Culture
പൊലീസ് വേട്ട; പീടികയില്‍ പോയ കുട്ടികളും ജോലിക്കാരും യാത്രക്കാരും ജയിലില്‍
മുക്കം: ‘ അതാ… ആ കടയിലേക്ക് ചെറുനാരങ്ങ വാങ്ങാന്‍ പോയ എന്റ മകന്‍ ഷിബിലിയെ പീടിക ക്കോലായില്‍ വെച്ചാണ് പൊലീസ് പിടിച്ചു കൊണ്ടുപോയത്. മകനെയോര്‍ത്ത് രാവും പകലും കരച്ചിലിലാണ് എന്റെ ഭാര്യ , ഞാനും അങ്ങേയറ്റത്തെ സങ്കടത്തിലാണ്’ ഗെയില്‍ സമര കേന്ദ്രമായ എരഞ്ഞിമാവ് അങ്ങാടിയിലേക്ക് ചൂണ്ടിക്കൊണ്ട് മുസ്തഫ കോഴിശ്ശേരി വിതുമ്പി. എരഞ്ഞി മാവ് അങ്ങാടിയില്‍ ഓട്ടോറിക്ഷ തൊഴിലാളിയാണിദ്ദേഹം.
‘കണ്ണെത്തും ദൂരത്തുള്ള സമരപ്പന്തലിലൊ ഇവിടെ നടക്കുന്ന സമരത്തിലൊ ഒരിക്കല്‍ പോലും എന്റെ മകനെ കണ്ടതായി ഒരു പൊലീസിനും തെളിയിക്കാന്‍ കഴിയില്ല. കഴിഞ്ഞ ബുധനാഴ്ച പത്ത് മണിക്ക് ഭാര്യ ,ചെറുനാരങ്ങ വാങ്ങാന്‍ പറഞ്ഞയച്ചതായിരുന്നു. സമരപ്പന്തല്‍ പൊളിക്കലും മറ്റുമായി ഇവിടെ സമരമായിരുന്നു. . പക്ഷേ കച്ചവടക്കാര്‍ക്കും വീടുകള്‍ക്കും നേരെ പൊലീസ് അക്രമാസക്തമാവുമെന്ന് ആരറിഞ്ഞു? പൊലീസ് പിടിച്ച് വണ്ടിയിലിട്ട് മുക്കം സ്റ്റേഷനിലേക്ക് കൊണ്ടുപോയെന്ന് കേട്ടപ്പോള്‍ ഞങ്ങള്‍ ഞെട്ടിപ്പോയി. ഒരു തെറ്റും കുറ്റവും ചെയ്തിട്ടില്ലല്ലോ. അതിനാല്‍ രാത്രി വിട്ടയക്കുമെന്ന് പ്രതീക്ഷിച്ചു. പക്ഷേ അതും നടന്നില്ല. പീടികയില്‍ സാധനം വാങ്ങാന്‍ വന്ന മകന്‍ ഇപ്പോള്‍ കഴിയുന്നത് പുതിയ റ ജയിലില്‍; നഴ്‌സിംഗ് പ്രവേശനത്തിന് ശ്രമിക്കുന്നതോടൊപ്പം പാസ്‌പോര്‍ട്ടിന് അപേക്ഷിച്ച് പൊലീസ് വെരിഫിക്കേഷന്‍ കാത്തിരിക്കുകയുമാണ്. എല്ലാം എന്താകും? പടച്ചവന്‍ കാക്കട്ടെ.’ചിരിയടങ്ങി, ദുഃഖത്തിന്റെ കരിനിഴല്‍ വീണ മുഖഭാവത്തില്‍ മുസ്തഫ ആശങ്കകളും സങ്കടങ്ങളും പങ്കിട്ടു.
