ഇൻ്റർനെറ്റ് മൗലികാവകാശമായി പ്രഖ്യാപിച്ചിട്ടും കേരളത്തിലെ 189 ആദിവാസി കോളനികൾക്ക് ഇൻ്റർനെറ്റ് ഇന്നും വിദൂരത്ത്. ഇത് മൂലം 5000 ത്തിലധികം കുട്ടികൾക്ക് ഓൺലൈൻ പഠനം അസാധ്യമായതായി സംസ്ഥാന പട്ടികവർഗ വകുപ്പ് കണ്ടെത്തി. കെ. ഫോൺ സൗകര്യവും ഇവർക്ക് ലഭിക്കുന്നില്ല. വനം വകുപ്പിൻ്റെ അനുമതി ലഭിക്കാത്തതിനാൽ ടവറുകൾ സ്ഥാപിക്കാൻ കഴിയുന്നില്ലെന്നാണ് വിശദീകരണം .ഇടുക്കി , വയനാട് ,പാലക്കാട് ,കണ്ണൂർ ,തിരുവനന്തപുരം ജില്ലകളിലാണ് ഏറ്റവും കൂടുതൽ ആദിവാസി വിദ്യാർത്ഥികൾക്ക് നെറ്റ് സൗകര്യം ലഭിക്കാത്തത്.