Connect with us

Video Stories

നാലാമത് അജ്യാല്‍ യൂത്ത് ഫിലിം ഫെസ്റ്റിവലിന് ഇന്ന് തുടക്കം

Published

on

ദോഹ: നാലാമത് അജ്യാല്‍ യൂത്ത് ഫിലിം ഫെസ്റ്റിവലിന് ഇന്ന് കത്താറയില്‍ തുടക്കം. കസാക്കിയന്‍ ചിത്രമായ ദി ഈഗ്ള്‍ ഹണ്‍ട്രസാണ് അജ്യാലിന്റെ ഉദ്ഘാടന ചിത്രം. ഉദ്ഘാടന പരിപാടിയില്‍ ദി ഈഗ്ള്‍ ഹണ്‍ട്രസിന്റെ സംവിധായകന്‍ ഓട്ടോ ബെല്‍, അഭിനേത്രി ഐശോല്‍പാന്‍ നുര്‍ഗൈവ് എന്നിവര്‍ പങ്കെടുക്കും. ലോകത്തിലെ വിവിധ രാജ്യങ്ങളില്‍ നിന്നുള്ള 550ലേറെ അജ്യാല്‍ ജുറൂര്‍ അംഗങ്ങള്‍ ആറു ദിവസങ്ങളിലായി നടക്കുന്ന ചലച്ചിത്ര മേളയിലെ സിനിമകള്‍ വിലയിരുത്തും. മൊഹാഖ്, ഹിലാല്‍, ബദര്‍ എന്നീ മൂന്ന് വിഭാഗങ്ങളിലാണ് അജ്യാല്‍ ജുറികള്‍ സിനിമകള്‍ കാണുക.
ലോകത്തിന് ഗുണാത്മകമായ സന്ദേശങ്ങള്‍ കൈമാറുന്ന സിനിമകളാണ് ഈ വര്‍ഷത്തെ അജ്യാല്‍ യൂത്ത് ഫിലിം ഫെസ്റ്റിവലിലേക്ക് തെരഞ്ഞെടുത്തത്. ലോകത്തിലെ 33 രാജ്യങ്ങളില്‍ നിന്നായി 24 ഫീച്ചര്‍ സിനിമകളും 46 ഷോര്‍ട്ട് നെറേറ്റീവ്/ ഡോക്യുമെന്ററികളുമാണ് ഈ വര്‍ഷം പ്രദര്‍ശിപ്പിക്കുന്നത്. അജ്യാലില്‍ 42 പൊതു സ്‌ക്രീനിംഗുകളും 18 ജൂറി സ്‌ക്രീനിംഗുകളും നടക്കുന്നതിന് പുറമേ ഇന്ററാക്ടീവ് പാനലുകളും മാസ്റ്റര്‍ ക്ലാസ്, റെഡ് കാര്‍പറ്റ്, വിവിധ പ്രദര്‍ശനങ്ങള്‍, ഫാമിലി ഗെയിമുകള്‍ തുടങ്ങിയവയും അരങ്ങേറും.
ലോകം അഭിമുഖീകരിക്കുന്ന പ്രയാസങ്ങള്‍ക്കിടയിലും നടക്കുന്ന വനിതാ ശാക്തീകരണം, ഇഷ്ടപ്പെട്ടവരുടെ നഷ്ടം, സാമ്പത്തിക പരാശ്രയത്വം, വിഭജനവും പ്രതിദിന പ്രയാസങ്ങളും എന്നിവയോടൊപ്പം കാത്തുവെക്കുന്ന പ്രതീക്ഷകളാണ് അജ്യാലിലെ സിനിമകള്‍ പ്രതിഫലിപ്പിക്കുക. ഫിലിം ഫെസ്റ്റിവലില്‍ അജ്യാല്‍ ടോക്‌സിന്റെ നേതൃത്വത്തില്‍ യുവാക്കള്‍ക്ക് ഗുണാത്മക ചിന്തകള്‍ സമ്മാനിക്കുന്നവരുമായി വിവിധ ചര്‍ച്ചകള്‍ സംഘടിപ്പിക്കും. സിറിയന്‍ അഭയാര്‍ഥികളുമായി ബന്ധപ്പെട്ട് പ്രവര്‍ത്തിക്കുന്ന ഐക്യരാഷ്ട്ര സഭയുടെ ഹൈക്കമ്മീഷന്‍ ഫോര്‍ റഫ്യൂജിസ്, അല്‍ജസീറ പ്ലസ്, അല്‍ജസീറ ഓണ്‍ലൈന്‍ ന്യൂസ് ആന്റ് കറന്റ് അഫയേഴ്‌സ് ചാനല്‍ എന്നിവയുടെ ഒമര്‍ ഹുസൈന്‍, ഫിലാഡല്‍ഫിയ ടെംപിള്‍ യൂണിവേഴ്‌സിറ്റിയിലെ സോഷ്യല്‍ ആന്റ് ബിഹാവേറിയല്‍ സയന്‍സസ് ടീച്ചിംഗ് അസിസ്റ്റന്റും ഡോക്ടറല്‍ വിദ്യാര്‍ഥിയുമായ മുഹമ്മദ് അല്‍ ഹജ്ജി, യുണൈറ്റഡ് നാഷന്‍സ് ഹൈക്കമ്മീഷന്‍ ഫോര്‍ റഫ്യൂജീസ് ഗള്‍ഫ് കോ ഓപറേഷന്‍ കൗണ്‍സില്‍ മേഖലാ പ്രതിനിധി ഖാലിദ് ഖലീഫ എന്നിവരാണ് അജ്യാല്‍ ടോക്‌സില്‍ പങ്കെടുക്കുക. അജ്യാല്‍ ടോക്‌സില്‍ പൊതുജനങ്ങള്‍ക്ക് പ്രവേശനമുണ്ടായിരിക്കും.
അജ്യാല്‍ ടോക്‌സിന്റെ ആദ്യ പ്രഭാഷണം നാളെ വൈകിട്ട് ഏഴരയ്ക്ക് കത്താറ ഒപേറ ഹൗസില്‍ നടക്കും. വെന്‍ വണ്‍ തൗസന്റ് ഗ്രേറ്റര്‍ ദാന്‍ വണ്‍ മില്ല്യന്‍ എന്ന വിഷയത്തില്‍ ഒമര്‍ ഹുസൈന്‍ പ്രഭാഷണം നടത്തും.
ഡിസംബര്‍ രണ്ടിന് വൈകിട്ട് ആറ് മണിക്ക് കത്താറ ഡ്രാമാ തിയേറ്ററില്‍ നടക്കുന്ന അജ്യാല്‍ ടോക്‌സില്‍ വാട്ട് ഐ ലേര്‍ണ്ഡ് ഇന്‍ മൈ ട്വന്റീസ് എന്ന വിഷയത്തില്‍ മുഹമ്മദ് അല്‍ ഹജ്ജിയും ഡിസംബര്‍ നാലിന് വൈകിട്ട് ഏഴ് മണിക്ക് കത്താറ ഒപേറ ഹൗസില്‍ വൈ റെഫ്യൂജീസ് മാറ്റര്‍ എന്ന വിഷയത്തില്‍ ഖാലിദ് ഖലീഫയും പ്രഭാഷണം നടത്തും. നാലാം തിയ്യതി അജ്യാല്‍ ടോക്‌സിന് ശേഷം ബോണ്‍ ഇന്‍ സിറിയ എന്ന ചലച്ചിത്രത്തിന്റെ പ്രത്യേക പ്രദര്‍ശനം അരങ്ങേറും.

Continue Reading
Advertisement
Click to comment

Leave a Reply

Your email address will not be published. Required fields are marked *

crime

84000 രൂപ കൈക്കൂലിയുമായി പിടിയിലായപ്പോള്‍ പൊട്ടിക്കരഞ്ഞ എഞ്ചിനീയറുടെ വീട്ടില്‍ 4 കിലോ സ്വര്‍ണവും 65 ലക്ഷം രൂപയും

തെലങ്കാന ട്രൈബല്‍ വെല്‍ഫെയര്‍ എന്‍ജീനിയറിംഗ് ഡിപ്പാര്‍ട്ട്‌മെന്റിലെ എക്‌സിക്യൂട്ടീവ് എന്‍ജീനിയറായ കെ. ജഗ ജ്യോതിയെയാണ് 84000 രൂപ കൈക്കൂലി വാങ്ങുന്നതിനിടെ പിടികൂടിയത്.

Published

on

കൈക്കൂലി വാങ്ങുന്നതിനിടെ സര്‍ക്കാരുദ്യോഗസ്ഥയെ ആന്റി കറപ്ക്ഷന്‍ ബ്യൂറോ കൈയ്യോടെ പിടികൂടി. തെലങ്കാനയിലാണ് സംഭവം നടന്നത്. തെലങ്കാന ട്രൈബല്‍ വെല്‍ഫെയര്‍ എന്‍ജീനിയറിംഗ് ഡിപ്പാര്‍ട്ട്‌മെന്റിലെ എക്‌സിക്യൂട്ടീവ് എന്‍ജീനിയറായ കെ. ജഗ ജ്യോതിയെയാണ് 84000 രൂപ കൈക്കൂലി വാങ്ങുന്നതിനിടെ പിടികൂടിയത്.

ജഗ ജ്യോതി കൈക്കൂലി ആവശ്യപ്പെട്ടുവെന്ന പരാതിയുമായി ഒരാള്‍ ആന്റി കറപ്ക്ഷന് ബ്യൂറോയെ സമീപിച്ചിരുന്നു. ഇതേത്തുടര്‍ന്ന് നടത്തിയ ഓപ്പറേഷനിലാണ് ഇവരെ കൈയ്യോടെ പിടികൂടിയത്.

ഇവരുടെ വീട്ടിലും പൊലീസ്‌ പരിശോധന നടത്തിയിരുന്നു. ഈ പരിശോധനയില്‍ 65 ലക്ഷം രൂപയും 4 കിലോ സ്വര്‍ണ്ണവും കണ്ടെത്തി. രണ്ട് കോടിയിലധികം മൂല്യം വരും ഇവയ്ക്ക്. നിയമവിരുദ്ധമായാണ് ഇവര്‍ ഇത്രയധികം സ്വത്ത് സമ്പാദിച്ചതെന്നും പൊലീസ്‌
പറഞ്ഞു.

ഫിനോഫ്തലീന്‍ ലായനി പരിശോധനയിലൂടെയാണ് ജഗ ജ്യോതി കുറ്റക്കാരിയാണെന്ന് കണ്ടെത്തിയത്. കെ. ജഗ ജ്യോതി അനര്‍ഹമായ പണം നേടാന്‍ ഔദ്യോഗിക പദവിയിലിരുന്ന് സത്യസന്ധതയില്ലാതെ പ്രവര്‍ത്തിച്ചുവെന്നും ആന്റി കറപ്ക്ഷന്‍ ബ്യൂറോ പറഞ്ഞു.

Continue Reading

india

പുഴയിൽ മീൻ പിടിക്കുന്നതിനിടെ യുവാവിന്റെ കാൽ കടിച്ചെടുത്ത് സ്രാവ്; രക്തം വാർന്ന് കുഴഞ്ഞുവീണു

പാല്‍ഘര്‍ ജില്ലയിലാണ് സംഭവം.

Published

on

മഹാരാഷ്ട്രയില്‍ ഉള്‍ക്കടലില്‍ മീന്‍ പിടിക്കുന്നതിനിടെ മത്സ്യത്തൊഴിലാളിക്ക് നേരെ സ്രാവിന്റെ ആക്രമണം. ചുറ്റും വട്ടമിട്ട് കറങ്ങിയ സ്രാവ് മത്സ്യത്തൊഴിലാളിയുടെ ഇടതുകാല് കടിച്ചെടുത്തു. രക്തസ്രാവത്തെ തുടര്‍ന്ന് അബോധാവസ്ഥയിലായ യുവാവിനെ ആശുപത്രിയില്‍ പ്രവേശിപ്പിച്ചു.

പാല്‍ഘര്‍ ജില്ലയിലാണ് സംഭവം. വിക്കി ഗൗരിയാണ് സ്രാവിന്റെ ആക്രമണത്തിന് ഇരയായത്. മറ്റു മത്സ്യത്തൊഴിലാളികള്‍ക്കൊപ്പം മീന്‍ പിടിക്കുന്നതിനിടെയാണ് അപ്രതീക്ഷിതമായി സ്രാവ് യുവാവിനെ ആക്രമിച്ചത്. സ്രാവിന്റെ ആക്രമണത്തില്‍ നിന്ന് ജീവന്‍ തിരിച്ചുകിട്ടിയെങ്കിലും ഇടതുകാലില്‍ മുട്ടിന് താഴെയാണ് വിക്കിക്ക് നഷ്ടമായത്.

രക്തം വാര്‍ന്നൊഴുകിയതിനെ തുടര്‍ന്ന് അബോധാവസ്ഥയിലായ വിക്കിയെ ഉടന്‍ തന്നെ ആശുപത്രിയില്‍ പ്രവേശിപ്പിച്ചു. സംഭവത്തിന് പിന്നാലെ നാട്ടുകാര്‍ പ്രദേശത്ത് തടിച്ചുകൂടി. സ്രാവിന്റെ ആക്രമണം നാട്ടുകാര്‍ക്ക് ഇടയില്‍ പരിഭ്രാന്തി പരത്തിയിരിക്കുകയാണ്. സ്രാവിനെ മത്സ്യത്തൊഴിലാളികള്‍ പിടികൂടി. ഇതിന്റെ ദൃശ്യങ്ങള്‍ പുറത്തുവന്നിട്ടുണ്ട്. പ്രദേശത്ത് കൂടുതല്‍ സ്രാവുകള്‍ ഉണ്ടോ എന്ന ആശങ്കയിലാണ് മത്സ്യത്തൊഴിലാളികള്‍.

Continue Reading

Health

മലപ്പുറം ജില്ലയില്‍ മഞ്ഞപ്പിത്ത ബാധിതരുടെ എണ്ണം വര്‍ധിക്കുന്നു

ആരോഗ്യ വകുപ്പിന്റെ കണക്കുപ്രകാരം പത്ത് ദിവസത്തിനിടെ 50 പേര്‍ക്ക് ഹെപ്പറ്റൈറ്റിസ് എ-യും അഞ്ചുപേര്‍ക്ക് ഹെപ്പറ്റൈറ്റിസ് ബി-യും സ്ഥിരീകരിച്ചു.

Published

on

ജില്ലയില്‍ മഞ്ഞപ്പിത്ത ബാധിതരുടെ എണ്ണം വലിയതോതില്‍ ഉയരുന്നു. ആരോഗ്യ വകുപ്പിന്റെ കണക്കുപ്രകാരം പത്ത് ദിവസത്തിനിടെ 50 പേര്‍ക്ക് ഹെപ്പറ്റൈറ്റിസ് എ-യും അഞ്ചുപേര്‍ക്ക് ഹെപ്പറ്റൈറ്റിസ് ബി-യും സ്ഥിരീകരിച്ചു. ഇതിനേക്കാള്‍ കേസുകള്‍ റിപ്പോര്‍ട്ട് ചെയ്യുന്നുണ്ടെന്നതാണ് യാഥാര്‍ത്ഥ്യം.

ഇക്കാലയളവില്‍ കരിപ്പൂര്‍ വിമാനത്താവളത്തില്‍ മാത്രം അമ്പതോളം ജീവനക്കാര്‍ക്ക് മഞ്ഞപ്പിത്തം ബാധിച്ചിട്ടുണ്ട്. കൊണ്ടോട്ടി, പള്ളിക്കല്‍ ബസാര്‍ ഭാഗങ്ങളില്‍ ക്വാര്‍ട്ടേഴ്‌സുകളില്‍ താമസിക്കുന്നവര്‍ക്കാണ് കൂട്ടത്തോടെ രോഗം സ്ഥിരീകരിച്ചത്. കൊണ്ടോട്ടി മുനിസിപ്പിലാറ്റിയിലും പരിസര പ്രദേശങ്ങളിലും നൂറിലധികം പേര്‍ രോഗലക്ഷണങ്ങളോടെ ചികിത്സ തേടിയിട്ടുണ്ട്.

ആരോഗ്യ വകുപ്പിന്റെ ടീമുകള്‍ രണ്ടുദിവസമായി ഇവിടം കേന്ദ്രീകരിച്ച് പരിശോധനയും ബോധവത്കരണ പ്രവര്‍ത്തനങ്ങളുമായി രംഗത്തുണ്ട്. കിണറുകളില്‍ സെപ്റ്റിക് മാലിന്യം കലര്‍ന്നതാണ് മഞ്ഞപ്പിത്തം കൂടാന്‍ കാരണം. കിണറുകളില്‍ ജലവിതാനം കുറഞ്ഞതോടെ ചെരിഞ്ഞ പ്രദേശങ്ങളില്‍ നിന്ന് സെപ്റ്റിക് മാലിന്യങ്ങള്‍ താഴേക്ക് ഊര്‍ന്നിറങ്ങിറങ്ങിയതാണ് രോഗവ്യാപനത്തിന് വഴിവച്ചതെന്നാണ് ആരോഗ്യ വകുപ്പിന്റെ നിഗമനം. ആശ പ്രവര്‍ത്തകരുടെ സഹായത്തോടെ രോഗബാധിത പ്രദേശങ്ങളിലെ ജലസ്രോതസുകളില്‍ സൂപ്പര്‍ ക്ലോറിനേഷന്‍ നടത്തുന്നുണ്ട്.

മടിക്കല്ലേ ചികിത്സയ്ക്ക്

രോഗലക്ഷണങ്ങള്‍ കണ്ടാല്‍ സ്വയം ചികിത്സ ഒഴിവാക്കി വേഗത്തില്‍ വൈദ്യസഹായം തേടാനും ഒറ്റമൂലി ചികിത്സകള്‍ ഒഴിവാക്കാനും ആരോഗ്യവകുപ്പ് മുന്നറിയിപ്പേകുന്നുണ്ട്. മലിന ജലത്തിലൂടെയും ഭക്ഷണത്തിലൂടെയും പകരുന്ന വൈറല്‍ രോഗമാണ് മഞ്ഞപ്പിത്തം. കിണറിലെ വെള്ളം മലിനമാകുമ്പോള്‍ അതു വഴിയും മലിന ജലത്തിലൂടെയും ഭക്ഷണത്തിലൂടെയും വിവാഹം,? സത്കാര വേളകളിലും മറ്റും ഉപയോഗിക്കുന്ന കൊമേഴ്‌സ്യല്‍ ഐസിലൂടെയും സെപ്റ്റിക് ടാങ്കുകളിലെ ചോര്‍ച്ച മുഖേനയുമാണ് മഞ്ഞപ്പിത്തം പ്രധാനമായും പടരുന്നത്.

ഈ ലക്ഷണങ്ങള്‍ ശ്രദ്ധിക്കണം

പനിയും വിശപ്പില്ലായ്മയും ഓക്കാനവും ഛര്‍ദിയും ശക്തമായ ക്ഷീണവും ദഹനക്കേടും കണ്ണും നഖങ്ങളും മഞ്ഞനിറത്തിലാകുന്നതും മഞ്ഞപ്പിത്തത്തിന്റെ മുഖ്യലക്ഷണങ്ങളാണ്.
രക്ത പരിശോധനയിലൂടെ മാത്രമേ രോഗനിര്‍ണയം പൂര്‍ണമായി സ്ഥിരീകരിക്കാനാവൂ.
സാധാരണഗതിയില്‍ രോഗാണു ശരീരത്തിലെത്തി രണ്ടാഴ്ചയോളം കഴിഞ്ഞാണ് രോഗമുണ്ടാകുന്നതെങ്കിലും ചിലപ്പോള്‍ ഇത് ഒരാഴ്ച മുതല്‍ മൂന്നാഴ്ച വരെയാവാം.
കിണറുകളില്‍ സൂപ്പര്‍ ക്ലോറിനേഷന്‍ വേഗത്തിലാക്കിയിട്ടുണ്ട്. ഹോട്ടലുകളില്‍ പരിശോധന ശക്തമാക്കി. രോഗ വ്യാപനത്തിന് വഴിയൊരുക്കിയാല്‍ ശക്തമായ നടപടിയെടുക്കും. ചൂട് കനത്തതോടെ ചുടുവെള്ളത്തിന് പകരം പച്ചവെള്ളം കുടിക്കുന്ന ശീലം വര്‍ദ്ധിച്ചത് രോഗവ്യാപനത്തിന് കാരണമായിട്ടുണ്ട്.

 

Continue Reading

Trending