Culture
യുപി സര്ക്കാറിന്റെ പേരില് വ്യാജ വെബ്സൈറ്റ്; ലക്ഷ്യം ബാബരി മസ്ജിദ്-രാമക്ഷേത്രവുമായി ബന്ധപ്പെട്ട വോട്ടെടുപ്പ്
ലക്നോ: ബാബരി മസ്ജിദ്-രാമക്ഷേത്രവുമായി ബന്ധപ്പെട്ട വിഷയത്തില് ഉത്തര്പ്രദേശ് സര്ക്കാറിന്റെ പേരില് വ്യാജ വെബ്സൈറ്റ്. യു.പി സര്ക്കാറാണെന്ന വ്യാജേന തര്ക്ക വിഷയത്തില് അഭിപ്രായ വോട്ടെടുപ്പ് നടത്തുകയാണ് വെബ്സൈറ്റ് ചെയ്യുന്നത്.
വിഷയം കോടതിക്കു പുറത്ത് പരിഹരിക്കാമെന്ന് കഴിഞ്ഞ ദിവസം സുപ്രീംകോടതി നിര്ദേശിച്ചിരുന്നു. ഈ സാഹചര്യത്തിലാണ് അഭിപ്രായ വോട്ടെടുപ്പുമായി വെബ്സൈറ്റ് പ്രത്യക്ഷപ്പെട്ടത്. യു.പി മുഖ്യമന്ത്രി യോഗി ആദിത്യനാഥിന്റെ ചിത്രവും വെബ്സൈറ്റില് പോസ്റ്റ് ചെയ്തിട്ടുണ്ട്.
www.ayodhya-issue.gov-up.in എന്നാണ് വെബ്സൈറ്റിന്റെ പേര്. www.up.gov.in എന്ന യുപി സര്ക്കാരിന്റെ ഔദ്യോഗിക വെബ്സൈറ്റുമായി സാമ്യമുള്ളതാണ് വ്യാജ വെബ്സൈറ്റിന്റെ യുആര്എല്. വാട്സ്ആപ്പ് ഉള്പ്പെടെ സമൂഹമാധ്യമങ്ങളിലൂടെ പ്രചാരണം നടത്തിയാണ് വോട്ടെടുപ്പ്.
‘ അയോധ്യയിലെ തര്ക്കഭൂമിയില് രാമക്ഷേത്രമാണോ ബാബരി മസ്ജിദ് ആണോ നിങ്ങള്ക്കു വേണ്ടത്്?’ എന്നു തുടങ്ങുന്ന നാലു ചോദ്യങ്ങളാണ് വെബ്സൈറ്റിലുള്ളത്. ഇവക്കു പുറമെ ഓണ്ലൈന് വോട്ടടെടുപ്പില് ഞാന് രേഖപ്പെടുത്തി. നിങ്ങളും വോട്ട് ചെയ്യാന് അഭ്യര്ത്ഥിക്കുന്നു. സര്ക്കാറുമായി നിങ്ങളുടെ അഭിപ്രായവും പങ്കുവെക്കുക-തുടങ്ങിയ വാചകങ്ങള് കൂടി വാട്സ്ആപ്പിലൂടെ പ്രചരിക്കുന്ന സന്ദേശത്തില് കൂട്ടിച്ചേര്ക്കപ്പെട്ടിട്ടുണ്ട്.
നാല് ഓപ്ഷനുകളാണ് വോട്ടു ചെയ്യുന്നതിനായി നല്കിയിരിക്കുന്നത്.
ഓപ്ഷനുകള് ഇങ്ങനെ:
1. രാമജന്മഭൂമിയില് രാമക്ഷേത്രം എത്രയും പെട്ടെന്ന് നിര്മിക്കണം. മസ്ജിദ് മറ്റെവിടെയെങ്കിലും പണിയാം.
