local
ഖത്തറില് പന്തുരുളും; ഇവിടെ മനസും
നാലുകൊല്ലത്തില് ഒരിക്കല് വിരുന്നെത്തുന്ന ഫുട്ബോള് വിപണിയും ഇത്തവണ അടിപൊളിയായിട്ടുണ്ട്.
മലപ്പുറം: മുമ്പെങ്ങുമില്ലാത്ത ആവേശമാണ് ഇത്തവണ ലോകകപ്പ് ഫുട്ബോളിന്. മലയാളി പ്രവാസികള് ഏറെയുള്ള ഖത്തറിലാണ് ഇത്തവണത്തെ ലോകകപ്പ് ഫുട്ബോള് എന്നതിനാല് ഗള്ഫിലുള്ള മക്കളുടെ ഫോണ് വിളികളില് വരെ ലോകകപ്പ് വിശേഷണങ്ങളാണ്. കുട്ടികളും മുതിര്ന്നവരും ഉമ്മമാരുമെല്ലാം കാത്തിരിക്കുന്ന ലോകകപ്പാണ് വരുന്നത്. മലപ്പുറത്തു നിന്നുതന്നെ നൂറുകണക്കിനാളുകള് ഇത്തവണത്തെ ലോകകപ്പ് നേരിട്ടും കാണും. ഇതെല്ലാം കൂടെയായതോടെ ഇത്തവണത്തെ ലോകകപ്പ് ഇത്തിരി കളറാണ്.
നാലുകൊല്ലത്തില് ഒരിക്കല് വിരുന്നെത്തുന്ന ഫുട്ബോള് വിപണിയും ഇത്തവണ അടിപൊളിയായിട്ടുണ്ട്. ഫ്ളക്സ്, കൊടി, തോരണങ്ങള്, പടക്കം, സ്ക്രീന് തുടങ്ങിയവക്ക് ആവശ്യക്കാരേറെയാണ്. ഫ്ളക്സുകളില് നിന്നും മാറി കട്ടൗട്ടുകളാണ് ഇത്തവണ ട്രെന്റ്. റോഡ് മുഴുവന് മൂടുന്ന കൊടി തോരണങ്ങളും ഇത്തവണ കൂടുതല് കാണാനാകും. നഗര ഗ്രാമ വ്യത്യാസമില്ലാതെ ജില്ലയില് മുഴുവന് ഫുട്ബോള് ഫാന്സുകാര് കയ്യേറിയിരിക്കുകയാണ്. ഫാന് ഫൈറ്റ് ശക്തിപ്പെട്ടതോടെ നാടും നഗരവും ലോകകപ്പ് ടീമുകളുടെ താരങ്ങളും കൊടികളുമായി തിളങ്ങി നില്ക്കുകയാണ്.
കട്ടൗട്ടാണ് താരം
കൊടിയും തോരണങ്ങളും കിട്ടാനില്ല. ഫ്ളക്സ് കടകളിലാണെങ്കില് തിരക്കോട് തിരക്ക്. മത്സരങ്ങള് ആരംഭിക്കുന്നതോടെ ആവശ്യക്കാരേറുന്ന പടക്കവിപണിയും സെറ്റ്. ആദ്യം കുറച്ച് മന്തഗതിയിലായിരുന്നു ലോകകപ്പ് ഫുട്ബോള് വിപണി വ്യാപാരികളുടെ പ്രതീക്ഷികള് പോലും തെറ്റിച്ച് മുന്നേറുകയാണ്. കോവിഡ് തകര്ച്ചക്ക് ശേഷം കരകയറാനുള്ള പിടിവള്ളി കൂടിയായിട്ടാണ് വ്യാപാരികള് ലോകകപ്പിനെ കാണുന്നത്. ഫ്ളക്സുകളും കട്ടൗട്ടുകളുമായി ഇത്തവണ വ്യാപാരം വര്ധിച്ചിരിക്കുകയാണെന്നാണ് വ്യാപാരികള് പറയുന്നത്. ആവശ്യങ്ങള്ക്കനുസരിച്ച് സമയബന്ധിതമായി പ്രിന്റ് ചെയ്തുകൊടുക്കാന് കഴിയാത്ത നിസ്സഹായാവസ്ഥയും വ്യാപാരികള് പങ്കുവെച്ചു.
