gulf
സഊദിയിലെ പ്രവാസികള്ക്ക് സന്തോഷ വാര്ത്ത നാട്ടിലായാലും ഇഖാമ പുതുക്കാനും റീ എന്ട്രി നീട്ടാനും അവസരം
തൊഴിലാളികള് സഊദിക്ക് പുറത്തായാലും റെസിഡന്ഷ്യല് പെര്മിറ്റായ ഇഖാമ പുതുക്കാനും റീഎന്ട്രി ദീര്ഘിപ്പിക്കാനും തൊഴിലുടമകള്ക്ക് ഇതുമൂലം അവസരമുണ്ടാകും. പ്രതിസന്ധി ഘട്ടങ്ങളില് നാട്ടില് കുടുങ്ങി പോകുന്നവര്ക്ക് ഈ സേവനം വലിയ ആശ്വാസമാണ് നല്കുക
അഷ്റഫ് വേങ്ങാട്ട്
റിയാദ്: സഊദിയില് ജോലിചെയ്യുന്നവര്ക്ക് നാട്ടിലായാലും ഇഖാമ പുതുക്കാനുള്ള നടപടികളുമായി ജവാസാത്ത് ഡയറക്ടറേറ്റ് രംഗത്ത്. സ്പോണ്സര്മാക്ക് ഓണ്ലൈന് വഴി ചെയ്യാവുന്ന സേവനങ്ങള്ക്ക് സഊദി ആഭ്യന്തരമന്ത്രി അബ്ദുല് അസീസ് ബിന് സഊദ് ബിന് നായിഫ് രാജകുമാരന് തുടക്കം കുറിച്ചു.തിരുഗേഹങ്ങളുടെ സേവകന് സല്മാന് രാജാവിന്റെയും കിരീടാവകാശി മുഹമ്മദ് ബിന് സല്മാന് രാജകുമാരന്റെയും നിര്ദേശാനുസരണം സ്വദേശികള്ക്കും വിദേശികള്ക്കും സുരക്ഷിതമായ ഓണ്ലൈന് സേവനങ്ങള് വികസിപ്പിക്കുന്നത് ആഭ്യന്തര മന്ത്രാലയം തുടരുമെന്ന് ആഭ്യന്തരമന്ത്രി പറഞ്ഞു.
തൊഴിലാളികള് സഊദിക്ക് പുറത്തായാലും റെസിഡന്ഷ്യല് പെര്മിറ്റായ ഇഖാമ പുതുക്കാനും റീഎന്ട്രി ദീര്ഘിപ്പിക്കാനും തൊഴിലുടമകള്ക്ക് ഇതുമൂലം അവസരമുണ്ടാകും. പ്രതിസന്ധി ഘട്ടങ്ങളില് നാട്ടില് കുടുങ്ങി പോകുന്നവര്ക്ക് ഈ സേവനം വലിയ ആശ്വാസമാണ് നല്കുക. വിദേശങ്ങളില് കഴിയുന്നവരുടെ ഇഖാമ പുതുക്കുക, വിദേശങ്ങളിലുള്ളവരുടെ റീഎന്ട്രി വിസ ദീര്ഘിപ്പിക്കുക, പ്രൊബേഷന് കാലത്ത് വിദേശ തൊഴിലാളികള്ക്ക് ഫൈനല് എക്സിറ്റ് വിസ നല്കുക, പതിനഞ്ചും അതില് കുറവും പ്രായമുള്ള സ്വദേശികളുടെ കുട്ടികള്ക്ക് പുതിയ പാസ്പോര്ട്ട് അനുവദിക്കുക, പാസ്പോര്ട്ട് പുതുക്കുക, ഓണ്ലൈന് പ്ലാറ്റ്ഫോമുകള് വഴി പൂര്ത്തിയാക്കാന് സാധിക്കാത്ത കാര്യങ്ങളില് ജവാസാത്ത് ഡയറക്ടറേറ്റുമായി ആശയവിനിമയം നടത്താന് ഗുണഭോക്താക്കളെ സഹായിക്കുക തുടങ്ങിയ കാര്യങ്ങളാണ് പുതിയ സേവനങ്ങളില് ഉള്പ്പെടുന്നത്.