2. രാമക്ഷേത്രവും മസ്ജിദും അടുത്തടുത്തായി നിര്മിക്കണം.
3. ബാബറി മസ്ജിദ് യഥാര്ത്ഥ സ്ഥലത്ത് പുനര്നിര്മിക്കണം. അടുത്തായി രാമക്ഷേത്രം നിര്മിക്കണം.
4. പൊതുജനവികാരം മാറ്റി നിര്ത്തി സുപ്രീം കോടതി നിയമാനുസൃതമായ തീരുമാനത്തിലെത്തണം.
രാമജന്മഭൂമിയില് രാമക്ഷേത്രം എത്രയും പെട്ടെന്ന് നിര്മ്മിക്കണം. മസ്ജിദ് മറ്റെവിടെയെങ്കിലും പണിയാം- എന്ന അഭിപ്രായത്തെ അനുകൂലിച്ച് 80.3 ശതമാനം പേര് വോട്ടുചെയ്തതായാണ് വെബ്സൈറ്റില് കാണിക്കുന്നത്.
ഒരാള്ക്ക് എത്ര തവണ വേണമെങ്കിലും അഭിപ്രായം രേഖപ്പെടുത്താമെന്നതു കൊണ്ട് ഒരു ഓപ്ഷനുമാത്രം 80 ശതമാനം വന്നതിനാല് ഇത് വ്യാജമാണെന്ന് പരക്കെ ആക്ഷേപമുയര്ന്നിരുന്നു. ഇതേത്തുടര്ന്ന് സമൂഹമാധ്യമങ്ങളില് തന്നെ സര്വേയുടെ ആധികാരികത ചോദ്യം ചെയ്യപ്പെടുന്നുണ്ട്.
സംഭവം ശ്രദ്ധയില്പ്പെട്ട യു.പി ഐടി വിഭാഗം നടത്തിയ പരിശോധനയില് വെബ്സൈറ്റ് ഡല്ഹി സ്വദേശിയായ തരുണ് ചൗധരിയുടേതാണെന്ന് തെളിഞ്ഞു. കര്ണാടക സ്വദേശിയായ അക്തര് അലിയുടെ ഫോണ് നമ്പറാണ് വെബ്സൈറ്റില് നല്കിയിരുന്നത്. ഇയാളെ കേന്ദ്രീകരിച്ച് അന്വേഷണം നടത്തിയപ്പോള് തന്റെ നമ്പര് ആരോ ദുരുപയോഗം ചെയ്തതാണെന്ന് അക്തര് അലി അന്വേഷണ വിഭാഗത്തോട് വ്യക്തമാക്കി.
വെബ്സൈറ്റുമായി സര്ക്കാറിന് യാതൊരു ബന്ധവുമില്ലെന്നും സംഭവം വിശദമായി അന്വേഷിക്കുമെന്നും യുപി ഇന്ഫര്മേഷന് ഡയറക്ടര് പറഞ്ഞു.
കൊച്ചി: നടി ലക്ഷ്മി മേനോന് പ്രതിയായ കിഡ്നാപ്പിങ് കേസ് റദ്ദാക്കി ഹൈക്കോടതി. തീരുമാനം നടിക്കെതിരെ പരാതിയില്ലെന്ന് യുവാവ് ഹൈക്കോടതിയെ അറിയിച്ചതോടെ. കൊച്ചിയിലെ ബാറിലുണ്ടായ സംഘര്ഷത്തെ തുടര്ന്ന് ഐടി ജീവനക്കാരനെ തട്ടിക്കൊണ്ടുപോയി മര്ദിച്ചെന്നായിരുന്നു കേസ്.