അത്രയുമാണ് ഓരോ ദിവസവും ഓര്ഡര് വരുന്നത്. ഫ്ളക്സുകള് ഉണ്ടെങ്കിലും മുമ്പത്തെ അപേക്ഷിച്ച് കട്ടൗട്ടുകളുടെ ആവശ്യക്കാര് വര്ധിച്ചുവെന്നും കോഴിക്കോട്ട് വൈറലായ കട്ടൗട്ട് യുദ്ധം ഇതിന് കാരണമായിട്ടുണ്ടാകാമെന്നുമാണ് വ്യാപാരികള് പറയുന്നത്. ജഴ്സിയും കൊടികളും തോരണങ്ങളും വലിയ തോതിലാണ് വിറ്റുപോകുന്നത്. മത്സരം ആരംഭിക്കുന്നതോടെ പടക്ക വിപണിയും സജ്ജീവമാകുമെന്ന് തന്നെയാണ് വ്യാപാരികളുടെയും പ്രതീക്ഷ. പലരും ഇതിനോടകം തന്നെ പടക്കങ്ങളും വാങ്ങി സൂക്ഷിച്ചിട്ടുണ്ട്. വലിയ തോതില് പടക്കങ്ങളും അനുബന്ധ സാധനങ്ങളും വലിയ തോതില് വാങ്ങി വെച്ചിട്ടുണ്ട് ഓരോ പടക്ക കച്ചവടക്കാരനും. ഗ്രാമങ്ങളില് പോലും ലക്ഷങ്ങളാണ് ഫുട്ബോള് ആരാധകര് സ്വന്തം ടീമിനായി ചിലവഴിക്കുന്നത്. സാമൂഹ്യ മാധ്യമങ്ങള് കൂടുതല് സജീവമായതും ഫാന് ഫൈറ്റിന് ആക്കം കൂട്ടിയിട്ടുണ്ട്.
സ്ക്രീനിനായി
നെട്ടോട്ടം
എല്ലാവര്ക്കും കൂടെ ഒരുമിച്ചിരുന്ന കളി കാണാനുള്ള സൗകര്യത്തിനായി വലിയ ബിഗ് സ്ക്രീന് ഒരുക്കാനുള്ള തയ്യാറെടുപ്പിലാണ് പലരും. എന്നാല് സ്ക്രീനുകളുടെ ലഭ്യത കുറവ് ഇത്തരക്കാരെ നിരാശരാക്കിയിട്ടുണ്ട്. പ്രൊജക്ടര് ഉപയോഗിച്ചാല് വീഡിയോക്ക് വേണ്ടത്ര വ്യക്തതയുണ്ടാവില്ല എന്നത് കൊണ്ടുതന്നെ എല്.ഇ.ഡി ഡിസ്പ്ലേകള്ക്കാണ് ആവശ്യക്കാരേറെ. പാനലുകള് കോര്ത്തിണക്കിയാണ് ഇത് ഒരുക്കുന്നത്. ചതുരശ്രയടിക്ക് 130 മുതല് 180 വരെയാണ് വാടകയായി നല്കേണ്ടത്. ആവശ്യക്കാര് ഏറിയതോടെ വാടക വര്ധിപ്പിച്ചതായും പരാതിയുണ്ട്. എന്നാല് ഇതുതന്നെ കിട്ടാനില്ലാത്ത അവസ്ഥയാണ്. കഴിഞ്ഞ തവണ പല തീയ്യേറ്ററുകളിലും കളി പ്രദര്ശിപ്പിച്ചിരുന്നു. ഇത്തവണയും അത് പ്രതീക്ഷിക്കാം.
local
ലോകസമാധാനത്തിന്റെ വിസ്മയ ചിത്രം; ടുണീഷ്യയെ ഹൃദയത്തിലേറ്റി മാട്ടൂല് നാടൊന്നാകെ
മാട്ടൂലിന്റെ സന്തോഷ നിമിഷത്തെ ധന്യമാക്കിയ ഇന്ത്യയിലെ ടുണീഷ്യന് എംബസിക്ക് അഭിനന്ദനങ്ങളും അറിയിക്കുകയാണ് നാടിന്റെ ഒത്തുചേരലില്. മുസ്തഫയുടെ ചിത്രം ടുണീഷ്യ ലോകത്തിന് മുന്നില് പ്രദര്ശിപ്പിക്കുമ്പോള് ഇ-മെയിലായാണ് അഭിനന്ദനവുമായി ആഹ്ലാദത്തിന്റെ സന്ദേശമൊഴുകുന്നത്.