കക്കാട് വടക്കയില്‍ അബ്ദുല്‍ ജബ്ബാറിന്റെ മകന്‍ അംജദിന്റെ കഥയും ഏതാണ്ടിതു തന്നെ. പൊലീസ് നരനായാട്ടിന്റെ ഭാഗമായാണ് ഈ വിദ്യാര്‍ഥിയും ജയിലില്‍ കഴിയേണ്ടിവന്നത്. സമരത്തിലും സംഘര്‍ഷത്തിലുമൊന്നും പങ്കാളിയായിട്ടില്ല. സുഹൃത്തിനൊപ്പം എരഞ്ഞിമാവ് വഴി കടന്നു പോകുമ്പോഴാണ് പൊലീസ് പിടികൂടിയത്. കണ്ണില്‍ കണ്ടവരെയെല്ലാം തല്ലിച്ചതച്ച് അറസ്റ്റ് ചെയ്ത് എണ്ണം വര്‍ധിപ്പിക്കുന്നതില്‍ ഈ വിദ്യാര്‍ഥികളും ഇരകളാകേണ്ടി വന്നു. അകാരണമായി മകന്‍ ജയിലില്‍ കഴിയേണ്ടി വന്നതില്‍ ദുഃഖത്തിലാണ്ട് കഴിയുകയാണ് നാടും കുടുംബവും.
എരഞ്ഞിമാവ് ചോലക്കല്‍ റഷീദിന്റെ മകന്‍ ജംഷിദിനെ പൊലീസ് പിടിച്ചു കൊണ്ടുപോയത് വീടിന് സമീപത്തെ കെട്ടിടത്തിന് മുകളില്‍ കയറി സംഘര്‍ഷത്തിന്റെ കാഴ്ചക്കാരനായിരിക്കുമ്പോഴായിരുന്നു. ഈ വിദ്യാര്‍ഥിയും സമരത്തില്‍ ഒരു നിലക്കും പങ്കാളിയല്ലെന്ന് ബന്ധുക്കള്‍ പറഞ്ഞു.
എരഞ്ഞിമാവ് അങ്ങാടിയിലെ എം.സി.കൂള്‍ബാര്‍ ജോലിക്കാരനായ മുഹമ്മദ് അസ്ലമിനെ അറസ്റ്റ് ചെയ്തത് പീടികക്കോലായില്‍ വെച്ചാണ്. സമരക്കാരും പൊലീസും തമ്മില്‍ ഉണ്ടായ ഏറ്റുമുട്ടല്‍ കാരണം കടയടച്ച് വരാന്തയില്‍ നില്‍ക്കുകയായിരുന്നു ഇദ്ദേഹം. ഇതെല്ലാം കരഞ്ഞു പറഞ്ഞിട്ടും പൊലീസ് ചെവികൊണ്ടില്ലെന്ന് ദൃക്‌സാക്ഷികള്‍ പറഞ്ഞു.
തെരട്ടമ്മല്‍ സ്വദേശിയായ മുഹമ്മദ് അസ്ലം ഉമ്മയും മകനും അടങ്ങുന്ന കുടുംബത്തിന്റെ ഏക അത്താണിയാണ്. സമരവുമായി യാതൊരു ബന്ധവുമില്ലാതെ ജോലിയുമായി കഴിയും. മകന്‍ അറസ്റ്റിലായതോടെ മാതാവ് രാപ്പകല്‍ കണ്ണീരിലാണ്ട് കഴിയുകയാണ്. അറസ്റ്റിലായവരില്‍ അധികവും നിരപരാധികളായ കാഴ്ചക്കാരും യാത്രക്കാരു മാണ്.
ഇന്ദ്രജിത്ത് സുകുമാരനും അനശ്വര രാജനും പ്രധാന വേഷങ്ങളിലെത്തുന്ന ‘മിസ്റ്റര്‍ ആന്‍ഡ് മിസ്സിസ് ബാച്ചിലറി’ന്റെ റിലീസ് തീയതി പ്രഖ്യാപിച്ച് നിര്‍മാതാക്കള്‍. ചിത്രം മേയ് 23 ന് തിയറ്ററില്‍ എത്തുമെന്ന് സ്ഥിരീകരിച്ച് നിര്‍മാതാക്കള്‍.
ചിത്രത്തിന്റെ റിലീസ് പലതവണ വ്യക്തമല്ലാത്ത കാരണങ്ങളാല്‍ വൈകിയിരുന്നു. അടുത്തിടെ അനശ്വരയും ചിത്രത്തിന്റെ സംവിധായകന്‍ ദീപു കരുണാകരനും തമ്മില്‍ ചെറിയ തര്‍ക്കവും ഉണ്ടായിരുന്നു. എന്നാല്‍, പ്രശ്‌നങ്ങളെല്ലാം പരിഹരിക്കപ്പെട്ടെന്നാണ് വിവരം.