വ്യക്തികള്ക്ക് ഓണ്ലൈന് സേവനങ്ങള് നല്കുന്ന അബ്ശിര് ഇന്ഡിവിജ്വല്സ്, ബിസിനസ് മേഖലക്ക് ഓണ്ലൈന് സേവനങ്ങള് നല്കുന്ന അബ്ശിര് ബിസ് നസ്, വന്കിട കമ്പനികള്ക്ക് ഓണ്ലൈന് സേവനങ്ങള് നല്കുന്ന മുഖീം എന്നീ പ്ലാറ്റ്ഫോമുകള് വഴിയുള്ള പുതിയ സേവനങ്ങള് വീഡിയോ കോണ്ഫറന്സ് വഴിയാണ് മന്ത്രി ഉദ്ഘാടനം ചെയ്തത്. പുതിയ സേവനങ്ങളെ കുറിച്ച് ജവാസാത്ത് ഡയറക്ടറേറ്റ് മേധാവി മേജര് ജനറല് സുലൈമാന് അല്യഹ്യ വിശദീകരിച്ചു. ജവാസാത്തില് നിന്നുള്ള സ്വദേശികളുടെയും വിദേശികളുടെയും നടപടിക്രമങ്ങള് ഇലക്ട്രോണിക് മാധ്യമങ്ങള് ഉപയോഗിച്ച് എളുപ്പമാക്കാനാണ് ജവാസാത്ത് ലക്ഷ്യമിടുന്നതെന്ന് അദ്ദേഹം പറഞ്ഞു .
gulf
മദീനയിലെ ഉംറ തീര്ത്ഥാടകരുടെ ബസ് അപകടം: മരണം 45 ആയി
ബസിലുണ്ടായിരുന്ന 46 പേര് ഒരാള്ഹൈദരാബാദ് സ്വദേശി 24 കാരന് മുഹമ്മദ് അബ്ദുല് ശുഐബ്മാത്രമാണ് അത്ഭുതകരമായി രക്ഷപ്പെട്ടത്.
മദീനയ്ക്കടുക്കെ ഇന്ത്യന് ഉംറ തീര്ത്ഥാടകര് യാത്ര ചെയ്ത ബസ് ഡീസല് ടാങ്കറുമായി കൂട്ടിയിടിച്ച് ഉണ്ടായ അപകടത്തില് മരണസംഖ്യ 45 ആയി ഉയര്ന്നു. ബസിലുണ്ടായിരുന്ന 46 പേര് ഒരാള്ഹൈദരാബാദ് സ്വദേശി 24 കാരന് മുഹമ്മദ് അബ്ദുല് ശുഐബ്മാത്രമാണ് അത്ഭുതകരമായി രക്ഷപ്പെട്ടത്. അദ്ദേഹം ഇപ്പോള് സൗദി ജര്മ്മന് ആശുപത്രിയിലെ തീവ്രപരിചരണ വിഭാഗത്തില് ചികിത്സയിലാണ്.
തെലങ്കാനയിലെ ഹൈദരാബാദില് നിന്നുള്ള തീര്ത്ഥാടകരാണ് അധികവും അപകടത്തില്പ്പെട്ടത്. മക്കയില് ഉംറ പൂര്ത്തിയാക്കിയ സംഘം മദീനയിലേക്ക് മടങ്ങുകയായിരുന്നപ്പോഴാണ് ഞായറാഴ്ച രാത്രി 11 മണിയോടെ (ഇന്ത്യന് സമയം പുലര്ച്ചെ 1.30) മദീനയില് നിന്ന് 25 കിലോമീറ്റര് അകലെ മുഫ്രിഹത്ത് പ്രദേശത്ത് അപകടം നടന്നത്.
നവംബര് 9ന് ഹൈദരാബാദില് നിന്ന് പുറപ്പെട്ട 54 അംഗ സംഘത്തില് 46 പേര് ബസില് സഞ്ചരിക്കുമ്പോഴായിരുന്നു ദുരന്തം. മരിച്ചവരില് കുറഞ്ഞത് 16 പേര് ഹൈദരാബാദിലെ മല്ലേപ്പള്ളി-ബസാര്ഘട്ട് മേഖലയില് നിന്നുള്ളവരാണെന്ന് തെലങ്കാന ഐ.ടി മന്ത്രി ഡി. ശ്രീധര് ബാബു വ്യക്തമാക്കി. മരിച്ചവരുടെ പേരുകളുടെ പട്ടിക സര്ക്കാര് ഔദ്യോഗികമായി പുറത്തുവിട്ടിട്ടുണ്ട്.
gulf
മദീനയില് ഉംറ ബസ് ടാങ്കര് കൂട്ടിയിടിച്ച് തീപിടിത്തം; കണ്ട്രോള് റൂം തുറന്നു
സൗദി സമയം രാത്രി 11 മണിയോടെയാണ് (ഇന്ത്യന് സമയം പുലര്ച്ചെ 1.30) മക്കയില് നിന്ന് പുറപ്പെട്ട ഉംറ ബസ് അപകടത്തില്പ്പെട്ടത്.
