Connect with us

Cricket

മാപ്പ് പറഞ്ഞിട്ടും കനിയാതെ ബിസിസിഐ; ഐപിഎല്ലിന് കമന്ററി പറയാന്‍ മഞ്ജരേക്കറില്ല

ഈ വര്‍ഷം ഫെബ്രുവരിയിലാണ് മഞ്ജറേക്കറെ ബിസിസിഐയുടെ കമന്ററി പാനലില്‍ നിന്ന് ഒഴിവാക്കിയത്

Published

on

മുംബൈ: മാപ്പ് പറഞ്ഞിട്ടും സഞ്ജയ് മഞ്ജരേക്കറോട് കനിയാതെ ബിസിസിഐ. ഐപിഎല്ലിനുള്ള ബിസിസിഐയുടെ കമന്ററി പാനലില്‍ സഞ്ജയ് മഞ്ജരേക്കറുടെ പേരില്ല. ഹര്‍ഷ ഭോഗ്‌ലെ, സുനില്‍ ഗാവസ്‌കര്‍, ദീപ് ദാസ് ഗുപ്ത, രോഹന്‍ ഗവാസ്‌കര്‍, മുരളി കാര്‍ത്തിക്, ലക്ഷ്മണ്‍ ശിവരാമകൃഷ്ണന്‍ എന്നിവരാണ് കമന്ററി പാനലില്‍ ഇടം പിടിച്ചത് എന്ന് മുംബൈ മിററിന്റെ റിപ്പോര്‍ട്ടില്‍ പറയുന്നു.

ഈ വര്‍ഷം ഫെബ്രുവരിയിലാണ് മഞ്ജറേക്കറെ ബിസിസിഐയുടെ കമന്ററി പാനലില്‍ നിന്ന് ഒഴിവാക്കിയത്. ലോകകപ്പ് സമയത്ത് രവീന്ദ്ര ജഡേജയ്‌ക്കെതിരെ നടത്തിയ വിവാദ പരാമര്‍ശങ്ങളും, ഹര്‍ഷ ഭോഗ്‌ലെക്കെതിരെ നടത്തിയ പ്രതികരണങ്ങളുമാണ് മഞ്ജരേക്കറെ കമന്ററി പാനലില്‍ നിന്ന് ഒഴിവാക്കാന്‍ കാരണം.

രവീന്ദ്ര ജഡേജയുമായും ഹര്‍ഷ ഭോഗ് ലെയുമായുള്ള പ്രശ്‌നങ്ങള്‍ പരിഹരിച്ച് മഞ്ജരേക്കര്‍ എത്തിയെങ്കിലും ബിസിസിഐ നിലപാട് മയപ്പെടുത്തിയില്ല. കമന്ററി പാനലിലേക്ക് തിരികെ എടുക്കണം എന്ന് ആവശ്യപ്പെട്ട് രണ്ട് വട്ടം ബിസിസിഐക്ക് മഞ്ജരേക്കര്‍ കത്ത് നല്‍കിയിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Cricket

ഐപിഎല്‍ 2023: ലേലം ഈ മാസം 23 ന്, 2 കോടി അടിസ്ഥാന വിലയില്‍ ഇന്ത്യന്‍ താരങ്ങളില്ല

21 താരങ്ങള്‍ അടിസ്ഥാന വിലയായ 2 കോടി രൂപയ്ക്കും 10 പേര്‍ അടിസ്ഥാന വിലയായ 1.5 കോടി രൂപയ്ക്കും 24 പേര്‍ അടിസ്ഥാന വിലയായ ഒരു കോടി രൂപയ്ക്കും രജിസ്റ്റര്‍ ചെയ്തിട്ടുണ്ട്

Published

on

2023ല്‍ നടക്കുന്ന ഇന്ത്യന്‍ പ്രീമിയര്‍ ലീഗിനായി ഡിസംബര്‍ മാസം താരങ്ങളെ ലേലം ചെയ്യുമെന്ന് റിപ്പോര്‍ട്ട്. ലോകമെമ്പാടുമുള്ള രാജ്യങ്ങളില്‍ നിന്നുള്ള കളിക്കാര്‍ ലേലത്തിന് സ്വയം രജിസ്റ്റര്‍ ചെയ്തിട്ടുണ്ട്. ബിസിസിഐയുടെ കണക്കനുസരിച്ച്, അടുത്ത വര്‍ഷത്തെ ടൂര്‍ണമെന്റിനുള്ള ലേലത്തില്‍ ഉള്‍പ്പെടുത്താന്‍ മൊത്തം 991 കളിക്കാരുടെ പേരുകളാണ് നല്‍കിയിട്ടുള്ളത്. ലേലത്തില്‍ ഇന്ത്യയില്‍ നിന്ന് 714 താരങ്ങളും മറ്റ് രാജ്യങ്ങളില്‍ നിന്ന് 277 പേരുമാണ് ഉള്ളത്. മിക്ക കളിക്കാരും ഓസ്‌ട്രേലിയയില്‍ നിന്നുള്ളവരാണ്.

