Video Stories
ഷാര്ജയില് മലയാളിയെ ഇടങ്കാലിട്ട് വീഴ്ത്തി 2,500 ദിര്ഹം കവര്ന്നു
സുബൈര് വള്ളിക്കാട്
ഷാര്ജ: റോഡരികിലൂടെ നടന്ന് പോവുകയായിരുന്ന മലയാളിയെ ഇടങ്കാലിട്ടു വീഴ്ത്തി 2500 ദിര്ഹം കവര്ന്നു. ഇന്നലെ വൈകുന്നേരം ആറ് മണിയോടെ ഷാര്ജ റോള മാര്ക്കറ്റിലാണ് സംഭവം. അക്രമികളില്പെട്ട ഒരാളെ ജനങ്ങള് ഓടിച്ച് പിടികൂടി പോലീസില് പോലീസില് ഏല്പ്പിച്ചു. ഷാര്ജയില് ജോലി ചെയ്യുന്ന വടകര വില്യാപ്പള്ളി സ്വദേശി മഠത്തില് സജീറാണ് കവര്ച്ചക്കിരയായത്.
റോഡരികിലൂടെ നടന്ന് പോവുകയായിരുന്ന സജീറിനെ ആഫ്രിക്കന് വംശജനായ ആള് പിന്നില് നിന്ന് ഇടങ്കാല് വെച്ച് വീഴ്ത്തുകയും ഉടന് തന്നെ മറ്റൊരു ആഫ്രിക്കന് വംശജന് പിടിച്ച് ഇദ്ദേഹത്തെ എഴുന്നേല്പ്പിക്കാന് ശ്രമിക്കുകയും ഇതിനിടയില്, മലയാളിയുടെ പോക്കറ്റില് ഉണ്ടായിരുന്ന 2500 ദിര്ഹം കൈക്കലാക്കിയ പോക്കറ്റടി സംഘം തൊട്ടടുത്ത കെട്ടിടങ്ങള്ക്കിടയിലേക്ക് ഓടി മറയുകയുമായിരുന്നു.
അപകടം മനസിലാക്കിയ മലയാളി ബഹളം വെച്ച് പിന്നാലെ ഓടുകയും കണ്ടു നിന്ന ചില ബംഗ്ലാദേശുകാരുടെ സഹായത്തോടെ പോക്കറ്റടിക്കാരനില് ഒരാളെ പിടികൂടുകയും ചെയ്തു. ജനങ്ങള് നന്നായി കൈകാര്യം ചെയ്ത ശേഷമാണ് പോലീസില് ഏല്പ്പിച്ചത്. എന്നാല്, തന്റെ പോക്കറ്റില് നിന്നും പണം കൈക്കലാക്കിയ അക്രമി ഓടി രക്ഷപ്പെട്ടതായി സജീര് മിഡില് ഈസ്റ്റ് ചന്ദ്രികയോട് പറഞ്ഞു. റോള മാര്ക്കറ്റില് ഏറ്റവും തിരക്കേറിയ സമയത്താണ് സംഭവം. വഴിയരികിലൂടെ നടന്ന് പോകുന്നവരുടെ ശരീരത്തില് തുപ്പുകയും മാപ്പ് പറഞ്ഞ് അത് വൃത്തിയാക്കുന്ന വ്യാജേന പണം കവരുകയും ചെയ്യുന്ന സംഘങ്ങളെ കുറിച്ചുള്ള വാര്ത്ത മിഡില് ഈസ്റ്റ് ചന്ദ്രിക അടക്കമുള്ള പത്രങ്ങള് മുമ്പും റിപ്പോര്ട്ട് ചെയ്തതാണ്.
എന്നാല്, നടന്ന് പോകുന്നവരെ പിന്നില് നിന്ന് ഇടങ്കാല് വെച്ച് തള്ളിയിട്ട് പണം തട്ടുന്ന സംഭവം ആദ്യമാണ്. തിരക്കേറിയ സ്ഥലത്തും സബ് വേ പോലുള്ള ഇടുങ്ങിയ വഴികളിലുമാണ് ഇത്തരം തട്ടിപ്പുകാരുടെ പ്രധാന കേന്ദ്രങ്ങള്. തിരക്കിനിടയിലൂടെ ധൃതി പിടിച്ച് പോകുന്നവരായി അഭിനയിക്കുന്ന പോക്കറ്റടി സംഘം നിമിഷങ്ങള്ക്കുള്ളിലാണ് ഇത്തരം വേലകള് ചെയ്യുന്നതും ഒപ്പം പണം കവരുന്നതും.
kerala
കണ്ണൂരില് നിര്മാണത്തിലിരുന്ന വീട്ടിലെ സെപ്റ്റിക് ടാങ്കില് വീണ് മൂന്ന് വയസുകാരന് മരിച്ചു
കണ്ണൂര് കതിരൂര് പുല്യോട് ആണ് സംഭവം നടന്നത്.