കണ്ണൂര്: ജയത്തിലും ആര്മാദിക്കാതെ വേദനകളൂറും വാക്കുകള്.. ഹൃദയംതൊട്ട ടെന്നീസിലെ ടുണീഷ്യന് വനിതാ താരം ഓണ്സ് ജാബറിന്റെ ചിത്രം ചരിത്രമാകുമ്പോള് അഭിമാന നിമിഷങ്ങള്ക്ക് കൈയടിക്കുകയാണ് മാട്ടൂല് ജനത. മാട്ടൂല് സ്വദേശി സി.എം.കെ മുസ്തഫ വരച്ച സമാധാന സന്ദേശ ചിത്രം ടൂണീഷ്യന് എംബസിയില് പ്രദര്ശിപ്പിക്കുന്ന വേളയിലാണ് ഗ്രാമ പഞ്ചായത്ത് നേതൃത്വത്തില് നാട് അഭിമാനപൂരിതമാകുന്നത്. മാട്ടൂലിന്റെ സന്തോഷ നിമിഷത്തെ ധന്യമാക്കിയ ഇന്ത്യയിലെ ടുണീഷ്യന് എംബസിക്ക് അഭിനന്ദനങ്ങളും അറിയിക്കുകയാണ് നാടിന്റെ ഒത്തുചേരലില്. മുസ്തഫയുടെ ചിത്രം ടുണീഷ്യ ലോകത്തിന് മുന്നില് പ്രദര്ശിപ്പിക്കുമ്പോള് ഇ-മെയിലായാണ് അഭിനന്ദനവുമായി ആഹ്ലാദത്തിന്റെ സന്ദേശമൊഴുകുന്നത്.
ഹൃദയസ്പര്ശിയായ ചിത്രം ലഭിച്ചതോടെ ടുണീഷ്യന് എംബസിയില് പ്രത്യേകയിടമൊരുക്കി പ്രദര്ശിപ്പിക്കുമെന്ന് നേരത്തെ അറിയിച്ചിരുന്നു. ലോകത്തിന്റെ ഐക്യവും സമാധാനവും പ്രോത്സാാഹിപ്പിക്കുന്നതാണ് മുസ്തഫയുടെ ചിത്രം.
തന്റെയൊരു പെയിന്റിംഗ് ലോക സമാധാനത്തിന്റെ പ്രതീകമാകുമാറ് അംഗീകരിക്കപ്പെടുമ്പോള് സന്തോഷനിറവിലാണ് ചിത്രകാരന് മുസ്തഫ. നാടിന്റെ പിന്തുണയും സ്നേഹവുമാണ് തന്നെ ഈ നേട്ടത്തിലേക്കെത്തിച്ചതെന്നും ഈ കലാകാരന് പറയുന്നു. ഒരു ചിത്രത്തിലൂടെ ലോകത്തിന് മുന്നില് നാടിനെ അറിയിച്ച ചരിത്ര മുഹൂര്ത്തം മാട്ടൂലിനെയും അഭിമാന നിറവിലാക്കിയെന്ന് പഞ്ചായത്ത് പ്രസിഡന്റ് കെ ഫാരിഷയും വൈസ് പ്രസിഡന്റ് ഗഫൂര് മാട്ടൂലും സാമൂഹ്യപ്രവര്ത്തകന് ടി.പി അബ്ബാസ് ഹാജിയും അഭിപ്രായപ്പെട്ടു. പൊതുപ്രവര്വര്ത്തകരായ പി.വി ഇബ്രാഹിം, പി.സി ഷാജഹാന്, ടി.ടി.വി ഹാഷിം, എം രാജു, പി.വി പ്രദീപ്, അജിത്ത് മാട്ടൂല് എന്നിവരും പൂര്ണ പിന്തുണയുമായി രംഗത്തുണ്ട്. രാജ്മോഹന് ഉണ്ണിത്താന് എംപിയുടെ സഹകരണവും സന്തോഷ നിമിഷങ്ങള്ക്ക് കരുത്താകുകയാണ്.
