ഡല്‍ഹി: കോവിഡ്  പശ്ചാത്തലത്തില്‍ രാജ്യത്തെ സമ്പദ്ഘടന അഭിമുഖീകരിക്കുന്ന വെല്ലുവിളികള്‍ കണക്കിലെടുത്ത് മന്ത്രാലയങ്ങളോടും വകുപ്പുകളോടും കലണ്ടറുകളും ഡയറികളും ഉള്‍പ്പടെയുളളവയുടെ അച്ചടി നിര്‍ത്തിവെക്കാനും ഡിജിറ്റല്‍ ഫോര്‍മാറ്റില്‍ ഓണ്‍ലൈനില്‍ പ്രസിദ്ധീകരിക്കാനും നിര്‍ദേശിച്ച് കേന്ദ്രം.

അടുത്തവര്‍ഷത്തെ ഉപയോഗത്തിനായി ഏതെങ്കിലും മന്ത്രാലയങ്ങള്‍, ഡിപ്പാര്‍ട്ട്‌മെന്റുകള്‍, പൊതുമേഖലാ സ്ഥാപനങ്ങള്‍ തുടങ്ങിയവ ചുമര്‍ കലണ്ടറുകള്‍, ഡെസ്‌ക്ടോപ്പ് കലണ്ടറുകള്‍, ഡയറികള്‍ തുടങ്ങിയവ അച്ചടിക്കുന്നതിനുളള പ്രവര്‍ത്തനങ്ങള്‍ നടത്തേണ്ടെന്നാണ് ധനമന്ത്രാലയം പുറത്തിറക്കിയ പ്രസ്താവനയില്‍ വ്യക്തമാക്കുന്നത്.