നേരത്തെ കേസ് ഒത്തു തീര്പ്പാക്കുന്നതിന് ലക്ഷ്മി മോനോന്റെ സുഹൃത്തുക്കള് ഇടപെടല് നടത്തിയിരുന്നു. വെലോസിറ്റി എന്ന ബാറില് നിന്നാണ് തര്ക്കമുണ്ടായത്. ഈ തര്ക്കം റോഡിലേക്ക് നീങ്ങുകയും എറണാകുളം നോര്ത്ത് റെയില്വേ സ്റ്റേഷന് സമീപത്തുള്ള പാലത്തിന് താഴെവച്ച് യുവാവിനെ തട്ടിക്കൊണ്ടു പോയെന്നായിരുന്നു കേസ്.
പരാതിയെ തുടര്ന്ന് ലക്ഷ്മി മേനോന് ഒളിവില് പോയിരുന്നു. ഇവര്ക്ക് ഹൈക്കോടതി മുന്കൂര് ജാമ്യം നല്കുകയും ചെയ്തിരുന്നു.
കാറില് നിന്ന് ഇറങ്ങിയ ഐടി ജീവനക്കാരനും സുഹൃത്തുക്കളും ചേര്ന്ന് ബിയര്കുപ്പി കൊണ്ട് ആക്രമിച്ചെന്നും ഇത് കണ്ടപ്പോഴാണ് തന്റെ സുഹൃത്തുക്കള് പ്രതികരിച്ചതെന്നും കേസിലെ കൂട്ടുപ്രതിയായ സോന മോള് നേരത്തെ പ്രതികരിച്ചിരുന്നു.
ഈ പ്രശ്നം പരിഹരിക്കാന് വന്ന ഐടി ജീവനക്കാരനെ ആലിംഗനം ചെയ്താണ് കാറില് കയറ്റിയത്. തട്ടിക്കൊണ്ടുപോകാന് തങ്ങള് ശ്രമിച്ചിട്ടില്ലെന്നും, സംഭവം വളച്ചൊടിച്ച് കേസ് കൊടുക്കുകയുമാണ് ചെയ്തതെന്നും സോന വ്യക്തമാക്കി.
കൊച്ചി: വാർത്താസമ്മേളനത്തിൽ ബോഡി ഷേമിങ് നടത്തിയ യൂട്യൂബർക്കെതിരെ ശക്തമായി പ്രതികരിച്ച നടി ഗൗരി കിഷന് പിന്തുണയുമായി താരസംഘടനയായ അമ്മ. ‘ഞങ്ങൾക്ക് മനസിലാകുന്നു ഗൗരി, ആരായാലും എപ്പോൾ ആയാലും എവിടെ ആയാലും ബോഡി ഷേമിങ് ചെയ്യുന്നത് തെറ്റാണെന്ന് ഞങ്ങളും ഉറച്ചുവിശ്വസിക്കുന്നു’- അമ്മ പ്രതികരിച്ചു. ഫേസ്ബുക്കിലൂടെയാണ് താരസംഘടന പിന്തുണ അറിയിച്ചത്.
തമിഴ് ചിത്രം ‘അദേഴ്സി’ന്റെ പ്രമോഷനുമായി ബന്ധപ്പെട്ടായിരുന്നു സംഭവം. തന്റെ ശരീരഭാരം എത്രയെന്ന് ചോദിച്ച യൂട്യൂബർക്കാണ് താരം രൂക്ഷമായ ഭാഷയിൽ മറുപടി നൽകിയത്. ചോദ്യം തന്നെ മണ്ടത്തരമാണെന്നും യൂട്യൂബർ മാപ്പ് പറയണമെന്നും നടി ആവശ്യപ്പെട്ടു. ഇതോടെ പ്രസ്മീറ്റ് വലിയ തർക്കത്തിലേക്ക് പോവുകയായിരുന്നു. ഗൗരിക്ക് നേരെ യൂട്യൂബർ അടക്കമുള്ളവർ വലിയ ശബ്ദം ഉയർത്തിയെങ്കിലും സംവിധായകനും നായകനും പിന്തുണച്ചതുമില്ല.
ചിത്രത്തിലെ ഗാനരംഗത്തിൽ നായകൻ ഗൗരിയെ എടുത്തുയർത്തുന്ന രംഗമുണ്ട്. ഈ സീൻ ചെയ്തപ്പോൾ ഗൗരിക്ക് നല്ല ഭാരമുണ്ടെന്ന് തോന്നിയിരുന്നോ എന്നാണ് യൂട്യൂബർ നായകനോട് ചോദിച്ചത്. എന്നാൽ ഈ ചോദ്യത്തിന് സിനിമയുമായി യാതൊരു ബന്ധവുമില്ലെന്നും ബോഡി ഷേമിങ് ആണെന്നും നടി മറുപടി നൽകി. താൻ ചോദിച്ചതിൽ തെറ്റില്ലെന്നും സാധാരണയായി എല്ലാവരും ചോദിക്കുന്നതുപോലെ ചോദിച്ചതാണെന്നുമായിരുന്നു യൂട്യൂബറുടെ വാദം.
യൂട്യൂബർ ഇപ്പോൾ ചെയ്യുന്നത് ജേണലിസമല്ലെന്നും നടി തുറന്നടിച്ചു. ആദ്യഘട്ടത്തിൽ പ്രതികരിക്കാൻ സാധിക്കാതിരുന്ന ഗൗരി, പിന്നീട് നടന്ന പ്രീ – റിലീസ് അഭിമുഖത്തിൽ തനിക്ക് പ്രസ്തുത ചോദ്യം അസ്വസ്ഥത ഉണ്ടാക്കിയെന്നും വ്യക്തമാക്കി. തുടർന്ന് സിനിമയുടെ പ്രസ് മീറ്റിനു ശേഷം നടന്ന ചോദ്യോത്തരവേളയിൽ ഈ ചോദ്യം ഉന്നയിച്ച യൂട്യൂബർ ഈ വിഷയം ന്യായീകരിച്ച് വീണ്ടും ശബ്ദമുയർത്തിയതോടെ ഗൗരി തുറന്നടിക്കുകയായിരുന്നു.
‘എന്റെ ശരീരഭാരം നിങ്ങൾക്ക് എന്തിനാണ് അറിയേണ്ടത്? ഈ സിനിമയുമായി അതിന് എന്ത് പ്രസക്തിയാണുള്ളത്? ഓരോ സ്ത്രീക്കും വ്യത്യസ്ത ശരീരപ്രകൃതിയാണ് ഉള്ളത്. എന്റെ കഴിവ് സംസാരിക്കട്ടെ. ഞാൻ ഇതുവരെ കഥാപാത്രങ്ങൾക്ക് പ്രാധാന്യമുള്ള ചിത്രങ്ങളാണ് ചെയ്തിട്ടുള്ളത്. നിങ്ങളുടെ അംഗീകാരം എനിക്ക് ആവശ്യമില്ല’- ഗൗരി പറഞ്ഞു. ‘ഇതൊരു തമാശയായി എനിക്ക് തോന്നിയില്ല. ബോഡി ഷേമിങ് സാധാരണവത്കരിക്കരുത്, എന്നോട് ചോദിച്ച ചോദ്യത്തെക്കുറിച്ച് അഭിപ്രായം പറയാൻ എനിക്ക് അവകാശമുണ്ട്’- ഗൗരി വ്യക്തമാക്കി.
Film
56 മത് ഇന്ത്യൻ അന്താരാഷ്ട്ര ചലച്ചിത്രോത്സവത്തിലേക്ക് തിരഞ്ഞെടുക്കപ്പെട്ട് ആസിഫ് അലി- താമർ- അജിത് വിനായക ഫിലിംസ് ചിത്രം “സർക്കീട്ട്”
അജിത് വിനായക ഫിലിംസിന്റെ ബാനറിൽ വിനായക അജിത് നിർമ്മിച്ച ഈ ചിത്രം പൂർണ്ണമായും ഗൾഫ് രാജ്യങ്ങളിലാണ് ചിത്രീകരിച്ചത്.