ഏറ്റവും പുതിയ ലിസ്റ്റ് പ്രകാരം 21 താരങ്ങള്‍ അടിസ്ഥാന വിലയായ 2 കോടി രൂപയ്ക്കും 10 പേര്‍ അടിസ്ഥാന വിലയായ 1.5 കോടി രൂപയ്ക്കും 24 പേര്‍ അടിസ്ഥാന വിലയായ ഒരു കോടി രൂപയ്ക്കും രജിസ്റ്റര്‍ ചെയ്തിട്ടുണ്ട്. അടിസ്ഥാന വിലയായ 2 കോടി, 1.5 കോടിയില്‍ ഒരു ഇന്ത്യന്‍ താരവും ഉള്‍പ്പെട്ടിട്ടില്ല. മായങ്ക് അഗര്‍വാള്‍, കേദാര്‍ ജാദവ്, മനീഷ് പാണ്ഡെ എന്നിവരാണ് അടിസ്ഥാന വിലയായ ഒരു കോടിയിലുള്ള മൂന്ന് ഇന്ത്യക്കാര്‍.ഡിസംബര്‍ 23 ന് കൊച്ചിയിലാണ് കളിക്കാരുടെ ലേലം നടക്കുന്നത്.

Continue Reading

Cricket

ടി20യില്‍ ഇന്ത്യക്ക് പതിഞ്ഞ തുടക്കം

ഏഴ് ഓവര്‍ പിന്നിടുമ്പോള്‍ ഒന്നിന് 42 എന്ന നിലയിലാണ് ഇന്ത്യ.

Published

on

രണ്ടാം ടി20യില്‍ ഇന്ത്യക്ക് പതിഞ്ഞ തുടക്കം. ഏഴ് ഓവര്‍ പിന്നിടുമ്പോള്‍ ഒന്നിന് 42 എന്ന നിലയിലാണ് ഇന്ത്യ. ഓപ്പണറായെത്തിയ റിഷഭ് പന്തിന്റെ (6) വിക്കറ്റാണ് ഇന്ത്യക്ക് നഷ്ടമായത്. സഹഓപ്പണര്‍ ഇഷാന്‍ കിഷന്‍ (29), സൂര്യകുമാര്‍ യാദവ് (6) എന്നിവരാണ് ക്രീസില്‍. ലോക്കി ഫെര്‍ഗൂസണാണ് വിക്കറ്റ്. മൗണ്ട് മോംഗനൂയി, ബേ ഓവളില്‍ ടോസ് നേടിയ ന്യൂസിലന്‍ഡ് ക്യാപ്റ്റന്‍ കെയ്ന്‍ വില്യംസണ്‍ ബൗളിംഗ് തിരഞ്ഞെടുക്കുകയായിരുന്നു.
റിഷഭ് തുടക്കം മുതല്‍ താളം കണ്ടെത്താന്‍ വിഷമിച്ചു.

 

13 പന്തുകളാണ് റിഷഭ്പന്ത് നേരിട്ടത്. ഇതില്‍ ഒരു ബൗണ്ടറി മാത്രമാണ് ഇന്ത്യന്‍ വൈസ് ക്യാപ്റ്റന് നേടാനായത്. ലോക്കിയെ പുള്‍ ചെയ്യാനുള്ള ശ്രമത്തിലാണ് റിഷഭ് മടങ്ങുന്നത്. ഇഷാന്‍ ഇതുവരെ 18 പന്തുകള്‍ നേരിട്ടു. ഒരു സിക്സും നാലു ഫോറും ഇഷാന്റെ ഇന്നിംഗ്സിലുണ്ട്.

 

Continue Reading

Cricket

ട്വന്റി 20 ലോകകപ്പ്; പാകിസ്ഥാന്‍ ഫൈനലില്‍

അഞ്ച് പന്ത് ബാക്കി നില്‍ക്കെയാണ് പാകിസ്താന്‍ വിജയം ഉറപ്പിച്ചത്

Published

on

ട്വന്റി 20 ലോകകപ്പില്‍ പാകിസ്ഥാന്‍ പാട്ടുംപാടി ഫൈനലില്‍. ന്യൂസിലാന്‍ഡിനെ ഏഴ് വിക്കറ്റിന് മുട്ടുകുത്തിച്ചാണ് ഫൈനലില്‍ കടന്നത്. ടോസില്‍ ആദ്യ ബാറ്റിങ് ന്യൂസിലാന്‍ഡിന് ലഭിച്ചെങ്കിലും പാകിസ്താന്‍ ബൗളര്‍മാര്‍ റണ്ണെടുക്കാന്‍ അനുവദിച്ചില്ല. ഡാറില്‍ മിച്ചലിന്റെ അര്‍ധ സെഞ്ച്വറിയാണ് നാലിന് 152 എന്ന സ്‌ക്വാറിലെത്തിച്ചത്. പിന്നെ തുണയായത് ക്യാപ്റ്റന്‍ കെയ്ന്‍ വില്യംസണിന്റെ റണ്‍സാണ് (46). ഡെവോണ്‍ കോണ്‍വെ (21), ഫിന്‍ അലന്‍ (4), ഗ്ലെന്‍ ഫിലിപ്‌സ് (6), ജെയിംസ് നിഷം (16) മറ്റാര്‍ക്കും കാര്യമായി സ്‌കോറെടുക്കാന്‍ കഴിഞ്ഞില്ല.

പാകിസ്താന്‍ ടീമില്‍ നിന്നും ഓപണര്‍മാരായി ഇറങ്ങിയത് മുഹമ്മദ് റിസ്വാനും ക്യാപ്റ്റന്‍ ബാബര്‍ അസമുമാണ്. ഇരുവരും അര്‍ധ സെഞ്ച്വറിയുമായി കളം നിറച്ചു. അഞ്ച് പന്ത് ബാക്കി നില്‍ക്കെയാണ് പാകിസ്താന്‍ വിജയം ഉറപ്പിച്ചത്. നാളെ നടക്കുന്ന ഇന്ത്യ-ഇംഗ്ലണ്ട് രണ്ടാം സെമിയിലെ വിജയികളാകും പാകിസ്താന്റെ എതിരാളികള്‍.

Continue Reading

Trending