രാഹുല്‍ മാധവ്, സോഹന്‍ സീനുലാല്‍, ബിജു പപ്പന്‍, ദീപു കരുണാകരന്‍, ദയാന ഹമീദ് എന്നിവര്‍ ചിത്രത്തില്‍ അഭിനയിക്കുന്നുണ്ട്. ഹൈലൈന്‍ പിക്‌ചേഴ്‌സിന്റെ ബാനറില്‍ പ്രകാശ് ഹൈലൈന്‍ ആണ് മിസ്റ്റര്‍ & മിസിസ് ബാച്ചിലര്‍ നിര്‍മിക്കുന്നത്. തിരക്കഥ എഴുതിയത് അര്‍ജുന്‍ ടി. സത്യനാണ്. പി. എസ്. ജയഹരിയാണ് ചിത്രത്തിന്റെ ശബ്ദട്രാക്കും പശ്ചാത്തല സംഗീതവും ഒരുക്കിയിരിക്കുന്നത്.
Film
ആഗോള തലത്തിൽ വമ്പൻ റിലീസിനൊരുങ്ങി ടോവിനോ ചിത്രം ‘നരിവേട്ട’; വിതരണം ചെയ്യാൻ വമ്പൻ ബാനറുകൾ
മെയ് 23 ന് ആഗോള റിലീസായി എത്താൻ ഒരുങ്ങുന്ന ചിത്രത്തിൻ്റെ ട്രെയ്ലർ, ഗാനങ്ങൾ എന്നിവയെല്ലാം സമൂഹ മാധ്യമങ്ങളിൽ സൂപ്പർ ഹിറ്റാണ്.
ടോവിനോ തോമസിനെ നായകനാക്കി അനുരാജ് മനോഹർ ഒരുക്കിയ പുതിയ ചിത്രം ‘നരിവേട്ട’ റിലീസിന് ഒരുങ്ങുന്നു. മെയ് 23 ന് ആഗോള റിലീസായി എത്താൻ ഒരുങ്ങുന്ന ചിത്രത്തിൻ്റെ ട്രെയ്ലർ, ഗാനങ്ങൾ എന്നിവയെല്ലാം സമൂഹ മാധ്യമങ്ങളിൽ സൂപ്പർ ഹിറ്റാണ്. മലയാളത്തിന് പുറമെ മറ്റു ഭാഷകളിലും റിലീസ് ചെയ്യുന്ന ചിത്രം ഗംഭീര പാൻ ഇന്ത്യൻ റിലീസാണ് ലക്ഷ്യമിടുന്നത്. തമിഴിൽ എ ജി എസ് എൻ്റർടൈൻമെൻ്റ് വിതരണം ചെയ്യുന്ന ചിത്രം തെലുങ്കിൽ വിതരണം ചെയ്യുന്നത് മൈത്രി മൂവി മേക്കേഴ്‌സ് ആണ്. ഹിന്ദിയിൽ വൈഡ് ആംഗിൾ മീഡിയ പ്രൈവറ്റ് ലിമിറ്റഡ് ചിത്രം പ്രദർശനത്തിന് എത്തിക്കുമ്പോൾ, കന്നഡയിൽ എത്തിക്കുന്നത് ബാംഗ്ലൂർ കുമാർ ഫിലിംസ് ആണ്. ഐക്കൺ സിനിമാസ് ആണ് ചിത്രം കേരളത്തിൽ പ്രദർശനത്തിന് എത്തിക്കുന്നത്. ഇന്ത്യൻ സിനിമാ കമ്പനിയുടെ ബാനറിൽ ഇന്ത്യ ജിസിസി ട്രേഡ് അംബാസിഡർ ഷിയാസ് ഹസ്സൻ, യു .എ .ഇ യിലെ ബിൽഡിങ് മെറ്റീരിയൽ എക്സ്പോർട്ട് ബിസിനസ് സംരംഭകൻ ടിപ്പു ഷാൻ എന്നിവർ ചേർന്നാണ് നരിവേട്ട നിർമ്മിക്കുന്നത്. ഫാർസ് ഫിലിംസ് ഗൾഫിൽ വിതരണം ചെയ്യുന്ന ചിത്രത്തിൻ്റെ, റെസ്റ്റ് ഓഫ് ദ് വേൾഡ് വിതരണം ബർക്ക്ഷെയർ ആണ്.