2023 നവംബര് ഒന്നിന് നടന്ന വനിതാ ടെന്നീസ് മത്സരത്തിലെ ജേതാവ് ഓണ്സ് ജാബര് സമ്മാനച്ചടങ്ങില് വിതുമ്പലോടെ പങ്കുവെച്ച ആ വാക്കുകളാണ് ഹൃദയസ്പര്ശിയായ സമാധാന ചിത്രത്തിന്റെ പിറവി. താരത്തിന്റെ വാക്കുകള്ക്ക് മൂന്നില് വികാരാധീതനായ മുസ്തഫ സമ്മാനദാന ചടങ്ങിലെ ആ ദൃശ്യത്തെ കാന്വാസിലാക്കിയതോടെ ലോകം ശ്രദ്ധിക്കുന്ന കാഴ്ചയായി മാറുകയായിരുന്നു ആ ചിത്രം. തന്റെ ആ ചിത്രങ്ങള് ടൂണീഷ്യയില് എത്തിക്കാനാകാത്ത സാഹചര്യത്തില് നിന്നും പിന്മാറാതെ ഡല്ഹിയിലെ ടൂണീഷ്യന് എംബസി വഴിയാണ് ആ ദൗത്യം വിജയിപ്പിച്ചെടുത്തത്. സാമൂഹ്യ-രാഷ്ട്രീയ പ്രവര്ത്തകരുടെ പിന്തുണയില് ലോകസമാധാന ചിത്രവുമായി ബന്ധപ്പെട്ട വിവരങ്ങള് അയച്ചും ആശയവിനിമയം നടത്തി കാത്തിരിപ്പുകള്ക്കൊടുവില് തന്റെ കാഴ്ചപാടുകള്ക്ക് സ്വപ്നനിറവേകുകയായിരുന്നു മുസ്തഫ.
-സി.എം.കെ മുസ്തഫയുടെ ലോകസമാധാന സന്ദേശ ചിത്രം ടുണീഷ്യന് എംബസിയില് പ്രദര്ശിപ്പിക്കുന്ന വേളയില് ഇ-മെയിലായി നാടിന്റെ സന്തോഷവും അഭിനന്ദനവും അറിയിക്കാന് നേതൃത്വം നല്കിയ ജനപ്രതിനിധികളും പൊതുപ്രവര്ത്തകരും ഒത്തുകൂടിയപ്പോള്
വര്ക്കല: സി.എച്ച് മുഹമ്മദ് കോയ ചാരിറ്റബിള് ട്രസ്റ്റ് ജനറല് സെക്രട്ടറിയും മുസ്ലിം ലീഗ് നേതാവുമായ എ. ഹാമിദ് വേദിയില് കുഴഞ്ഞുവീണ് മരിച്ചു. ഇടവ ജവഹര് പബ്ലിക് സ്കൂളില് ഇന്ന് രാവിലെ 11 മണിയോടെയായിരുന്നു സംഭവം. വര്ഷങ്ങളായി എല്ലാത്തവണയും നടത്തിവരുന്ന സി.എച്ച് അനുസ്മരണ പരിപാടിക്കും വിദ്യാഭ്യാസ അവാര്ഡ് സമ്മാനിക്കലിനുമായാണ് ജവഹര് സ്കൂളില് വേദിയൊരുക്കിയത്. സമ്മേളനം ആരംഭിക്കുന്നതുവരെ മുഖ്യസംഘാടകനായി സജീവമായി നിന്ന ഹാമിദ് പെട്ടെന്ന് കുഴഞ്ഞുവീണത് വേദിയും സദസ്സിലുമുണ്ടായിരുന്നവര്ക്ക് തീരാവേദനയായി. പരിപാടിയില് സ്വാഗത പ്രാസംഗികനായിരുന്നു ഹാമിദ്.
ഉദ്ഘാടകനായ മുസ്ലിം ലീഗ് സംസ്ഥാന സെക്രട്ടറി പ്രൊഫ. ആബിദ് ഹുസൈന് തങ്ങളും മറ്റ് വിശിഷ്ട വ്യക്തികളും 10.45ഓടെ സ്കൂളിലെത്തി, ഹാമിദിന്റെ നേതൃത്വത്തില് കുട്ടികള് ബാന്റ് മേളത്തിന്റെ അകമ്പടിയോടെ സ്വീകരിച്ച് വേദിയിലെത്തിച്ചു. സമ്മേളനത്തിന് മുന്നോടിയായി ഈശ്വര പ്രാര്ത്ഥന നടക്കുന്നതിനിടെയാണ് തൊട്ടടുത്ത് നിന്നിരുന്ന ആബിദ് ഹുസൈന് തങ്ങളുടെ കൈയ്യില് മുറുകെ പിടിച്ച് ഹാമിദ് കസേരയിലേക്ക് ചരിഞ്ഞത്. ഉടന് തന്നെ പാരിപ്പള്ളി മെഡിക്കല് കോളജില് എത്തിച്ചെങ്കിലും മരണം സംഭവിച്ചിരുന്നു. സി.എച്ചിന്റെ വിദ്യാഭ്യാസ കാഴ്ചപ്പാടുകള് പ്രയോഗത്തില് വരുത്താന് വര്ഷങ്ങളായി പ്രവര്ത്തിച്ചുവന്ന നേതാവായിരുന്നു ഹാമിദ്. എല്ലാ വര്ഷവും ഇത്തരം പരിപാടികള് സംഘടിപ്പിക്കാന് അദ്ദേഹം മുന്കൈയെടുത്തു.
ഇടവ പഞ്ചായത്തിലെ നാല് സ്കൂളുകളില് നിന്ന് എസ്.എസ്.എല്.സിക്കും പ്ലസ് ടുവിനും ഫുള് എ പ്ലസ് വാങ്ങിയ വിദ്യാര്ത്ഥികളെ ആദരിക്കാനാണ് ചടങ്ങ് സംഘടിപ്പിച്ചത്. സി.എച്ച് ചാരിറ്റബിള് ട്രസ്റ്റ് പ്രസിഡന്റ് അഡ്വ.എ ഇഖ്ബാല്, വര്ക്കല പോക്സോ കോടതിയിലെ സ്പെഷ്യല് പ്രോസിക്യൂട്ടര് അഡ്വ.പി ഹേമചന്ദ്രന്, കോണ്ഗ്രസ് നേതാവും മുന് എം.എല്.എയുമായ വര്ക്കല കഹാര്, മുസ്ലിം ലീഗ് സംസ്ഥാന പ്രവര്ത്തക സമിതിയംഗം അഡ്വ.കണിയാപുരം ഹലീം, ജില്ലാ പഞ്ചായത്ത് മെമ്പറും സി.പി.ഐ നേതാവുമായ ഗീതാ നസീര്, ജവഹര് സ്കൂള് പ്രിന്സിപ്പല് ഫാദര് ജോഷി മായംപറമ്പില്, മുസ്ലിം ലീഗ് വര്ക്കല മണ്ഡലം വൈസ് പ്രസിഡന്റ് മുഹമ്മദ് റസാഖ് തുടങ്ങിയവര് വേദിയിലുണ്ടായിരുന്നു. ഹാമിദ് കുഴഞ്ഞുവീണതോടെ സമ്മേളനം പെട്ടെന്ന് അവസാനിപ്പിച്ചു. ജനീവയാണ് ഭാര്യ, മക്കള്: വിനോധ്, സനോജ്.
ഖബറടക്കം നാളെ രാവിലെ 10 മണിക്ക് ഇടവ മുസ്ലിം ജമാഅത്ത് ഖബര്സ്ഥാനില്
local
ധനലക്ഷ്മി ഗ്രൂപ്പും ലയണ്സ് ക്ലബ്ബ് 318ഡിയും സംയുക്തമായി 100 പേര്ക്ക് കൃത്രിമക്കാലുകള് സൗജന്യമായി വിതരണം ചെയ്യുന്നു
ധനകാര്യ മേഖലയില് അതിവേഗവളര്ച്ച കൈവരിച്ച് ജനശ്രദ്ധ പിടിച്ചുപറ്റിയ ധനലക്ഷ്മി ഗ്രൂപ്പും ലയണ്സ് ക്ലബ്ബ് 318ഡി യും ചേര്ന്ന് 100 പേര്ക്ക് കൃത്രിമക്കാലുകള് സൗജന്യമായി വിതരണം ചെയ്യുന്നു. ഒക്ടോബര് 2ന് രാവിലെ 10.00 ന് തൃശൂര് ടൗണ്ഹാളില് ല് വച്ച് നടക്കുന്ന ചടങ്ങില് തൃശ്ശൂര് മേയര് ശ്രീ. എം. കെ വര്ഗീസ് ഉദ്ഘാടനം നിര്വ്വഹിക്കും. മുന് ഡിജിപി ശ്രീ ജേക്കബ് തോമസ് മുഖ്യാഥിതിയായിരിക്കും. ലയണ്സ് മള്ട്ടിപ്പിള് കൗണ്സില് സെക്രട്ടറി ജെയിംസ് വളപ്പില, ലയണ്സ് ഡിസ്ട്രിക്ട് ഗവര്ണര്മാരായ ജയകൃഷ്ണന്, സുരേഷ് കെ വാരിയര്, അഷറഫ് കെ എം എന്നിവരും ധനലക്ഷ്മി ഗ്രൂപ്പിന്റെ ഹോള്ടൈം ഡയറക്ടര് ശ്യാംദേവ്, ഡയറക്ടര്മാരായ സുരാജ് കെ ബി, ബൈജു എസ് ചുള്ളിയില്, സുനില് കുമാര് കെ തുടങ്ങിയവര് ചടങ്ങില് സംബന്ധിക്കും.
216 ആദിവാസി യുവതി-യുവാക്കള്ക്കളുടെ സമൂഹ വിവാഹം, തുടങ്ങി നിരവധി സാമൂഹിക സേവനങ്ങള് നടപ്പിലാക്കിയ ധനലക്ഷ്മി ഗ്രൂപ്പ് കൃത്രിമക്കാലുകള് നല്കുന്നതിലൂടെ സേവനത്തിന്റെ ഒരു പുതിയ ചുവടുകൂടി പൂര്ത്തിയാക്കുന്നു. ഇത്തരം പ്രവര്ത്തനങ്ങള് ധനലക്ഷ്മി ഗ്രൂപ്പിന് വളര്ച്ചയുടെ പാതയില് വലിയ പ്രചോദനമാണ് നല്കുന്നത്.’ ധനലക്ഷ്മി ഗ്രൂപ്പ് ചെയര്മാന് ഡോ. വിബിന്ദാസ് കടങ്ങോട്ട് പറഞ്ഞു.
ധനകാര്യ സേവനങ്ങളില് വിശ്വാസ്യതയും സാമൂഹിക പ്രതിബദ്ധതയും ഉറപ്പാക്കുന്നതോടൊപ്പം വയോജന ക്ഷേമ കേന്ദ്രങ്ങള്, ഗൃഹരഹിതര്ക്കുള്ള സഹായങ്ങള്, വിദ്യാര്ത്ഥികള്ക്കുള്ള പ്രോത്സാഹന പദ്ധതികള്, പരിസ്ഥിതി സംരക്ഷണ പ്രവര്ത്തനങ്ങള് തുടങ്ങി, നിരവധി മേഖലകളില് ധനലക്ഷ്മി ഗ്രൂപ്പ് നടത്തുന്ന പ്രവര്ത്തനങ്ങള് സാമൂഹിക ഉത്തരവാദിത്തത്തിന്റെ അതുല്യ മാതൃകയായി നിലകൊള്ളുന്നു. ദീര്ഘവീക്ഷണേത്താടെയുള്ള ആത്മാര്ത്ഥ പ്രവര്ത്തനങ്ങള്ക്കുള്ള അംഗീകാരമായി, ടാലന്റ് ബുക്ക് ഓഫ് റെക്കോര്ഡ്, അമേരിക്ക ബുക്ക് ഓഫ് വേള്ഡ് റെക്കോര്ഡ്, മഹാത്മാഗാന്ധി എക്സലന്സ് അവാര്ഡ്, സ്വിറ്റ്സര്ലാന്ഡ് ഗ്ലോബല് ബിസിനസ് അച്ചീവ്മെന്റ് അവാര്ഡ് തുടങ്ങി നിരവധി ബഹുമതികള്ക്ക് ധനലക്ഷ്മി ഗ്രൂപ്പ് കരസ്ഥമാക്കിയിട്ടുണ്ട്.
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
india10 hours agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
kerala1 day agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
GULF11 hours agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
kerala1 day agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്
-
kerala2 days agoഇടത് സര്ക്കാരിനെതിരെ കുറ്റപത്രവുമായി യു.ഡി.എഫ്
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala1 day agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്