Health
18 കിലോ കുറയ്ക്കാന് നിത അംബാനി ചെയ്ത രണ്ട് കാര്യങ്ങള്; ആര്ക്കും പരീക്ഷിക്കാം
മകനോടൊപ്പം ഡയറ്റും വ്യായാമവും ചെയ്ത് ഏതാനും മാസങ്ങള്ക്കുള്ളില് നിത കുറച്ചത് 18 കിലോയാണ്.

ഇന്ത്യയിലെ ഏറ്റവും ധനികനായ ബിസിനസ്സുകാരന്റെ ഭാര്യ എന്നതിനപ്പുറം ഒരു സെലബ്രിറ്റിയെന്ന നിലയില് കൂടി അറിയപ്പെടുന്ന വ്യക്തിത്വമാണ് നിത അംബാനി. ഭാരം കുറച്ച് സ്ലിം ആകാന് ആഗ്രഹിക്കുന്നവര്ക്ക് ഒരു മാതൃകയാണ് നിത. മകന് ആനന്ദ് അംബാനി സെലിബ്രിറ്റി കോച്ച് വിനോദ് ചോപ്രയ്ക്ക് കീഴിലുള്ള പരിശീലനത്തിലൂടെ തടി കുറച്ചപ്പോള് മകന് പ്രോത്സാഹനവുമായി കൂടെക്കൂടിയതാണ് നിത. മകനോടൊപ്പം ഡയറ്റും വ്യായാമവും ചെയ്ത് ഏതാനും മാസങ്ങള്ക്കുള്ളില് നിത കുറച്ചത് 18 കിലോയാണ്.
പഴങ്ങളും പച്ചക്കറികളും നട്ടും സീഡുകളും അടങ്ങിയ ഭക്ഷണക്രമവും യോഗ, നീന്തല്, ജിം ഉള്പ്പെടെയുള്ള വ്യായാമ മുറകളും ഇതിന് നിതയെ സഹായിച്ചു. എന്നാല് ഇവയ്ക്കെല്ലാം പുറമേ നിതയുടെ ഭാരം കുറച്ച രണ്ട് പ്രധാനപ്പെട്ട കാര്യങ്ങള് കൂടെയുണ്ട്. ഏത് പ്രായത്തിലും ഭാരം കുറച്ച് സ്ലിം ആകാന് ആഗ്രഹിക്കുന്നവര്ക്ക് നിത അംബാനിയുടെ ഈ രണ്ട് മാര്ഗങ്ങള് പരീക്ഷിച്ച് നോക്കാം.
1. ബീറ്റ് റൂട്ട് ജ്യൂസ്
നമ്മുടെ രാജ്യത്ത് ലഭ്യമായ പോഷക സമ്പുഷ്ടമായ പച്ചക്കറിയാണ് ബീറ്റ്റൂട്ട്. ദിവസവും ഒന്നോ രണ്ടോ ഗ്ലാസ് ബീറ്റ്റൂട്ട് ജ്യൂസ് നിത അംബാനി ഡയറ്റിങ്ങിന്റെ ഭാഗമായി കുടിച്ചിരുന്നു. സീറോ ഫാറ്റും വളരെ കുറിച്ച് കാലറിയുമുള്ള ബീറ്റ്റൂട്ട് ജ്യൂസ് വയറിനെ ശുദ്ധീകരിക്കുകയും ശരീരത്തിന് ആവശ്യമായ പോഷകം നല്കുകയും ചെയ്യും. ഇതിലെ ആന്റി ഓക്സിഡന്റുകള് കൊഴുപ്പ് നിക്ഷേപവും ശരീരത്തിലെ വിഷാംശവും കുറച്ച് ഭാരക്കുറവിന് സഹായകമാകും. ധാതുക്കളാലും സമ്പന്നമാണ് ബീറ്റ് റൂട്ട്. രക്ത സമ്മര്ദം കുറയ്ക്കാനും ഇത് സഹായിക്കും.