വമ്പൻ പ്രേക്ഷക – നിരൂപക പ്രശംസ നേടിയ ആസിഫ് അലി- താമർ ചിത്രം “സർക്കീട്ട്” 56 മത് ഇന്ത്യൻ അന്താരാഷ്ട്ര ചലച്ചിത്രോത്സവത്തിലേക്ക് തിരഞ്ഞെടുക്കപ്പെട്ടു. ചലച്ചിത്രോത്സവത്തിൽ ഇന്ത്യൻ പനോരമ വിഭാഗത്തിലേക്കാണ് ചിത്രം തിരഞ്ഞെടുക്കപ്പെട്ടത്. ഈ വിഭാഗത്തിലേക്ക് തിരഞ്ഞെടുക്കപ്പെട്ട 25 ഇന്ത്യൻ ചിത്രങ്ങളിൽ ഒന്നാണ് “സർക്കീട്ട്”. അജിത് വിനായക ഫിലിംസിന്റെ ബാനറിൽ വിനായക അജിത് നിർമ്മിച്ച ഈ ചിത്രം പൂർണ്ണമായും ഗൾഫ് രാജ്യങ്ങളിലാണ് ചിത്രീകരിച്ചത്. ആക്ഷൻ ഫിലിംസിൻ്റെ ബാനറിൽ ചിത്രത്തിന്റെ സഹനിർമ്മാണം നിർവഹിച്ചത് ഫ്ളോറിൻ ഡൊമിനിക്. ഒരിക്കലും സാധ്യമാകാൻ ഇടയില്ലെന്നു ലോകം കരുതുന്ന ഒരു മനോഹര സൗഹൃദത്തിന്റെ കഥ പറഞ്ഞ ഈ ചിത്രം ഒടിടി റിലീസിന് ശേഷം വലിയ പ്രേക്ഷക പ്രതികരണമാണ് നേടിയത്. 2025 നവംബർ 20 മുതൽ 28 വരെയാണ് 56 മത് ഇന്റർനാഷണൽ ഫിലിം ഫെസ്റ്റിവൽ ഓഫ് ഇന്ത്യ ഗോവയിൽ നടക്കുക.
ആസിഫ് അലി നായകനായ ഈ ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിച്ചത് ബാലതാരം ഓർഹാൻ ആണ്. ദിവ്യ പ്രഭ, ദീപക് പറമ്പോൾ, രമ്യ സുരേഷ്, പ്രശാന്ത് അലക്സാണ്ടർ, സ്വാതിദാസ് പ്രഭു, ഗോപൻ അടാട്ട്, സിൻസ് ഷാൻ എന്നിവരാണ് ചിത്രത്തിലെ മറ്റു പ്രധാന താരങ്ങൾ. കഥയിലെ കേന്ദ്രകഥാപാത്രങ്ങളായ ആമിർ, ജെഫ്റോൺ എന്നിവരിലൂടെ പ്രവാസി ജീവിതത്തിന്റെ വ്യക്തിപരവും വൈകാരികവുമായ പോരാട്ടങ്ങളുടെ വളരെ റിയലിസ്റ്റിക്കായ ചിത്രീകരണം ആണ് ഈ ചിത്രത്തിലൂടെ സംവിധായകൻ പ്രേക്ഷകരിലേക്ക് എത്തിച്ചത്. താമർ ഒരുക്കിയ ആദ്യ ചിത്രമായ ആയിരത്തൊന്നു നുണകളും വലിയ പ്രേക്ഷക- നിരൂപക പ്രശംസ നേടിയിരുന്നു. ഒ. ടി. ടി പ്ലാറ്റ്ഫോമായ സോണിലിവിലൂടെ റിലീസ് ചെയ്ത ചിത്രം, അന്താരാഷ്ട്ര ചലച്ചിത്രോത്സവമായ ഐ.എഫ്.എഫ്.കെയിൽ പ്രദർശിപ്പിക്കുകയും ശ്രദ്ധിക്കപ്പെടുകയും ചെയ്തു.
