Connect with us

EDUCATION

വിദ്യാർത്ഥികളെ മികച്ച പ്രൊഫഷണലുകളാക്കാൻ ഇലാൻസിന്റെ ‘​പ്രൈം പ്ലസ്’

Published

on

അനുദിനം മാറ്റങ്ങൾക്ക് വിധേയമായിക്കൊണ്ടിരിക്കുന്ന വിദ്യാഭ്യാസരംഗവും ആഗോളതലത്തിൽ ഉയർന്നുവരുന്ന പുത്തൻ സാ​ങ്കേതികവിദ്യകളിലധിഷ്ഠിതമായ തൊഴിലവസരങ്ങളും പുതുതലമുറയിൽപ്പെട്ട വിദ്യാർത്ഥികൾക്ക് മുന്നിൽ കടുത്ത വെല്ലുവിളികളാണ് ഉയർത്തുന്നത്. പ്രത്യേകിച്ച് വിദേശരാജ്യങ്ങളിലും ബഹുരാഷ്ട്ര കമ്പനികളിലും മികച്ച സ്ഥാനങ്ങൾ ലക്ഷ്യംവെക്കുന്ന വിദ്യാർത്ഥികളുടെ എണ്ണത്തിൽ വലിയവർധനവുണ്ടാവുവുകയും ചെയ്യുമ്പോൾ.

ഈ സാഹചര്യത്തിലാണ് തെക്കേ ഇന്ത്യയിലെതന്നെ പ്രമുഖ കൊമേഴ്സ് പരിശീലനകേന്ദ്രമായ കോഴിക്കോട് ആസ്ഥാനമായി പ്രവർത്തിക്കുന്ന ‘ഇലാൻസ്’ കാലത്തിനനുസൃതമായ പുതിയ ആശയങ്ങളുമായി മുന്നോട്ടുവരുന്നത്. ഇതിന്റെ ഭാഗമായാണ് മികച്ച അക്കാദമിക് വിദ്യാഭ്യാസം നൽകുന്നതിനോടൊപ്പം ഇവരെ എത്രയുംപെട്ടെന്ന് ഒരു മികച്ച പ്രൊഫണലാവാൻ പ്രാപ്തരാക്കുന്ന ‘ഇലാൻസ് പ്രൈം പ്ലസ്’ എന്ന പഠനപദ്ധതി അവതരിപ്പിക്കുന്നത്.

ഏതൊരു കോഴ്സിന്റെ കാര്യത്തിലും അക്കാദമിക്കായ അറിവുകൾ അതിന്റെ അടിത്തറ മാത്രമാണ്. അതേസമയം യഥാർത്ഥ ലോകവുമായും തൊഴിൽരംഗവുമായും അതിനെ ബന്ധിപ്പിക്കണമെങ്കിൽ പ്രായോഗികമായ അറിവ് അത്യാവശ്യവും. ജീവിതത്തിന്റെ എല്ലാ മേഖലകളിലും, അത് അക്കാദമികമായാലും, പ്രൊഫഷണൽ പ്രവർത്തനങ്ങളിലായാലും, വ്യക്തിഗത വളർച്ചയിലായാലും, പ്രായോഗിക അറിവ് വളരെ അത്യാവശ്യമായ ഒരു ഘടകമാണ്. എത്രമികച്ച അക്കാദമിക് പരിശീലനം ലഭിച്ച വിദ്യാർത്ഥിക്കും, അവർ ഉയർന്ന റാങ്കുകൾ കരസ്ഥമാക്കിവർകൂടിയാണെങ്കിലും പ്രൊഫഷണൽ രംഗത്തേക്ക് വിജയകരമായി പ്രവേശിക്കണമെങ്കിൽ പ്രായോഗികമായ ചില അറിവുകളും പരിശീലനങ്ങളും വേണ്ടതുണ്ട്. ഇതിനായി ബന്ധപ്പെട്ട വിഷയത്തിൽ പ്രായോഗിക വൈദഗ്ധ്യം (Practical skills) നേടുക എന്നത് വളരെ പ്രധാന്യമുള്ള ഒരു കാര്യമാണ്.

