News
രാഹുലിന് സി.പി.എം പിന്തുണ: സഹതാപതരംഗത്തിന്റെ പങ്കുപറ്റാനുള്ള തന്ത്രം
ഫലത്തില് കേരളത്തിലെ സി.പി.എം നേതൃത്വം കാലങ്ങള് കഴിഞ്ഞാണെങ്കിലും ദേശീയ യാഥാര്ഥ്യത്തിലേക്ക് ഇറങ്ങിവന്നുവെന്ന് വിലയിരുത്തുകയാണ് നിരീക്ഷകര്.
കെ.പി ജലീല്
രാഹുല്ഗാന്ധിയെ ലോക്സഭാംഗത്വത്തില്നിന്ന് അയോഗ്യനാക്കിയ നടപടിയുടെ ഗുണഫലം കോണ്ഗ്രസിന് മാത്രമായി ലഭിക്കാതിരിക്കാനാണ് സി.പി.എം പിന്തുണയുമായി രംഗത്തുവന്നതെന്ന് വിശകലനം. സഹതാപതരംഗമാണ് രാഹുലിനും കോണ്ഗ്രസിനുമായി അലയടിക്കുന്നത്. ഇത് സമൂഹമാധ്യമങ്ങളില് പ്രത്യേകിച്ചും കേരളത്തിലെ പൊതുസമൂഹത്തില് ദൃശ്യമാണ്. ആദ്യഘട്ടത്തില് അനങ്ങാതിരുന്ന സി.പി.എം സൈബര് സെല്ലുകള് പൊടുന്നനെ മുഖ്യമന്ത്രിയുടെ പ്രസ്താവനയോടെ കത്തിക്കയറുകയായിരുന്നു. സി.പി.എം സംസ്ഥാനസെക്രട്ടറിയേറ്റംഗം എം.സ്വരാജാണ് ആദ്യം രാഹുലിനെ പിന്തുണച്ച് പോസ്റ്റിട്ടത്. ഇതില് കോണ്ഗ്രസിനെ പരോക്ഷമായി കുറ്റപ്പെടുത്തിയിരുന്നു. എന്നാല് പിണറായി വിജയനും എം.വി ഗോവിന്ദനും രാഹുലിന് വേണ്ടി സമരത്തിനിറങ്ങുമെന്ന് വരെ പ്രഖ്യാപിച്ചതോടെയാണ് സി.പി.എം മന്ത്രിമാരും അണികളും അനുഭാവികളും പൊടുുന്നനെ രാഹുലിനൊപ്പം നിന്നത്.
കഴിഞ്ഞ ലോക്സഭാ തെരഞ്ഞെടുപ്പില് കേരളത്തില് ആലപ്പുഴയിലെ ഏകസീറ്റോടടെ നിലം തൊടാതിരുന്ന ഇടതുപക്ഷത്തിന് ഇതോടെയാണ് പുതിയ അടവ് പിടികിട്ടിയത്. കോണ്ഗ്രസിനെയും രാഹുലിനെയും ഇപ്പോള് പിന്തുണച്ചാല് അതിലെ വോട്ടുകളുടെ പങ്ക് തങ്ങള്ക്കും ലഭിക്കുമെന്നതാണ് തന്ത്രം. 2019ലെ അക്കിടി ആവര്ത്തിക്കില്ലെന്നും അവര് കരുതുന്നു. ബംഗാള് ഘടകവും കേന്ദ്രവും പലതവണ കോണ്ഗ്രസ് സഖ്യത്തിന് മുതിര്ന്നിട്ടും പിണറായിയും കൂട്ടരും അതിന് തയ്യാറാവാതിരുന്നതാണ് കേരളത്തില് കോണ്ഗ്രസിന് വലിയ നേട്ടം സമ്മാനിച്ചത്. ഇത് തിരിച്ചറിഞ്ഞത് സംസ്ഥാന സെക്രട്ടറി ഗോവിന്ദനാണെന്നാണ് കരുതുന്നത്. രാഹുലിനെ വയനാട്ടില് ഇനിയും മല്സരിപ്പിക്കാതിരിക്കാനും സി.പി.എമ്മിന് ഈ നീക്കത്തിലൂടെ കഴിയുമെന്ന് അവര് കണക്കുകൂട്ടുന്നു. ഫലത്തില് കേരളത്തിലെ സി.പി.എം നേതൃത്വം കാലങ്ങള് കഴിഞ്ഞാണെങ്കിലും ദേശീയ യാഥാര്ഥ്യത്തിലേക്ക് ഇറങ്ങിവന്നുവെന്ന് വിലയിരുത്തുകയാണ് നിരീക്ഷകര്.
