ബലാത്സംഗ ശ്രമത്തിന് ബി.ജെ.പി ന്യൂനപക്ഷ മോർച്ച നേതാവും യൂട്യൂബറുമായ സുബൈർ ബാപ്പു അറസ്റ്റിൽ. വനിതാ ബി.ജെ.പി നേതാവിനെ ലൈംഗിക പീഡനത്തിന് ഇരയാക്കിയെന്ന പരാതിയിൽ യൂട്യൂബർ കൂരാട് സ്വദേശി സുബൈറുദ്ദീൻ എന്ന സുബൈർ ബാപ്പുവിനെയാണ് അറസ്റ്റ് ചെയ്തത്.

നിരന്തരം ഫോണിൽ വിളിച്ച് ഇക്കാര്യം പറഞ്ഞു ശല്യം ചെയ്തതായും സമൂഹ മാധ്യമങ്ങളിലൂടെ അപമാനിച്ചെന്നും പരാതിയിലുണ്ട്.  പരാതിക്കാരിയും മകളും മാത്രം വീട്ടിലുള്ള സമയത്ത് പ്രതി അതിക്രമിച്ചു വീട്ടിൽ കയറി ഭീഷണിപ്പെടുത്തി മാനഭംഗപ്പെടുത്തിയെന്നാണ് പരാതി. വീട്ടിൽ അതിക്രമിച്ചു കയറി മാനഭംഗപ്പെടുത്തിയതിനും ഫോണിലൂടെ നിരന്തരം ശല്യം ചെയ്തതിനുമാണ് കേസെടുത്തത്.

കോഴിക്കോട്: പാര്‍ട്ടി സഹപ്രവര്‍ത്തകനായ രാഹുല്‍ മാങ്കൂട്ടിത്തിനെതിരെ ആരോപണം വന്നു എന്ന പേരില്‍ വടകരയുടെ ജനകീയ എം.പിയായ ഷാഫി പറമ്പിലിനെ വഴിയില്‍ തടയാനും അക്രമിക്കാനുമാണ് സി.പി.എം തീരുമാനമെങ്കില്‍ ഭരണത്തിന്റെ ഹുങ്കില്‍ അക്രമികളെ ചങ്ങല ഊരിവിടുന്ന കോഴിക്കോട് ജില്ലയിലെ ഒരു എം.എല്‍.എയും മന്ത്രിയും റോഡിലിറങ്ങില്ലെന്ന് മുസ്‌ലിം ലീഗ്‌ ജില്ലാ പ്രസിഡന്റ് എം.എ റസാഖ് മാസ്റ്ററും ജന.സെക്രട്ടറി ടി.ടി ഇസ്്മായിലും മുന്നറിയിപ്പ് നല്‍കി.

ഷാഫി പറമ്പിലിനെ എന്തിന്റെ പേരിലാണ് സി.പി.എം ഗുണ്ടകള്‍ തെരുവില്‍ കൈകാര്യം ചെയ്യുന്നത്. സുഹൃത്തായ എം.എല്‍.എക്കെതിരെ ഒരാരോപണം വന്നതില്‍ അദ്ദേഹം എന്ത് പിഴച്ചു. സുഹൃത്തിനെതിരെ ആരോപണം വന്നതിന്റെ പേരില്‍ ഷാഫി പറമ്പിലിനെതിരെ വഴിയില്‍ തടയാനും അക്രമിക്കാനും ശ്രമിക്കുന്നവരുടെ ദുഷ്ടലാക്ക് അന്നം കഴിക്കുന്ന എല്ലാവര്‍ക്കും ബോധ്യപ്പെടും. തീകൊളളികൊണ്ട് ചൊറിയുന്ന സി.പി.എമ്മുകാരില്‍ നിന്ന് സംരക്ഷണം നല്‍കാന്‍ മുസ്്‌ലിംലീഗും യു.ഡി.എഫും സജ്ജമാണ്. ഇനിയും ഷാഫിയെ അകാരണമായി തടയാനും അക്രമിക്കാനുമാണ് ഭാവമെങ്കില്‍ കയ്യും കെട്ടി നോക്കി നില്‍ക്കില്ല. ലീഗ് നേതാക്കള്‍ പറഞ്ഞു.