‘ഇലാൻസി’ൽ നിന്ന് ACCA, CMA, CA തുടങ്ങിയ കോഴ്സുകൾ പൂർത്തിയാക്കുന്ന വിദ്യാർത്ഥികൾ, അവർ ഉയർന്ന റാങ്കോടെ ​പ്രൊഫഷണൽ കോഴ്സ് പൂർത്തിയാക്കിവർക്കൂടിയാണെങ്കിലും പ്രായോഗികരംഗത്ത് ചില വെല്ലുവിളികൾ നേരിടേണ്ടിവരും. ഇക്കാര്യങ്ങൾ പരിഗണിച്ചുകൊണ്ട് രൂപംനൽകിയ ഒന്നാണ് ‘ഇലാൻസ് പ്രൈം പ്ലസ്’. ഈ രംഗത്തെ ഏറ്റവും മികച്ച പരിചയസമ്പന്നാരായ അധ്യാപകരും കഴിവുതെളിയിച്ച പ്രൊഫഷണലുകളും ചേർന്നാണ് ഇതിന്റെ സിലബസും പരിശീലനരീതികളും നിർണ്ണയിച്ചിരിക്കുന്നത്.

ഇതിന്റെ ഭാഗമായി ഫലപ്രദമായ ആശയവിനിമയത്തിന് ഭാഷ ഉപയോഗിക്കാനുള്ള ​പരിശീലനം (Language Skills), പവർ ബി.ഐ, എ​​ക്സെൽ, ടാബ്ലോ തുടങ്ങി ബിസിനസ്സ് മേഖലയിൽ അത്യാവ​ശ്യം ഉപയോഗിക്കേണ്ട കമ്പ്യൂട്ടർ പരിജ്ഞാനം, ജോലിക്കപേക്ഷിക്കാനുള്ള റെസ്യൂം തയ്യാറാക്കൽ, ഇന്റർവ്യൂകളെ നല്ലരീതിയിൽ അഭിമുഖികരിക്കേണ്ടവിധം, മികച്ച കമ്പനികളിൽ നിയമനം ലഭിക്കാനുള്ള സഹായം തുടങ്ങിയവയെല്ലാം ‘ഇലാൻസ് പ്രൈം പ്ലസി’ൽ ലഭ്യമാണ്.

ചുരുക്കത്തിൽ, ഒരു യൂണിവേഴ്സിറ്റയുടെ പഠനപദ്ധതികൾക്കുപരി, ജോലിയെടുക്കാനുള്ള ബിസിനസ്സ് രം​ഗത്തേക്കുള്ള വിദഗ്ധരെ സൃഷ്ടിക്കുകയാണ് ഈ സംരംഭത്തിലൂടെ ‘ഇലാൻസ്’ ലക്ഷ്യമിടുന്നത്. പ്ലസ്-2 വിന് ശേഷം കൊമേഴ്സ് വിഷയങ്ങൾ തെരഞ്ഞെടുക്കുന്ന ഓരോ വിദ്യാർത്ഥിയുടെയും സ്വപ്നം എത്രയും വേഗത്തിൽ മികച്ചതും അഭിമാനകരവുമായ ഒരു കരിയറിൽ എത്തിപ്പെടുക എന്നതാണ്. ഈ യാഥാർത്ഥ്യം ഉൾക്കൊണ്ടുകൊണ്ട് കൂടിയാണ് ‘ഇലാൻസ് പ്രൈം പ്ലസി’ന് രൂപം നൽകിയിരിക്കുന്നത്. ACCA, CMA, CA വിദ്യാർത്ഥികൾക്ക് അവരുടെ ആദ്യ ലെവലുകളിൽ പരീക്ഷാഫലങ്ങൾ വിശകലനം ചെയ്തുകൊണ്ടുണ്ടുള്ള സമീപനമാണ് (Exam Analytical Approach) ഇവിടെയുള്ള അധ്യാപകർ നൽകിവരുന്നത്. അതുപോലെത്തന്നെ വിദ്യാർത്ഥികളുടെ ആത്മവിശ്വാസത്തെ ഉയർത്തുന്നതിനായി ഭാഷ​ ഉപയോഗിക്കാനുള്ള പരിശീലനം (Language Training Programs) മുതൽ കമ്പ്യൂട്ടർ പരീശീലനം കൂടി നൽകുകവഴി അവരെ യഥാർത്ഥ പ്രൊഫഷണൽ ജീവിതത്തിലേക്ക് തയ്യാറാക്കുകകൂടിയാണ് ഇതിന്റെ ലക്ഷ്യം.