2. നൃത്തം
ഭരതനാട്യം പോലുള്ള ക്ലാസിക്കല് നൃത്തരൂപങ്ങളില് പരിശീലനം ലഭിച്ചിട്ടുള്ള നിത അംബാനി നിത്യവും ഇതിനു വേണ്ടി സമയം കണ്ടെത്തുമായിരുന്നു. സമ്മര്ദമകറ്റാനും ഭാരം കുറയ്ക്കാനും ശരീരവടിവ് നിലനിര്ത്താനും നൃത്തവും നിതയെ സഹായിച്ചു.
മകന് ആനന്ദ് ഡയറ്റിങ്ങിലൂടെയും തീവ്ര പരിശീലനത്തിലൂടെയും ഭാരം കുറച്ചത് മാധ്യമശ്രദ്ധ നേടിയിരുന്നു. ആനന്ദിന്റെ ഡയറ്റിങ്ങ് തനിക്കും പ്രചോദനമായതായി നിത പറയുന്നു.
Health
ചൈനയില് വീണ്ടും പകര്ച്ചവ്യാധി വ്യാപിക്കുന്നുവോ?, ആശുപത്രികള് രോഗികളാല് തിങ്ങിനിറയുന്നു, ആശങ്കയോടെ ലോകം
രാജ്യത്തുടനീളം ഹ്യൂമന് മെറ്റാപ്ന്യൂമോവൈറസ് (എച്ച്എംപിവി) പടരുന്നതായി സാമൂഹ്യ മാധ്യമ പോസ്റ്റുകളില് പറയുന്നു

കോവിഡ് മഹാമാരി സ്ഥിരീകരിച്ച് അഞ്ച് വര്ഷം പൂര്ത്തീകരിക്കുന്നതിനിടെ ചൈനയില് വീണ്ടും ആശങ്ക പരത്തി പുതിയ പകര്ച്ചവ്യാധി വ്യാപിക്കുന്നു. രാജ്യത്തുടനീളം ഹ്യൂമന് മെറ്റാപ്ന്യൂമോവൈറസ് (എച്ച്എംപിവി) പടരുന്നതായി സാമൂഹ്യ മാധ്യമ പോസ്റ്റുകളില് പറയുന്നു. ഹ്യൂമന് മെറ്റാപ്ന്യൂമോവൈറസ്, ഇന്ഫ്ലുവന്സ എ, കോവിഡ്19 വൈറസുകള് എന്നിങ്ങനെ ഒന്നിലധികം വൈറസ് ബാധകള് ചൈനയിലുണ്ടെന്ന റിപ്പോര്ട്ടുകള് പുറത്തുവരുന്നുണ്ട്.
പുതിയ വൈറസ് വ്യാപിച്ചതിനെ തുടര്ന്ന് മരണസംഖ്യ വര്ധിച്ചിരിക്കുകയാണ്. അതേസമയം പുതിയ മഹാമാരി സ്ഥിരീകരിക്കുകയോ ജാഗ്രത പാലിക്കണമെന്ന് മുന്നറിയിപ്പ് നല്കുകയോ ആരോഗ്യ അടിയന്തരാവസ്ഥ പ്രഖ്യാപിക്കുകയൊ ചൈനീസ് ആരോഗ്യ അധികാരികളും ലോകാരോഗ്യ സംഘടനയും ചെയ്തിട്ടില്ല. ചൈനയിലേതാണെന്ന അടിക്കുറിപ്പോടെ സോഷ്യല്മീഡിയയില് വ്യാപകമായി പ്രചരിക്കുന്ന വീഡിയോയില് ഒരു ആശുപത്രിയില് മാസ്ക് ധരിച്ച രോഗികള് തിങ്ങിനിറഞ്ഞിരിക്കുന്നത് കാണാം. ചിലര് ചുമയ്ക്കുന്നുമുണ്ട്. എന്നാല് ചിത്രീകരണത്തിന്റെ ഉറവിടമൊ തിയതിയോ വ്യക്തമല്ല. മറ്റൊരു വീഡിയോയില് ആശുപത്രിയിലെ ഇടനാഴി മുഴുവന് മുതിര്ന്ന ആളുകളെക്കൊണ്ട് നിറഞ്ഞിരിക്കുന്നു. 12 മില്യണ് പേരാണ് ഈ വീഡിയേ കണ്ടിരിക്കുന്നത്. ”ഇന്ഫ്ലുവന്സ എ, ഹ്യൂമന് മെറ്റാപ്ന്യൂമോവൈറസ് എന്നീ വൈറസുകളുടെ വ്യാപനത്തെ തുടര്ന്ന് ചൈനയിലെ ആശുപത്രികള് നിറഞ്ഞിരിക്കുന്നു. മൂന്ന് വര്ഷം മുന്പത്തെ ചൈനയിലെ കോവിഡ് കാലത്തെയാണ് ഇത് സൂചിപ്പിക്കുന്നത്” എന്ന് പോസ്റ്റില് പറയുന്നു.
ഉറവിടം വ്യക്തമല്ലാത്ത ന്യുമോണിയ കേസുകള് നിരീക്ഷിച്ചു വരിയാണെന്നാണ് ചൈനയുടെ രോഗ നിയന്ത്രണ അതോറിറ്റി റോയിട്ടേഴ്സിനോട് വ്യക്തമാക്കി. നാഷണല് ഡിസീസ് കണ്ട്രോള് ആന്ഡ് പ്രിവന്ഷന് അഡ്മിനിസ്ട്രേഷന് ലബോറട്ടറികള്ക്ക് കേസുകള് പരിശോധിക്കാനും സ്ഥിരീകരിക്കാനുമുള്ള ചട്ടവും മാര്ഗനിര്ദേശങ്ങളും പുറത്തിറക്കിയിട്ടുണ്ട്. പൊതുസ്ഥലങ്ങളില് മാസ്ക് ധരിക്കാനും സാമൂഹിക അകലം പാലിക്കാനും നിര്ദേശം നല്കിയതായും അധികൃതര് വ്യക്തമാക്കി.
അക്യൂട്ട് റെസ്പിറേറ്ററി രോഗങ്ങളുടെ ഡാറ്റ ഡിസംബര് 16 മുതല് 22 വരെയുള്ള വാരത്തില് അണുബാധകളുടെ വര്ധനവ് കാണിക്കുന്നതായി വ്യാഴാഴ്ച പുറത്തിറക്കിയ ഔദ്യോഗിക പ്രസ്താവനയില് നല്കിയിട്ടുണ്ട്. ശൈത്യകാലത്തും വസന്തകാലത്തും ചൈനയെ വിവിധ ശ്വാസകോശ സംബന്ധമായ പകര്ച്ചവ്യാധികള് ബാധിക്കാന് സാധ്യതയുണ്ടെന്ന് മറ്റൊരു ഉദ്യോഗസ്ഥനായ കന് ബിയാവോ വാര്ത്താ സമ്മേളനത്തില് പറഞ്ഞു. അടുത്തിടെ കണ്ടെത്തിയ കേസുകളില് റിനോവൈറസ്, ഹ്യൂമന് മെറ്റാപ്ന്യൂമോവൈറസ് തുടങ്ങിയ രോഗാണുക്കളും ഉള്പ്പെടുന്നു. പ്രത്യേകിച്ച് വടക്കന് പ്രവിശ്യകളില് 14 വയസിന് താഴെയുള്ളവരില് ഹ്യൂമന് മെറ്റാപ്ന്യൂമോവൈറസ് കേസുകള് വര്ധിച്ചിട്ടുണ്ട്. ഹ്യൂമന് മെറ്റാപ്ന്യൂമോവൈറസ് ബാധിച്ചവര്ക്ക് ആന്റിവൈറല് മരുന്നുകള് നല്കുന്നതിനെതിരെ ഷാങ്ഹായ് ആശുപത്രിയിലെ ഡോക്ടര് മുന്നറിയിപ്പ് നല്കിയിട്ടുണ്ട്.
