സിപിഎം സംസ്ഥാന സെക്രട്ടറിയുടെ മകന്‍ ബിനീഷ് കോടിയേരിക്കെതിരെ ഗുരുതര ആരോപണങ്ങള്‍ ഉയരുമ്പോഴും നടപടി സ്വീകരിക്കാത്ത മുഖ്യമന്ത്രി പിണറായി വിജയനെ വിമര്‍ശിച്ച് യൂത്ത് കോണ്‍ഗ്രസ് അധ്യക്ഷന്‍ ഷാഫി പറമ്പില്‍. ബാറുകള്‍ അടച്ചത് കൊണ്ട് മയക്ക് മരുന്നിന്റെ ഉപയോഗം വര്‍ധിക്കുന്നുവെന്നും പറഞ്ഞ്, അത് തുറന്ന് കൊടുക്കാന്‍ അത്യുല്‍സാഹം കാണിച്ച മുഖ്യന്‍, മയക്ക് മരുന്നിലെ അതീവ ഗൗരവതരമായ കേസിനെ പറ്റി ചോദിക്കുമ്പോള്‍ ആരോപണ വിധേയന്‍ മറുപടി പറഞ്ഞിട്ടുണ്ടല്ലോ എന്നാണ് പറയുന്നതെന്ന് ഷാഫി പറമ്പില്‍ പരിഹസിച്ചു.
മയക്കുമരുന്ന് ആരോപണ വിധേയരില്‍ പാര്‍ട്ടി സെക്രട്ടറിയുടെ മകന്റെ പങ്ക് തെളിവ് സഹിതം പുറത്ത് വരുമ്പോള്‍ നിയമപരമായ നടപടികള്‍ക്ക് പകരം ഉത്തരവാദിത്തത്തില്‍ നിന്ന് ഒഴിഞ്ഞ് മാറുകയാണ് മുഖ്യമന്ത്രി പിണറായി വിജയനെന്നും, ഷാഫി കുറ്റപ്പെടുത്തി.
‘തട്ടിപ്പ് കേസിലും പീഡനക്കേസിലുമൊക്കെ പെട്ടപ്പോള്‍ സ്വന്തം രാജ്യവും കറന്‍സിയും റിസര്‍വ്വ് ബാങ്കുമൊക്കെ പ്രഖ്യാപിച്ച നിത്യാനന്ദനെ പോലെ, കേസില്‍ പെടുന്ന സിപിഎമ്മുകാരെ സംരക്ഷിക്കാന്‍ പിണറായി വിജയന് ഐപിസിയും, സിആര്‍പിസിയും ഒക്കെ അട്ടത്ത് വെച്ച് ഒരു രാജ്യം പ്രഖ്യാപിക്കുന്നതായിരിക്കും നല്ലത്. ബിനീഷ് കോടിയേരിക്ക് ഒരു പൗരത്വം ഉറപ്പായിരിക്കും.’ ഷാഫി ഫെയ്‌സ്ബുക്കില്‍ കുറിച്ചു.
കുറിപ്പ് വായിക്കാം..
ബാറുകള്‍ അടച്ചത് കൊണ്ട് മയക്ക് മരുന്നിന്റെ ഉപയോഗം വര്‍ധിക്കുന്നുവെന്നും പറഞ്ഞ്, അത് തടയാനെന്ന പേരില്‍ അടച്ചതിനപ്പുറവും തുറന്ന് കൊടുക്കാന്‍ അത്യുല്‍സാഹം കാണിച്ച മുഖ്യന്‍, കേരളത്തിലെ ചെറുപ്പക്കാരെ മുഴുവന്‍ മയക്ക് മരുന്നില്‍ മുക്കാന്‍ ശ്രമിക്കുന്ന അതീവ ഗൗരവതരമായ കേസിനെ പറ്റി ചോദിക്കുമ്പോള്‍ പറയുന്നത് ആരോപണ വിധേയന്‍ മറുപടി പറഞ്ഞിട്ടുണ്ടല്ലോ എന്നാണ്. ആരോപണ വിധേയരില്‍ പാര്‍ട്ടി സെക്രട്ടറിയുടെ മകന്റെ പങ്ക് തെളിവ് സഹിതം പുറത്ത് വന്ന് കൊണ്ടിരിക്കുമ്പോള്‍ നിയമപരമായ നടപടികള്‍ എടുക്കുന്നതിന് പകരം ഉത്തരവാദിത്തത്തില്‍ നിന്ന് ഒഴിഞ്ഞ് മാറുകയാണ് പിണറായി വിജയന്.
തട്ടിപ്പ് കേസിലും പീഡനക്കേസിലുമൊക്കെ പെട്ടപ്പോള്‍, സ്വന്തം രാജ്യവും കറന്‍സിയും റിസര്‍വ്വ് ബാങ്കുമൊക്കെ പ്രഖ്യാപിച്ച നിത്യാനന്ദനെ പോലെ, കേസില്‍ പെടുന്ന സിപിഎമ്മുകാരെ സംരക്ഷിക്കാന്‍ പിണറായി വിജയന് ഐ പി സിയും, സി ആര്‍ പി സി യും ഒക്കെ അട്ടത്ത് വെച്ച് ഒരു രാജ്യം പ്രഖ്യാപിക്കുന്നതായിരിക്കും നല്ലത്. ബിനീഷ് കോടിയേരിക്ക് ഒരു പൗരത്വം ഉറപ്പായിരിക്കും .മുഖം നോക്കാതെ കേരളത്തിലെ മയക്ക് മരുന്ന് മാഫിയയുടെ അടിവേര് അറുക്കുന്ന നടപടിയാണാവശ്യം.
Be the first to write a comment.