ഇത്തരത്തിൽ വിദ്യാർത്ഥികൾക്ക് ആവശ്യമുള്ള എല്ലാതരം പ്രായോഗിക അറിവുകളും പരിശീലനവും നൽകുന്ന ‘ഇലാൻസ് പ്രൈം പ്ലസ്’ പ്രോഗ്രാമിൽ ബന്ധപ്പെട്ട സ്ഥാപനങ്ങൾ സന്ദർശിച്ച് അവയുടെ പ്രവർത്തനങ്ങൾ നേരിട്ട് കാണാനും പ്രായോഗിക പരിചയത്തിനായി പ്രമുഖ കമ്പനികൾ ഇന്റേണൽഷിപ്പ് ചെയ്യാനുമുള്ള അവസരമുണ്ട്.
വിദ്യാർത്ഥികളെ ഏറ്റവും മികച്ച കമ്പനികളിലെ ഉന്നത സ്ഥാനത്തെക്കുകയാണ് ‘ഇലാൻസി’ ന്റെ ലക്ഷ്യമെന്നും ഇതിന്റെ ഭാഗമായാണ് ‘പ്രൈം പ്ലസ്’ പോലുള്ള സ്വപ്നപദ്ധതികൾ അവതരിപ്പിക്കുന്നതെന്നും ഈ കോഴ്സ് പൂർത്തിയാക്കുന്ന ഓരോ വിദ്യാർത്ഥിയും ഉന്നതസ്ഥാനങ്ങളിലെത്തുമെന്നകാര്യത്തിൽ സംശയമില്ലെന്നും ‘ഇലാൻസ്​’ സി.ഇ.ഒ പി.വി. ജിഷ്ണു പറഞ്ഞു. ​കൂടുതൽ വിവരങ്ങൾക്ക് : +91 7025107070

Continue Reading
Advertisement
Click to comment

Leave a Reply

Your email address will not be published. Required fields are marked *

EDUCATION

പ്ലസ് വണ്‍ സ്‌കൂള്‍ മാറ്റം; പ്രവേശനം ഇന്ന് വൈകീട്ട് 4 വരെ

ട്രാന്‍സ്ഫര്‍ അലോട്ട്മെന്റ് ഫലം പരിശോധിക്കാനുള്ള സൗകര്യം കുട്ടി ചേര്‍ന്ന സ്‌കൂളില്‍ ലഭ്യമാക്കാന്‍ പൊതുവിദ്യാഭ്യാസ വകുപ്പ് ഡയറക്ടര്‍ നിര്‍ദേശിച്ചിട്ടുണ്ട്.

Published

on

മെറിറ്റില്‍ പ്ലസ് വണ്‍ പ്രവേശനം നേടിയവരില്‍ സ്‌കൂളും വിഷയവും മാറാന്‍ അനുമതി ലഭിച്ചവര്‍ക്ക് ഇന്ന് വൈകുന്നേരം നാലിന് മുമ്പായി പുതിയ പ്രവേശനം നേടണം. ട്രാന്‍സ്ഫര്‍ അലോട്ട്മെന്റ് ഫലം പരിശോധിക്കാനുള്ള സൗകര്യം കുട്ടി ചേര്‍ന്ന സ്‌കൂളില്‍ ലഭ്യമാക്കാന്‍ പൊതുവിദ്യാഭ്യാസ വകുപ്പ് ഡയറക്ടര്‍ നിര്‍ദേശിച്ചിട്ടുണ്ട്.

അലോട്ട്മെന്റ് കത്തിന്റെ പ്രിന്റും സ്‌കൂളില്‍ നിന്നും നല്‍കണം. അതേ സ്‌കൂളില്‍ തന്നെ മറ്റ് വിഷയത്തിലേക്ക് മാറ്റം ലഭിച്ചവര്‍ക്ക് ഈ കത്തുമായി ചേരാം. അധികമായി വേണ്ടിവരുന്ന ഫീസ് അടയ്ക്കണം.

