Connect with us

Video Stories

സഊദിയില്‍ പുതിയ കറന്‍സി രണ്ടാഴ്ചക്കകം

Published

on

റിയാദ്: സഊദി ഭരണാധികാരി സല്‍മാന്‍ രാജാവിന്റെ ചിത്രം അടങ്ങിയ പുതിയ നോട്ടുകള്‍ രണ്ടാഴ്ചക്കകം പുറത്തിറക്കുമെന്ന് സഊദി അറേബ്യന്‍ മോണിട്ടറി അതോറിറ്റി അറിയിച്ചു. എല്ലാ വിഭാഗം നോട്ടുകളും ഡിസംബര്‍ 26ന് ഒറ്റയടിക്ക് പുറത്തിറക്കും. മികച്ച അന്താരാഷ്ട്ര ഗുണനിലവാരത്തിലും സുരക്ഷാ നിലവാരത്തിലുമാണ് സഊദി അറേബ്യയില്‍ പുതിയ കറന്‍സി പുറത്തിറങ്ങുന്നതെന്ന് സഊദി മോണിറ്ററി ഏജന്‍സി (സാമ) ഗവര്‍ണര്‍ ഡോ. അഹ്്മദ് അല്‍ഖുലൈഫി പറഞ്ഞു. വിശ്വാസവും സുരക്ഷയും എന്ന പ്രമേയത്തില്‍ നടന്ന ദേശീയ കറന്‍സി സമ്മേളനത്തില്‍ സംസാരിക്കുകയായിരുന്നു അദ്ദേഹം.

 

കാഴ്ചശക്തിയില്ലാത്തവര്‍ക്ക് തിരിച്ചറിയുന്നതിന് സാധിക്കുന്ന അടയാളങ്ങളും അമേരിക്കന്‍, ബ്രിട്ടീഷ് കറന്‍സികളില്‍ ഉപയോഗിക്കുന്ന ലോകത്തെ ഏറ്റവും മുന്തിയ സുരക്ഷാ, സാങ്കേതിക മാനദണ്ഡങ്ങളും പുതിയ നോട്ടുകളില്‍ ഉള്‍പ്പെടുത്തിയിട്ടുണ്ട്. ഒരു റിയാല്‍ നോട്ട് പുറത്തിറക്കുന്നില്ല. പകരം സല്‍മാന്‍ രാജാവിന്റെ ഫോട്ടോ ഉള്‍പ്പെടുത്തിയ ഒരു റിയാല്‍ നാണയം പുറത്തിറക്കുന്നുണ്ട്. രാഷ്ട്ര ശില്‍പി അബ്ദുല്‍ അസീസ് രാജാവിന്റെ ഫോട്ടോ ഉള്‍പ്പെടുത്തിയ രണ്ട് റിയാല്‍ നാണയവും ഡിസംബര്‍ 26 ന് പുറത്തിറക്കും. നിലവില്‍ പ്രചാരത്തിലുള്ള ഒരു റിയാല്‍ നോട്ട് പടിപടിയായി പിന്‍വലിക്കുമെന്ന് സഊദി അറേബ്യന്‍ മോണിട്ടറി അതോറിറ്റി അറിയിച്ചു.
5, 10, 50, 100 റിയാല്‍ നോട്ടുകളില്‍ സല്‍മാന്‍ രാജാവിന്റെ ഫോട്ടോയും 500 റിയാല്‍ നോട്ടുകളില്‍ അബ്ദുല്‍ അസീസ് രാജാവിന്റെയും ഫോട്ടോയുമാണുള്ളത്. 500 റിയാല്‍ നോട്ടില്‍ ഹറം വികസനത്തിന്റെയും 100 റിയാല്‍ നോട്ടില്‍ മസ്ജിദുന്നബവി വികസനത്തിന്റെയും 50 റിയാല്‍ നോട്ടില്‍ ജറൂസലമിലെ ഡോം ഓഫ് റോക്ക്, മസ്ജിദുല്‍അഖ്‌സ എന്നിവയുടെയും ഫോട്ടോകളുണ്ട്. പത്ത്, അഞ്ച് റിയാല്‍ നോട്ടുകളില്‍ സഊദിയിലെ പ്രധാന വികസനങ്ങളും അടയാളങ്ങളും വ്യക്തമാക്കുന്ന ഫോട്ടോകള്‍ ഉള്‍പ്പെടുത്തിയിട്ടുണ്ട്.

 

ഹറം വികസനം, മസ്ജിദുന്നബവി വികസനം, സഊദി അറേബ്യയിലെ പ്രധാന അടയാളങ്ങള്‍ എന്നിവയുടെ ഫോട്ടോകള്‍ പുതിയ നോട്ടുകളു ടെ പ്രധാന പ്രത്യേകതയാണ്. പുതിയ കറന്‍സി നോട്ടുകള്‍ സഊദി ഭരണാധികാരി സല്‍മാന്‍ രാജാവ് കഴിഞ്ഞ ദിവസം പരിശോധിച്ചിരുന്നു. ധനമന്ത്രി മുഹമ്മദ് അല്‍ജദ്ആന്‍, സഊദി അറേബ്യന്‍ മോണിട്ടറി അതോറിറ്റി ഗവര്‍ണര്‍ (സാമ) ഡോ. അഹ്മദ് അല്‍ഖുലൈഫി, ഡെപ്യൂട്ടി ഗവര്‍ണര്‍ അബ്ദുല്‍അസീസ് അല്‍ഫരീഹ് എന്നിവര്‍ അല്‍യമാമ കൊട്ടാരത്തില്‍ രാജാവിനെ സന്ദര്‍ശിച്ചാണ് പുതിയ കറന്‍സി നോട്ടുകള്‍ സമര്‍പ്പിച്ചത്. ആയിരം റിയാലിന്റെ നോട്ടുകള്‍ പുറത്തിറക്കാന്‍ സാധ്യതയുണ്ടെന്ന് നേരത്തെ റിപ്പോര്‍ട്ടുകളുണ്ടായിരുന്നെങ്കിലും സാമ ഇക്കാര്യം നിഷേധിച്ചിട്ടുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending