Connect with us

GULF

ലോക രാജ്യങ്ങൾക്ക് മുൻപിൽ നഷ്ടപ്പെട്ട ഇന്ത്യയുടെ മതേതര മുഖം വീണ്ടെടുക്കാൻ “ഇന്ത്യ” മുന്നണിയെ വിജയിപ്പിക്കുക: അഡ്വ: ഫൈസൽ ബാബു

Published

on

ദമ്മാം: ലോക രാജ്യങ്ങൾക്ക് മുൻപിൽ നഷ്ട്ടപ്പെട്ട ഇന്ത്യയുടെ മതേതര പ്രതിഛായ വീണ്ടെടുക്കാനും ഫാസിസ്റ്റ് ഭരണത്തിൽ അടിച്ചമർത്തപ്പെടുന്ന ന്യൂനപക്ഷങ്ങളുടെ അവകാശങ്ങൾ സംരക്ഷിക്കപ്പെടാനും “ഇന്ത്യ” മുന്നണിയെ അധികാരത്തിലെത്തിക്കാൻ എല്ലാ ജനാധിപത്യ വിശ്വാസികളും മുന്നിട്ടിറങ്ങണമെന്ന് മുസ്ലിം യൂത്ത് ലീഗ് അഖിലേന്ത്യ ജനറൽ സെക്രട്ടറി അഡ്വ: ഫൈസൽ ബാബു ആഹ്വാനം ചെയ്തു.

കെഎംസിസി ദമ്മാം സെൻട്രൽ കമ്മിറ്റി ദമ്മാം പാരഗൺ ഓഡിറ്റോറിയത്തിൽ വെച്ചു സംഘടിപ്പിച്ച 3 മാസം നീണ്ടു നിൽക്കുന്ന ലോക് സഭാ ഇലക്ഷൻ കാമ്പയിനിന്റെ ഉൽഘാടന പൊതുയോഗത്തിൽ മുഖ്യ പ്രഭാഷണം നിർവ്വഹിച്ച. സംസാരിക്കുകയായിരുന്നു അദ്ദേഹം. ഇത്തവണത്തെ തെരഞ്ഞെടുപ്പിന്റെ പ്രത്യേകത, ഇനിയൊരു തെരെഞ്ഞെടുപ്പ് വേണോ എന്ന് തീരുമാനിക്കാനുള്ള തെരെഞ്ഞെടുപ്പാണിതെന്നുള്ളതാണ്.യൂ പി എ സഖ്യം പിരിച്ചു വിട്ട് “ഇന്ത്യ” സഖ്യം രൂപീകരിച്ചതോടെ ജനങ്ങൾ കൂടുതൽ ആവേശത്തിലും പ്രതീക്ഷയിലുമാണെന്ന് അദ്ദേഹം അഭിപ്രായപ്പെട്ടു.സെൻട്രൽ കമ്മിറ്റി പ്രസിഡന്റ് ഹമീദ് വടകര അധ്യക്ഷത വഹിച്ച പൊതുയോഗം കിഴക്കൻ പ്രവിശ്യാ കെഎംസിസി പ്രസിഡന്റ് മുഹമ്മദ് കുട്ടി കോഡൂർ ഉത്ഘാടനം ചെയ്തു.

41 വർഷക്കാലം പ്രവാസ ജീവിതം നയിച്ച് നാട്ടിലേക്ക് മടങ്ങുന്ന , കിഴക്കൻ പ്രവിശ്യയിൽ കെഎംസിസിയെ കെട്ടിപ്പടുക്കുന്നതിൽ മുഖ്യ പങ്കു വഹിച്ച, കെഎംസിസി യുടെ സ്ഥാപക നേതാക്കളിൽ ഒരാളായ സുലൈമാൻ കൂലേരി സാഹിബിനെ ചടങ്ങിൽ ആദരിച്ചു.

കെഎംസിസി ദമ്മാം സെൻട്രൽ കമ്മിറ്റി നടപ്പാക്കി വരുന്ന “കെഎംസിസി കെയർ” സാമൂഹ്യ സുരക്ഷ പദ്ധതി യിൽ അംഗമായിരിക്കെ മരണപ്പെട്ട തൃശൂർ ജില്ലയിൽ നിന്നുള്ള ഷമീറിന്റെ കുടുംബത്തിന് ഒരു ലക്ഷം രൂപയുടെ ചെക്ക് കെയർ കൺവീനർ മഹ്മൂദ് പൂക്കാട് കെഎംസിസി തൃശൂർ ജില്ലാ കമ്മിറ്റി പ്രസിഡന്റ് സഫീർ അച്ചുവിന് കൈമാറി.ഈ വർഷത്തെ റമളാൻ റിലീഫ് ക്യാമ്പയിനിന്റെ ബ്രോഷർ പ്രകാശനം അഡ്വ: ഫൈസൽ ബാബു നിർവ്വഹിച്ചു.കിഴക്കൻ പ്രവിശ്യ കെഎംസിസി ജനറൽ സെക്രട്ടറി സിദ്ധീഖ് പാണ്ടികശാല ,സൗദി നാഷണൽ കമ്മിറ്റി കലാ സാംസ്കാരിക വിഭാഗം ചെയർമാൻ മാലിക് മഖ്ബൂൽ,സെൻട്രൽ കമ്മിറ്റി ചെയർമാൻ ബഷീർ ബാഖവി, കുഞ്ഞി മുഹമ്മദ് കടവനാട് തുടങ്ങിയ നേതാക്കൾ സന്നിഹിതരായിരുന്നു.

അസ്‌ലം കൊളക്കോടൻ , ഫൈസൽ ഇരിക്കൂർ അഷ്‌റഫ്‌ ആളത്ത്, സൈനു കുമളി,സലാം മുയ്യം, അബ്ദുറഹ്മാൻ പൊന്മുണ്ടം, ഷിബിലി ആലിക്കൽ,സലാഹുദ്ധീൻ വേങ്ങര എന്നിവർ പരിപാടിക്ക് നേതൃത്വം നൽകി. അബ്ദുൽ മജീദ് ചുങ്കത്തറയുടെ ഖിറാഅത്തോടെ തുടങ്ങിയ പൊതുയോഗത്തിന് സെൻട്രൽ കമ്മിറ്റി ജനറൽ സെക്രട്ടറി മുജീബ് കൊളത്തൂർ സ്വാഗതവും മഹ്മൂദ് പൂക്കാട് നന്ദിയും പറഞ്ഞു.

GULF

വടകര സ്വദേശിയായ യുവാവ് ദുബായിൽ മരിച്ചു

Published

on

വടകര മണിയൂർ സ്വദേശി ദുബായിൽ മരിച്ചു. വിസിറ്റിം​ഗ് വിസയിൽ എത്തിയ മീത്തലെ തടത്തിൽ ഫൈസൽ ആണ് ബർ ദുബായിൽ മരണപ്പെട്ടത്. അവിവാഹിതനാണ്. 35 വയസായിരുന്നു.

പിതാവ് പരേതനായ അഹമ്മദ് ഹാജി. മാതാവ് ആയിഷ.സഹോദരങ്ങൾ: കാദർ, റുഖിയ, ഫൗസിയ

Continue Reading

GULF

പറക്കാൻ ശ്രമിക്കെ ദമ്മാമിൽ വിമാനത്തിന് തീ പിടിച്ചു

Published

on

അശ്‌റഫ് ആളത്ത്

ദമ്മാം: സഊദി അറേബ്യയിലെ ദമ്മാമിൽ വിമാനത്തിൽ അഗ്നി ബാധ.
ആളപായമില്ല.ദമ്മാമിലെ കിംഗ് ഫഹദ് ഇൻ്റർനാഷണൽ എയർപോർട്ടിൽ നിന്ന് ഈജിപ്തിലെ കെയ്‌റോയിലേക്ക് പോവുകയായിരുന്ന നൈൽ എയർ വിമാനമാണ് അപകടത്തിൽ പെട്ടത്. ഇന്ന് പുലർച്ചെ പ്രാദേശിക സമയം 02:15 നായിരുന്നു അപകടം.പറന്നുയരാൻ ശ്രമിക്കുന്നതിനിടെ വിമാനത്തിൻ്റെ വീൽ സിസ്റ്റത്തിൽ അഗ്നി പടരുകയായിരുന്നു.റൺവേ 34L-ൽ നിന്ന് ടേക്ക്ഓഫിന് വേഗത വർദ്ധിപ്പിക്കുമ്പോൾ വീൽ സിസ്റ്റത്തിൽ തീയാളുകളായിരുന്നു.തുടർന്ന് ടേക്ക് ഓഫ് റദ്ദാക്കുകയും ലൈഫ് റാഫ്റ്റുകൾ ഉപയോഗിച്ച് സ്ലൈഡുകളിലൂടെ യാത്രക്കാരെ ഒഴിപ്പിക്കുകയും ചെയ്തു.
ഈജിപ്തിൽ നിന്നുള്ള എൻഐഎ 232 വിമാനത്തിൽ 186 യാത്രക്കാരും 8 ജീവനക്കാരും ഉൾപ്പടെ 194 ആളുകളാണ് ഉണ്ടായിരുന്നത്.യാത്രക്കാരെല്ലാം സുരക്ഷിതരാണെന്നും അപകടം അറിഞ്‌ കുതിച്ചെത്തിയ വിമാനത്താവളത്തിലെ സുരക്ഷാ സേന നൊടിയിടകൊണ്ട് വലിയൊരു ദുരന്തത്തിൽ നിന്നാണ് യാത്രക്കാരെ രക്ഷിച്ചതെന്നും എയർപോർട്ട് അധികൃതർ വെക്തമാക്കി.

