ശരീരത്തിലെ ഏറ്റവും പ്രധാനപ്പെട്ട അവയവങ്ങളില്‍ ഒന്നാണ് ഹൃദയം. ഹൃദയം ആരോഗ്യകരമായി പ്രവര്‍ത്തിക്കുന്നതിലാണ് ശരീരത്തിന്റെ മൊത്തത്തിലുള്ള പ്രവര്‍ത്തനക്ഷമതയും ആശ്രയിച്ചിരിക്കുന്നത്. അതിനാല്‍ തന്നെ ഹൃദയാരോഗ്യം സംരക്ഷിക്കാന്‍ ശരിയായ ഭക്ഷണക്രമവും ആരോഗ്യകരമായ പാനീയങ്ങളും നിര്‍ബന്ധമായി ജീവിതശൈലിയില്‍ ഉള്‍പ്പെടുത്തണം.

ഹൃദയത്തിന്റെ ആരോഗ്യം മെച്ചപ്പെടുത്താന്‍ സഹായിക്കുന്ന ചില പ്രധാന പാനീയങ്ങളും ഭക്ഷണങ്ങളും ദിവസേന ഉപയോഗിക്കുന്നത് ഏറെ ഗുണകരമാണ്. ഹൃദയാരോഗ്യം സംരക്ഷിക്കാന്‍ ഏറെ സഹായിക്കുന്ന ഒരു പാനീയമാണ് ഗ്രീന്‍ ടീ. ഗ്രീന്‍ ടിയിലുള്‍പ്പെട്ടിരിക്കുന്ന ധാരാളം ആന്റിഓക്‌സിഡന്റുകള്‍ ശരീരത്തിലെ ഓക്‌സിഡേറ്റീവ് സ്‌ട്രെസ് കുറയ്ക്കാനും നല്ല കൊളെസ്റ്ററോളിന്റെ അളവ് വര്‍ധിപ്പിക്കാനും സഹായിക്കുന്നു. ഇതുവഴി ഹൃദയ സംബന്ധമായ രോഗങ്ങളുടെ സാധ്യത കുറയ്ക്കാന്‍ ഗ്രീന്‍ ടിക്ക് കഴിവുണ്ട്. സ്ഥിരമായി ഗ്രീന്‍ ടീ കുടിക്കുന്നത് രക്തചംക്രമണം മെച്ചപ്പെടുത്താനും ഹൃദയത്തിന്റെ പ്രവര്‍ത്തനം കൂടുതല്‍ കാര്യക്ഷമമാക്കാനും സഹായകമാണ്‌

ശരീരം ഭക്ഷണത്തില്‍ നിന്ന് ലഭിക്കുന്ന പ്യൂറീന്‍ ഘടകങ്ങളെ വിഘടിപ്പിക്കുന്നതിനിടെ ഉണ്ടാകുന്ന മാലിന്യമാണ് യൂറിക് ആസിഡ്. സാധാരണയായി വൃക്കകള്‍ ഇത് മൂത്രത്തിലൂടെ പുറത്താക്കുന്നുവെങ്കിലും, അമിത ഉത്പാദനമോ പുറത്താക്കുന്നതിനുള്ള ശേഷി കുറയുകയോ ചെയ്താല്‍ ശരീരത്തില്‍ യൂറിക് ആസിഡിന്റെ അളവ് ഉയരും.

ഉയര്‍ന്ന യൂറിക് ആസിഡ് സന്ധിവാതം, വൃക്കക്കല്ല്, പ്രമേഹം, പൊണ്ണത്തടി പോലുള്ള ആരോഗ്യ പ്രശ്നങ്ങള്‍ക്ക് വഴിയൊരുക്കുമെന്ന് ആരോഗ്യ വിദഗ്ധര്‍ മുന്നറിയിപ്പുനല്‍കുന്നു.

ആരോഗ്യകരമായ ജീവിതശൈലിയും നിയന്ത്രിതമായ ഭക്ഷണക്രമവുമാണ് യൂറിക് ആസിഡ് നിയന്ത്രിക്കാന്‍ ഏറ്റവും ഫലപ്രദം. പുതിയ പഠനങ്ങളും ആരോഗ്യരംഗത്തുള്ള നിരീക്ഷണങ്ങളും പ്രകാരം യൂറിക് ആസിഡ് വര്‍ധിപ്പിക്കാന്‍ സാധ്യതയുള്ള ഏഴ് ഭക്ഷണവിഭാഗങ്ങളെ വിദഗ്ധര്‍ വ്യക്തമാക്കുന്നു.