ഹ്യൂമന് മെറ്റാപ്ന്യൂമോവൈറസ് (HMPV) സാധാരണയായി ജലദോഷത്തിന് സമാനമായ ലക്ഷണങ്ങള് ഉണ്ടാക്കുന്ന ഒരു വൈറസാണ്. ചെറിയ കുട്ടികള്, പ്രായമായവര്, പ്രതിരോധശേഷി കുറഞ്ഞവര് എന്നിവരില് രോഗം ഗുരുതരമാകാന് സാധ്യതയുണ്ട്. ചുമയ്ക്കുമ്പോഴോ തുമ്മുമ്പോഴോ പുറത്തുവരുന്ന സ്രവങ്ങളിലൂടെ പടരുന്നതിനാല് പെട്ടെന്ന് രോഗം പകരാനുള്ള സാധ്യത കൂടും. രോഗബാധിതരുമായുള്ള അടുത്ത സമ്പര്ക്കം മൂലവും രോഗം പകരാം. ചുമ, പനി, ശ്വാസം മുട്ടല് തുടങ്ങിയവയാണ് രോഗത്തിന്റെ ലക്ഷണങ്ങള്. എച്ച്എംപിവിക്കെതിരെ വാക്സിന് ലഭ്യമല്ല. നിലവില് രോഗലക്ഷണങ്ങള് കുറയ്ക്കാനുള്ള ചികില്സയാണ് നല്കി വരുന്നത്.
Health
‘പനിക്ക് സ്വയം ചികിത്സ തേടരുത്’: ആരോഗ്യമന്ത്രി
സംസ്ഥാനത്ത് ഇടവിട്ടുള്ള മഴ തുടരുന്ന സാഹചര്യത്തില് ഡെങ്കിപ്പനി, എലിപ്പനി എന്നിവയ്ക്കെതിരെ ജാഗ്രത പാലിക്കണം

തിരുവനന്തപുരം: ഏത് പനിയും പകര്ച്ചപ്പനിയാകാന് സാധ്യതയുള്ളതിനാല് പനിക്ക് സ്വയം ചികിത്സ തേടരുതെന്ന് മന്ത്രി വീണ ജോര്ജ്. സംസ്ഥാനത്ത് ഇടവിട്ടുള്ള മഴ തുടരുന്ന സാഹചര്യത്തില് ഡെങ്കിപ്പനി, എലിപ്പനി എന്നിവയ്ക്കെതിരെ ജാഗ്രത പാലിക്കണം. പ്രാരംഭ ഘട്ടത്തില് ചികിത്സിക്കാത്തത് കൊണ്ടാണ് എലിപ്പനി മരണങ്ങള് പലപ്പോഴും ഉണ്ടാകുന്നത്.
എലിപ്പനി സാധ്യതയുള്ളവര്ക്ക് പ്രോട്ടോകോള് അനുസരിച്ചുള്ള ചികിത്സ സര്ക്കാര്, സ്വകാര്യ ആശുപത്രികള് ഉറപ്പാക്കണം. മലിന ജലത്തിലിറങ്ങിയവരില് ഡോക്സിസൈക്ലിന് കഴിക്കാത്തവരില് മരണനിരക്ക് കൂടുതലാണെന്നാണ് കണക്കുകള് സൂചിപ്പിക്കുന്നത്. അതിനാല് മലിന ജലത്തിലിറങ്ങിയവര് നിര്ബന്ധമായും ആരോഗ്യ പ്രവര്ത്തകരുടെ നിര്ദേശാനുസരണം എലിപ്പനി പ്രതിരോധ ഗുളിക കഴിക്കണം.
കൈകാലുകളില് മുറിവുകളുള്ളവര് മലിനജലവുമായി സമ്പര്ക്കം വരാതെ നോക്കുകയോ, വ്യക്തിഗത സുരക്ഷാ മാര്ഗങ്ങള് സ്വീകരിക്കുകയോ ചെയ്യണം. കൊതുകിന്റെ ഉറവിട നശീകരണം പ്രത്യേകം ശ്രദ്ധിക്കാനും മന്ത്രി നിര്ദേശം നല്കി.
Health
ഇരുപതുകാരനില് ഡെങ്കിപ്പനിയുടെ അപൂര്വ്വ വകഭേദം
ഒരാഴ്ചയോളം തുടര്ന്ന പനിയും പേശിവേദനയുമായാണ് രോഗിയെ ആശുപത്രിയില് പ്രവേശിപ്പിച്ചത്.