ആര്യനാട് പഞ്ചായത്തംഗം ശ്രീജ, എതിരാളികളെ ശാരീരികമായി ഇല്ലാതാക്കുന്ന സി.പി.എമ്മിന്റെ കൊലപാതക രാഷ്ട്രിയത്തിന്റെ മറ്റൊരു ഇരയായിത്തീര്‍ന്നിരിക്കുകയാണ്. സാമ്പത്തിക പ്രതിസന്ധിയില്‍ അകപ്പെട്ട പഞ്ചായത്തംഗമായ ഈ വനിതക്ക് മാര്‍ക്‌സിസ്റ്റ്പാര്‍ട്ടി യുടെയും സി.പി.എമ്മുകാരനായ പഞ്ചായത്ത് പ്രസിഡന്റിന്റെയും ക്രൂരമായ വേട്ടയാടലിന് ഇരയായാണ് ജീവിതം അവസാനിപ്പിക്കേണ്ടി വന്നത്. സ്ത്രീ സുരക്ഷയെക്കുറിച്ചുള്ള സി.പി.എമ്മിന്റെയും ഇടതു സര്‍ക്കാറിന്റെയും അവകാശവാദങ്ങള്‍ എത്രമാത്രം പൊള്ളയും പരിഹാസ്യവുമാണെന്നതിനുള്ള തെളിവായി മറ്റൊരു ജീവന്‍കൂടി പൊലിഞ്ഞുപോയിരിക്കുകയാണ്. സ്ത്രീകളുടെ സ്വാതന്ത്ര്യത്തിന്റെയും അവകാശങ്ങളുടെയുമെല്ലാം മാനദണ്ഢം തങ്ങളുടെ ഇംഗിതങ്ങളെ ആശ്രയിച്ചുമാത്രമാണെന്ന് സി.പി.എം ഒരിക്കല്‍കൂടി വിളിച്ചു പറഞ്ഞിരിക്കുകയാണ്. ഭര്‍ത്താവിന്റെ ചികിത്സക്കും മക്കളുടെ വിദ്യാഭ്യാസത്തിനുമെല്ലാമായി കടംവാങ്ങിയ പണം. ഭൂമി വിറ്റും ലോണെടുത്തും വീട്ടാനുള്ള തീവ്ര ശ്രമത്തിലായിരുന്നു ശ്രീജ. ഇതിന്റെ ഭാഗമായി ബാങ്കില്‍ വായ്പക്ക് അപേക്ഷിക്കുകയും അത് പാസാകുകയും ചെയ്തിരുന്നു. ജീവിതം വഴിമുട്ടി നില്‍ക്കുന്ന ഘട്ടത്തിലും ഇഛാശക്തി കൈമുതലാക്കി കഠിന പ്രയത്‌നത്തിലൂടെ തിരിച്ചുവരാനുള്ള ഒരുക്കത്തിലായിരുന്നു പൊതുപ്രവര്‍ത്തകയായ ആ സ്ത്രീ എന്ന് ചുരുക്കം.

ദൗര്‍ഭാഗ്യകരമായ സാഹചര്യങ്ങളിലൂടെ കടന്നുപോകുമ്പോഴും അവധിയിലായിപ്പോയ പൊതു രംഗത്തേക്ക് ശക്തമായി തിരിച്ചുവരാന്‍ ഒരുങ്ങുകയും തന്നില്‍ വിശ്വാസമര്‍പ്പിച്ചവരെ അഭിമുഖീകരിക്കാനുള്ള ആത്മധൈര്യം വീണ്ടെടുത്തുകൊണ്ടിരിക്കുകയും ചെയ്യുമ്പോഴാണ്. ജീവിക്കാന്‍ സമ്മതിക്കില്ലെന്ന പ്രഖ്യാപനവുമായി സി.പി.എം രംഗത്തെത്തിയത്. ശ്രീജ ഒരിക്കലും കരകയറില്ലെന്നും ഇനിയൊരു തിരിച്ചുവരവില്ലെന്നുമുള്ള തങ്ങളുടെ കണക്കു കൂട്ടലുകള്‍ തെറ്റുകയാണെന്ന തോന്നലില്‍ നിന്നാണ് വ്യക്തിഹത്യയിലേക്കും അതുവഴി മരണത്തിലേക്കും ഒരു പൊതുപ്രവര്‍ത്തകയെ ഈ കാപാലികസംഘം തള്ളിവി ട്ടിരിക്കുന്നത്. ശ്രീജയെ തേജോവദം ചെയ്തുകൊണ്ടുള്ള പോസ്റ്ററുകള്‍ ഇറക്കുകയാണ് ആദ്യപടിയായി അവര്‍ ചെയ്തുവെച്ചത്. അതിനു പിന്നാലെയാണ് ഇക്കഴിഞ്ഞ ദിവസം പാര്‍ട്ടിയുടെ നേതൃത്വത്തില്‍ പൊതുയോഗം തന്നെ സംഘടിപ്പിച്ചത്. ആ യോഗത്തിലുയര്‍ന്നു കേട്ട മുദ്രാവാക്യങ്ങളും പ്രസംഗങ്ങളും ആരമാഭിമാനമുള്ള ഏതൊരാളെയും തകര്‍ത്തുകളയാന്‍ പര്യാപ്തമായിരുന്നു. കട്ടമുതല്‍ തിരിച്ചുനല്‍കിയാല്‍ കള്ളി കള്ളിയല്ലാതാകുമോയെന്നതടക്കമുള്ള മുദ്രാവാക്യങ്ങളാണ് പാര്‍ട്ടിക്കാര്‍ ഉയര്‍ത്തിയത്.