മറ്റൊരു സ്‌കൂളിലേക്കാണ് മാറ്റം ലഭിച്ചിട്ടുള്ളതെങ്കില്‍ ആ സ്‌കൂളില്‍ ചേരുന്നതിനായി ടി.സി സ്വഭാവ സര്‍ട്ടിഫിക്കറ്റ്, പ്രവേശന സമയത്ത് ഹാജരാക്കിയ മറ്റ് അസല്‍ രേഖകള്‍ എന്നിവ നല്‍കേണ്ടതാണ്. ഇവയുമായി പുതിയ സ്‌കൂളില്‍ ചേരുമ്പോള്‍ പി.ടി.എ ഫണ്ട്, കോഷന്‍ ഡിപ്പോസിറ്റ് എന്നിവയും അധികമായി വേണ്ട ഫീസും അടയ്ക്കണം.

ആദ്യം പ്രവേശനം നേടിയ സ്‌കൂളില്‍ നിന്ന് രക്ഷിതാവിന്റെ അപേക്ഷ പ്രകാരം പി.ടി.എ ഫണ്ട്, കോഷന്‍ ഡിപ്പോസിറ്റ് എന്നിവ മടക്കി നല്‍കണമെന്നും നിര്‍ദേശമുണ്ട്. അതേസമയം ഏകജാലകം വഴി മെറിറ്റില്‍ പ്രവേശനം നേടിയവരില്‍ 25,052 കുട്ടികള്‍ക്കാണ് സ്‌കൂളും വിഷയവും മാറാന്‍ അനുമതി ലഭിച്ചത്. ഇതില്‍ 20,395 പേര്‍ക്കും സ്‌കൂള്‍ മാറ്റം കിട്ടി. 4567 കുട്ടികള്‍ക്ക് നിലവിലെ സ്‌കൂളില്‍ തന്നെ മറ്റൊരു വിഷയത്തില്‍ പ്രവേശനം ലഭിച്ചു. ആകെ അപേക്ഷകര്‍ 44,830 ആണ്. ഇവരില്‍ 19,778 പേര്‍ക്ക് മാറ്റം കിട്ടിയില്ല.

Continue Reading

EDUCATION

കാലിക്കറ്റ് സര്‍വകലാശാല അധ്യാപക നിയമനത്തിന് അപേക്ഷ തീയതി നീട്ടി

അപേക്ഷയുടെ ഹാർഡ് കോപ്പി സമർപ്പിക്കേണ്ട അവസാന തീയതി ഓഗസ്റ്റ് 22.

Published

on

പഠന വകുപ്പുകളിലെ പ്രൊഫസർ, അസോസിയേറ്റ് പ്രൊഫസർ, അസിസ്റ്റന്റ് പ്രൊഫസർ (എൻ.സി.എ. ഒഴിവുകള്‍ ഉള്‍പ്പെടെ) തസ്തികകളിലേക്കുള്ള നിയമനത്തിന് ഓണ്‍ലൈൻ അപേക്ഷ സമർപ്പിക്കുന്നതിനുള്ള അവസാന തീയതി ഓഗസ്റ്റ് 12 വരെ നീട്ടി.

അപേക്ഷയുടെ ഹാർഡ് കോപ്പി സമർപ്പിക്കേണ്ട അവസാന തീയതി ഓഗസ്റ്റ് 22.

Continue Reading

EDUCATION

ഹാരപ്പൻ സംസ്‌കാരത്തെയും വെട്ടി; സിന്ധു-സരസ്വതി നാഗരികതയെന്ന് തിരുത്തി എൻ.സി.ഇ.ആർ.ടി ചരിത്ര പാഠപുസ്തകം

ജാതി വിവേചനത്തെയും അസമത്വങ്ങളെയും കുറിച്ചുള്ള പരാമർശങ്ങളും ദലിത് എന്ന വാക്കിന്റെ നിർവചനവും പാഠപുസ്തകത്തിൽ നിന്ന് നീക്കിയിട്ടുണ്ട്

Published

on

ഹാരപ്പൻ സംസ്‌കാരത്തെ ‘സിന്ധു-സരസ്വതി നാഗരികത’ എന്ന് തിരുത്തി എൻ.സി.ഇ.ആർ.ടി. ആറാം ക്ലാസിലെ സോഷ്യൽ സയൻസ് പാഠപുസ്തകത്തിലാണ് ഹാരപ്പൻ സംസ്‌കാരത്തെ തിരുത്തിയത്. ‘എക്‌സ്‌പ്ലോറിംഗ് സൊസൈറ്റി: ഇന്ത്യ ആൻഡ് ബിയോണ്ട്’ എന്ന പേരിൽ കഴിഞ്ഞദിവസമാണ് പുസ്തകമിറങ്ങിയത്.

സരസ്വതി നദിയെക്കുറിച്ചും യൂണിറ്റ് ഉപശീർഷകത്തിൽ പരാമർശിക്കുന്നുണ്ട്. സരസ്വതി നദി അപ്രത്യക്ഷമായില്ലെന്നും ഇന്ത്യയിൽ ‘ഗഗ്ഗർ’ എന്ന പേരിലും പാകിസ്താനിൽ ‘ഹക്ര’ എന്ന പേരിലും നദി ഒഴുകുന്നുണ്ടെന്നും പുസ്തകത്തിൽ പറയുന്നു. ‘ഋഗ്വേദ’ത്തിൽ സരസ്വതി നദിയെപ്പറ്റിയുള്ള പരാമർശത്തെക്കുറിച്ച് പുസ്തകത്തിൽ എഴുതിയിട്ടുണ്ട്. ഹാരപ്പൻ നഗരങ്ങളുടെ തകർച്ചയ്ക്ക് പിന്നിൽ സരസ്വദി നദി വറ്റിവരണ്ടതാണെന്നും പാഠപുസ്തകത്തിൽ പറയുന്നു.എന്നാൽ പഴയ പാഠപുസ്തകങ്ങളിൽ സരസ്വതി നദി വറ്റിവരണ്ടതായി പരാമർശിക്കുന്നില്ല.

ഇന്ത്യക്ക് സ്വന്തമായി സമയക്രമം നിശ്ചയിക്കുന്നതിന് സംവിധാനമുണ്ടായിരുന്നതായും പാഠപുസ്തകത്തിലുണ്ട്. ഗ്രീനിച്ച് മെറിഡിയൻ നിശ്ചയിക്കുന്നതിന് നൂറ്റാണ്ടുകൾക്ക് മുന്നെ ‘ഉജ്ജയിനി മെറിഡിയൻ’ എന്ന് വിളിക്കുന്നപ്പെടുന്ന ഒരു ‘പ്രൈം മെറിഡിയൻ’ ഇന്ത്യക്ക് ഉണ്ടായിരുന്നെന്നും പുസ്തകത്തിലുണ്ട്. പർവതങ്ങളെയും ഭൂപ്രകൃതിയെയും കുറിച്ചുള്ള ഭൂമിശാസ്ത്ര വിഭാഗത്തിൽ കാളിദാസന്റെ കവിതകളും ഉൾപ്പെടുത്തിയിട്ടുണ്ട്.

കാളിദാസന്റെ കുമാര സംഭവവും അതിലെ ഹിമാലയൻ പരാമർശവുമാണ് ഉൾപ്പെടുത്തിയിരിക്കുന്നത്. ജാതി വിവേചനത്തെയും അസമത്വങ്ങളെയും കുറിച്ചുള്ള പരാമർശങ്ങളും ദലിത് എന്ന വാക്കിന്റെ നിർവചനവും പാഠപുസ്തകത്തിൽ നിന്ന് നീക്കിയിട്ടുണ്ട്. നിരവധി സംസ്‌കൃത പദങ്ങളും പാഠപുസ്തകത്തിലുണ്ട്. സംസ്‌കൃത പദങ്ങളുടെ ഉച്ചാരണം സംബന്ധിച്ച ഒരു കുറിപ്പ് തന്നെ പുസ്തകത്തിൽ നൽകിയിട്ടുണ്ട്.

Continue Reading

Trending