More
പുരുഷന്മാര് മാത്രമുള്ള എല്ഡിഎഫ് പ്രകടനപത്രിക പ്രകാശനം; രൂക്ഷ വിമര്ശനവുമായി ഇടത് അനുഭാവികൾ
പുരുഷ മാനിഫെസ്റ്റോ…പുരുഷന്മാരില് എഴുതപ്പെട്ട് പുരുഷന്മാര് പ്രകാശനം ചെയ്ത ഫെസ്റ്റോ…ഇതിനപ്പുറം ഒന്നും പ്രതീക്ഷിക്കണ്ടല്ലോ എന്നാണ് ഒരു കമന്റ്
എല്ഡിഎഫ് പ്രകടനപത്രികയുടെ പ്രകാശനത്തില് സ്ത്രീകളെ പങ്കെടുപ്പിക്കാതെ പാര്ട്ടി. സംഭവത്തില് ഇടത് പക്ഷക്കാരുള്പ്പടെ നിരവധിപേര് വിമര്ശനവുമായി രംഗത്തെത്തി. മാധ്യമപ്രവര്ത്തകയായ കെ.കെ ഷാഹിന അടക്കമുള്ളവര് വിമര്ശിച്ചു. ”എല്ഡിഎഫ് മാനിഫെസ്റ്റോ റിലീസ് ആണ്. ഇടത് പക്ഷക്കാരായ സുഹൃത്തുക്കള്ക്ക് ഇത് കണ്ടിട്ട് എന്ത് തോന്നുന്നു എന്നറിയാന് താത്പര്യമുണ്ട്” എന്നാണ് ഷാഹിനയുടെ ഫേസ്ബുക്ക് പോസ്റ്റ്.
വിമര്ശനം ശരിവെച്ചുകൊണ്ട് നിരവധിപേര് കമന്റ് ബോക്സില് അഭിപ്രായം പറയുന്നുണ്ട്. പുരുഷ മാനിഫെസ്റ്റോ…പുരുഷന്മാരില് എഴുതപ്പെട്ട് പുരുഷന്മാര് പ്രകാശനം ചെയ്ത ഫെസ്റ്റോ…ഇതിനപ്പുറം ഒന്നും പ്രതീക്ഷിക്കണ്ടല്ലോ എന്നാണ് ഒരു കമന്റ്
സിപിഎം സംസ്ഥാന സെക്രട്ടറി എം.വി ഗോവിന്ദന്, എല്ഡിഎഫ് കണ്വീനര് ടി.പി രാമകൃഷ്ണന്, ആന്റണി രാജു, അഹമ്മദ് ദേവര്കോവില്, മാത്യു ടി തോമസ് തുടങ്ങിയ നേതാക്കളാണ് പ്രകാശന ചടങ്ങില് പങ്കെടുത്തത്.
More
സുഹൃത്തുക്കള് തമ്മില് വാക്ക് തര്ക്കം; തിരുവനന്തപുരത്ത് 18 കാരന് കുത്തേറ്റ് മരിച്ചു
സുഹൃത്തുക്കള് തമ്മിലുള്ള വാക്ക് തര്ക്കമാണ് കൊലപാതകത്തില് കലാശിച്ചത്.
തിരുവനന്തപുരത്ത് 18 കാരന് കുത്തേറ്റ് മരിച്ചു. സുഹൃത്തുക്കള് തമ്മിലുള്ള വാക്ക് തര്ക്കത്തെ തുടര്ന്ന് ചെങ്കല്ചൂള രാജാജി നഗര് സ്വദേശി അലന് ആണ് മരിച്ചത്. ഇന്ന് വൈകീട്ട് ആറുമണിയോടെയാണ് സംഭവം. സുഹൃത്തുക്കള് തമ്മിലുള്ള വാക്ക് തര്ക്കമാണ് കൊലപാതകത്തില് കലാശിച്ചത്. തിരുവന്തപുരം മോഡല് സ്കൂളില് നടന്ന ഫുട്ബോള് മത്സരത്തെ തുടര്ന്നുള്ള തകര്ക്കമാണ് അലന്റെ കൊലപാതകത്തില് എത്തിയത്.
More
രണ്ട് ഘട്ടമായി പരീക്ഷ; ഹയര് സെക്കന്ഡറി ക്രിസ്മസ് പരീക്ഷ ടൈം ടേബിള് പ്രസിദ്ധീകരിച്ചു
അവധിക്കുശേഷം ജനുവരി ആറിനാണ് അവസാന പരീക്ഷ.
സംസ്ഥാനത്ത് ഹയര് സെക്കന്ഡറി ക്രിസ്മസ് പരീക്ഷ ടൈം ടേബിള് പ്രസിദ്ധീകരിച്ചു. രണ്ട് ഘട്ടമായാണ് ഇത്തവണ പരീക്ഷ നടക്കുന്നത്. ഡിസംബര് 15 മുതല് 23 വരെയാണ് ആദ്യഘട്ടം. അവധിക്കുശേഷം ജനുവരി ആറിനാണ് അവസാന പരീക്ഷ.
ഡിസംബര് 24 മുതല് ജനുവരി നാലുവരെയാണ് ക്രിസ്മസ് അവധി. നേരത്തെ ക്രിസ്മസ് അവധിക്ക് മുമ്പ് മുഴുവന് പരീക്ഷകളും നടത്താനായിരുന്നു തീരുമാനം. തദ്ദേശ തെരഞ്ഞെടുപ്പ് നടക്കുന്ന പശ്ചാത്തലത്തിലാണ് മാറ്റം.
-
GULF15 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india3 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
News4 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala1 day agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്