരിറ്റി റിവ്യൂ കമീഷന്റെ കണ്ടെത്തല്.
അതിര്ത്തിയിലെ ഭീകര കേന്ദ്രങ്ങള് ഇന്ത്യ തകര്ത്തതിന് പിന്നാലെ തന്നെ ചൈന തെറ്റായ വിവരങ്ങള് പ്രചരിപ്പിക്കാന് ശ്രമിച്ചുവെന്നാണ് ആരോപണം. വ്യാജ സോഷ്യല് മീഡിയ അക്കൗണ്ടുകളും ടിക് ടോക്ക് പോലുള്ള പ്ലാറ്റ്ഫോമുകളും ഉപയോഗിച്ചാണ് ഈ പ്രചാരണ പരമ്പര നടന്നത്.
ചൈനീസ് ആയുധങ്ങള് ഉപയോഗിച്ച് വിമാനഭാഗങ്ങള് തകര്ത്ത്, അതിനെ യുദ്ധക്കാഴ്ചകളായി ചിത്രീകരിച്ച് എ.ഐ സഹായത്തോടെ റഫാല് തകര്ന്നതുപോലെ മാറ്റിയാണ് വീഡിയോ പ്രചരിപ്പിച്ചതെന്ന് റിപ്പോര്ട്ട് വ്യക്തമാക്കുന്നു. ചൈനയുടെ ആയുധ വിപണിയെ ശക്തിപ്പെടുത്താനും റഫാലിന്റെ ആഗോള പ്രതിച്ഛായയെ ബാധിക്കാനുമുള്ള ശ്രമമാണിതെന്നും അമേരിക്ക ആരോപിക്കുന്നു. പാകിസ്ഥാന്റെ പിന്തുണയും ഈ പ്രചാരണവ്യൂഹത്തിന് പിന്നിലുണ്ടെന്ന് റിപ്പോര്ട്ട് ചൂണ്ടിക്കാണിക്കുന്നു.
റഫാല് നിര്മ്മാതാക്കളായ ഫ്രാന്സ് അന്വേഷണം നടത്തിയത് ചൈനയുടെ കൃത്രിമ പ്രവര്ത്തനങ്ങളെ കുറിച്ചുള്ള കൂടുതല് വിവരങ്ങള് പുറത്തുകൊണ്ടുവന്നു. വ്യാജ വീഡിയോ പാകിസ്ഥാനില് നിന്നാണ് ആരംഭിച്ചതും അത് കൂടുതല് വിപുലപ്പെടുത്തിയത് ചൈനയാണെന്നും ഫ്രാന്സ് വ്യക്തമാക്കി. ടിക് ടോക്കില് പ്രചരിച്ച വീഡിയോകളില് ചൈനീസ് സോഷ്യല് മീഡിയ അഭിനേതാക്കളുടെ പങ്കും കണ്ടെത്തിയിട്ടുണ്ട്.
ഇന്ത്യപാക് യുദ്ധം അവസാനിച്ചതോടെ, ലോകമെമ്പാടുമുള്ള ചൈനീസ് എംബസികള്ക്ക് ചൈനീസ് പ്രതിരോധ ഉപകരണങ്ങളെ പ്രോത്സാഹിപ്പിക്കുന്ന തരത്തിലുള്ള വ്യാജ വീഡിയോകള് പ്രചരിപ്പിക്കാന് നിര്ദ്ദേശം നല്കിയിരുന്നു എന്നും യു.എസ് റിപ്പോര്ട്ട് പറയുന്നു.
india
ബെംഗളൂരുവിലെ 7 കോടി രൂപ കവര്ച്ച: ജീവനക്കാര്ക്ക് പങ്കില്ലെന്ന് അന്വേഷണം
പ്രാഥമിക ചോദ്യം ചെയ്യലുകള്ക്ക് ശേഷം വാന് ഡ്രൈവര്ക്കും പണം കയറ്റിയ ഏജന്സിയിലെ ജീവനക്കാര്ക്കും സംഭവത്തില് പങ്കില്ലെന്ന നിലപാടിലേക്കാണ് പൊലീസ് നീങ്ങുന്നത്.
ബെംഗളൂരു: നഗരത്തെ നടുക്കിയ 7 കോടി രൂപയുടെ കവര്ച്ചാ കേസില് അന്വേഷണം കൂടുതല് ശക്തമാക്കി. പ്രാഥമിക ചോദ്യം ചെയ്യലുകള്ക്ക് ശേഷം വാന് ഡ്രൈവര്ക്കും പണം കയറ്റിയ ഏജന്സിയിലെ ജീവനക്കാര്ക്കും സംഭവത്തില് പങ്കില്ലെന്ന നിലപാടിലേക്കാണ് പൊലീസ് നീങ്ങുന്നത്. മണിക്കൂറുകള് നീണ്ട ചോദ്യം ചെയ്യലില് ഇവരുടെ മൊഴികളില് വൈരുദ്ധ്യം കണ്ടെത്താനായിട്ടില്ല. കവര്ച്ച ഉച്ചയ്ക്ക് 12:30 ഓടെ ജെപി നഗറിലെ അശോക പില്ലറിന് സമീപമാണ് സംഭവിച്ചത്.
എച്ച്.ഡി.എഫ്.സി. ബാങ്കില് നിന്ന് ഗോവിന്ദരാജപുരത്തിലേക്ക് കൊണ്ടുപോവുകയായിരുന്ന പണവുമായി സഞ്ചരിച്ചിരുന്ന വാഹനം, ഇന്നോവ കാറിലെത്തിയ എട്ട് അംഗ സംഘം തടഞ്ഞു നിര്ത്തിയാണ് കവര്ന്നത്. കേന്ദ്ര നികുതി വകുപ്പ് ഉദ്യോഗസ്ഥരാണെന്ന് നടിച്ചാണ് സംഘം വാന് നിര്ത്തിച്ചത്. ഡ്രൈവര്, സിഎംഎസ് സ്ഥാപനത്തിലെ ജീവനക്കാരന്, സുരക്ഷാ ഉദ്യോഗസ്ഥര് എന്നിവരെയാണ് ആദ്യം ചോദ്യം ചെയ്തത്. ഇവരുടെ മൊഴികളിലെ മുന്വൈരുദ്ധ്യങ്ങള് സംശയം വളര്ത്തിയിരുന്നെങ്കിലും, നിലവിലെ അന്വേഷണത്തില് ഇവര്ക്ക് പങ്കില്ലെന്നു പോലീസിന്റെ വിലയിരുത്തല്. ഇപ്പോള് അന്വേഷണം കേന്ദ്രീകരിച്ചിരിക്കുന്നത് കവര്ച്ച നടന്ന സ്ഥലത്തെ മൊബൈല് ടവറിലാണ്.
ടവറിന്റെ പരിധിയില് എത്തിച്ചേര്ന്ന ഫോണുകളുടെ വിവരങ്ങള് പരിശോധിച്ചുവരുന്നു. കവര്ച്ചയ്ക്ക് വന്ന സംഘം കന്നഡയിലാണ് സംസാരിച്ചതെന്ന് പോലീസ് സ്ഥിരീകരിച്ചു. വാനിലുണ്ടായിരുന്ന സിസിടിവി രേഖകളുടെ ഡിവിആര് യൂണിറ്റ് കൊള്ളക്കാര് കൊണ്ടുപോയതും അന്വേഷണത്തിന് വലിയ വെല്ലുവിളിയാണ്. സംഭവത്തെക്കുറിച്ച് ജീവനക്കാര് പോലീസിനെ അറിയിക്കാന് വൈകിയത്, ആയുധങ്ങളുണ്ടായിരുന്നിട്ടും ഉപയോഗിക്കാതിരുന്നത്, സിസിടിവി ക്യാമറകള് ഇല്ലാത്ത ഭാഗത്ത് വാഹനം നിര്ത്തിയത് തുടങ്ങിയ കാര്യങ്ങള് ആദ്യം സംശയത്തിന് ഇടയാക്കിയിരുന്നു. കവര്ച്ചക്കാര് ഉപയോഗിച്ച ഗ്രേ കളര് ഇന്നോവ കാറിന്റെ നമ്പര് വ്യാജമാണെന്ന് കണ്ടെത്തിയിട്ടുണ്ട്. നഗരമാകെ പൊലീസ് പരിശോധന ശക്തമാക്കിയിരിക്കുകയാണ്. തമിഴ്നാട്ടിലേക്ക് രക്ഷപ്പെടാന് സാധ്യതയുള്ള അതിര്ത്തികളിലും പരിശോധന ഊര്ജിതമായി തുടരുന്നു. വിരലടയാള വിദഗ്ദ്ധരും ഫോറന്സിക് വിഭാഗവും ഡോഗ് സ്ക്വാഡും സ്ഥലത്ത് വിശദമായ പരിശോധന നടത്തി.
india
നിയമസഭ പാസാക്കിയ ബില്ലുകളുടെ വിധിയില് സമയപരിധി: പ്രസിഡന്ഷ്യല് റഫറന്സ്; ഇന്ന് സുപ്രീം കോടതിയുടെ മറുപടി
ചീഫ് ജസ്റ്റിസ് ബി.ആര്.ഗവായ് അധ്യക്ഷനായ അഞ്ചംഗ ഭരണഘടനാ ബെഞ്ചാണ് വിഷയത്തില് വിശദമായ വാദം കേട്ടത്.
ന്യൂഡല്ഹി: നിയമസഭ പാസാക്കുന്ന ബില്ലുകളില് രാഷ്ട്രപതി തീരുമാനമെടുക്കേണ്ട സമയപരിധിയെ കുറിച്ചുള്ള പ്രസിഡന്ഷ്യല് റഫറന്സില് സുപ്രീം കോടതി ഇന്ന് തന്റെ നിലപാട് അറിയിക്കാനിരിക്കുകയാണ്. ചീഫ് ജസ്റ്റിസ് ബി.ആര്.ഗവായ് അധ്യക്ഷനായ അഞ്ചംഗ ഭരണഘടനാ ബെഞ്ചാണ് വിഷയത്തില് വിശദമായ വാദം കേട്ടത്. ഭരണഘടനയുടെ ആര്ട്ടിക്കിള് 143(1) പ്രകാരമാണ് രാഷ്ട്രപതി ദ്രൗപദി മുര്മു 14 ചോദ്യങ്ങള് ഉള്ക്കൊള്ളുന്ന റഫറന്സ് സുപ്രീം കോടതിക്ക് അയച്ചിരിക്കുന്നത്.
രാഷ്ട്രപതിയും ഗവര്ണര്മാരും ബില്ലുകള് സംബന്ധിച്ച് തീരുമാനമെടുക്കേണ്ട സമയപരിധി കോടതി നിര്ണ്ണയിക്കാമോ?, ഭരണഘടനയില് ഇതിനായി വ്യക്തമായ വ്യവസ്ഥകളുണ്ടോ? എന്നതാണ് ഇതിലെ പ്രധാനമായ ചോദ്യങ്ങള്. കേരള സര്ക്കാര് ഉള്പ്പെടെ നിരവധി കക്ഷികള് രാഷ്ട്രപതിയുടെ റഫറന്സിനെ ചോദ്യം ചെയ്ത് വാദങ്ങള് കോടതിയില് ഉന്നയിച്ചിരുന്നു. ഗവര്ണര്ക്കും രാഷ്ട്രപതിക്കും ബില്ലുകളിലെ തീരുമാനങ്ങള്ക്ക് ഭരണഘടന സമയപരിധി നിശ്ചയിച്ചിട്ടില്ല, നിലവിലെ ആശയക്കുഴപ്പം നീക്കുന്നതിന് കോടതി മാര്ഗനിര്ദേശങ്ങള് നല്കേണ്ടതുണ്ടെന്ന് റഫറന്സില് രാഷ്ട്രപതി ചൂണ്ടിക്കാട്ടി.
ഇന്നത്തെ സുപ്രീം കോടതി അഭിപ്രായം രാജ്യത്തെ നിയമനിര്മ്മാണ പ്രക്രിയയും കേന്ദ്ര-സംസ്ഥാന ബന്ധവും നേരിട്ട് സ്വാധീനിക്കുന്നതായിരിക്കുമെന്ന് നിയമ വിദഗ്ധര് വിലയിരുത്തുന്നു.
-
india2 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala1 day agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala1 day agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala1 day agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala1 day agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്
-
kerala1 day agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്
-
Film1 day agoമമ്മൂട്ടി-വിനായകന് ചിത്രം ‘കളങ്കാവല്’: വിനായകന് ചെയ്ത വേഷം ആദ്യം പൃഥ്വിരാജിനായി കരുതിയതെന്ന് സംവിധായകന്
-
kerala2 days agoവാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി