News
ബംഗ്ലാദേശിൽ ക്ഷേത്രങ്ങൾക്ക് കാവലിരുന്ന് മുസ്ലിംകൾ- വിഡിയോ
ന്യൂനപക്ഷ വിഭാഗങ്ങള്ക്ക് സംരക്ഷണം ഒരുക്കണമെന്ന ആഹ്വാനവും പള്ളികളില്നിന്ന് മുഴങ്ങി.
ബംഗ്ലാദേശിലെ ഭരണവിരുദ്ധ പ്രക്ഷോഭങ്ങള്ക്കിടെ ന്യൂനപക്ഷ വിഭാഗമായ ഹിന്ദുക്കളുടെ ആരാധനാലയങ്ങള്ക്ക് കാവലിരുന്ന് മുസ്ലിംകള്. ഓള്ഡ് ധാക്കയിലെ ധാകേശ്വരി ക്ഷേത്രത്തിന് രാത്രി വൈകിയും കാവലിരിക്കുന്ന വിദ്യാര്ത്ഥികളുടെ ചിത്രങ്ങളും വീഡിയോയും സമൂഹമാധ്യമങ്ങളില് ശ്രദ്ധ നേടി. ന്യൂനപക്ഷ വിഭാഗങ്ങള്ക്ക് സംരക്ഷണം ഒരുക്കണമെന്ന ആഹ്വാനവും പള്ളികളില്നിന്ന് മുഴങ്ങി.
കിഴക്കന് ബംഗ്ലാദേശിലെ കുമിലയിലെയും ചിറ്റഗോങ്ങിലെ ചകാരിയ ഉപസിലയിലെയും ഹൈന്ദവ ക്ഷേത്രങ്ങള്ക്ക് കാവല് നില്ക്കുന്ന മുസ്ലിംകളുടെ ചിത്രങ്ങള് സമൂഹമാധ്യമങ്ങളില് വൈറലാണ്. ചകാരിയയില് വിദ്യാര്ഥി സംഘടനയായ ഛത്രി ശിബിരത്തിന്റെ നേതൃത്വത്തിലായിരുന്നു സംരക്ഷണം. പെണ്കുട്ടികള് അടക്കമുള്ളവര് കാവല് സംഘത്തിലുണ്ടായിരുന്നു. സമരരംഗത്തുള്ള വിദ്യാര്ഥി സംഘടന ആന്റി ഡിസ്ക്രിമിനേഷന് സ്റ്റുഡന്റ്സ് മൂവ്മെന്റാണ് സമാധാനം കാത്തുസൂക്ഷിക്കാന് ആവശ്യപ്പെട്ട് പള്ളികളിലെ ഉച്ചഭാഷിണികള് വഴി ആഹ്വാനം മുഴക്കിയത്.
A lot of Indian Right wing accounts are spreading communal propaganda.
Here are images of local Muslims stepping in to protect the temples in Bangladesh. pic.twitter.com/WJZNer4ntc— Mohammed Zubair (@zoo_bear) August 5, 2024
‘പ്രിയ പൗരന്മാരെ, രാജ്യത്ത് നടന്നുകൊണ്ടിരിക്കുന്ന പ്രക്ഷോഭങ്ങള്ക്കിടെ നമ്മളെല്ലാവരും സാമുദായിക സൗഹാര്ദം കാത്തുസൂക്ഷിക്കണമെന്ന് ഞങ്ങള്, സ്റ്റുഡന്റ്സ് എഗൈന്സ്റ്റ് ഡിസ്ക്രിമിനേഷന് അഭ്യര്ത്ഥിക്കുന്നു. നമ്മള് ഹിന്ദു ന്യൂനപക്ഷത്തെ സംരക്ഷിക്കും. ദുശ്ശക്തികളില്നിന്ന് അവരുടെ ജീവനും സ്വത്തിനും സംരക്ഷണം നല്കും. ഇത് നിങ്ങളുടെയും ഞങ്ങളുടെയും എല്ലാവരുടെയും ഉത്തരവാദിത്വമാണ്. ജാഗ്രതയോടെ ഇരിക്കാം’ – എന്നായിരുന്നു ആഹ്വാനം.
Students safeguarding the Dhakeshwari Temple late at night #ProtectMinorities pic.twitter.com/QWlsMoZaqR
— Mohammed Zubair (@zoo_bear) August 5, 2024
അതിനിടെ, രാജ്യത്ത് വ്യാപകമായി ഹൈന്ദവ ആരാധനാലയങ്ങള് തകര്ക്കപ്പെടുന്നതായി സംഘ് പരിവാര് പ്രൊഫൈലുകള് ആരോപിക്കുന്നുണ്ട്. 4 ക്ഷേത്രങ്ങള്ക്കു നേരെ അക്രമം നടന്നതായി ഹിന്ദു ബുദ്ധിസ്റ്റ് ക്രിസ്ത്യന് യൂണിറ്റി നേതാവ് കജോള് ദേബ്നാഥ് പറഞ്ഞു. അതേസമയം, വിഷയത്തില് വലതുപക്ഷ അക്കൗണ്ടുകള് വര്ഗീയ അജണ്ട പ്രചരിപ്പിക്കുകയാണ് എന്ന് ഫാക്ട് ചെക്ക് ജേണലിസ്റ്റ് മുഹമ്മദ് സുബൈര് അടക്കമുള്ളവര് ചൂണ്ടിക്കാട്ടി. വിവിധ ക്ഷേത്രങ്ങള്ക്ക് കാവലൊരുക്കിയ മുസ്ലിംകളുടെ ചിത്രങ്ങളും വീഡിയോയും അദ്ദേഹം സമൂഹമാധ്യമങ്ങളില് പങ്കുവച്ചു. ബംഗ്ലാദേശ് ജനസംഖ്യയുടെ എട്ട് ശതമാനമാണ് ഹിന്ദുക്കള്. ആകെ 1.31 കോടി.
A Special Announcement on a loudspeaker from inside the Mosque in Bangladesh.
"Dear Citizens,
We 'Students Against Discrimination' are requesting you, during this period of unrest in the country, We all must maintain communal harmony. We should protect Hindu minorities.… pic.twitter.com/AszMMk2gyN— Mohammed Zubair (@zoo_bear) August 5, 2024
അതിനിടെ, പ്രക്ഷോഭത്തിന് പിന്നാലെ പ്രധാനമന്ത്രി ശൈഖ് ഹസീന രാജിവച്ച സാഹചര്യത്തില് രാഷ്ട്രീയ അനിശ്ചിതത്വത്തിലാണ് ബംഗ്ലാദേശ്. സൈനിക നേതൃത്വം ഇടക്കാല സര്ക്കാര് ഉണ്ടാക്കിയിട്ടുണ്ടെങ്കിലും ഇതുമായി ബന്ധപ്പെട്ട വിശദവിവരങ്ങള് ലഭ്യമല്ല. നിലവില് ഇന്ത്യയിലുള്ള ഹസീന ലണ്ടനില് അഭയം തേടുമെന്നാണ് റിപ്പോര്ട്ട്. ഹസീനയുടെ ഔദ്യോഗിക വസതിയിലേക്ക് ഇടിച്ചുകയറുന്ന പ്രക്ഷോഭകാരികളുടെ വീഡിയോ കഴിഞ്ഞദിവസം പുറത്തുവന്നിരുന്നു. സിവില് സര്വീസ് തൊഴില് സംവരണം എടുത്തു കളയണമെന്ന് ആവശ്യപ്പെട്ടുള്ള പ്രക്ഷോഭമാണ് ഹസീനയുടെ രാജിയിലേക്ക് നയിച്ചത്.
kerala
വിദ്യാഭ്യാസ ഓഫീസുകളിലെ മിന്നല്പ്പരിശോധന; വ്യാപക ക്രമക്കേട് കണ്ടെത്തി വിജിലന്സ്
വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയതായാണ് കണ്ടെത്തല്.
പൊതുവിദ്യാഭ്യാസ വകുപ്പിനു കീഴിലെ വിദ്യാഭ്യാസ ഓഫീസുകളില് വിജിലന്സ് നടത്തിയ മിന്നല്പ്പരിശോധനയില് വ്യാപക ക്രമക്കേട് കണ്ടെത്തി. വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയതായാണ് കണ്ടെത്തല്. അധ്യാപകര്ക്കും അനധ്യാപകര്ക്കും സര്വീസ് ആനുകൂല്യം അനുവദിക്കുന്നതിനാണ് വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയത്.
ആലപ്പുഴ വിദ്യാഭ്യാസ ഓഫീസിലെ ഒരു ഉദ്യോഗസ്ഥന്റെ ഗൂഗിള് പേ അക്കൗണ്ടിലേക്ക് സംശയാസ്പദമായി എത്തിയത് 1,40,000 രൂപയാണ്. കുട്ടനാട് വിദ്യാഭ്യാസ ഓഫീസിലെ എയ്ഡഡ് നിയമനാംഗീകാരവുമായി ബന്ധപ്പെട്ട സെക്ഷനിലെ സീനിയര് ക്ലര്ക്കിന്റെ ഗൂഗിള് പേ അക്കൗണ്ടിലേക്ക് രണ്ട് എയ്ഡഡ് സ്കൂളുകളിലെ ക്ലര്ക്കുമാരുടെ അക്കൗണ്ടില്നിന്ന് 77,500 രൂപ ലഭിച്ചതിന്റെ തെളിവാണ് വിജിലന്സ് കണ്ടെത്തിയത്.
മലപ്പുറം മേഖലാ ഡെപ്യൂട്ടി ഡയറക്ടര് ഓഫീസിലെ ഒരു ഉദ്യോഗസ്ഥന് എയ്ഡഡ് സ്കൂള് അധ്യാപകനില്നിന്ന് 2000 രൂപ ഗൂഗിള് പേ വഴി വാങ്ങി. ഇതുകൂടാതെ 20,500 രൂപയുടെ ഇടപാടുകളും കണ്ടെത്തി. തിരുവനന്തപുരം മേഖലാ ഡെപ്യൂട്ടി ഡയറക്ടറുടെ കീഴിലെ സ്കൂളില് ഭിന്നശേഷി സംവരണം പാലിക്കാതെ 11 അധ്യാപകരെ നിയമിച്ചു.
തളിപ്പറമ്പ് ജില്ലാ വിദ്യാഭ്യാസ ഓഫീസിന് കീഴിലെ എയ്ഡഡ് സ്കൂളില് അധ്യാപക തസ്തിക നലനിര്ത്താന് അവിടെയില്ലാത്ത മൂന്നുകുട്ടികള്ക്ക് പ്രവേശനം എടുത്തതായി കാണിച്ച് ഹാജര് അനുവദിച്ചു. ഇതില് ഒരു കുട്ടി കേന്ദ്രീയവിദ്യാലയത്തില് പഠിക്കുകയാണ്. തലശ്ശേരി വിദ്യാഭ്യാസ ഓഫീസിനു കീഴിലെ എയ്ഡഡ് സ്കൂളില് സമാനരീതിയില് ഒരു ക്ലാസില് 28 കുട്ടികള് പഠിക്കുന്നതായി കാണിച്ച് ഹാജര് അനുവദിച്ചിരുന്നു. പരിശോധനയില് ഈ ക്ലാസില് ഒന്പത് കുട്ടികള് മാത്രമാണുള്ളതെന്നും പുറമേയുള്ള 19 കുട്ടികള് പ്രവേശനം നേടിയതായി കാണിച്ച് ഹാജര് നല്കുകയായിരുന്നെന്നും കണ്ടെത്തി.
kerala
അമീബിക് മസ്തിഷ്ക ജ്വരം; ഒരാള് കൂടി മരിച്ചു, ഒരു മാസത്തിനിടെ 7 മരണം
ഈ വര്ഷം ഇതുവരെ 40 പേരാണു മരിച്ചത്.
സംസ്ഥാനത്ത് അമീബിക് മസ്തിഷ്ക ജ്വരം ബാധിച്ച് ഒരു മരണം കൂടി. 40 ദിവസമായി ചികിത്സയിലായിരുന്ന ആനാട് ഇരിഞ്ചയം കുഴിവിള അശ്വതി ഭവനില് എന്.ജെ.വിഷ്ണുവിന്റെ ഭാര്യ കെ.വി.വിനയയാണ് (26) മരിച്ചത്. ഇന്നലെ രാത്രിയോടെയാണ് മരണം. പനി ബാധിച്ചതിനെ തുടര്ന്ന് ആദ്യം നെടുമങ്ങാട് ജില്ലാ ആശുപത്രിയില് ചികിത്സ തേടിയിരുന്നു. രോഗ ഉറവിടം കണ്ടെത്താനായിട്ടില്ല. വിനയയുടെ വീട്ടില് നിന്നു ശേഖരിച്ച ജല സാംപിളിന്റെ പരിശോധനാ ഫലം ലഭിച്ചിട്ടില്ല.
സംസ്ഥാനത്ത് മസ്തിഷ്കജ്വരം ബാധിച്ച് ഈ മാസം ചികിത്സ തേടിയ 17 പേരില് 7 പേരും മരിച്ചു. ഈ വര്ഷം ഇതുവരെ 40 പേരാണു മരിച്ചത്. രോഗം ബാധിച്ചത് 170 പേര്ക്ക്. തിരുവനന്തപുരം ജില്ലയില് ഇതിനകം 8 പേര് മരിച്ചു. രോഗം പെട്ടെന്നു തിരിച്ചറിയാന് സാധിക്കാത്തതാണു പ്രധാന വെല്ലുവിളിയെന്ന് ഡോക്ടര്മാര് പറഞ്ഞു. ഇതിനാല് രോഗം സ്ഥിരീകരിക്കാനും മതിയായ ചികിത്സ ലഭിക്കാനും വൈകും.
ധ്യാന് ശ്രീനിവാസന്, ഇന്ദ്രന്സ്,അപര്ണ്ണ ദാസ് എന്നിവരെ പ്രധാന കഥാപാത്രങ്ങളാക്കി അഖില് കാവുങ്ങല് തിരക്കഥയെഴുതി സംവിധാനം ചെയ്യുന്ന ‘ഡിയര് ജോയി ‘ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി. ജോണി ആന്റണി, ബിജു സോപാനം, നിര്മ്മല് പാലാഴി, കലാഭവന് നവാസ്, മീരാ നായര് തുടങ്ങിയവരാണ് മറ്റു പ്രമുഖ താരങ്ങള്.
എക്ത പ്രൊഡക്ഷന്സിന്റെ ബാനറില് അമര് പ്രേം നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം റോജോ തോമസ് നിര്വഹിക്കുന്നു. സന്ദൂപ് നാരായണന്, അരുണ് രാജ്,ഡോക്ടര് ഉണ്ണികൃഷ്ണന് വര്മ, സല്വിന് വര്ഗീസ് എന്നിവര് എഴുതിയ വരികള്ക്ക് ധനുഷ് ഹരികുമാര്,വിമല്ജിത് വിജയന് എന്നിവര് സംഗീതം പകരുന്നു. സംഗീതത്തിന് വളരെ അധികം പ്രാധാന്യമുള്ള ഈ ചിത്രത്തില് കെ. എസ്. ചിത്ര, വിനീത് ശ്രീനിവാസന്,വൈക്കം വിജയലക്ഷ്മി എന്നിവരാണ് ഗായകര്.
അഡിഷണല് സോങ്- ഡോക്ടര് വിമല് കുമാര് കാളിപുറയത്ത്, എഡിറ്റര്- രാകേഷ് അശോക, കോ പ്രൊഡ്യൂസര്- സുഷില് വാഴപ്പിള്ളി, എക്സിക്യൂട്ടീവ് പ്രൊഡ്യൂസര്-ജി കെ ശര്മ,ക്രീയേറ്റീവ് പ്രൊഡ്യൂസര്-റയീസ് സുമയ്യ റഹ്മാന്, പ്രൊഡക്ഷന് കണ്ട്രോളര്-നിജില് ദിവാകരന്,ആര്ട്ട്-മുരളി ബേപ്പൂര്, വസ്ത്രലങ്കാരം-സുകേഷ് താനൂര്,മേക്കപ്പ്-രാജീവ് അങ്കമാലി, സ്റ്റില്സ്-റിഷാദ് മുഹമ്മദ്,ഡിസൈന്- ഡാവിഞ്ചി സ്റ്റുഡിയോസ്, പ്രൊഡക്ഷന് എക്സിക്യൂട്ടീവ്-സുനില് പി സത്യനാഥ്, പി ആര് ഒ-എ എസ് ദിനേശ്.
-
india3 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala14 hours agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala13 hours agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
-
kerala11 hours agoശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
-
kerala2 days agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala1 day agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്