നിര്മാണത്തിലിരുന്ന വീട്ടിലെ സെപ്റ്റിക് ടാങ്കില് വീണ് മൂന്ന് വയസുകാരന് മരിച്ചു. കണ്ണൂര് കതിരൂര് പുല്യോട് ആണ് സംഭവം നടന്നത്. മുഹമ്മദ് മാര്വാന് (3) ആണ് മരിച്ചത്. കുടുംബവീട്ടില് കളിക്കാന് പോയതായിരുന്നു. കാല് വഴുതി വീണതാണെന്ന് പ്രാഥമിക നിഗമനം.
ടാങ്ക് നിറയെ വെള്ളം ഉണ്ടായിരുന്നു. കതിരൂര് പുല്യോട് വെസ്റ്റ് സ്വദേശി അന്ഷിലിന്റെ മകന് മാര്വാന് ആണ് മരിച്ചത്. മൃതദേഹം തലശ്ശേരി ജനറല് ആശുപത്രിയിലേക്ക് മാറ്റിയിരിക്കുകയാണ്.
Video Stories
വിവാഹ വാഗ്ദാനം നല്കി 49 ലക്ഷം തട്ടി; സൈബര് തട്ടിപ്പില് 42കാരന് കുടുങ്ങി
വിവാഹ വാഗ്ദാനം നല്കി പരിചയം സ്ഥാപിച്ച യുവതി 15 ദിവസത്തിനുള്ളില് 49 ലക്ഷം രൂപ…
ഗാസിയാബാദ്: ജീവിത പങ്കാളിയെ തേടി മാട്രിമോണിയല് സൈറ്റുകളില് രജിസ്റ്റര് ചെയ്യുന്നവര് അതീവ ജാഗ്രത പാലിക്കണമെന്ന് മുന്നറിയിപ്പുമായി ഗാസിയാബാദില് നടന്ന വന് സൈബര് തട്ടിപ്പ്. വിവാഹ വാഗ്ദാനം നല്കി പരിചയം സ്ഥാപിച്ച യുവതി 15 ദിവസത്തിനുള്ളില് 49 ലക്ഷം രൂപ തട്ടിയെടുത്ത സംഭവമാണ് ഇപ്പോള് പുറത്തുവന്നിരിക്കുന്നത്.
വൈശാലി സ്വദേശിയായ 42കാരനായ അഭിഷേക് ചൗധരി എന്ന പി.എച്ച്.ഡി വിദ്യാര്ത്ഥിയാണ് സൈബര് തട്ടിപ്പിന് ഇരയായത്. മാട്രിമോണിയല് സൈറ്റിലൂടെ പരിചയപ്പെട്ട യുവതിയുമായി വിവാഹം വരെ ഉറപ്പിക്കുന്ന തരത്തില് ബന്ധം വളര്ന്നതോടെയാണ് തട്ടിപ്പിന്റെ തുടക്കം.
സംഭാഷണത്തിനിടയില്, യുവതി ജലന്ധറിലും ഡല്ഹി എന്സിആറിലും തന്റെ കുടുംബം റിയല് എസ്റ്റേറ്റ് ബിസിനസില് ഏര്പ്പെട്ടിരിക്കുന്നുവെന്ന് പറഞ്ഞ് വിശ്വാസം നേടിയെടുത്തു. പിന്നാലെ അഭിഷേകിനെ ഫോറെക്സ് ട്രേഡിംഗിലേക്ക് പരിചയപ്പെടുത്തി. ഉയര്ന്ന ലാഭം വാഗ്ദാനം ചെയ്ത് 500 ഡോളര് നിക്ഷേപിക്കാന് ആവശ്യപ്പെട്ടു. ഡോളറില് ഇടപാട് നടത്താന് കഴിയാത്ത സാഹചര്യത്തില്, ടെലിഗ്രാം വഴി പ്രത്യേക അക്കൗണ്ട് നല്കി ഇന്ത്യന് രൂപ ഡോളറാക്കി മാറ്റാമെന്ന് അവകാശപ്പെട്ടു.
അഭിഷേക് ആദ്യം ഒരു ലക്ഷം രൂപ ട്രാന്സ്ഫര് ചെയ്തു. പിന്നീട് ഒക്ടോബര് 8ന് 10 ലക്ഷം ഒക്ടോബര് 15ന് രണ്ട് ഗഡുക്കളായി 15 ലക്ഷം ഒക്ടോബര് 16ന് 13 ലക്ഷം നവംബര് 2ന് 10 ലക്ഷം ഇങ്ങനെ ഏകദേശം 49 ലക്ഷം രൂപ വ്യാജ അക്കൗണ്ടുകളിലേക്ക് കൈമാറ്റം ചെയ്തു.
ട്രേഡിംഗ് ആപ്പില് വാലറ്റില് വന് ലാഭം കാണിച്ചിരുന്നെങ്കിലും പണം പിന്വലിക്കാന് ശ്രമിച്ചപ്പോള് ഓരോ തവണയും പരാജയപ്പെട്ടു. പിന്നീട് ലാഭത്തിന് 30 ശതമാനം നികുതി ആവശ്യപ്പെട്ടതോടെയാണ് അഭിഷേക് താന് വഞ്ചിക്കപ്പെട്ടതെന്ന് തിരിച്ചറിഞ്ഞത്.
അഭിഷേക് പൊലീസില് പരാതി നല്കിയതിനെ തുടര്ന്ന് ബിഎന്എസ് 319(2), 318(4) ഐടി ആക്ടിലെ വിവിധ വകുപ്പുകള് പ്രകാരം കേസുകള് രജിസ്റ്റര് ചെയ്തു. പണം കൈമാറിയ അക്കൗണ്ടുകള് കണ്ടെത്താന് ബന്ധപ്പെട്ട എല്ലാ ബാങ്കുകളുമായി പൊലീസ് ബന്ധപ്പെട്ടിട്ടുണ്ടെന്ന് എഡിസിപി (സൈബര് & ക്രൈം) അറിയിച്ചു.
Video Stories
ഹൃദയാരോഗ്യം സംരക്ഷിക്കാന് ഈ ഭക്ഷണങ്ങള് ശീലമാക്കാം; നിര്ദേശങ്ങളുമായി വിദഗ്ധര്
ഹൃദയാരോഗ്യം മെച്ചപ്പെടുത്താന് സഹായിക്കുന്ന പ്രധാന ഭക്ഷണങ്ങള്…
ഹൃദയാരോഗ്യം കാത്തുസൂക്ഷിക്കുന്നതില് ഭക്ഷണത്തിനുള്ള പങ്ക് നിര്ണായകമാണെന്ന് ഹൃദ്രോഗ വിദഗ്ധര് ചൂണ്ടിക്കാട്ടുന്നു. രക്തസമ്മര്ദം, കൊളസ്ട്രോള്, നീര്വീക്കം എന്നിവ ഹൃദ്രോഗത്തിന് വഴിയൊരുക്കുന്ന പ്രധാന ഘടകങ്ങളാണ്. ഇവയെ നിയന്ത്രിക്കാന് ചില ഭക്ഷണങ്ങള് സഹായകരമാകുമെന്നും വിദഗ്ധര് പറയുന്നു.
അനസ്തെറ്റിസ്റ്റും ഇന്റര്വെന്ഷണല് പെയിന് മെഡിസിന് വിദഗ്ധനുമായ ഡോ. കുനാല് സൂദ് പങ്കുവെച്ച വീഡിയോയിലൂടെയാണ് ഹൃദയത്തിന് ഏറെ ഗുണം ചെയ്യുന്ന ഭക്ഷണങ്ങളെക്കുറിച്ച് വിശദീകരിച്ചത്. ഹൃദയാരോഗ്യം മെച്ചപ്പെടുത്താന് സഹായിക്കുന്ന പ്രധാന ഭക്ഷണങ്ങള്, ഒമേഗ3 ധാരാളമുള്ള മീനുകള് ചൂര പോലുള്ള കൊഴുപ്പുള്ള മീനുകള് ഒമേഗ3 ഫാറ്റി ആസിഡിന്റെ മികച്ച ഉറവിടമാണ്.
അപൂരിത കൊഴുപ്പില്പ്പെടുന്ന ഈ ഘടകം ഹൃദയം, കരള്, ശ്വാസകോശം, രക്തക്കുഴലുകള് എന്നിവയുടെ ആരോഗ്യം നിലനിര്ത്താന് സഹായിക്കുന്നു. ശരീരത്തിന്റെ രോഗപ്രതിരോധശേഷി വര്ധിപ്പിക്കുന്നതിലും കോശഭിത്തി സംരക്ഷിക്കുന്നതിലും ഒമേഗ3 പ്രധാന പങ്കുവഹിക്കുന്നു.