റെഡ് മീറ്റ്, പ്രത്യേകിച്ച് മട്ടണ്‍, പന്നിയിറച്ചി എന്നിവയില്‍ പ്യൂറിനുകള്‍ കൂടുതലായതിനാല്‍ ഇവയുടെ അമിതമായ ഉപഭോഗം യൂറിക് ആസിഡ് വളരെയധികം വര്‍ധിപ്പിക്കും. കടല്‍മത്സ്യങ്ങള്‍, നെത്തോലി, മത്തി, ഷെല്‍ഫിഷ് തുടങ്ങിയ സമുദ്രമത്സ്യങ്ങളില്‍ പ്യൂറിനും സോഡിയവും ഉയര്‍ന്നതായതിനാല്‍ സ്ഥിരമായി കഴിക്കുന്നത് രക്തസമ്മര്‍ദ്ദവും യൂറിക് ആസിഡും കൂട്ടാന്‍ സാധ്യതയുണ്ട്. ആല്‍ക്കഹോള്‍, പ്രത്യേകിച്ച് ബിയര്‍, ഗുവാനോസിന് എന്ന പ്യൂറീന്‍ സംയുക്തം അടങ്ങിയതുകൊണ്ട്് യൂറിക് ആസിഡ് വേഗത്തില്‍ ഉയരും.

കൂടാതെ മദ്യം നിര്‍ജ്ജലീകരണം ഉണ്ടാക്കുന്നതിനാല്‍ യൂറിക് ആസിഡ് പുറത്താക്കുന്നത് വൃക്കകള്‍ക്ക് ബുദ്ധിമുട്ടാകും. അതുപോലെതന്നെ പഞ്ചസാരയും ഫ്രക്ടോസും കൂടുതലുള്ള ശീതളപാനികള്‍, പായ്ക്ക് ചെയ്ത ജ്യൂസുകള്‍, മധുര പലഹാരങ്ങള്‍ എന്നിവയും അമിതവണ്ണം, ഉയര്‍ന്ന രക്തസമ്മര്‍ദ്ദം, കൂടിയ യൂറിക് ആസിഡ് എന്നിവയ്ക്ക് കാരണമാകുന്നു. സംസ്‌കരിച്ച ഭക്ഷണങ്ങള്‍, പ്രത്യേകിച്ച് പാക്കറ്റുഭക്ഷണങ്ങളില്‍ പ്യൂറിനുകള്‍, പ്രിസര്‍വേറ്റീവുകള്‍, സോഡിയം എന്നിവ കൂടുതലായതിനാല്‍ ഇവയും അപകടകാരികളാണ്.

യീസ്റ്റ് അടങ്ങിയ ഭക്ഷണങ്ങള്‍, ബ്രെഡ്, യീസ്റ്റ് അടിസ്ഥാനമാക്കിയ സ്പ്രെഡുകള്‍ എന്നിവയും പ്യൂറീന്‍ മെറ്റബോളിസം ഉത്തേജിപ്പിച്ച് യൂറിക് ആസിഡിന്റെ അളവ് കൂട്ടുമെന്ന് റിപ്പോര്‍ട്ടുകള്‍ സൂചിപ്പിക്കുന്നു.

കൊഴുപ്പ് കൂടുതലുള്ള പാലുല്‍പ്പന്നങ്ങള്‍-ചീസ്, പൂര്‍ണ്ണകൊഴുപ്പ് പാല്‍, ഐസ്‌ക്രീം എന്നിവ യൂറിക് ആസിഡ് ഉത്പാദനം വര്‍ധിപ്പിക്കുന്നതിനും സന്ധിവാത ലക്ഷണങ്ങള്‍ ശക്തമാക്കുന്നതിനും കാരണമാകാം. ഇത്തരം ഭക്ഷണങ്ങളുടെ അമിത ഉപഭോഗം ഒഴിവാക്കി സമതുലിതമായ ഭക്ഷണക്രമവും ജലസേവനവും പാലിക്കുന്നത് ഉയര്‍ന്ന യൂറിക് ആസിഡ് നിലകളെ നിയന്ത്രിക്കുന്നതിന് നിര്‍ണായകമാണെന്നാണ് വിദഗ്ധരുടെ നിര്‍ദേശം.

