കോഴിക്കോട്: യൂട്യൂബറും ബിഗ് ബോസ് താരവുമായ മുഹമ്മദ് ഡിലിജന്റ് ബ്ലെസ്ലി ഓണ്ലൈന് തട്ടിപ്പ് കേസില് പിടിയില്. കോഴിക്കോട് കൊടുവള്ളി കേന്ദ്രീകരിച്ച് നടത്തിയ തട്ടിപ്പിലാണ് ബ്ലെസ്ലി കാക്കൂര് പോലീസിന്റെ പിടിയിലായത്. ജോലി വാഗ്ദാനം ചെയ്ത് ഓണ്ലൈന് വഴി ലക്ഷങ്ങളുടെ തട്ടിപ്പ് നടത്തിയെന്നാണ് കണ്ടത്തല്.
തട്ടിപ്പിലൂടെ ലഭിക്കുന്ന പണം മ്യൂള് അക്കൗണ്ടുകള് വഴി കൈമാറിയതായും കണ്ടെത്തിയിട്ടുണ്ട്. കഴിഞ്ഞ മൂന്നുമാസമായി ക്രൈംബ്രാഞ്ച് സംഭവത്തില് അന്വേഷണം നടത്തി വരികയാണ്. സമാന തട്ടിപ്പില് സംസ്ഥാനത്തിന്റെ വിവിധ ഭാഗങ്ങളില് നിന്ന് ഇനിയും നിരവധി പേരെ പിടികൂടാന് ഉണ്ടെന്ന് അന്വേഷണ സംഘം അറിയിച്ചു.