കാര്യങ്ങള്‍ കൈകവിട്ടുപോയതോടെ പതിവുപോലെ ന്യായീകരണവുമായി പാര്‍ട്ടി രംഗത്തുവരുന്നുണ്ടെങ്കിലും അതെല്ലാം നട്ടാല്‍ കുരുക്കാത്ത നുണകളാണെന്ന് സാഹചര്യങ്ങള്‍ വ്യക്തമാക്കുന്നുണ്ട്. വാര്‍ഡ്‌മെമ്പറുടെ സാമ്പത്തിക ബാധ്യത കോണ്‍ഗ്രസ് ഏറ്റെടുക്കണമെന്നാവശ്യപ്പെട്ടാണ് പൊതു യോഗം നടത്തിയതെന്നും, ഇക്കാര്യത്തില്‍ നിരവധി പരാതികള്‍ ലഭിച്ചതിന്റെ അടിസ്ഥാനത്തിലാണ് തങ്ങള്‍ആവശ്യപ്പെട്ടെതെന്നുമാണ് സി.പി.എം ഭാഷ്യം. എന്നാല്‍ സി.പി.എമ്മിന്റെ ആരോപണങ്ങളില്‍ മനംനൊന്താണ് തന്റെ ഭാര്യ ആത്മഹത്യ ചെയ്തിരിക്കുന്ന തെന്ന് ഭര്‍ത്താവ് തന്നെ വ്യക്തമാക്കിയിരിക്കുന്നത്. പരസ്യമായ വ്യക്തിഹത്യക്കുപിന്നാലെ ആ രാത്രിമുഴുവന്‍ തന്റെ ഭാര്യകരഞ്ഞുതീര്‍ക്കുകയായിരുന്നുവെന്നുമാണ് അദ്ദേഹം സാക്ഷ്യപ്പെടുത്തുന്നത്. പഞ്ചായത്ത് പ്രസിഡന്റിനു രേഖാമൂലം ലഭിച്ചുവെന്നുപറയുന്ന ഏക പരാതിപോലും നിര്‍ബന്ധിച്ച് എഴുതിവാങ്ങിയതാണെന്നാണ് പ്രാദേശിക കോണ്‍ഗ്രസ് നേതൃത്വത്തിന്റെ ആരോപണം. സി.പി.എമ്മി ന്റെ സ്വാധീന മേഖലയില്‍ നിന്ന് വാര്‍ഡ് മെമ്പറായി തിരഞ്ഞെടുക്കപ്പെട്ട അന്നുമുതല്‍ തന്നെ ശ്രീജയോടുള്ള വിരോധം അവര്‍ ആരംഭിച്ചിരുന്നുവെന്നും അതിന്റെ പര്യവസാനമാണ് ഇപ്പോള്‍ സംഭവിച്ചിരിക്കുന്നതെന്നും അവര്‍ കൂട്ടിച്ചേര്‍ക്കുന്നു.

സ്ത്രീസുരക്ഷയുടെ പേര് പറഞ്ഞ് സഭ്യതയുടെ സകല സീമകളും ലംഘിച്ചുകൊണ്ട് അഴിഞ്ഞാടുന്ന സി.പി.എമ്മിനെയും പോഷക സംഘടനകളെയുമാണ് വര്‍ത്തമാന കേരളം കണ്ടുകൊണ്ടിരിക്കുന്നത്. എന്നാല്‍ സ്വന്തം സര്‍ക്കാറിന്റെ മാത്രമല്ല, മന്ത്രിസഭയുടെ ഭാഗമായിരുന്നവരില്‍ നിന്നു തന്നെ സ്ത്രീവിരുദ്ധമായ സമീപനങ്ങളുണ്ടായപ്പോള്‍ പിണറായി സര്‍ക്കാര്‍ എന്ത് നടപടി സ്വീകരിച്ചു എന്ന ചോദ്യത്തിനുമുന്നില്‍ തലയില്‍ മുണ്ടിട്ട് രക്ഷപ്പെടുകയാണ് അവര്‍ ചെയ്യുന്നത്. ആ കപട സമീപനത്തിന്റെ മറ്റൊരുഷ്ടാന്തമായിത്തീര്‍ന്നിരിക്കുകയാണ് ഒരു ജനപ്രതിനിധിയുടെ ആത്മഹത്യ, ശ്രീജയുടെ മരണത്തിനുത്തരവാദിക ളായവര്‍ക്കെതിരെ മാതൃകാപരമായ നടപടിസ്വീകരിക്കുകയും ഈ ദാരുണമായ സംഭവത്തിന്റെ ഉത്തരവാദിത്തം ഏറ്റെടുക്കുകയുമാണ് മാന്യതയുടെ അല്‍പമെങ്കിലും അവശേഷിക്കുന്നുണ്ടെങ്കില്‍ അവര്‍ ചെയ്യേണ്ടത്.