മക്ക: മദീനയില് ഉംറ തീര്ഥാടക ബസ് ഡീസല് ടാങ്കറുമായി കൂട്ടിയിടിച്ച് കത്തി 42 ഇന്ത്യക്കാര് ദാരുണമായി മരിച്ച സംഭവത്തെ തുടര്ന്ന് ജിദ്ദയിലെ ഇന്ത്യന് കോണ്സുലേറ്റ് പ്രത്യേക കണ്ട്രോള് റൂം ആരംഭിച്ചു. ഇത് 24 മണിക്കൂറും പ്രവര്ത്തിക്കുകയും സഹായങ്ങള്ക്കും വിവരങ്ങള്ക്കും താഴെ നല്കിയിരിക്കുന്ന നമ്പറുകളില് ബന്ധപ്പെടുകയും ചെയ്യാം:
സഹായ ഡെസ്ക് നമ്പറുകള്:
8002440003 (ടോള് ഫ്രീ)
0122614093
0126614276
0556122301
സൗദി സമയം രാത്രി 11 മണിയോടെയാണ് (ഇന്ത്യന് സമയം പുലര്ച്ചെ 1.30) മക്കയില് നിന്ന് പുറപ്പെട്ട ഉംറ ബസ് അപകടത്തില്പ്പെട്ടത്. ഹൈദരാബാദ് സ്വദേശികളായ 43 പേര് ബസിലുണ്ടായിരുന്നു. ഇതില് 20 സ്ത്രീകളും 11 കുട്ടികളും ഉള്പ്പെടെ 42 പേര് മരിച്ചു. ഒരു പേര് മാത്രമാണ് രക്ഷപ്പെട്ടത്. ഇയാളെ ആശുപത്രിയില് ചികിത്സയ്ക്കായി മാറ്റിയിട്ടുണ്ട്.
മക്കയില് തീര്ത്ഥാടനം പൂര്ത്തിയാക്കി മദീനയിലേക്ക് പോകുമ്പോള് ബദ്റും മദീനയും തമ്മിലുള്ള മുഫറഹാത്ത് എന്ന സ്ഥലത്താണ് അപകടം നടന്നത്. ഡീസല് ടാങ്കറുമായി കൂട്ടിയിടിച്ച ഉടന് തന്നെ ബസിന് തീപിടിച്ച് തീര്ത്ഥാടകര്ക്ക് രക്ഷപ്പെടാനായില്ല.
ബസിലുണ്ടായിരുന്നവര് മുഴുവനും ഹൈദരാബാദ് സ്വദേശികളാണെന്ന് ഉംറ കമ്പനി സ്ഥിരീകരിച്ചു. സംഭവത്തില് കൂടുതല് അന്വേഷണം പുരോഗമിക്കുകയാണ്.
gulf
മക്കമദീന ഹൈവേയില് ഭീകരാപകടം: മരണം 42 ആയി
മക്കയിലെ തീര്ഥാടനം പൂര്ത്തിയാക്കി മദീനയിലേക്ക് മടങ്ങുന്നതിനിടെയാണ് ദുരന്തം നടന്നത്.
മക്കയില് നിന്നും മദീനയിലേക്ക് യാത്ര പോകുന്ന ഉംറ തീര്ഥാടകരുടെ ബസ് ഡീസല് ടാങ്കറുമായി കൂട്ടിയിടിച്ച് കത്തിയതോടെ മരണസംഖ്യ 42 ആയി ഉയര്ന്നു. മക്കയിലെ തീര്ഥാടനം പൂര്ത്തിയാക്കി മദീനയിലേക്ക് മടങ്ങുന്നതിനിടെയാണ് ദുരന്തം നടന്നത്.
ബസിലുണ്ടായിരുന്ന 43 പേരും ഹൈദരാബാദ് സ്വദേശികളാണ്. മരിച്ചവരില് 20 പേര് സ്ത്രീകളും 11 പേര് കുട്ടികളുമാണെന്ന് റിപ്പോര്ട്ടുകള്. സംഘത്തിലെ ഒരാള് മാത്രമാണ് ജീവനോടെ രക്ഷപ്പെട്ടത്; ഇയാള് ഗുരുതരാവസ്ഥയില് ആശുപത്രിയില് ചികിത്സയിലാണ്.
സൗദി സമയം രാത്രി 11 മണിയോടെയും (ഇന്ത്യന് സമയം പുലര്ച്ചെ 1.30) ബദ്റ്മദീന ഹൈവേയിലുള്ള മുഫറഹാത്ത് പ്രദേശത്തുവച്ചായിരുന്നു അപകടം. ടാങ്കറുമായി കൂട്ടിയിടിച്ചതോടെ ബസ് തല്ക്ഷണം തീപിടിക്കുകയായിരുന്നു. ഉംറ കമ്പനി അപകടം സ്ഥിരീകരിച്ചിട്ടുണ്ട്.
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india7 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
india1 day agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം