Connect with us

News

ടി-20 ലോകകപ്പിനെ മഴ സ്വന്തമാക്കുമോ…?

സൂപ്പര്‍ 12 ലെ ആദ്യ മല്‍സരം നടക്കുന്ന സിഡ്‌നിയിലാവും ഞായറാഴ്ച്ച ഇന്ത്യ-പാകിസ്താന്‍ തകര്‍പ്പനങ്കം നടക്കാനിരിക്കുന്ന മെല്‍ബണിലും കനത്ത മഴക്കാണ് സാധ്യത.

Published

on

മെല്‍ബണ്‍: ക്രിക്കറ്റ് ലോകം കാത്തിരിക്കുന്ന ടി-20 ലോകകപ്പിനെ മഴ സ്വന്തമാക്കുമോ…? സാധ്യത ആ വഴിക്കാണ്. ഇന്നലെ ദക്ഷിണ ഓസ്‌ട്രേലിയന്‍ നഗരങ്ങളില്‍ കനത്ത മഴയായിരുന്നു. ഇത് കാരണം ഇന്ത്യ-ന്യുസിലന്‍ഡ് സന്നാഹ മല്‍സരത്തില്‍ ഒരു പന്ത് പോലുമെറിയാനായില്ല. വരും ദിവസങ്ങളിലും കനത്ത ഇടിയും മഴയുമെന്നാണ് കാലാവസ്ഥാ റിപ്പോര്‍ട്ട്. സൂപ്പര്‍ 12 ലെ ആദ്യ മല്‍സരം നടക്കുന്ന സിഡ്‌നിയിലാവും ഞായറാഴ്ച്ച ഇന്ത്യ-പാകിസ്താന്‍ തകര്‍പ്പനങ്കം നടക്കാനിരിക്കുന്ന മെല്‍ബണിലും കനത്ത മഴക്കാണ് സാധ്യത.

ഇന്ത്യ-പാക് മല്‍സരം പ്രാദേശിക സമയം രാത്രി ഏഴ് മണിക്കാണ് ഷെഡ്യൂള്‍ ചെയ്തിരിക്കുന്നത്. ഈ ദിവസം വലിയ മഴയാണ് പ്രവചിക്കപ്പെട്ടിരിക്കുന്നത്. ഈ മല്‍സരത്തിനുള്ള ടിക്കറ്റുകള്‍ ഏറെക്കുറെ പൂര്‍ണമായും വീറ്റഴിഞ്ഞിരിക്കെ ഡെക്‌വര്‍ത്ത്് ലൂയിസ് നിയമത്തിന്റെ ഇടപെടലിനാണ് കാര്യമായ സാധ്യത. ശനിയാഴ്ച്ച ആദ്യ മല്‍സരത്തില്‍ അയല്‍ക്കാരായ ഓസ്‌ട്രേലിയയും കിവീസും മുഖാമുഖം വരുമ്പോള്‍ സിഡ്‌നിയില്‍ 80 ശതമാനം മഴക്കാണ് സാധ്യത. ആ ദിവസം വൈകീട്ട് കനത്ത മഴയാണ് പ്രവചിക്കപ്പെട്ടിരിക്കുന്നത്, ഇടിക്കും മിന്നിലും സാധ്യതയുമുണ്ട്- കാലാവസ്ഥാ കേന്ദ്രം വ്യക്തമാക്കി. ശനിയാഴ്ച്ച 80 ശതമാനമാണ് മഴക്ക് സാധ്യതയെങ്കില്‍ ഇന്ത്യ-പാക് പോരാട്ടം നടക്കുന്ന ഞായറില്‍ 90 ശതമാനമാണ് മഴ സാധ്യത.

ലോകകപ്പിലെ ഒരു മല്‍സരത്തിനും റിസര്‍വ് ദിനമില്ല. അതിനാല്‍ മഴ തുടര്‍ന്നാല്‍ ലോകകപ്പിന്റെ ആവേശം തന്നെ ചോരും. മിനിമം അഞ്ച് ഓവറെങ്കിലും മല്‍സരം നടന്നാല്‍ മാത്രമാണ് ഫലമുണ്ടാവുക. പൂര്‍ണമായും കളി നടക്കാത്തപക്ഷം പോയിന്റ് പങ്ക് വെക്കപ്പെടും. സൂപ്പര്‍ 12 ലെ സ്ഥാനങ്ങള്‍ക്കായി നടക്കുന്ന യോഗ്യതാ മല്‍സരങ്ങളുടെ അവസാന പോരാട്ടങ്ങള്‍ നടക്കുന്ന ഇന്നും നാളെയുമെല്ലാം മഴ തന്നെയാണ് പ്രവചിക്കപ്പെട്ടിരിക്കുന്നത്. ഓസ്‌ട്രേലിയയുടെ ദക്ഷിണ-പൂര്‍വ ഭാഗങ്ങളിലാണ് മഴക്ക് സാധ്യതയെങ്കില്‍ പെര്‍ത്ത്് ഉള്‍പ്പെടെയുളള പ്രദേശങ്ങളില്‍ നല്ല കാലാവസ്ഥയാണ് പറയപ്പെടുന്നത്. മല്‍സരങ്ങള്‍ വിവിധ വേദികളിലായതിനാല്‍ മാറ്റങ്ങള്‍ക്കും സാധ്യത കുറവാണ്. അതിനാല്‍ നിയമം കളിക്കാനാണ് സാധ്യത.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ലൈഫ് എന്നാല്‍ കാത്തിരിപ്പെന്ന് പ്രതിപക്ഷം

വിലാസം സഹിതം പട്ടിക മന്ത്രിക്ക് കൈമാറാന്‍ തയ്യാറാണെന്ന് പ്രതിപക്ഷ നേതാവ് വി.ഡി സതീശന്‍ മറുപടി നല്‍കി

Published

on

തിരുവനന്തപുരം: ഭവനരഹിതര്‍ക്ക് വീട് നല്‍കുന്ന ലൈഫ് പദ്ധതിയില്‍ സര്‍ക്കാറിന് പുരോഗതി കൈവരിക്കാനായില്ലെന്ന് പ്രതിപക്ഷം നിയമസഭയില്‍.കേരളത്തില്‍ ലൈഫ് എന്നാല്‍ കാത്തിരിപ്പാണെന്നും അടിയന്തര പ്രമേയത്തിന് നോട്ടീസ് നല്‍കിയ പി.കെ ബഷീര്‍ വിമര്‍ശിച്ചു. അതേസമയം കോണ്‍ഗ്രസ് നിര്‍മിച്ച്‌ നല്‍കിയ 1000 വീടുകളുടെ ഗുണഭോക്താക്കളുടെ പട്ടിക പ്രസിദ്ധീകരിക്കാമോയെന്നും മന്ത്രി എം ബി രാജേഷ് വെല്ലുവിളിച്ചു.

വിലാസം സഹിതം പട്ടിക മന്ത്രിക്ക് കൈമാറാന്‍ തയ്യാറാണെന്ന് പ്രതിപക്ഷ നേതാവ് വി.ഡി സതീശന്‍ മറുപടി നല്‍കി. അടിയന്തര പ്രമേയത്തിന് സ്പീക്കര്‍ അവതരണാനുമതി നിഷേധിച്ചു.

Continue Reading

india

മാധ്യമപ്രവര്‍ത്തകനെ വാഹനമിടിച്ചു കൊന്നു

വാഹനത്തില്‍ കുടുങ്ങിയ വാരിഷെയെ മീറ്ററുകളോളം വലിച്ചിഴയ്ക്കുകയും ചെയ്തു.

Published

on

മുംബൈ: മഹാരാഷ്ട്രയിലെ രത്നഗിരിയില്‍ എണ്ണ ശുദ്ധീകരണശാല സ്ഥാപിക്കുന്നതിനെതിരെയുള്ള സമരങ്ങള്‍ റിപ്പോര്‍ട്ട് ചെയ്യുന്ന മാധ്യമപ്രവര്‍ത്തകനെ വാഹനമിടിച്ച്‌ കൊലപ്പെടുത്തി. മറാത്തി പത്രമായ ‘മഹാനഗരി ടൈംസ്’ ലേഖകന്‍ ശശികാന്ത് വാരിഷെ (48)യാണ് ദാരുണമായി കൊല്ലപ്പെട്ടത്. സംഭവത്തില്‍ പന്താരിനാഥ് അംബേര്‍കര്‍ എന്നയാളെ പോലീസ് അറസ്റ്റ് ചെയ്തു.

എണ്ണ ശുദ്ധീകരണശാലക്ക് എതിരെ സമരം ചെയ്യുന്നവരെ ഭീഷണിപ്പെടുത്തിയതിന് നിലവില്‍ കേസുള്ളയാളാണ് അംബേര്‍ കാര്‍. ഇയാളുടെ ക്രിമിനല്‍ പശ്ചാത്തലങ്ങള്‍ വെളിപ്പെടുത്തി തിങ്കളാഴ്ച ശശികാന്ത് വാരിഷേയുടെ റിപ്പോര്‍ട്ട് പ്രസിദ്ധീകരിച്ചിരുന്നു. ഇയാള്‍ പ്രധാനമന്ത്രി നരേന്ദ്ര മോദി, മഹാരാഷ്ട്ര മുഖ്യമന്ത്രി ഏകനാഥ ഷിന്‍ഡെ, ഉപ മുഖ്യമന്ത്രി ദേവേന്ദ്ര ഫഡ്നാവിസ് എന്നിവര്‍ക്കൊപ്പമുള്ള ഫോട്ടോയും നല്‍കിയിരുന്നു. തിങ്കളാഴ്ച രജാപുര്‍ ദേശീയ പാതക്ക് അടുത്തുള്ള പെട്രോള്‍ പമ്ബില്‍ വാരിഷെ തന്റെ സ്കൂട്ടിയില്‍ ഇരിക്കുമ്ബോള്‍ ജീപ്പില്‍ വന്ന അംബേര്‍കര്‍ ഇടിച്ചു വീഴ്ത്തുകയായിരുന്നു. വാഹനത്തില്‍ കുടുങ്ങിയ വാരിഷെയെ മീറ്ററുകളോളം വലിച്ചിഴയ്ക്കുകയും ചെയ്തു.

നാട്ടുകാര്‍ ഓടിക്കൂടിയതോടെ പ്രതി ഓടി രക്ഷപ്പെട്ടു. മനപ്പൂര്‍വമല്ലാത്ത നരഹത്യ കുറ്റം ചുമത്തിയാണ് അംബേര്‍കര്‍ക്ക് എതിരെ പൊലീസ് കേസെടുത്തത്. കൊലപാതകത്തിന് കേസെടുക്കണമെന്ന് നാട്ടുകാരും താക്കറെ പക്ഷ ശിവസേന എംപി വിനായക് റാവുത്തും ആവശ്യപ്പെട്ടു. വിഷയം പാര്‍ലമെന്റില്‍ ഉന്നയിക്കുമെന്ന് റാവുത്ത് പറഞ്ഞു.

Continue Reading

crime

കഞ്ചാവ് വില്പന നടത്തിയ രണ്ടുപേര്‍ പിടിയില്‍

ഏറ്റുമാനൂര്‍, ഗാന്ധിനഗര്‍ എന്നീ സ്ഥലങ്ങള്‍ കേന്ദ്രീകരിച്ചാണ് ഇരുവരും കഞ്ചാവ് കച്ചവടം നടത്തുന്നതെന്ന് പൊലീസ് വ്യക്തമാക്കി

Published

on

കഞ്ചാവ് വില്പന നടത്തിയ രണ്ടുപേര്‍ പൊലീസ് പിടിയില്‍. പെരുമ്പായിക്കാട് ദയറപ്പള്ളി ഭാഗത്ത് മാലെപ്പറമ്പില്‍ വീട്ടില്‍ ജഫിന്‍ ജോയന്‍(26), ഏറ്റുമാനൂര്‍ കട്ടച്ചിറ കൂടല്ലൂര്‍ കവല ഭാഗത്ത് തേക്കുംകാട്ടില്‍ വീട്ടില്‍ നിഖില്‍ കുര്യന്‍ തോമസ്(29) എന്നിവരെയാണ് ഗാന്ധിനഗര്‍ പൊലീസ് അറസ്റ്റ് ചെയ്തത്.ഏറ്റുമാനൂര്‍, ഗാന്ധിനഗര്‍ എന്നീ സ്ഥലങ്ങള്‍ കേന്ദ്രീകരിച്ചാണ് ഇരുവരും കഞ്ചാവ് കച്ചവടം നടത്തുന്നതെന്ന് പൊലീസ് വ്യക്തമാക്കി.

Continue Reading

Trending