വളരെ പ്രസക്തമായ ഒരു വിഷയമാണ് ചിത്രം ചർച്ച ചെയ്യുന്നത് എന്നും ടോവിനോ തോമസിൻ്റെ ഗംഭീരമായ പ്രകടനമാണ് ചിത്രത്തിൽ ഉള്ളതെന്നുമാണ് അണിയറ പ്രവർത്തകർ സൂചിപ്പിക്കുന്നത്. കേന്ദ്ര സാഹിത്യ ആക്കാദമി അവാർഡ് ജേതാവ് അബിൻ ജോസഫ് ആണ് ചിത്രത്തിൻ്റെ തിരക്കഥ രചിച്ചിരിക്കുന്നത്. പ്രേക്ഷകരിൽ ഏറെ ആകാംഷയും ആവേശവും നിറക്കുന്ന രീതിയിലാണ് ചിത്രം ഒരുക്കിയിരിക്കുന്നതെന്നാണ് ട്രെയ്ലർ കാണിച്ചു തരുന്നത്. കേരള ചരിത്രത്തിൽ നടന്ന യഥാർത്ഥ സംഭവങ്ങളിൽ നിന്ന് പ്രചോദനമുൾക്കൊണ്ടാണ് ചിത്രം ഒരുക്കിയിരിക്കുന്നതെന്നും ട്രെയ്ലർ പറയുന്നുണ്ട്. ബിഗ് ബഡ്ജറ്റ് ചിത്രമായി ഒരുക്കിയ നരിവേട്ടയിലൂടെ പ്രശസ്ത തമിഴ് നടനായ ചേരൻ ആദ്യമായി മലയാള സിനിമയിൽ എത്തുന്നു. ടോവിനോ തോമസ്, ചേരൻ എന്നിവർ കൂടാതെ സുരാജ് വെഞ്ഞാറമൂട്, പ്രിയംവദ കൃഷ്ണ, ആര്യ സലിം, റിനി ഉദയകുമാർ, എന്നിവരും ഈ ചിത്രത്തിന്റെ താരനിരയിലുണ്ട്. തന്റെ വ്യത്യസ്തമായ സിനിമാ തിരഞ്ഞെടുപ്പുകളിലൂടെയും വേഷപ്പകർച്ചകളിലൂടെയും ഒരു നടനെന്ന നിലയിലും, വമ്പൻ ബോക്സ് ഓഫീസ് ഹിറ്റുകളിലൂടെ ഒരു താരമെന്ന നിലയിലും ഇന്ന് മലയാള സിനിമയിൽ തിളങ്ങി നിൽക്കുന്ന ടോവിനോ തോമസിന്റെ കരിയറിലെ മറ്റൊരു പൊൻതൂവലായി നരിവേട്ട മാറുമെന്ന പ്രതീക്ഷയിലും വിശ്വാസത്തിലുമാണ് അണിയറ പ്രവർത്തകർ. എൻ എം ബാദുഷയാണ് നരിവേട്ടയുടെ എക്സിക്യൂട്ടീവ് പ്രൊഡ്യൂസർ.
ഛായാഗ്രഹണം – വിജയ്, സംഗീതം- ജേക്സ് ബിജോയ്, എഡിറ്റർ- ഷമീർ മുഹമ്മദ്, ആർട്ട്‌ – ബാവ, കോസ്റ്യൂം ഡിസൈൻ – അരുൺ മനോഹർ, മേക്കപ്പ് – അമൽ സി ചന്ദ്രൻ, പ്രൊഡക്ഷൻ എക്സിക്യൂട്ടീവ് – സക്കീർ ഹുസൈൻ, പ്രതാപൻ കല്ലിയൂർ, പ്രൊജക്റ്റ്‌ ഡിസൈനർ -ഷെമി ബഷീർ, സൗണ്ട് ഡിസൈൻ – രംഗനാഥ്‌ രവി, പി ആർ ഒ & മാർക്കറ്റിംഗ് – വൈശാഖ് വടക്കേവീട്, ജിനു അനിൽകുമാർ, സ്റ്റീൽസ്- ഷൈൻ സബൂറ, ശ്രീരാജ് കൃഷ്ണൻ, ഡിസൈൻസ്- യെല്ലോടൂത്ത്, മ്യൂസിക് റൈറ്റ്സ്- സോണി മ്യൂസിക് സൗത്ത്.