ഡെങ്കിപ്പനിയുടെ അപൂര്വ്വ വകഭേദം കണ്ടെത്തിയതായി കോലഞ്ചേരി മെഡിക്കല് കോളജ്. ചികിത്സയ്ക്കുവെണ്ടി എത്തിയ ഇരുപത് വയസ്സുകാരനിലാണ് വകഭേദം കണ്ടെത്തിയത്.
ഒരാഴ്ചയോളം തുടര്ന്ന പനിയും പേശിവേദനയുമായാണ് രോഗിയെ ആശുപത്രിയില് പ്രവേശിപ്പിച്ചത്. സാധാരണ ഒരാഴ്ചയ്ക്കപ്പുറം ഡെങ്കിപ്പനി നീണ്ടുനില്ക്കാറില്ല. എന്നാല് ഒരാഴ്ച കഴിഞ്ഞിട്ടും ശക്തമായ പനി തുടര്ന്നതിനാല് രോഗിയെ മറ്റു പരിശോധനകള്ക്ക് വിധേയമാക്കി. പല അവയവങ്ങളെയും ഒരേസമയം ബാധിക്കുന്ന നീര്ക്കെട്ട് രോഗിക്കുള്ളതായി പരിശോധനയിലൂടെ കണ്ടെത്തി.
തുടര്ന്നുള്ള പരിശോധനകളില് രോഗിക്ക് ഡെങ്കിപ്പനിയുടെ അപൂര്വ്വ രോഗാവസ്ഥയായ എച്ച്എല്എച്ച് സിന്ഡ്രോം(ഹീമോഫാഗോസൈറ്റിക് ലിംഫോഹിസ്റ്റിയോസൈറ്റോസിസ്) ഉണ്ടെന്ന് സ്ഥിരീകരിച്ചു. ചികിത്സ പൂര്ത്തിയാക്കി രോഗി ആശുപത്രി വിട്ടതായും കോലഞ്ചേരി മെഡിക്കല് കോളജ് പറഞ്ഞു. എച്ച്എല്എച്ച് സിന്ഡ്രോം ഡെങ്കിപ്പനിയില് വളരെ അപൂര്വ്വമായേ കാണാറുള്ളൂവെന്ന് ആശുപത്രി അധികൃതര് പറഞ്ഞു.
-
kerala1 day ago
കീബോര്ഡ് ആര്ട്ടിസ്റ്റ് രഞ്ജു ജോണിനെ കാണാനില്ലെന്ന് പരാതി
-
More3 days ago
ബലി പെരുന്നാള് ദിനത്തിലും ഗസ്സയില് നരഹത്യ തുടര്ന്ന് ഇസ്രായേല്; ഇന്നലെ കൊല്ലപ്പെട്ടത് 42 പേര്
-
kerala3 days ago
ഷൈൻ ടോം ചാക്കോയുടെ പിതാവ് സി പി ചാക്കോയുടെ സംസ്കാരം തിങ്കളാഴ്ച
-
kerala3 days ago
ബിജെപി നേതാവ് ജി.കൃഷ്ണകുമാറിനെതിരെ തട്ടിക്കൊണ്ടുപോകലിന് കേസ്
-
kerala3 days ago
സംസ്ഥാനത്ത് ഇന്ന് നേരിയ മഴയ്ക്ക് സാധ്യത; വിവിധ ജില്ലകളിൽ യെല്ലോ അലർട്ട്
-
crime3 days ago
10 പേരെ വിവാഹം ചെയ്തു മുങ്ങി; വിവാഹത്തട്ടിപ്പിൽ തിരുവനന്തപുരത്ത് യുവതി അറസ്റ്റിൽ
-
GULF3 days ago
ഈദ് നമസ്കാരവും ജുമുഅയും; ഹറമിലെത്തിയത് പത്തുലക്ഷത്തിലേറെ ഹാജിമാര്
-
kerala3 days ago
ഭാരതാംബ വിവാദം: മന്ത്രി പി പ്രസാദിന്റെ വീടിനു മുന്നില് ബിജെപി പ്രതിഷേധം; മാര്ച്ച് തടഞ്ഞ് സിപിഎം