ചര്‍മത്തിന്റെ കാര്യത്തില്‍ അല്‍പ്പം ശ്രദ്ധവേണ്ട കാലമാണ് തണുപ്പ് കാലം.ഇക്കാലത്ത് മിക്ക ആളുകളുടെയും പ്രശ്‌നമാണ് ചര്‍മ്മം വരണ്ടുണങ്ങുന്നത്.
ചര്‍മത്തിലെ ഈര്‍പ്പം കുറവായതിനാലാണ് സാധാരണയായി ഇങ്ങനെ സംഭവിക്കുന്നത്. ഈ സമയത്ത് അന്തരീക്ഷവും വരണ്ടതയാതിനാല്‍,ഇത് ചര്‍മത്തിന്റെ മുകളിലെ പാളിയില്‍ നിന്ന് ഈര്‍പ്പം നഷ്ടപ്പെടാന്‍ ഇടയാക്കുന്നു. അത് ചര്‍മത്തെ വരണ്ട അവസ്ഥയിലേക്ക് നയിക്കുന്നു.

ചര്‍മ്മത്തിലെ വരള്‍ച്ച മാറ്റാന്‍ ബീറ്റ്‌റൂട്ട് ചര്‍മ്മത്തെ സംരക്ഷിക്കുകയും മുഖക്കുരു പോലുള്ള ചര്‍മ്മ പ്രശ്നങ്ങളെ ചെറുക്കാന്‍ സഹായിക്കുകയും ചെയ്യുന്നു,ശൈത്യകാലത്ത് നിര്‍ബന്ധമായും കഴിക്കേണ്ട ഒന്നാണ് ഓറഞ്ച്. വരണ്ട ചര്‍മ്മത്തിന്റെ കാര്യത്തില്‍, ഓറഞ്ചിലെ (മറ്റ് സിട്രസ് പഴങ്ങള്‍) ഉയര്‍ന്ന വിറ്റാമിന്‍ സി ഉള്ളടക്കം ചര്‍മ്മത്തെ ജലാംശം ഉള്ളതും ഉറപ്പുള്ളതുമായി നിലനിര്‍ത്താന്‍ സഹായിക്കുന്നു. കൂടാതെ ഇതില്‍ ഉയര്‍ന്ന അളവിലുള്ള ജലാംശം അടങ്ങിയിട്ടുണ്ട്.

ശൈത്യകാലത്ത് മിക്ക ഭക്ഷണക്രമങ്ങളിലും നെല്ലിക്ക നിര്‍ബന്ധമായും ഉള്‍പ്പെടുത്തേണ്ട ഒന്നാണ്. ചര്‍മ്മാരോഗ്യത്തിന്റെ കാര്യത്തില്‍, നെല്ലിക്കയിലെ ഉയര്‍ന്ന വിറ്റാമിന്‍ സി ഉള്ളടക്കം ചര്‍മ്മത്തെ സംരക്ഷിക്കുകയും ഉള്ളില്‍ നിന്ന് പുനരുജ്ജീവിപ്പിക്കുകയും ചെയ്യുന്നു. ചര്‍മ്മം വരണ്ടുപോകുമ്പോള്‍ അണുബാധകളില്‍ നിന്ന് സംരക്ഷിക്കുന്ന ആന്റി-ബാക്ടീരിയല്‍ ഗുണങ്ങളും ഇതില്‍ അടങ്ങിയിട്ടുണ്ട്. ഉറങ്ങുന്നതിനുമുമ്പ് ഒരു ഗ്ലാസ് മഞ്ഞള്‍ പാല്‍ കുടിക്കുന്നത് വരണ്ട ചര്‍മ്മം, അണുബാധകള്‍, ദഹന പ്രശ്‌നങ്ങള്‍ എന്നിവയില്‍ നിന്ന് സംരക്ഷിക്കും.

മോയ്‌സ്ചറൈസറുകളും തണുപ്പ് കാലത്ത് ചര്‍മത്തെ വരള്‍ച്ചയില്‍ നിന്നും സഹായിക്കും, ചൂടുവെള്ളത്തിലുള്ള കുളി, സോപ്പിന്റെ് ഉപയോഗം എന്നിവ കുറയ്‌ക്കേണ്ടതാണ്. കൂടാതെ, തൈര്, ചെറുപയര്‍ പൊടി, വെള്ളരിക്ക നീര്, വെളിച്ചെണ്ണ എന്നിവ ഉപയോഗിച്ചുള്ള വീട്ടുചികിത്സകളും ഫലപ്രദമാണ്. വിറ്റാമിന്‍ സി, ഒമേഗ-3 ഫാറ്റി ആസിഡുകള്‍ അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുന്നതും ചര്‍മ്മത്തിന് നല്ലതാണ്. ദിവസം മുഴുവന്‍ ധാരാളം വെള്ളം കുടിക്കുന്നതും ചര്‍മത്തെ വരള്‍ച്ചയില്‍ നിന്നും സംരക്ഷിക്കാം.