അപകടം വിമാനത്താവളത്തിൻറെ പ്രവർത്തനങ്ങളെ ഒരു നിലക്കും ബാധിച്ചിട്ടില്ലെന്നും ഗതാഗതവും ചരക്ക് നീക്കവും വിമാനത്താവളത്തിൽ പതിവ് പോലെ പ്രവർത്തിക്കുന്നുണ്ടെന്നും വക്താക്കൾ പ്രസ്താവനയിൽ പറഞ്ഞു.
അഗ്നിബാധയെക്കുറിച്ച് പഠിക്കുന്നതിനും കാരണങ്ങൾ നിർണ്ണയിക്കുന്നതിനുംവേണ്ടി നാഷണൽ ട്രാൻസ്‌പോർട്ടേഷൻ സേഫ്റ്റി സെൻ്ററിൻറെ നേത്യുത്വത്തിൽ പ്രത്യേകം അന്യോഷണ സംഘത്തെ രുപീകരിച്ചതായും അധികൃതർ അറിയിച്ചു.
അപകടം ഈജിപ്ഷ്യൻ നൈൽ എയർ കമ്പനിയും സ്ഥിരീകരിച്ചു.
സംഭവത്തെക്കുറിച്ചുള്ള അന്വേഷണവുമായി ബന്ധപ്പെട്ട എല്ലാ അധികാരികളുമായും പൂർണമായി സഹകരിക്കുന്നുണ്ടെന്നും യാത്രക്കാർക്ക് ആവശ്യമായ പരിചരണം നൽകുകയും അവർക്ക് താമസിക്കാൻ ബദൽ ഫ്ലൈറ്റുകളും ഹോട്ടലുകളും ഏർപ്പാട് ചെയ്തതായും ഈജിപ്ഷ്യൻ നൈൽ എയർ കമ്പനി വാർത്താ കുറിപ്പിൽ അറിയിച്ചു.അവരുടെ തുടർ യാത്രയും സുരക്ഷയും തങ്ങളുടെ ഉത്തരവാദിത്തത്തിലാണെന്നും നൈൽ എയർ കൂട്ടിച്ചേർത്തു.

Continue Reading

GULF

ശൈഖ് ഹംദാനും ശൈഖ് അബ്ദുല്ലയും യു.എ.ഇ ഉപപ്രധാനമന്ത്രിമാർ

യു.എ.ഇ മന്ത്രിസഭയിലെ വിവിധ വകുപ്പുകളും പുനഃസംഘടിപ്പിച്ചു

Published

on

ദുബൈ: ദുബൈ കിരീടാവകാശി ശൈഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം യു.എ.ഇയുടെ പുതിയ ഉപ പ്രധാനമന്ത്രിയായി നിയമിതനായി. യു.എ.ഇ വിദേശ കാര്യ മന്ത്രി ശൈഖ് അബ്ദുല്ല ബിന്‍ സായിദ് അല്‍ നഹ്യാനും പുതിയ ഉപ പ്രധാനമന്ത്രിയായി നിയമിക്കപ്പെട്ടു. യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമാണ് ഫെഡറല്‍ ഗവണ്‍മെന്റില്‍ വ്യാപകമായ മാറ്റങ്ങള്‍ വരുത്തിയത് പ്രഖ്യാപിച്ചത്.

യു.എ.ഇ മന്ത്രിസഭയിലെ വിവിധ വകുപ്പുകളും പുനഃസംഘടിപ്പിച്ചു. വിദ്യാഭ്യാസം, മാനവ വിഭവശേഷി, കമ്യൂണിറ്റി ക്ഷേമം എന്നീ വകുപ്പുകളാണ് പുനഃസംഘടിപ്പിച്ചത്. സ്‌കൂൾ വിദ്യാഭ്യാസം യു.എ.ഇ ഫെഡറൽ വിദ്യാഭ്യാസ വകുപ്പിനു കീഴിലേക്ക് മാറ്റി. സാറ അൽ അമീരിയെ വിദ്യാഭ്യാസ മന്ത്രിയായി നിയമിച്ചു. മാനവ വിഭവശേഷി മന്ത്രി അബ്ദുർറഹ്‌മാൻ അൽ അവാറിനെ ശാസ്ത്രീയ ഗവേഷണങ്ങൾക്കുള്ള ഉന്നത പഠന വകുപ്പിന്റെ ആക്ടിങ് മിനിസ്റ്റർ കൂടിയായി നിയമിച്ചു.

Continue Reading

Trending