kerala
പുലിപല്ലിലെ കേസുമായി ബന്ധപ്പെട്ട അറസ്റ്റില്‍ കോടനാട് റേഞ്ച് ഓഫീസര്‍ക്ക് സ്ഥലം മാറ്റവും ഡ്യൂട്ടി മാറ്റവും
തിരുവനന്തപുരം: റാപ്പര്‍ വേടന്റെ അറസ്റ്റ് വിവാദങ്ങള്‍ക്ക് പിന്നാലെ കോടനാട് റേഞ്ച് ഓഫീസര്‍ക്ക് സ്ഥലം മാറ്റവും ഡ്യൂട്ടി മാറ്റവും. റേഞ്ച് ഓഫീസര്‍ ആര്‍.അതീഷിനെ ടെക്‌നിക്കല്‍ അസിസ്റ്റ് പദവിയിലേക്കാണ് മാറിയത്. കേസില്‍ ഉദ്യോസ്ഥര്‍ തെറ്റായ നിലപാട് സ്വീകരിച്ചതായി വനംവകുപ്പ് കണ്ടെത്തിയിരുന്നു. റേഞ്ചിലെ മറ്റ് ചുമതലകള്‍ അതീഷിന് മന്ത്രി വിലക്കിയിട്ടുണ്ട്. തുടര്‍ന്നാണ് എറണാക്കുളത്ത് ഡിഎഫ്ഒ ഓഫീസിലെത്തി ടെക്‌നിക്കല്‍ പദവി ഏറ്റെടുക്കാന്‍ നിര്‍ദേശം നല്‍കിയത്. ഈ നടപടി ഫീല്‍ഡ് ഡ്യൂട്ടിയില്‍ നിന്ന് പൂര്‍മായും മാറ്റി നിര്‍ത്തുന്നു. റാപ്പര്‍ വേടനെ വനംവകുപ്പ് പുലിപ്പല്ല് കേസില്‍ അറസ്റ്റ് ചെയ്തത് കഞ്ചാവ് കേസില്‍ കസ്റ്റഡിയിലെടുത്ത് ജാമ്യം ലഭിച്ചതിന് പിന്നാലെയാണ്. പ്രതിയുടെ ശ്രീലങ്കന്‍ ബന്ധം ഉള്‍പ്പെടെ സ്ഥിരീകരിക്കാത്ത പ്രസ്താവനകള്‍ അന്വേഷണ ഉദ്യോഗസ്ഥര്‍ നാധ്യമങ്ങള്‍ക്ക് മുന്നില്‍ വെളിപ്പെടുത്തിയത് വലിയ വിവാദം ആയിരുന്നു. ഇതിനെതിരെ വേടനും പ്രതികരിച്ചിരുന്നു.
-
kerala1 day agoസഊദി ഗവ. അതിഥിയായി സാദിഖലി തങ്ങള് ഹജ്ജിന്
-
india3 days agoമുസ്ലിം വാദ്യാര്ഥിനികള്ക്ക് പ്രവേശനം നിഷേധിച്ചു; നാഗ്പൂരില് സ്കൂള് അധികൃതര്ക്കെതിരെ കേസെടുത്ത് പൊലീസ്
-
kerala2 days agoകണ്ണൂരിൽ യുവാവിനെ വീട്ടിൽ കയറി വെട്ടിക്കൊന്നു
-
Health2 days agoഹോങ്കോങ്ങിലും സിംഗപ്പൂരിലും കൊവിഡ് വ്യാപനം കൂടുന്നു
-
india2 days agoഉത്തര്പ്രദേശില് ട്രാക്കുകളില് മരത്തടി കെട്ടിവച്ചു ട്രയിനുകള് അട്ടിമറിക്കാന് ശ്രമം
-
kerala2 days agoറെഡ് അലര്ട്ട്; വയനാട്ടില് വിനോദ സഞ്ചാര കേന്ദ്രങ്ങളില് നിയന്ത്രണം ഏര്പ്പെടുത്തി
-
Cricket2 days agoപ്രതികൂല കാലാവസ്ഥ; ആര്സിബി-എസ്ആര്എച്ച് മത്സരം ബെംഗളൂരു ചിന്നസ്വാമി സ്റ്റേഡിയത്തില് നിന്ന് ലഖ്നൗവിലേക്ക് മാറ്റി
-
kerala2 days agoസംസ്ഥാന പാത; നവീകരണത്തില് അപാകതയുണ്ടെന്ന പരാതിയില് വിജിലന്സ് പരിശോധന