യുഎഇ, ഷാര്ജ, റാസല് ഖൈമ, ഫുജൈറ എന്നിവിടങ്ങളിലായി ആണ് ‘സർക്കീട്ട്’ ഒരുക്കിയത്. ഛായാഗ്രഹണം- അയാസ് ഹസൻ, സംഗീതം- ഗോവിന്ദ് വസന്ത, എഡിറ്റർ- സംഗീത് പ്രതാപ്, പ്രൊജക്റ്റ് ഡിസൈനർ- രഞ്ജിത്ത് കരുണാകരൻ, കലാസംവിധാനം – അരവിന്ദ് വിശ്വനാഥൻ, വരികൾ- അൻവർ അലി, വസ്ത്രാലങ്കാരം – ഇർഷാദ് ചെറുകുന്ന്, മേക്കപ്പ് – സുധി സുരേന്ദ്രൻ, ലൈൻ പ്രൊഡക്ഷൻ – റഹിം പിഎംകെ, വി എഫ് എക്സ്- നോക്ക്റ്റേണൽ ഒക്റ്റേവ് പ്രൊഡക്ഷൻസ്, പോസ്റ്റർ ഡിസൈൻ- ആനന്ദ് രാജേന്ദ്രൻ (ഇല്ലുമിനാർട്ടിസ്റ്റ് ക്രീയേറ്റീവ്സ്), സ്റ്റിൽസ്- എസ്ബികെ ഷുഹൈബ്, സിങ്ക് സൗണ്ട്- വൈശാഖ്
-
kerala2 days agoദേവസ്വം ബോര്ഡ് കാലാവധി നീട്ടാനുള്ള നീക്കം സ്വര്ണക്കൊള്ള കേസിലെ പ്രതികളെ സംരക്ഷിക്കാന്; സണ്ണി ജോസഫ്
-
kerala2 days agoഅങ്കമാലിയില് 6 മാസം പ്രായമുള്ള കുഞ്ഞിനെ കഴുത്തറുത്ത് കൊന്നു
-
kerala2 days ago
‘അമ്മൂമ്മ കുഞ്ഞിനെ കഴുത്തറുത്ത് കൊലപ്പെടുത്തിയത്’; അങ്കമാലിയിലെ കുഞ്ഞിന്റേത് കൊലപാതകമെന്ന് സ്ഥിരീകരണം
-
News2 days agoഇന്ത്യഓസീസ് ട്വന്റി20 പരമ്പരയില് ആവേശം; കറാറയില് നാലാം മത്സരം ഇന്ന്
-
kerala3 days agoകുറുമാത്തൂരില് കുഞ്ഞ് കിണറ്റില് വീണ് മരിച്ച സംഭവം; കൊലപാതകമെന്ന് പൊലീസ്, മാതാവ് അറസ്റ്റില്
-
india2 days agoകാമുകിയുടെ വിവാഹം തടയാന് ശ്രമിച്ച യുവാവിനെ പോലീസ് അറസ്റ്റ് ചെയ്തു; പോലീസ് സ്റ്റേഷനില് തീകൊളുത്തി യുവാവ് മരിച്ചു
-
News2 days agoസൂപ്പര് കപ്പ്: മുഹമ്മദന്സ് എസ്എസിക്കെതിരെ ഗോകുലം കേരളയ്ക്ക് ജയം
-
News2 days ago‘ഞങ്ങളെ ഭരിക്കുന്നത് ക്രിക്കറ്റല്ല’; അന്താരാഷ്ട്ര ഹോക്കി മത്സരങ്ങളില് ഹസ്തദാനരീതി തുടരും