എക്സ്ട്രാ വിര്ജിന് ഒലിവ് ഓയില് മോണോ അണ്സാച്ചുറേറ്റഡ് ഫാറ്റും പോളിഫിനോളുകളും ഇതില് ധാരാളമാണ്. മോശം കൊളസ്ട്രോള് (LDL) കുറയ്ക്കാനും ഓക്സിഡേറ്റീവ് സ്ട്രെസ് കുറയ്ക്കാനും രക്തക്കുഴലുകളെ സംരക്ഷിക്കാനും ഇത് സഹായിക്കുന്നു. അവൊക്കാഡോ ഒലെയിക് ആസിഡ്, നാരുകള്, പൊട്ടാസ്യം, ഫോളേറ്റ്, വിറ്റാമിന് ഇ എന്നിവയാല് സമ്പന്നമായ അവൊക്കാഡോ കൊളസ്ട്രോളും രക്തസമ്മര്ദവും നിയന്ത്രിക്കാന് സഹായിക്കുന്നു.
പ്ലാന്റ് ബേസ്ഡ് ഒമേഗ3 (ALA), പോളി അണ്സാച്ചുറേറ്റഡ് ഫാറ്റ്, ആന്റിഓക്സിഡന്റുകള് എന്നിവ ധാരാളമുള്ള വാല്നട്ട്സ് മൊത്തം കൊളസ്ട്രോളും LDL ഉം കുറയ്ക്കുകയും ഹൃദയാഘാത സാധ്യത കുറയ്ക്കുകയും ചെയ്യുന്നു.
ബെറികള് (സ്ട്രോബെറി, ബ്ലൂബെറി, റാസ്ബെറി) ആന്തോസയാനിനുകള്, പോളിഫിനോളുകള് തുടങ്ങിയ ശക്തമായ ആന്റിഓക്സിഡന്റുകള് ഇവയില് അടങ്ങിയിരിക്കുന്നു. ഇവ രക്തക്കുഴലുകളുടെ പ്രവര്ത്തനം മെച്ചപ്പെടുത്തുകയും രക്തസമ്മര്ദം കുറയ്ക്കുകയും ഹൃദയാഘാത സാധ്യത കുറയ്ക്കുകയും ചെയ്യും.
ഇലക്കറികള് മുരിങ്ങയില, ചീരയില തുടങ്ങിയ ഇലക്കറികള് ഹൃദയാരോഗ്യത്തിന് ഏറെ ഗുണകരമാണ്. വിറ്റാമിന് കെ, ഫോളേറ്റ്, പൊട്ടാസ്യം, ആന്റിഓക്സിഡന്റുകള് എന്നിവ ധാരാളമായി അടങ്ങിയ ഇവ രക്തം കട്ടപിടിക്കുന്നത് തടയുകയും രക്തക്കുഴലുകളുടെ പ്രവര്ത്തനം മെച്ചപ്പെടുത്തുകയും രക്തസമ്മര്ദം നിയന്ത്രിക്കാനും സഹായിക്കുന്നു.
ആഹാരക്രമത്തില് വലിയ മാറ്റങ്ങള് വരുത്തുന്നതിനുമുന്പ് നിര്ബന്ധമായും ഒരു ന്യൂട്രീഷനിസ്റ്റിന്റെയോ ആരോഗ്യവിദഗ്ധന്റെയോ ഉപദേശം തേടണമെന്ന് വിദഗ്ധര് മുന്നറിയിപ്പ് നല്കുന്നു.
-
kerala3 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala1 day agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News2 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala2 days agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
GULF1 day agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
india3 days agoപി.എം ശ്രീ പദ്ധതി: സിപിഎം- ബിജെപി ഡീലിലെ ഇടനിലക്കാരന് ജോണ് ബ്രിട്ടാസ്
-
india2 days agoതന്നെക്കാള് സൗന്ദര്യം കൂടുതല്; സ്വന്തം കുട്ടി ഉള്പ്പെടെ നാല് കുഞ്ഞുങ്ങളെ കൊലപ്പെടുത്തിയ സ്ത്രീ അറസ്റ്റില്
-
india2 days agoവഖഫ് സ്വത്തുക്കളുടെ രജിസ്ട്രേഷന്; സമയം ദീര്ഘിപ്പിക്കണം, മുസിലിംലീഗ് എംപിമാര് വീണ്ടും കേന്ദ്രമന്ത്രിയെ സമീപിച്ചു